II. NAFARROAKO TOKI ADMINISTRAZIOA
2.2. AGINTARIAK ETA LANGILEAK
2.2.1. Kargu-uzteak, izendapenak eta bestelako egoerak
ZIZUR NAGUSIA
Alkatea ordeztea
Zizur Nagusiko Alkatetzak 2009ko otsailaren 20an eman 94/2009 Dekretuaren bidez, honako hau erabaki da:
Aurtengo otsailaren 24an eta 25ean, egun osoan, eta 26an, arratsaldeko 15:00ak arte, kanpoan egonen naizenez.
Legeak ezartzen duenez, alkaterik ez denean -kanpoan izateagatik, adibidez- alkateordeei dagokie alkatearen eginkizun guztiak betetzea, izendapen ordenaren arabera. Hala ere, alkateordeak ezin izanen ditu eginkizun horiek bereganatu, baldin eta alkateak ez baditu espresuki bere esku uzten dekretu baten bidez; dekretu horrek ezarriko du eskuordetzea zer gaitarako den aurtengo otsailaren 24tik hil bereko 26ko arratsaldeko hirurak arte; betiere, Nafarroako Aldizkari Ofizialean argitaratu beharko da.
Ebatzi dut:
1. Lourdes Liras Garriz lehen alkateordearen esku uztea alkatearen eginkizunak 2009ko otsailaren 24tik 26ko arratsaldeko hirurak arte.
2. Ebazpen hau Nafarroako Aldizkari Ofizialean argitaratzea.
Zizur Nagusian, 2009ko otsailaren 20an.-Alkate udalburua, Pedro Huarte Iribarren.
Iragarkiaren kodea: L0910748