Iragarkia

39. ALDIZKARIA - 2009ko apirilaren 1a

I. NAFARROAKO FORU KOMUNITATEA

1.3. BESTELAKO XEDAPENAK

1.3.5. Estatutuak eta lan hitzarmen kolektiboak

197/2009 EBAZPENA, otsailaren 9koa, Arriskuen Prebentziorako eta Lanaren zuzendari nagusiak emana, "Navser, S.L." enpresaren lan hitzarmen kolektiboaren soldaten berrikuspenari buruzko akordioa erregistratu, gorde eta Nafarroako Aldizkari Ofizialean argitaratzea erabakitzen duena (espediente zenbakia: 6/2009).

Departamentu honetan 2009ko otsailaren 5ean sartu zen ''Navser, S.L." enpresaren lan hitzarmen kolektiboaren 2009ko soldaten berrikuspenari buruzko akordioa, negoziazio batzordeak hitzarmen hartan xedaturikoa betez sinatu eta onetsia (hasierako espedientearen zenbakia: 72/2008).

Estatuaren lan arloko eginkizunak Nafarroako Foru Komunitateari eskualdatzeko apirilaren 11ko 937/1986 Errege Dekretuan ezarritakoari jarraikiz, Berrikuntza, Enpresa eta Enplegu Departamentuak du lan hitzarmen kolektiboak erregistratu, gorde eta argitaratzeko eskumena. Eginkizun horiek martxoaren 24ko 1/1995 Legegintzako Errege Dekretuaren 90. artikuluan ezarrita daude. Horiek horrela, kontuan hartu da Lan hitzarmen kolektiboen erregistro eta gordailuei buruzko maiatzaren 22ko 1040/1981 Errege Dekretuan ezarritakoa.

Adierazitakoarekin bat eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluak ematen dizkidan eskudantziak erabiliz,

EBATZI DUT:

1. Azagrako "Navser, S.L." enpresaren (kode zenbakia: 3108432) lan hitzarmen kolektiboaren soldaten berrikuspenari buruzko akordioa erregistratzea, Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestaturik dagoen liburuan, eta bertako administrazio unitatean testua eta dokumentazioa gordetzea.

2. Ebazpen hau negoziazio batzordeari jakinaraztea, eta adieraztea ebazpenak ez diola administrazio bideari bukaera ematen eta haren aurka gora jotzeko errekurtsoa jartzen ahal dela, Berrikuntza, Enpresa eta Enplegu Departamentuko kontseilariari zuzendua, jakinarazi eta biharamunetik hilabeteko epean.

3. Ebazpen hau Nafarroako Aldizkari Ofizialean argitaratzea, orok jakin dezan.

Iruñean, 2009ko otsailaren 9an.-Arriskuen Prebentziorako eta Lanaren zuzendari nagusia, Imelda Lorea Echavarren.

SOLDATEN BERRISKUSPENARI BURUZKO AKORDIOA

Azagrako (Nafarroa) Navser, S.L. enpresaren lokaletan bildu ziren, 2009ko urtarrilaren 23an, 13:00etan, enpresaren zuzendaritzako eta langileen ordezkari hauek:

Zuzendaritzaren aldetik: Sara Virto Muro.

Langileen aldetik: Teodoro Jiménez Arrendó, Vitori Pastor Cuesta (UGTko aholkularia) eta Daniel Pérez de Gálvez (UGTko aholkularia).

Bi aldeek gaitasuna aitortu diote elkarri eta honako hau erabaki dute:

1. Navser, S.L. enpresaren lan hitzarmen kolektiboaren 2009ko lansarien taula onetsi eta sinatzea.

2. Enpresako zuzendaritzaren legezko ordezkaritzari ahalmena ematea beharrezko kudeaketak egin ditzan, lansarien taula dagokion bulego publikoan erregistratzeko eta Nafarroako Aldizkari Ofizialean argitaratzeko.

Eta adostasuna adierazteko, goian adierazitako tokian eta egunean sinatu dute.

Langileen aldetik: Teodoro Jiménez Arrendó, Vitori Pastor Cuesta (UGTko aholkularia) eta Daniel Pérez de Gálvez (UGTko aholkularia).

Zuzendaritzaren aldetik: Sara Virto Muro (Navser, S.L.).

Urteko soldata = hileko soldata x 15 (12 hilekoak + uztaileko paga + abenduko paga + iraute paga)

B) Garbiketa:

Soldata globalaren orduan, atseden, jaiegun, opor eta aparteko pagen zati proportzionalak sartzen dira.

Iragarkiaren kodea: F0910302