I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
165/2009 EBAZPENA, otsailaren 2koa, Hezkuntza Departamentuko Giza Baliabideen Zerbitzuko zuzendariak emana, Hezkuntza Departamentuko Giza Baliabideen Zerbitzuko zuzendariak irailaren 3an emandako 2318/2008 Ebazpena aldatzen duena, María Carmen Segura Urra eta Rosa María Fontal Reglero praktiketako funtzionario izendatu eta Bigarren Hezkuntzako irakasleen Kidegora sartzeko deialditik aukeratutako izangaiak direnez praktikak egiteko destinoa esleitzeko, betiere Nafarroako Foru Komunitateko Administrazioaren zerbitzura. Halaber, María Pilar de Los Arcos Velázquez eta María Rosa Santamaría Santos praktiketako funtzionario izendatzea indarrik gabe uzten du.
Giza Baliabideen Zerbitzuko zuzendariak abenduaren 28an eman 2752/2007 Ebazpenaren bitartez, Nafarroako Foru Komunitateko Administrazioaren zerbitzuko Bigarren Hezkuntzako Irakasleen Kidegoan sartu eta bertara igotzeko eta Lanbide Heziketako Irakasle Teknikoen eta Hizkuntza Eskola Ofizialetako Irakasleen Kidegoetan sartzeko deialdia onetsi zen (2008ko 13. Nafarroako Aldizkari Ofiziala, urtarrilaren 28koa).
Giza Baliabideen Zerbitzuko zuzendariaren uztailaren 29ko 1983/2008 Ebazpenaren bidez, deialdi horretako prozesua gainditu zuten izangaien zerrendak onetsi ziren, kidego, espezialitate eta hizkuntzaren arabera (2008ko 97. Nafarroako Aldizkari Ofiziala, abuztuaren 8koa).
Deialdiko hamairgarren oinarrian ezarritakoarekin bat, praktikak egitetik salbuetsirik ez dauden hautatutako izangaiak praktiketako funtzionario izendatu ziren, eta destinoa eman zitzaien haiek egiteko zerbitzuaren beharren arabera, eskuratutako kidego, espezialitate eta hizkuntzaren lanpostu hutsetan.
Hezkuntza Departamentuko Giza Baliabideen Zerbitzuko zuzendariaren irailaren 3ko 2318/2008 Ebazpenaren bidez, hautatu diren izangaiak praktiketako funtzionario izendatu eta praktikaldia egiteko destinoa esleitzen zaie; horrez gain, Giza Baliabideen Zerbitzuko zuzendariak abenduaren 28an emandako 2752/2007 Ebazpenaren bidez deitu zen hautapen prozedurari uko egin dioten izangaien zerrenda ere onetsi zen.
Lehendakaritza, Justizia eta Barne kontseilariak azaroaren 3an emandako 437/2008 Foru Aginduaren bitartez, María Carmen Segura Urra andreak Hezkuntza Departamentuko Giza Baliabideen Zerbitzuko zuzendariak ekainaren 25ean emandako 1510/2008 Ebazpenaren aurka jarritako gora jotzeko errekurtsoa baietsi egin da.
Hezkuntza Departamentuko Giza Baliabideen Zerbitzuko zuzendariak abenduaren 4an emandako 3322/2008 Ebazpenaren bitartez (abenduaren 18ko 3379/2008 eta urtarrilaren 23ko 121/2009 ebazpenen bidez aldatua), Lehendakaritza, Justizia eta Barne kontseilariak azaroaren 3an emandako 437/2008 Foru Agindua betearazi da, María Carmen Segura Urra andrea Bigarren Hezkuntzako irakasleen Kidegoan sartzeko oposizio-lehiaketa gainditu duen izangai bezala aitortzeko, gaztelaniazko psikologia eta pedagogiako espezialitatean, txanda irekian, eta María Pilar De Los Arcos Velázquez Bigarren Hezkuntzako irakasleen Kidegoan sartzeko oposizio-lehiaketa gainditu dutenen zerrendatik kanpo utzita, gaztelaniazko psikologia eta pedagogiako espezialitatean, txanda irekian.
Lehendakaritza, Justizia eta Barne kontseilariak abenduaren 23an emandako 526/2008 Foru Aginduaren bitartez, Rosa María Fontal Reglero andreak Hezkuntza Departamentuko Giza Baliabideen Zerbitzuko zuzendariak ekainaren 25ean emandako 1510/2008 Ebazpenaren aurka jarritako gora jotzeko errekurtsoa baietsi egin da.
Hezkuntza Departamentuko Giza Baliabideen Zerbitzuko zuzendariak urtarrilaren 23an emandako 116/2009 Ebazpenaren bitartez Lehendakaritza, Justizia eta Barne kontseilariak abenduaren 23an emandako 526/2008 Foru Agindua betearazi da, Rosa María Fontal Reglero andrea Bigarren Hezkuntzako irakasleen Kidegoan sartzeko oposizio-lehiaketa gainditu duen izangai bezala aitortuta, ingeles espezialitatea gaztelaniaz, txanda irekian, eta María Rosa Santamaría Santos andrea Bigarren Hezkuntzako irakasleen Kidegoan sartzeko oposizio-lehiaketa gainditu dutenen zerrendatik kanpo utzita, ingeles espezialitatea gaztelaniaz txanda irekian.
Horrenbestez, bidezkoa da Hezkuntza Departamentuko Giza Baliabideen Zerbitzuko zuzendariaren irailaren 3ko 2318/2008 Ebazpena aldatzea, María Carmen Segura Urra eta Rosa María Fontal Reglero praktiketako funtzionario izendatu eta Bigarren Hezkuntzako irakasleen Kidegora sartzeko deialditik aukeratutako izangaiak direnez praktikak egiteko destinoa esleitzeko, betiere Nafarroako Foru Komunitateko Administrazioaren zerbitzura. Halaber, María Pilar de Los Arcos Velázquez eta María Rosa Santamaría Santos praktiketako funtzionario izendatzea indarrik gabe uzten da.
Horiek horrela, Hezkuntza Departamentuko Ikuskapenaren eta Zerbitzuen zuzendari nagusiak irailaren 19an emandako 155/2007 Ebazpenaren bidez eskuordetu zaizkidan ahalmenak erabiliz,
EBATZI DUT:
1. Giza Baliabideen Zerbitzuko zuzendariak irailaren 3an emandako 2318/2008 Ebazpena aldatzea, honetarako:
-María Carmen Segura Urra andrea, 44614732E NAN zenbakia duena, praktiketako funtzionario izendatzea, txanda irekiko gaztelaniazko psikologia eta pedagogia espezialitatean, 2008ko irailaren 1etik aurrerako ondorioekin, eta praktikak egiteko destinoa esleitzea, Obanosko Haur eta Lehen Hezkuntzako Ikastetxe Publikoa hain zuzen ere.
-Rosa María Fontal Reglero andrea, 35112902K NAN zenbakia duena, praktiketako funtzionario izendatzea, txanda irekiko gaztelaniazko ingles espezialitatean, 2008ko irailaren 1etik aurrerako ondorioekin, eta praktikak egiteko destinoa esleitzea, Noaingo "Elortzibar" DBHI hain zuzen ere.
-María Pilar De Los Arcos Velázquez eta María Rosa Santamaría Santos andreak praktiketako funtzionario izendatzea indarrik gabe uztea, 2008ko irailaren 1etik aurrerako ondorioekin.
2. Adierazi behar da, halaber, Giza Baliabideen Zerbitzuko zuzendariak abenduaren 28an eman zuen 2752/2007 Ebazpenaren hamaikagarren oinarriko 3. atalak dioenaren arabera, praktikak egiteko esleitzen zaion destinoa behin-behinekoa izanen dela, eta izangaiak behartuak daudela Hezkuntza Departamentuak zuzenean kudeatzen dituen ikastetxeetako batean behin betiko destinoa lortzera. Lanpostuak betetzeko lehiaketetan parte hartu ahal izateko kasuan kasuko deialdiak xedatzen duenari jarraikiko zaio.
3. Ebazpen honen kontra gora jotzeko errekurtsoa jar daiteke, Lehendakaritza, Justizia eta Barne kontseilariari zuzendua, hilabeteko epean, Nafarroako Aldizkari Ofizialean argitaratu eta biharamunetik aurrera.
4. Ebazpen hau Nafarroako Aldizkari Ofizialean argitaratzea.
5. Ebazpen hau Idazkaritza Tekniko Nagusira, Giza Baliabideen Zerbitzuko Langileriaren Kudeaketa Atalera eta interesdunei igortzea, behar diren ondorioak izan ditzan.
Iruñean, 2009ko otsailaren 2an.-Giza Baliabideen Zerbitzuko zuzendaria, Begoña Unzué Vela.
Iragarkiaren kodea: F0910594
