I. NAFARROAKO FORU KOMUNITATEA
1.3. BESTELAKO XEDAPENAK
1.3.6. Beste batzuk
301/2009 EBAZPENA, otsailaren 17koa, Familiaren, Haurraren eta Kontsumoaren zuzendari nagusiak emana, Nafarroako Gobernuaren haur eskoletan 2009-2010 ikasturterako haurrentzako tokiak eskatzeko deialdirako toki hutsen eskaintza onesten duena.
Ikusirik Antolamenduaren, Kalitatearen eta Berrikuntzaren zuzendari nagusiak otsailaren 2an emandako 21/2009 Ebazpena, funts publikoak jasotzen dituzten Haur Hezkuntzako lehenengo zikloko ikastetxeetan 2009-2010 ikasturtean haurrak onartzeko prozedura arautzen duena.
Ikusirik Nafarroako Gobernuko haur eskoletan 2009-2010 ikasturterako haurrentzako tokiak eskatzeko deialdia kudeatzeko hautaketa batzordearen akta.
Horrenbestez, Nafarroako Foru Komunitateko Administrazioari buruzko abenduaren 3ko 15/2004 Foru Legeak eta Familia, Gazteria, Kirol eta Gizarte Gaietako Departamentuaren egitura organikoa ezartzen duen irailaren 3ko 125/2007 Foru Dekretuak ematen dizkidaten eskudantziak erabiliz,
EBATZI DUT:
1. Nafarroako Gobernuaren haur eskoletan 2009-2010 ikasturterako haurrentzako tokiak eskatzeko deialdirako toki hutsen eskaintza onestea. Tokiak ebazpen honen eranskinean ageri dira.
2. Ebazpen hau Nafarroako Aldizkari Ofizialean argitaratzea.
3. Ebazpen hau Familiaren Sustapenerako Zerbitzuari jakinaraztea, behar diren ondorioak izan ditzan, eta ohartaraztea ebazpenaren kontra gora jotzeko errekurtsoa jartzen ahal dela Familia, Gazteria, Kirol eta Gizarte Gaietako kontseilariari zuzendua, jakinarazi edo argitaratu eta biharamunetik hasita hilabeteko epean.
Iruñean, 2009ko otsailaren 17an.-Familiaren, Haurraren eta Kontsumoaren Zuzendaritza Nagusia, Loren Albéniz Ascorbe.
ERANSKINA 296 toki eskaintzen dira, eta haien banaketa, zentro eta adinen araberakoa, hauxe da: |
SEKTOREAK | JAIOTZA URTEA | N. JESÚS Lanaldi osoa | N. JESÚS Lanaldi erdia | IZARRA | EGUNSENTI | SANTA TERESA | SAN JORGE | LOS ÁNGELES | RONCESVALLES | NINIA ETXEA | GUZTIRA |
Haurtzaindegia | 2007ko urtarrilaren 1a - 2007ko abuztuaren 31 | 17 | 8 | 8 | 8 | 3 | 18 | 3 | 4 | 9 | 78 |
Ertainak | 2007ko irailaren 1a - 2007ko abenduaren 31 | 2 | 5 | 6 | 4 | 2 | 6 | 2 | 3 | 5 | 35 |
Ibiltariak, 1 | 2008ko urtarrilaren 1a - 2008ko ekainaren 30a | 12 | | 9 | 16 | 11 | 4 | 7 | 6 | 13 | 85 |
Ibiltariak, 2 | 2008ko uztailaren 1a - 2008ko irailaren 30a - | 7 |
Bularreko haurrak Iruña | 2008ko urriaren 1a - 2009ko apirilaren 26a | | | | | 6 | 14 | 13 | 12 | 14 | 59 |
Bularreko haurrak Egunsenti | 2008ko urriaren 1a - 2009ko apirilaren 29a | | | | 14 | | | | | | 14 |
Bularreko haurrak Niño Jesús | 2008ko urriaren 1a - 2009ko maiatzaren 3a | 13 | | | | | | | | | 13 |
Bularreko haurrak Izarra | 2008ko urriaren 1a - 2009ko maiatzaren 10a | | | 12 | | | | | | | 12 |
Guztira | 44 | 13 | 35 | 42 | 29 | 42 | 25 | 25 | 41 | 296 |
F0911617 |
Iragarkiaren kodea: F0911617