I. NAFARROAKO FORU KOMUNITATEA
1.3. BESTELAKO XEDAPENAK
1.3.6. Beste batzuk
34/2009 EBAZPENA, otsailaren 11koa, Antolamenduaren, Kalitatearen eta Berrikuntzaren zuzendari nagusiak emana, I. eranskinean aipatzen diren ikastetxeen zuzendaritzei Nafarroatik kanpo dauden unibertsitateekin lankidetza hitzarmenak sinatzeko eskumena eskuordetzea onesten duena. Hitzarmen horien xedea da unibertsitate horietako ikasleek maisutzako practicuma egin ahal izatea.
Nafarroako Gobernuko Hezkuntza Departamentuak, hezkuntza arloan dituen eskumenak erabiliz, I. eranskinean ageri diren ikastetxe publikoetako zuzendaritzen eta unibertsitateen arteko lankidetza esparrua arautzeko baldintzak ahalbidetu eta ezarri nahi ditu, aipatu ikasleek practicuma Nafarroako ikastetxe publikoetan egin ahal izateko.
Nafarroako ikasleek maisutza ikasketak egiten dituzten Nafarroatik kanpoko unibertsitateekin elkarlanean aritzeko eta hitzarmenen kudeaketa errazteko asmoz, ikastetxeetako zuzendaritzei programa horien bidez hartutako konpromisoak beren gain hartzeko eskumena emanez, ikastetxeen kudeaketa autonomiaren printzipioari jarraikiz eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1.d) artikuluak emandako eskumenekin bat, xedapen horren 36. artikuluari loturik,
EBATZI DUT:
1. I. eranskinean ageri diren unibertsitateaz kanpoko ikastetxe publikoetako zuzendaritzei Nafarroatik kanpo dauden unibertsitateekin lankidetza hitzarmenak sinatzeko eskumena eskuordetzea onestea, aipatu ikasleek maisutzako practicuma egin ahal izateko.
2. Ikastetxeetako zuzendaritzen eta unibertsitateen artean sinatutako lankidetza hitzarmenek ebazpen honen II. eranskineko ereduari jarraiki beharko diote.
3. Ikastetxeek hitzarmenaren -behin sinatuta- kopia igorriko dute Antolamenduaren, Kalitatearen eta Berrikuntzaren Zuzendaritza Nagusira, dagokion espedientean artxibatzeko.
4. Ebazpen hau eta eranskinak Nafarroako Aldizkari Ofizialean argitara daitezela agintzea.
5. Ebazpena igortzea Antolamenduaren, Kalitatearen eta Berrikuntzaren Zuzendaritza Nagusira, Ikuskapenaren eta Zerbitzuen Zuzendaritza Nagusira, Lanbide Heziketaren eta Unibertsitateen Zuzendaritza Nagusira eta ebazpen honen I. eranskinean ageri diren unibertsitate eta ikastetxeetara, behar diren ondorioak izan ditzan.
Iruñean, 2009ko otsailaren 11n.-Antolamenduaren, Kalitatearen eta Berrikuntzaren zuzendari nagusia, Teresa Aranaz Jiménez.
I. ERANSKINA
Hezkuntza Departamentuan jasotako eskaerak
1.-Euskal Herriko Unibertsitatea.
1.1. Gasteizko Unibertsitate Eskola:
IKASTETXEAK | IKASLEAK |
Alaitz Barañain Ikastetxea Barañain | Iturri Redondo, Edurne Lehen Hezkuntza P I |
Amaiur Ikastola HLHIP Iruña | Asín Aranguren, Irati Lehen Hezkuntza P I |
Asín Aranguren, Izaga Lehen Hezkuntza P I |
Visus Maeztu, Koldo Lehen Hezkuntza P I |
Aresoko Eskola Areso | Iriarte Artola, Begoña Lehen Hezkuntza P II |
Arturo Kanpion Iruña | Sánchez Sánchez, Amaia Heziketa Fisikoa P II |
Lorenzo Goicoa IP Iruña | Solano López, María Gorputz Hezkuntza PI |
Santa María HLHIP Los Arcos | Fernández Zurbano, Zuriñe Gorputz Hezkuntza PII |
San Miguel HLHIP Uharte Arakil | Huarte Razkin, Luisa Haur Hezkuntza P I |
San Miguel HLHIP Agoitz | Ayanz Perlines, Igor Heziketa Fisikoa P I |
Vázquez de Mella HLHIP Iruña | Urra Guergué, Eder Gorputz Hezkuntza PII |
Zelandi HLHIP Altsasu | Gorrochategui Pereda, Iñaki Lehen Hezkuntza P I |
Ímaz Alcaide, Aser Heziketa Fisikoa P II |
Haur eta Lehen San Francisco HLHIP Iruña | Galar Luque, Beatriz Haur Hezkuntza P II |
Irisarri Martiarena, Oihane Haur Hezkuntza P II |
Lizarraga Peio, Maitane Lehen Hezkuntza P II |
Tapia Rico, Hodei Heziketa Fisikoa P II |
Luis Fuentes IP Lakuntza | Luis Soto, Nerea Lehen Hezkuntza P I |
Ricardo Baroja Ikastetxe Publikoa Bera | Celayeta Lazcano, Jone Heziketa Fisikoa P I |
Sagastibelza Picabea, Nahia Lehen Hezkuntza P II |
Sanduzelai Ikastetxe Publikoa Iruña | Alastuey De Miguel, Maite Heziketa Fisikoa P II |
Irurozki Artajo, Itziar Lehen Hezkuntza P I |
Martínez De Irujo Tabar, Jaione Lehen Hezkuntza P I |
Martínez Marañón, Sonia Lehen Hezkuntza P I |
Sarasibar Zabaleta, Gorka Lehen Hezkuntza P I |
Sunbillako Eskola Publikoa Sunbilla | Alzuri Arretxea, Izaro Haur Hezkuntza P I |
Virgen Blanca Uharte | Arbizu Seminario, Sarai Lehen Hezkuntza PI |
1.2. Donostiako Unibertsitate Eskola:
IKASTETXEAK | IKASLEAK |
Atakondoa Eskualdeko Ikastetxe Publikoa Irurtzun | Beregaña Ibero, Maite Practicum I |
Fco. Javier Sáenz de Oiza HLHIP Kaseda | Estévez Arrastua, Urti Practicum II |
Andrés Muñoz Garde Hezkuntza Bereziko Ikastetxea Iruña | Lafarga Fuertes, Maite Practicum I |
Arturo Campión Ikastetxea Iruña | Gordaliza Iparragirre, Ruben Practicum II |
Otsagiko Ikastetxe Publikoa Otsagabia | Urbe Castelruiz, Miren Begoña Practicum II |
Obispo Irurita Ikastetxe Publikoa Larraintzar | Doray Insuasti, Miren Practicum II |
Erreniega Ikastetxe Publikoa Zizur Nagusia | Roque Labari, Sandra Practicum II |
Irain Ikastetxe Publikoa Lesaka | Garrancho Méndez, María Angeles Practicum I |
Lekunberriko Eskola Publikoa Lekunberri | Unsain González, Jone Practicum II |
Zigako Eskola Publikoa Ziga | Oteiza Elizalde, Virginia Practicum II |
2.-Salamancako Unibertsitate Pontifizioa.
2.1. Luis Vives Maisutzako Unibertsitate Eskola:
IKASTETXEAK | IKASLEAK |
El Lago de Mendillorri HLHIP Iruña | Fernández Oliván, Sara Espezialitatea: Au 2. |
Iturrama HLHIP Iruña | Jiménez Espinosa, Patricia Espezialitatea: Ef 2. |
Sanduzelai HLHIP Iruña | Cirez Garaikoetxea, Naiara Espezialitatea: In 2. |
Andrés Muñoz Garde HBIP Iruña | Repáraz González Boza, Carolina Espezialitatea: Au 3. |
San Martín Zárate, Carmen Espezialitatea: Ee 3. |
Arturo Campión HLHIP Iruña | Arregui Agirre, Olatz Espezialitatea: Ee 3. |
Doña Mayor HLHIP Iruña | Young, Katharine Espezialitatea: Ig 2. |
Cardenal Ilundáin HLHIP Iruña | Arrizabalaga Txurruka, Koldobika Espezialitatea: Ee 2. |
Elvira España HLHIP Tutera | Serrano La Caba, Daniel Espezialitatea: Ig 2. |
San Miguel HLHIP Agoitz | Sagardia Sarasa, Irune Espezialitatea: In 2. |
Pombar Jarajuría, María Espezialitatea: In 3. |
Mendialdea HLHIP Berriozar | Martínez De Lizarrondo, Mateo Espezialitatea: In 3. |
Cerro de la Cruz HLHIP Cortes | Martínez Royo, Amaya Espezialitatea: In 2. |
Igantzi HLHIP Igantzi | Irigoyen Irurena, José Espezialitatea: Ef 3. |
Santa Ana HLHIP Mélida | Úriz Musgo, Beatriz Espezialitatea: In 3. |
San Miguel HLHIP Noain | De Cerio Ripalda, Joaquín Espezialitatea: Ef 2. |
Ochagavía HLHIP Otsagabia | Elizari Baztan, Maider Espezialitatea: Au 3. |
Marqués de la Real Defensa HLHIP Tafalla | Peña Hernández, Juan Espezialitatea: Au 3. |
Camino de Santiago HLHIP Zizur Nagusia | Salcedo Bailo, Patricia Espezialitatea: Ig 2. |
3.-Alcalako Unibertsitatea.
3.1. Cardenal Cisneros Maisutzako Unibertsitate Eskola:
IKASTETXEAK | IKASLEAK |
Abartzuzako HLHIP Abartzuza | Jurado Fernández, Melania Practicum II |
Arturo Campión HLHIP Iruña | García González, Patricia Practicum II |
Iruñeko José María Iribarren Helduen Eskola | Buil Lacabe, Cristina Practicum I |
Helduen oinarrizko hezkuntzako ikastetxea HHI Tutera | Carrascosa Ridruejo, M. Mar Practicum I |
Aiegiko Mater Dei HLHIP CPEIP | Gurucharri Apesteguía, Nekane Practicum II |
Fernández Apesteguía, Maider Practicum II |
II. ERANSKINA
...................... UNIBERTSITATEAREN ETA ....................... IKASTETXE PUBLIKOAREN ARTEKO LANKIDETZA HITZARMENAREN PROPOSAMENA, ERANSKINEAN AIPATU MAISUTZAKO IKASLEEK PRACTICUMA EGITEKO
.................(e)n, 2009ko .............aren ..............(e)an
Bildurik
Batetik, unibertsitatea ordezkatuz,
............................... jauna/andrea, ................................. den aldetik,
eta, bestetik, .......................... jauna/andrea, Nafarroako Gobernuko Hezkuntza Departamentuko Antolamenduaren, Kalitatearen eta Berrikuntzaren Zuzendaritza Nagusiak eskumena eskuordetu baitu, Antolamenduaren, Kalitatearen eta Berrikuntzaren zuzendari nagusiaren ............ Ebazpenari jarraikiz, eta ............ herriko ................ kalean dagoen .................... Ikastetxe Publikoaren zuzendaria (IFZ:...........) den aldetik
Bi aldeek elkarri aitortzen diote practicuma egiteko lankidetza hitzarmen hau sinatzeko behar den legezko gaitasuna.
Adierazten dute
Lehena: unibertsitateen helburuetako bat dela profesionalak irakaskuntzako goi mailan prestatzea, gizarte inguruneko eskaeretara egokituz. Horretarako, titulazio eta espezialitate ezberdinetako ikasleek prestakuntza praktikoa jaso behar dute, errealitate profesionalarekin harremanetan egonik. Hortaz, interesgarria litzateke praktikak gizartearen sare instituzionalean edo produktiboan egitea.
Bigarrena: Maisutzako plangintza unibertsitateen eskumena dela, eta practicuma plangintza horren oinarrizko edukien barruan dagoela, printzipio honi jarraikiz: oinarrizko prestakuntzak barnean hartu behar ditu, ezagutza zientifikoari eta teknikoari lotutako alderdi teorikoez gain, praktika profesionaleko irakaskuntza eta etorkizuneko errealitate profesionalarekiko hurbilketa, oro har eta konplexutasun osoan.
Hirugarrena: hitzarmen honen xedea dela Maisutza ikasten duten ikasle nafarrak dituen ................... Unibertsitatearen eta Nafarroako Gobernuko Hezkuntza Departamentuaren mendeko ........................ Ikastetxe Publikoaren arteko lankidetza erraztea, prestakuntza horrek barnean hartzen duen practicuma egiteko.
Laugarrena: hitzarmen honek eragina izanen duela eranskinean aipatu eta ........................ Unibertsitateak emandako practicumean.
Bosgarrena: Nafarroako Gobernuko Hezkuntza Departamentuko Antolamenduaren, Kalitatearen eta Berrikuntzaren Zuzendaritza Nagusiak, hezkuntza arloan dituen eskudantziak baliatuz, eskumena .................... Ikastetxe Publikoari eskuordetu diola, lankidetza esparrua ahalbidetzeko eta ezartzeko ....................... Unibertsitatearekin, eranskinean aipatu ikasleek practicuma ikastetxe publiko horretan egin ahal dezaten.
Horiek horrela, bildutako pertsonek, bakoitzak bere ordezkaritza erabiliz, hitzarmen hau sinatzen dute.
KLAUSULAK
Lehenengoa.-Titulazio hori ematen duen unibertsitateak ikasle bakoitzari esleituko dio bere irakasle tutorea. Tutorea ikaslearen prestakuntza planifikatu, koordinatu, jarraitu eta ebaluatzeaz arduratuko da, ikastetxeak izendatutako irakasle tutorearekin koordinatuz, ikasle bakoitzaren aprobetxamendua eta egindako praktiken maila egiaztatzeko.
Bigarrena.- .................. Unibertsitateak titulazio horretarako praktiken eta jardueren programa ezarriko du, eta hura aditzera emanen die ikastetxe arduradunei, practicuma hasi baino lehen. Programa horretan, datu hauek zehaztuko dira, gutxienez:
a) Ukitutako ikasleen zerrenda eta irakasle tutorearen izena.
b) Ebaluazio eta kontrol sistemak.
c) Programako helburuen eta aurreikusitako jardueren proposamena.
d) Egutegiaren eta praktiketako ordutegien proposamena.
Hirugarrena.-Titulazioa ematen duen unibertsitateak bi ordezkari izendatuko ditu, lankidetza hitzarmen honen hamargarren klausulan ezartzen den jarraipen batzordean.
Laugarrena.-Unibertsitateak, praktikak zein ikastetxetan egiten diren, ikastetxe horretako irakasle tutoreari igorriko dio egindako lana aitortzen duen ziurtagiri bat.
Bosgarrena.-......................... Unibertsitateak erantzukizun zibileko poliza bat du, ikasleek pratikan daudela egin ditzaketen kalteak estaltzeko.
Seigarrena.-Ikastetxeak ikasle bakoitzari irakasle tutore bat esleituko dio. Horren eginkizunak hauek izanen dira, gutxienez:
a) Praktiketan dagoen ikasleaz arduratzea.
b) Praktiketan dauden ikasleen jarduna antolatzea, ikastetxean dauden bitartean.
c) Erakundeari eta horren funtzionamenduari, helburuei, eginkizunei, inplikazio deontologikoei eta abarri buruzko informazioa ematea.
d) Dagokion irakaskuntza praktikoa ematea.
e) Ikaslearen jarduerak gainbegiratzea.
f) Programan ezarritako jardueren nondik norakoa unibertsitateak izendatutako irakasle tutorearekin koordinatzea.
g) Jarraipen batzordeari praktiken bitartean gerta daitezkeen gorabeherei buruzko informazioa ematea.
Zapigarrena.-Ikastetxeak bi ordezkari izendatuko ditu, lankidetza hitzarmen honen hamargarren klausulan ezartzen den jarraipen batzordean.
Zortzigarrena.-Praktiken bitartean, ikasleek ikastetxeetako indarreko xedapen orokorrak, barne ordenakoak eta diziplinazkoak, bai eta ikastetxeko zuzendariak eta kasuan kasuko irakasle tutoreak emandako jarraipenak ere beteko dituzte, lan harreman baten berezko betebeharrik sortu gabe. Gainera, praktikaldian gauzatu jarduerari buruz izaten ahal duten informazioa isilpean gorde beharko dute.
Bederatzigarrena.-Practicuma egiten duten ikasleen prestakuntza jarduerak ez dira ikastetxeetako irakaskuntza-ikaskuntzako jarduerak behar bezala gauzatzeko oztopo izanen.
Hamargarrena.-1. Jarraipen batzorde bat ezarriko da, titulazioa ematen duen ...................... Unibertsitateko bi ordezkarik eta ikastetxeko beste bi ordezkarik osatua. Eginkizun hauek izanen dituzte:
a) Hitzarmena behar bezala aplikatzen dela zaintzea.
b) Ikastea eta gainditzea, behar izatera, titulazioa ematen duen unibertsitateak aurkeztutako praktiken eta jardueren programa, bigarren klausulan adierazitakoari jarraikiz.
c) ................... Unibertsitateak proposatutako ikasleen zerrenda onartzea.
d) Zehaztea ikasle bakoitzak zein irakaskuntzatan eginen dituen praktikak.
e) Praktikak egitean edo hitzarmena betetzean gerta daitezkeen gorabeherak ebaztea.
2. Batzordeko burutzaren osaera bi aldeek erabakiko dute, eta batzordearen lehenengo saioan izendatuko dira kideak.
3. Batzordeak ikasturte honetan ohiko bi bilera eginen ditu. Ezohiko bilerak burutzak edo aldeetako batek eskatuta eginen dira.
4. Antolamenduaren, Kalitatearen eta Berrikuntzaren Zuzendaritza Nagusiko Kalitatearen eta Genero Berdintasunaren Zerbitzuak, bere eginkizunak eta ezarritako eskumenak betez, practicumeko jarraipen batzordearen jarduketaren ondoriozko memoriak edo konklusioak eskuratzen ahalko ditu.
Hamaikagarrena.-1. Hitzarmen honek, sinatzen denetik aurrera, 2008-2009 ikasturtean izanen du indarra, salbu eta beste aldearen kontrako salaketa idatzirik bada. Kasu horretan, salaketa jartzen denean egiten ari diren praktikek ez dute eraginik jasanen.
2. Hitzarmenaren onespena Nafarroako Gobernuko Hezkuntza Departamentuko Antolamenduaren, Kalitatearen eta Berrikuntzaren Zuzendaritza Nagusiari jakinaraziko zaio.
Adostasunaren adierazgarri, bi aldeek lankidetza hitzarmen honen ale bi sinatzen dituzte, idazpuruan adierazitako lekuan eta egunean.
Unibertsitateko ordezkaria :
Ikastetxeko ordezkaria :
Iragarkiaren kodea: F0911616
