27. ALDIZKARIA - 2009ko martxoaren 4a

I. NAFARROAKO FORU KOMUNITATEA

1.3. BESTELAKO XEDAPENAK

1.3.1. Lurraldearen antolamendua eta hirigintza

10/2009 FORU AGINDUA, urtarrilaren 19koa, Lurraldearen Antolamendu eta Etxebizitzako kontseilariak emana, Basaburuko Udal Plana Igoako UA-3 unitatean aldatzeko espedientea, Jose M.ª Urriza Machain eta Antonio Mariezcurrena Arregui jaunek sustatua, behin betikoz onesten duena.

Basaburuko Udalak idazpuruan azaltzen den espedientea aurkeztu du Lurraldearen Antolamendu eta Etxebizitza Departamentuan, behin betikoz onets dadin.

Ikusirik aurkezturiko agiriak eta Lurraldearen Antolamendu eta Hirigintza Zerbitzuaren txostena, bidezkoa da behin betiko onestea.

Lurraldearen Antolamendu eta Etxebizitza Departamentuaren egitura organikoa ezarri zuen irailaren 3ko 127/2007 Foru Dekretuaren bidez eskuratu ditudan ahalmenak erabiliz,

AGINDU DUT:

1. Behin betikoz onestea Basaburuko Udal Plana Igoako UA-3 unitatean aldatzeko espedientea, Jose M.ª Urriza Machain eta Antonio Mariezcurrena Arregui jaunek sustatua.

2. Urbanizazio proiektua Herri Lan, Garraio eta Komunikazio Departamentuak emandako txostenetan (2005/287498 eta 2008/311872) ezarritako determinazio teknikoei jarraikiz erredaktatu beharko da. UA-3 unitateak sarbide bakarra izanen duela bermatuko da barreneko bide berriaren eta NA-4351 errepidearen artean (4+200 k.p. inguruan), bai urbanizazio obrak egin bitartean, baita bukatutakoan ere, behin betiko.

3. Adieraztea foru agindu honek ez diola administrazio bideari bukaera ematen. Interesdunek, administrazio publikoek izan ezik, legezkotasuna kontrolatzea helburu duen egintza honen kontra gora jotzeko errekurtsoa jartzen ahalko dute, Nafarroako Gobernuari zuzendua, hilabeteko epean. Onetsitako hirigintza araudiaren kontra administrazioarekiko auzi-errekurtsoa jartzen ahalko da, Nafarroako Justizia Auzitegi Nagusiko Administrazioarekiko Auzien Salari zuzendua, araudia Nafarroako Aldizkari Ofizialean argitaratzen denetik bi hilabeteko epean.

Administrazio publikoek zilegi dute administrazioarekiko auzi-errekurtsoa jartzea, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du alde batera uzten Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.

Epe horiek foru agindu honen jakinarazpena egin edo, bestela, Nafarroako Aldizkari Ofizialean argitaratu eta biharamunetik aurrera hasiko dira kontatzen.

4. Foru agindu hau jakinaraztea Basaburuko Udalari, Igoako Kontzejuari, Herri Lan Zuzendaritza Nagusiari eta Jose M.ª Urriza Machain eta Antonio Mariezcurrena Arregui jaunei, eta Nafarroako Aldizkari Ofizialean argitaratzea, behar diren ondorioak izan ditzan.

Iruñean, 2009ko urtarrilaren 19an.-Lurraldearen Antolamendu eta Etxebizitzako kontseilaria, José Carlos Esparza Sáez.

Iragarkiaren kodea: F0901213