27. ALDIZKARIA - 2009ko martxoaren 4a

I. NAFARROAKO FORU KOMUNITATEA

1.3. BESTELAKO XEDAPENAK

1.3.6. Beste batzuk

LEHENDAKARITZA, JUSTIZIA ETA BARNE DEPARTAMENTUA. Epea jartzeko ediktua.

22/2009 prozedura arrunteko administrazioarekiko auzi-errekurtsoa, "Agrupación Profesional de la Policía Foral" elkarteak jarria Nafarroako Foruzaingoaren antolamendu eta funtzionamenduaren Erregelamendua, uztailaren 26ko 265/2004 Foru Dekretuaren bidez onetsia, aldatu duen urriaren 20ko 103/2008 Foru Dekretuaren kontra.

"Agrupación Profesional de Policía Foral" elkarteak 22/2009 prozedura arrunteko administrazioarekiko auzi-errekurtsoa jarri du Nafarroako Foruzaingoaren antolamendu eta funtzionamenduaren Erregelamendua, uztailaren 26ko 265/2004 Foru Dekretuaren bidez onetsia, aldatu duen urriaren 20ko 103/2008 Foru Dekretuaren kontra (2008ko 137. Nafarroako Aldizkari Ofiziala, azaroaren 10ekoa). Barneko zuzendari nagusiak otsailaren 18an emandako 1167/2009 Ebazpenaren bidez, aipatu den administrazio espedientea Nafarroako Justizia Auzitegi Nagusiko Administrazioarekiko Auzien Salara igorri da.

Administrazioarekiko Auzien Jurisdikzioa arautzen duen uztailaren 13ko 29/1998 Legearen 49. artikuluan eta Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 59. artikuluan xedatutakoarekin bat, interesdun guztiei bederatzi eguneko epea jartzen zaie, iragarki hau argitaratu eta biharamunetik hasita, autoetan ager daitezen.

Iruñean, 2009ko otsailaren 18an.-Barneko zuzendari nagusia, Juan Ramón Rábade Iráizoz.

Iragarkiaren kodea: F0902683