I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
128/2009 EBAZPENA, urtarrilaren 26koa, Nafarroako Unibertsitate Publikoko errektoreak emana, María Lourdes Sáinz Suberviola andrea Unibertsitateko irakasle titularren kidegoan sartzen duena.
María Lourdes Sáinz Suberviola andrea, 18.193.733 C NAN zenbakiduna eta Unibertsitate Eskolako irakasle titularra baita, Unibertsitate honetako Osasun Zientzien Sailari atxikia, eskaera aurkeztu du Unibertsitateko irakasle titularren kidegoan sartzeko, 4/2007 Lege Organikoaren bigarren eta hamargarren xedapen gehigarrietan ezarritakoaren babesean. Lege horrek Unibertsitateei buruzko abenduaren 21eko 6/2001 Lege Organikoa aldatu zuen.
Kalitatea Ebaluatu eta Egiaztatzeko Agentzia Nazionalak María Lourdes Sáinz Suberviola andreak Unibertsitateko irakasle titularren kidegoan sartzeko aurkeztu duen egiaztatzeko eskaerari emandako aldeko txostena ikusirik.
Aurreko guztiagatik, eta apirilaren 12ko 4/2007 Lege Organikoak aldatutako Unibertsitateei buruzko abenduaren 21eko 6/2001 Legearen 65. artikuluan, eta Estatutuen 40. artikuluan esleituta dauzkadan eskumenak betez.
EBATZI DUT:
Lehena.-María Lourdes Sáinz Suberviola andrea, unibertsitate eskolako irakasle titularra baita, "Erizaintza" jakintza-arloan, Osasun Zientzien Sailari atxikia, Unibertsitateko irakasle titularren kidegoan sartzea, orain duen lanpostuan.
Bigarrena.-Jabetza hartu behar da, gehienez ere, 20 eguneko epean, ebazpen hau "Estatuko Aldizkari Ofizialean" argitara eman eta biharamunetik hasita.
Hirugarrena.-Kidego berrian sartzeak ondorioak sortuko ditu, Irakasleen eta Ikertzaileen Lanpostu Zerrendan sartzearekin batera, interesdunak jabetza hartzen duen egunetik, ebazpen hau "Estatuko Aldizkari Ofizialean" argitara eman eta gero.
Laugarrena.-Ebazpen honek administrazio bidea agortzen du, Unibertsitateei buruzko Lege Organikoaren 6.4 artikuluan ezarritakoaren arabera, eta bere aurka, aukeran, berraztertzeko errekurtsoa aurkez daiteke errektorearen aurrean, edo, bestela, zuzenean administrazioarekiko auzi-errekurtsoa Nafarroako Administrazioarekiko Auzietako epaitegietan, hilabeteko epean lehenengo kasuan, eta bi hilabeteko epean bigarrenean, biak ere ebazpena argitaratu eta biharamunetik kontatzen hasita.
Iruñean, 2009ko urtarrilaren 26an.-Errektorea, Julio Lafuente López.
Iragarkiaren kodea: F0910076
