I. NAFARROAKO FORU KOMUNITATEA
1.1. XEDAPEN OROKORRAK
1.1.2. Foru Dekretuak
13/2009 FORU DEKRETUA, otsailaren 16koa, Iruñeko eta Burlatako udal mugapeak aldatzeko espedientea ebazten duena.
Iruñeko eta Burlatako udalek Nafarroako Gobernuari eskatu diote 2006ko urriaren 3eko eta 2007ko abenduaren 10eko idazkien bidez, hurrenez hurren, Nafarroako Toki Administrazioari buruzko uztailaren 2ko 6/1990 Foru Legearen 15.1.c) artikuluan ezarritakoari jarraikiz, Iruñeko eta Burlatako udal mugapeak aldatzeko ekimena gauzatzeko. Ezkabako tunelak egitearen ondorioz, Iruñeko Udal Planeko U. 1 V (Txantrea) ARS1 eremuaren hirigintza garapena eta bi udaletako hirigintzako antolamendua burutzea da xedea. Bi udalek lankidetza hitzarmena sinatu dute non udal mugapeak aldatzeko espedientea tramitatzeko bi administrazioen borondatea azaltzen baita, eta proposatu aldaketaren eremuak finkatzen baitira.
Iruñeko Udalak eta Burlatakoak, 2006ko irailaren 21eko eta 2007ko azaroaren 29ko osoko bilkuretan hurrenez hurren, Nafarroako Toki Administrazioari buruzko uztailaren 2ko 6/1990 Foru Legearen 17. artikuluan agindutako gehiengoa izanik, onespen-erabakiak hauek hartu zituzten Iruñeko eta Burlatako udal mugapeak aldatzeko ekimena gauzatzeko. Ezkabako tunelak egitearen ondorioz, Iruñeko Udal Planeko U. 1 V (Txantrea) ARS-1 eremuaren hirigintza garapena eta bi udaletako hirigintzako antolamendua burutzea da xedea.
2006ko azaroaren 21ean eta 2008ko urtarrilaren 11n, udalek Toki Entitateetako Biztanleriaren eta Lurralde Mugaketaren Erregelamenduaren 14. artikuluan eskatzen diren agiriak igorri zituzten. Uztailaren 11ko 1690/1986 Errege Dekretuaren bidez onetsi zen eta artikulu horretan xedatua bete egin zen.
Nafarroako Toki Administrazioari buruzko uztailaren 2ko 6/1990 Foru Legearen 17. artikuluak udal mugapeak aldatzeko prozesuak arautu ditu. Bigarren atalaren a) eta b) lerroaldeetan xedatzen da espedientea gutxienez ere bi hilabetez jendaurrean jarri behar dela eta denbora horretan entzunaldia eman behar zaiela prozesuak ukituriko udalei eta, bidezko bada, kontzejuei.
Horrenbestez, Toki Administrazioko zuzendari nagusiaren, urtarrilaren 23ko 15/2008 Ebazpenaren bidez, Iruñeko eta Burlatako udal mugapeak aldatzeko espedientea ireki zen, jendaurrean jarri eta udal horiei entzunaldia eman zitzaien. Ebazpen hori 2008ko 19. Nafarroako Aldizkari Ofizialean argitaratu zen, otsailaren 11n.
Jendaurrean jarri eta entzunaldia emateko bi hilabeteko epe hori 2008ko apirilaren 11n bukatu zen. Espedientean entitate interesdunen ziurtagiriak ageri dira, alegazio bakar bat ere aurkeztu ez dela frogatzeko.
Espedientea Nafarroako Toki Administrazioari buruzko uztailaren 2ko 6/1990 Foru Legearen 17. artikuluan ezarririko prozedurarekin bat tramitatu denez eta lege bereko 13, 15, 16 eta 18. artikuluetan aipatzen diren betebeharrak betetzen direnez, 13.2.c). artikuluan aipatzen diren helburuak lortzeko, bidezko da Nafarroako Foru Komunitateko Administrazioak espedientea bukatutzat ematea, proposatzen diren muga aldaketak onartzeko, hurrengo hiru tarte hauetan: 1. tartean, Iruñeko ARS-1 eremuaren hirigintza garapenaren ondorioz sortu den bide-sistema udal mugape horretakoa izatera pasatzea. 2. tarteari dagokionez, Ezkabako tunelak egin izanak Iruñeko udal mugapetik lur horietara iristea oztopatzen du eta Burlatako eta Atarrabiako merkataritza erabilerako lurzoruen luzapen gisa agertzen dira. Hiru tarte ezberdinek osaturiko 3. tarteari dagokionez, bi udal mugapeak bereizten dituen marra Iparraldeko ingurabidearen trazadurara egokitzea tarte horretan.
Lurraldeak Mugatzeko Batzordeak 2008ko urriaren 22ko bilkuran eman zuen irizpenak eta Nafarroako Kontseiluak 2009ko urtarrilaren 19ko 4/2009 irizpenak ere osatzen dute espedientea.
Horiek horrela, Toki Administrazioko kontseilariak proposaturik, Nafarroako Kontseiluaren irizpenarekin bat eta Nafarroako Gobernuak 2009ko otsailaren 16an egindako bilkuran hartutako erabakiarekin bat,
DEKRETATU DUT:
1. artikulua. Iruñeko eta Burlatako udal mugapeen aldaketa onesten da. Udalerrien mugak udal horiek, hurrenez hurren, 2006ko irailaren 21ean eta 2007ko azaroaren 29an egindako osoko bilkuretan, hurrenez hurren, hartutako erabakien bidez onetsitako planoetan adierazitakoak izanen dira. Muga horien U.T.M. koordenatuak espedientean heldu dira.
2. artikulua. Toki Administrazioko Departamentuari foru dekretu hau betearazteko behar diren ekintza guztiak aurrera emateko agintzen zaio.
3. artikulua. Foru dekretu hau Iruñeko eta Burlatako Udalei jakinarazi beharko zaie, behar diren ondorioak izan ditzan.
AZKEN XEDAPENA
Azken xedapen bakarra.-Ondorioak.
Foru dekretu honek Nafarroako Aldizkari Ofizialean argitaratzen den egunean berean hartuko du indarra.
Iruñean, 2009ko otsailaren 16an.-Nafarroako Gobernuko lehendakaria, Miguel Sanz Sesma.-Toki Administrazioko kontseilaria, Amelia Salanueva Murguialday.
Iragarkiaren kodea: F0910506
