I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Plantilla Organikoa, Lan Publikoaren Eskaintza, oposizioak eta lehiaketak
286/2009 EBAZPENA, otsailaren 2koa, Funtzio Publikoaren zuzendari nagusiak emana, Nafarroako Foru Komunitateko Administrazioaren eta haren erakunde autonomoen 107 atal, bulego eta unitate parekaturen burutza merezimendu lehiaketa bidez betetzeko deialdiari dagokionez, Nafarroako Kirolaren Institutuko Teknifikazio eta Selekzio Bulegorako lehiaketa indarrik gabe uzten duena.
Funtzio Publikoaren zuzendari nagusiak urriaren 23an emandako 2574/2006 Ebazpenaren bidez, Nafarroako Foru Komunitateko Administrazioaren eta haren erakunde autonomoen 107 atal, bulego eta unitate parekaturen burutza merezimendu lehiaketa bidez betetzeko deialdia onetsi zen. Aipatu deialdia 2006ko 135. Nafarroako Aldizkari Ofizialean argitaratu zen, azaroaren 10ean.
Deialdiko 1. oinarrian xedatutakoa kontuan hartuta, bidezko da Nafarroako Kirolaren Institutuko Teknifikazio eta Selekzio Bulegoko burutzarako lehiaketa indarrik gabe uztea, urtarrilaren 12ko 2/2009 Foru Aginduaren bidez onetsitako Institutuaren egitura organikotik kendu baita.
Horrenbestez, otsailaren 21eko 30/2005 Foru Dekretuaren bidez esleiturik ditudan eskudantziak erabiliz,
EBATZI DUT:
1. Nafarroako Foru Komunitateko Administrazioaren eta haren erakunde autonomoen 107 atal, bulego eta unitate parekaturen burutza merezimendu lehiaketa bidez betetzeko deialdiari dagokionez, Nafarroako Kirolaren Institutuko Teknifikazio eta Selekzio Bulegoko burutzarako lehiaketa indarrik gabe uztea, bulego hori Institutuaren egitura organikotik kendu baita. Aipatutako deialdia urriaren 23ko 2574/2006 Ebazpenaren bidez onetsi zen.
2. Ebazpen hau mahaikideei jakinaraztea eta Nafarroako Aldizkari Ofizialean argitara dadila agintzea, behar diren ondorioak izan ditzan.
Iruñean, 2009ko otsailaren 2an.-Funtzio Publikoaren zuzendari nagusia, Gregorio Eguílaz Gogorza.
Iragarkiaren kodea: F0902439
