Iragarkia
22. ALDIZKARIA - 2009ko otsailaren 20a
I. NAFARROAKO FORU KOMUNITATEA
1.3. BESTELAKO XEDAPENAK
1.3.6. Beste batzuk
187/2008 FORU AGINDUA, abenduaren 26koa, Vianako Printzea Erakundea-Kultura eta Turismo Departamentuko kontseilariak emana, Nafarroako Liburutegi Publikoen Sistemako Zerbitzuen Gutuna onesten duena.
Zerbitzuen Gutunak jendearentzat eskuragarri dauden agiriak dira, eta horien bidez Nafarroako administrazio publikoek eskaintzen dituzten zerbitzu publikoei buruzko informazioa ematen diete herritarrei.
Gaur egun, Politika publikoak eta zerbitzu publikoen kalitatea ebaluatzeari buruzko abenduaren 29ko 21/2005 Foru Legearen 18. artikulutik 21. artikulura bitarte arautzen dira Zerbitzuen Gutunen kontzeptua eta irismena, edukia, prestatu eta onesteko modua, hedapena eta jarraipena. Foru lege horretako 20. artikuluak hauxe xedatzen du: "Nafarroako Foru Komunitateko administrazioaren kasuan, departamentu bakoitzak eta erakunde autonomo bakoitzak bere Zerbitzuen Gutuna prestatuko du, foru lege honek indarra hartu eta gehienez ere hiru urteko epean."
Maiatzaren 9ko 72/2005 Foru Dekretuaren bidez Nafarroako Gobernuak Nafarroako Foru Komunitateko Administrazioaren eta haren erakunde autonomoen Zerbitzuen Gutunak arautu zituen. Era berean, Zerbitzuen Gutunen diseinua eta egitura Lehendakaritza, Justizia eta Barneko kontseilariaren urriaren 11ko 119/2005 Foru Aginduaren bidez ezarri ziren.
Horrenbestez, eta Nafarroako Foru Komunitateko Administrazioaren eta haren erakunde autonomoen Zerbitzuen Gutunak arautzen dituen maiatzaren 9ko 72/2005 Foru Dekretuaren 5.1 artikuluaren bidez esleituak ditudan eskudantziez baliaturik,
AGINDU DUT:
1. Nafarroako Liburutegi Publikoen Sistemako Zerbitzuen Gutuna onestea.
2. Foru agindu hau Nafarroako Aldizkari Ofizialean argitaratzea, orok jakin dezan.
Iruñean, 2008ko abenduaren 26an.-Vianako Printzea Erakundea-Kultura eta Turismo Departamentuko kontseilaria, Juan Ramón Corpas Mauleón.
NAFARROAKO LIBURUTEGI PUBLIKOEN SISTEMAKO ZERBITZUEN GUTUNA
1.-Identifikazioa.
Nafarroako liburutegien sistema arautzen duen azaroaren 19ko 32/2002 Foru Legearen 9. artikuluan ezarritakoari jarraikiz, Nafarroako Liburutegi Publikoen Sistema liburutegi publikoen multzo antolatua da eta, irakurketa publikoaren mapan ezarritakoarekin bat, herritar guztien eskura jartzen du Liburutegi Zerbitzuen Zorroa.
Aipatu den foru legearen 14. artikuluaren arabera, Nafarroako Liburutegi Publikoen Sistemako Zorro hori herritarrei irakurketa publikoaren mapari jarraikiz ematen zaizkien liburutegi zerbitzuen multzoa da. Zerbitzuen Zorroak adieraziko du zeinek ematen duen eta norentzat den zerbitzu bakoitza, nahikotasun eta kalitate mailak zehazturik.
Nafarroako Liburutegi Publikoen Sistema osatzen dute Nafarroako Liburutegiak eta Nafarroako Foru Komunitateko Administrazioarekin hitzarmenak izenpetuz Nafarroako Liburutegi Publikoen Sisteman sarturiko udal eta eskualdeko liburutegi publikoek.
Nafarroako Liburutegi Publikoen Sistemaren kudeaketarako ildo nagusiak eremu geografikoen araberako deszentralizazioa, partaidetza eta liburutegiaren eta haren zerbitzuen ebaluazioa dira.
2.-Helburua, eskumenak eta balioak.
2.1. Vianako Printzea Erakundea-Kultura eta Turismo Departamentuaren egitura organikoa ezartzen duen irailaren 3ko 126/2007 Foru Dekretuaren 23. artikuluan zehaztutakoari jarraikiz, Liburutegien Zerbitzuak eginkizun hauek ditu:
a) Kultura, informazioa, prestakuntza eta aisialdi sortzailea eskura izateko aukeren demokratizazioa sustatzea, Nafarroako Liburutegien Sistemaren bitartez.
b) Nafarroako ondare bibliografikoa, filmografikoa eta ikus-entzunezkoa babestu, zaindu, antolatu eta ezagutaraztea.
c) Liburutegi Zerbitzuen Plan Estrategikoa prestatzea.
d) Irakurketa Publikoaren Mapa prestatzea.
e) Nafarroako Liburutegi Publikoen Sistemako Zerbitzuen Zorroa prestatzea.
f) Nafarroako Liburutegi Publikoen Sistemaren erregelamenduak egitea.
g) Liburutegien Zerbitzuko jardueren urteroko memoria idaztea.
h) Foru Administrazioak Nafarroako Liburutegi Publikoen Sistemari ematen dizkion baliabideak modu eraginkorrez kudeatzea.
i) Informazioaren eta komunikazioaren teknologien erabilera sustatzea Nafarroako Liburutegi Publikoen Sisteman.
j) Liburutegietako langileen etengabeko prestakuntza bultzatzea.
k) Liburutegien zerbitzuez baliatzeko prozesu teknikoak eta prozedurak normalizatzea.
l) Liburutegi Publikoen Sistema Nafarroako Liburutegien Sistemarekin elkarlanean aritzeko prozedurak ezarri eta garatzea.
m) Liburutegien bestelako sistemekin eta irakurketa eta informazioaren teknologia berriak sustatzeko erakundeekin elkarlanean aritzeko prozedurak ezarri eta garatzea.
n) Indarra duten xedapenek esleitzen dizkioten gainerako eginkizunak, eta helburuak egoki betetzeko bere esku uzten diren guztiak.
2.2. Liburutegien Zerbitzuaren jarduera, aurreko atalean azaldua, balio hauetan oinarrituta dago:
a) Ezagutzara iristeko bidea ematea bai formatu inprimatua bai beste era batekoa erabiliz eta, horretarako, material eta instalazio egokiak eskaintzea.
b) Alfabetatze kanpainei laguntza aktiboa ematea, funtsezkoa baita hezkuntzara eta ezagutzara iristeko eta liburutegiak eta informazio zerbitzuak erabiltzeko.
c) Tokiko informazioa biltzea eta erraz eskuratzeko moduan jartzea.
d) Iraganaren memoria gisa jokatzea, erkidegoaren eta pertsonen historiarekin lotuta dauden materialak bilduz, zainduz eta horietara iristeko bidea jarriz.
e) Erkidegoko talde guztien ezagutza beharrei erantzutea, beren adina edo egoera fisiko, ekonomiko edo soziala bat edo beste izan, eta haurrez eta gazteez arduratzea bereziki. Ezagutzak sortzen duen gogoberotasuna edo irudimen lanak akuilagarri badira haurrentzat, garapen pertsonalerako funtsezko elementu horien onura bizi osoan izanen dute, eta horrek aberastu eginen dituenez gizarteari ekarpen handiagoa eginen diote.
f) Erkidegoaren aurrerapen kultural eta artistikoaren gune izatea eta haren nortasun kulturala eratzen laguntzea, tokiko eta herrialdeko antolakuntzekin lankidetzan arituz, kultur jardueretarako eremu bat eskainiz, kultur programak antolatuz eta kultur interesak liburutegiko funtsetan ordezkatuta izateaz arduratuz.
g) Eremu publiko eta topagune garrantzitsua izatea.
3.-Zerbitzuak, konpromisoak eta betetzearen adierazleak.
Eskainitako zerbitzuak.
1. Argibideak:
-Argibide orokorrak, liburutegiaren antolaketa eta funtzionamenduari, gelen eta zerbitzuen banaketari, ordutegiei, arauei eta abarri buruzkoak.
-Argibide bibliografikoak eta erreferentziazkoak, erabiltzaileek langileei azaltzen dizkieten zalantzei edo galderei erantzuteko (zehatzak, bibliografikoak, irakurketarako orientazioa, etab.).
2. Kontsulta:
-Liburutegiaren beraren bildumako dokumentuak eta Nafarroako liburutegi publikoen katalogo kolektiboan daudenak eskuratu ahal izatea.
-Nafarroako Liburutegi Publikoen Sisteman dagoen funts zaharra kontsultatzea, eskaera eta egiaztapena egin ondoren.
-Interneteko www.navarra.es helbidetik Nafarroako Liburutegi Publikoen Katalogo Kolektiboan, Nafarroako Ondare Bibliografikoaren Katalogo Kolektiboan eta irakurleentzako maileguaren sailean sartzea.
-Bertako bilduma: liburutegia zein herritan dagoen, herri horri buruzko funts bibliografikoa, ikus-entzunezkoa eta dokumentala.
-Ikus-entzunezkoak eta multimedia, ofimatikako programen erabilera eta datu baseetan sartzea.
-Internet: erabiltzaile guztiek doan erabiltzeko aukera.
3. Funtsen mailegua:
-Liburuen, aldizkarien eta ikus-entzunezkoen mailegu pertsonala.
-Liburutegi publikoak erabiltzaile bakoitzari gehienez ere 7 dokumentu uzten ahal dizkio aldi berean, honela banatuta: 3 liburu, 2 aldizkari eta 2 ikus-entzunezko.
-Liburuen mailegu pertsonala 21 egunerako izanen da, eta halako bi aldiz luzatzen ahalko da epe hori, baldin eta beste erabiltzaile batek dokumentua erreserbatu ez badu.
-Aldizkarien mailegu pertsonala gehienez ere 7 egunerako izanen da.
-Ikus-entzunezkoen mailegu pertsonala gehienez ere 4 egunerako izanen da.
-Liburuen, aldizkarien eta ikus-entzunezkoen mailegu kolektiboa erakunde publiko eta pribatuentzat, hala nola ikastetxeak, institutuak, ospitaleak, elkarteak eta toki entitateak.
-Liburutegi publikoak gehienez ere 50 libururen mailegu kolektiboa egin dezake, 30 egunerako.
-Liburutegi publikoak gehienez ere 10 ikus-entzunezkoren mailegu kolektiboa egin dezake, 15 egunerako.
-Liburutegien arteko mailegua, erabiltzaileek Nafarroako Liburutegi Publikoen Sistemakoak edo beste sistema eta liburutegi batzuetakoak diren funtsei buruz egiten dituzten eskaerei erantzuteko.
4. Liburutegiaren erabilerari buruzko prestakuntza:
-Erabiltzaileak prestatzea liburutegi publikoaren antolaketari, funtzionamenduari eta zerbitzuei buruz, bai eta Nafarroako Liburutegi Publikoen Sistemari buruz ere, dauden baliabide guztiak zuzen erabili eta ongi aprobetxa daitezen.
5. Dokumentuak kopiatzea:
-Erreprografia zerbitzua, eskanerra eta inprimagailuak, nahiz eta horien erabilera egile eskubideei eta jabetza intelektualari buruzko legeriaren mende egon (uztailaren 7ko 23/2006 Legea, Jabetza Intelektualari buruzko Legearen Testu Bategina, apirilaren 12ko 1/1996 Legegintzako Errege Dekretuaren bidez onetsia, aldatzen duena). Zerbitzu horrek norberak erabiltzeko fotokopiagailuak ditu eta, gainera, euskarri digitaleko kopiak lortzen ahal dira.
6. Kultur jarduerak antolatzea:
-Irakurketa eta informazioaren teknologia berriak sustatzea, erabiltzaileen sektore desberdinentzako jardueren bitartez.
7. Zenbait erabileratarako egokiak diren eremuak:
-Liburutegiko bilduma kontsultatzeko eremua.
-Ikasteko eremua, kontsultarako eta ikasteko material pertsonala erabiltzeko tokia.
-Hemeroteka: egunkari eta aldizkari inprimatuak eta euskarri elektronikokoak.
-Haurren eremua, 14 urtetik beherakoentzat, eta bertan liburu, ikus-entzunezko eta ekipamendu egokiak.
Kalitate konpromisoak.
Nafarroako Liburutegi Publikoen Sistema osatzen duten udal eta eskualdeko liburutegi publikoek eta Nafarroako Liburutegiak funts orokor bat dute, kultura, hezkuntza, josteta eta gizarte arloko informazioa ematen dute, baita kontsulta eta mailegurako ere, eta herritar guztien eskura daude, adina, arraza, sexua, erlijioa, nazionalitatea edo gizarte maila direla eta bereizketarik egin gabe.
Nafarroako Liburutegi Publikoen Sistemak ondokoa eskaintzen die erabiltzaileei:
-Bana-banako harrera: tratu atsegin eta adeitsua liburutegi publikoetako zerbitzu guztietan.
-Berehalako erantzuna informazio orokorreko galdera guztiei. Informazio bibliografikoko eta erreferentziazko galderei, unean-unean erantzuteko modukoak ez badira, 48 orduko epean emanen zaie erantzuna.
-Irakurle txartela, Nafarroako liburutegi publiko guztiak erabiltzeko aukera ematen duena. Irakurle txartela doakoa da eta lau laneguneko epean ematen da, norberak zuzenean edo Internet bidez eskatu ondoren.
-Erabiltzaileek dokumentuak erosteko egiten dituzten iradokizunak (desiderata) kontuan hartzea.
-Mailegua egiteko gehienez ere 10 minutu itxarotea.
-Bildumak arlo guztietan eguneratzea eta lan kaleratu berriak erostea.
-Liburutegien arteko mailegua doakoa da Nafarroako Liburutegi Publikoen Sistemaren barruan egiten denean.
-Liburutegietan bertan eta Interneten azaltzen dira liburutegien helbideak, telefonoak, posta elektronikoak eta ordutegiak.
-Erabiltzaile bakoitzari bermatuko zaio gutxienez ere 30 minutuz erabiltzen ahalko dituela Internet eta ofimatikako programak.
Betetzearen adierazleak.
-Liburutegi publikoek ematen duten zerbitzua erabiltzeko eskaera handitzearen adierazle izanen da irakurleen 6.000 txartel berri egitea urtean, Nafarroako Liburutegi Publikoen Sistemako erregistro informatikoaren arabera.
-Funts zabal, eguneratu eta askotarikoa izateak liburutegiek kalitatea eskaini ahal izatea bermatzen du. Hala, zerbitzuaren xede den biztanle bakoitzeko 2,5 dokumentuko indizea izanen da kalitatearen adierazlea.
-Liburutegi zerbitzuaren funtsezko zeregina dokumentuen mailegua egitea da. Hala, liburutegia daukan herriko biztanle bakoitzeko urtean 1,5 mailegu egitea izanen da kalitatearen adierazlea.
-Liburutegi publikoak liburutegien arteko mailegua tramitatzen du Nafarroako Liburutegi Publikoen Sistemaren barruan, gehienez ere bi laneguneko epean, eta kudeaketaren emaitzaren berri ematen dio eskatzaileari.
-Irakurle txartelaren titularrak dokumentu bat erosteko eskaera egin dezake horretarako prestatuta dagoen inprimaki bat erabiliz. Eskaera jasotzen duen liburutegiak hartzen den erabakiaren berri emanen dio eskatzaileari, bost laneguneko epean.
-Liburutegiko instalazioen kalitatea azalera erabilgarriarekin lotuta dago, hori baita kultur azpiegitura egoki, askotariko, malgu eta eroso baten adierazlea. Horretarako, Liburutegi Publikoen Sisteman, gutxieneko azalera 70 metro karratukoa izanen da zerbitzu ematen zaion herriko 1.000 biztanleko.
-Liburutegi publikoetara jendea maiz joateak eskaintza erakargarria dela eta instalazioek kalitatea dutela erakusten du. Hala, liburutegia daukan herriko biztanle bakoitza liburutegira urtean 3 aldiz joatea izanen da kalitatearen adierazlea.
-Liburutegi publikoek izan behar dute informazioaren teknologia berrien zabalkundearen eta demokratizazioaren aitzindari. Alde horretatik, Kultura Ministerioak ezarritako ildoekin bat, Nafarroako Liburutegi Publikoen Sistemarako kalitate adierazlea izanen da Interneterako lotura duen eta edonork erabiltzen ahal duen ordenagailu bat edukitzea 2.000 biztanleko.
4.-Zerbitzuen gutuna kudeatzea.
Liburutegien Zerbitzuak kudeatuko du Zerbitzuen Gutun hau, Zerbitzu horretako zuzendariaren erantzukizunpean.
Atalburu bakoitzak izanen du 3. artikuluan hartutako konpromisoak gauzatzeko behar diren neurriak hartzeko ardura, bakoitzak bere jardun esparruan, bai eta kasuan kasuko adierazleen bilakaerararen jarraipena eta aldizkako kontrola egitekoa ere.
Liburutegien Zerbitzuak auditoretzak egiten ahalko ditu konpromisoak eta adierazleen jarraipena noraino bete diren egiaztatzeko.
Auditoretzetan atalburutzetarako gomendioak jasotzen ahal dira, eta burutzek behar den guztia beteko dute hobekuntza sustatzeko eta, ahal dela, hurrengo aldian horiek gauzatzeko.
Auditoretzaren txostena Vianako Printzea Erakundea-Kultura eta Turismoko kontseilariari igorriko zaio.
5.-Arauen zerrenda.
-32/2002 Foru Legea, azaroaren 19koa, Nafarroako Liburutegien Sistema arautzen duena.
-15/2004 Foru Legea, abenduaren 3koa, Nafarroako Foru Komunitateko Administrazioari buruzkoa.
-21/2005 Foru Legea, abenduaren 29koa, Politika Publikoak eta Zerbitzu Publikoen Kalitatea Ebaluatzeari buruzkoa.
-72/2005 Foru Dekretua, maiatzaren 9koa, Nafarroako Foru Komunitateko Administrazioaren eta haren erakunde autonomoen Zerbitzuen Gutunak arautzen dituena.
-126/2007 Foru Dekretua, irailaren 3koa, Vianako Printzea Erakundea-Kultura eta Turismo Departamentuaren egitura organikoa ezartzen duena.
-122/2002 Foru Agindua, apirilaren 25ekoa, Hezkuntza eta Kulturako kontseilariak emana, "Nafarroako liburutegi publikoetako bazkideen erregistroa" izenarekin fitxategi informatizatu bat sortzen duena.
-345/2004 Foru Agindua, azaroaren 11koa, Kultura eta Turismoko kontseilariak emana, Nafarroako liburutegi publikoetako erabiltzaileen iradokizun, kontsulta eta erreklamazioei erantzuteko protokoloa onesten duena.
-119/2005 Foru Agindua, urriaren 11koa, Lehendakaritza, Justizia eta Barneko kontseilariak emana, Nafarroako Foru Komunitateko Administrazioaren eta haren erakunde autonomoen Zerbitzuen Gutunen diseinua eta egitura arautzen dituena.
6.-Zerbitzuen erabiltzaileen eskubideak.
Nafarroako liburutegi publikoetako erabiltzaileek eskubide hauek dituzte, besteak beste:
-Nafarroako Liburutegi Publikoen Sistema osatzen duten liburutegi guztietan sarrera erabat libre eta doakoa, hau da, Nafarroako Liburutegian eta Nafarroako Foru Komunitateko Administrazioarekin hitzarmenak izenpetuz Nafarroako Liburutegi Publikoen Sisteman sarturiko udal eta eskualdeko liburutegi publikoetan.
-Nafarroako Liburutegi Publikoen Sisteman sartutako liburutegietan ematen diren zerbitzu guztiak erabiltzea, ezartzen diren denbora aldi eta ordutegietan: funtsen kontsulta, mailegu pertsonala.
-Funtsak bilatzeari eta liburutegian ematen diren zerbitzuei buruzko argibideak eta laguntza jasotzea.
-Liburutegiko langileengandik arreta egoki eta eraginkorra jasotzea.
-Liburutegiko zerbitzuei buruzko iradokizunak, kontsultak eta erreklamazioak egitea.
7.-Zerbitzuen erabiltzaileen betebeharrak.
-Ordena zaintzea eta pertsonekiko eta ondasun higigarri eta higiezinekiko errespetuz jokatzea, inolako kalte edo galerarik sortu gabe.
-Datu pertsonalak eskatzen zaizkienean, datu egiazkoak, zehatzak, benetakoak eta indarra dutenak ematea. Erabiltzaileek datu pertsonalak eguneratuak izateko betebeharra dute.
-Liburutegi publikoetako eremuak eta baliabide informatikoak horientzat ezarri den helbururako erabiltzea.
-Liburutegiko txartela arduraz erabiltzea, kontuan izanda txartela pertsonala dela eta ezin zaiola beste inori utzi.
-Jabetza intelektualaren eta egile eskubideen inguruan indarra duen legeria errespetatzea.
8.-Nafarroako Liburutegi Publikoetako zerbitzuak hobetzen laguntzea eta horretan parte hartzea.
Liburutegien Zerbitzuaren aburuz garrantzi handikoa da herritarrek ematen diren zerbitzueri buruz duten balorazio eta iritzia jakitea, eta erabiltzaile guztiei eskerrak ematen dizkie zerbitzuak hobetzen laguntzeagatik.
Horretarako, iradokizun, kontsulta eta erreklamazioen orria dago erabiltzaileen eskura, eta horiei erantzuna emateko protokoloa ere bada. Ondoren zehazten da.
9.-Iradokizunen eta erreklamazioen sistema.
Vianako Printzea Erakundea-Kultura eta Turismoko kontseilariak azaroaren 11n emandako 345/2004 Foru Aginduaren bidez, Nafarroako liburutegi publikoetako erabiltzaileen iradokizun, kontsulta eta erreklamazioei erantzuteko protokoloa onetsi da, Liburutegien Zerbitzuari atxikitako langileek bete dezaten, bai eta erabiltzaileen halako ekimenak biltzeko inprimakia ere.
Protokolo horren xedea da Nafarroako liburutegi publikoetako erabiltzaileek egiten dituzten iradokizun, kontsulta eta erreklamazioak kudeatzeko prozedura ezartzea, halakoak jaso, baloratu, erantzun, artxibatu eta, gero, hobekuntza neurriak hartzeari dagokionez, liburutegietako erabiltzaileen eta langileen gogobetetasuna geroz eta handiagoa izan dadin.
Iradokizunen, kontsulten eta erreklamazioen orria (IKE) bete eta liburutegi publikoko iradokizunen postontzian utziko da edo, bestela, erabiltzaileak nahiago izanez gero, liburutegiko langileei zuzenean emanen zaie.
IKE orria jasotzen duten liburutegiko langileek erantzunaren proposamen bat idatziko dute eta Liburutegi Sarearen atalburuari edo Nafarroako Liburutegi Nagusiaren atalburuari igorriko diote, horiek erantzuna idatzi eta, Liburutegien Zerbitzuko zuzendariak sinatu ondoren, erabiltzaileari bidaliko zaio.
Liburutegi publikoko langileek bost laneguneko epea dute dokumentazioa Atalera bidaltzeko eta Atalak, berriz, beste bost lanegun interesdunari helarazteko.
Interes orokorreko IKE orriak hobekuntza Taldeak aztertuko ditu, orrietan agertzen dena gauzatzeko beharrezkoak diren neurriak ezar daitezen. Liburutegien Zerbitzuko zuzendariak eta kasuan kasuko atalburuek osatuko dute talde hori.
10.-Jendea hartzeko helbideak eta ordutegiak.
Liburutegi Zerbitzua
San Frantzisko plaza 31001 Iruña
Tel.: 848426445 Faxa: 848427788
Posta elektronikoa: bibliotecas.publicas@navarra.es
Web orria: www.navarra.es
Jendearentzako ordutegia: 08:30 - 14:30, astelehenetik ostiralera.
Nafarroako Liburutegi Nagusia
San Frantzisko plaza 31001 Iruña
Tel. 848427797
Posta elektronikoa: biblioteca.general@cfnavarra.es
Web orria: http://www.bibliotecaspublicas.es/general/
Jendearentzako ordutegia: 8:30 - 20:45 astelehenetik ostiralera; 8:30 - 14:45 uztailean eta abuztuan; 8:30 - 13:45 larunbatetan uztailean, abuztuan eta irailean izan ezik
Nafarroako liburutegi publikoak
Ablitas
Tudela etorb., 27 31523 Ablitas Tel. 948813623
bibliabl@cfnavarra.es
Neguan: 16:30 - 20:30 Udan: 10:00 - 14:00
Oibar
Crispin Pintatzailea, zk.g. 31460 Oibar Tel. 948877513
bibliaib@cfnavarra.es
Neguan: 16:30 - 20:30 Udan: 10:00 - 14:00
Altsasu
Pilotalekuko etorbidea, 5 31800 Altsasu
Tel. 948564834
biblials@cfnavarra.es
http://www.bibliotecaspublicas.es/alsasua/index.htm
Neguan: 15:00 - 21:00 Udan: 08:30 - 14:30
Allo
Foruen plaza, 7. 31262 Allo Tel. 948523702
bibliall@cfnavarra.es
Neguan: 16:30 - 20:30 Udan: 10:00 - 14:00
Andosilla
Virgen de la Cerca plaza, 1 31261 Andosilla Tel. 948931998
bibliand@cfnavarra.es
Neguan: 16:30 - 20:30 Udan: 10:00 - 14:00
Antsoain
Artzaintsa Jainkotiarra, 15 atzealdea 31013 Antsoain Tel. 948148983
biblians@cfnavarra.es
Neguan: 15:00 - 21:00 Udan: 08:30 - 14:30
Añorbe
Foruen plaza, 31154 Añorbe Tel. 948350006
biblioanorbe@yahoo.es
Neguan: 16:30 - 19:30 Udan: 17:00 - 20:00
Agoitz
José Amichi plaza, zk.g. 31430 Agoitz Tel. 948336453
bibliaoi@cfnavarra.es
Neguan: 15:00 - 21:00 Udan: 08:30 - 14:30
Aranguren ibarra
Eguzki plaza 31192 Mutiloabeiti Tel. 948290881
bibliara@cfnavarra.es
Neguan: 15:00 - 21:00 Udan: 08:30 - 14:30
Arguedas
General Clemente plaza, 2 31513 Arguedas Tel. 948844682
bibliarg@cfnavarra.es
Neguan: 16:30 - 20:30 Udan: 10:00 - 14:00
Arroitz
Foruen plaza, 1 31243 Arroitz Tel. 948537635
biblioarroniz@yahoo.es
Neguan: 17:30 - 20:30 Udan: 10:00 - 13:00
Artaxoa
Mayor, 2 31140 Artaxoa Tel. 948364461
bibliart@cfnavarra.es
Neguan: 16:30 - 20:30 Udan: 10:00 - 14:00
Artika
Camino de la Fuente, 1 31013 Artika Tel. 948382622
bibliarc@cfnavarra.es
Neguan: 16:00 - 22:00 Udan: 9:00 - 15:00
Aurizberri
San Bartolomé, 47 31694 Aurizberri Tel. 948760123
bibliesp@cfnavarra.es
http://perso.wanadoo.es/herrilib
Neguan: 15:00 - 21:00 Udan: 08:30 - 14:30
Azagra
Entre Ríos, 9 31560 Azagra Tel. 948692572
bibliaza@cfnavarra.es
Neguan: 15:00 - 21:00 Udan: 08:30 - 14:30
Barañain
Nafarroako Komunitatea 2, 1. solairua 31010 Barañain
Tel. 948286628
biblibar@cfnavarra.es
http://www.bibliotecaspublicas.es/baranain/index.jsp
Neguan: 09:00 - 21:00 Udan: 08:30 - 14:30
Baztan
Jaime Urrutia, zk.g 31700 Elizondo Tel. 948581204
biblibaz@cfnavarra.es
Neguan: 15:00 - 21:00 Udan: 08:30 - 14:30
Bera
Eztegara pasalekua, 9 31780 Bera
Tel. 948625502
bibliber@cfnavarra.es
Neguan: 15:00 - 21:00 Udan: 08:30 - 14:30
Beriain
San Francisco pasealekua, zk.g. 31191 Tel. 948368321
biblibri@cfnavarra.es
Neguan: 16:30 - 20:30 Udan: 10:00 - 14:00
Berriozar
Etxaburua, zk.g. 31013 Berriozar Tel. 948301765
biblibrr@cfnavarra.es
Neguan: 15:00 - 21:00 Udan: 08:30 - 14:30
Buñuel
San Gregorio, 9 31540 Buñuel Tel. 948832027
biblibun@cfnavarra.es
Neguan: 16:30 - 20:30 Udan: 10:00 - 14:00
Burlata
Ezkabazabal plaza, 6 31600 Burlata Tel. 948136633
biblibur@cfnavarra.es
Neguan: 09:00 - 21:00 Udan: 08:30 - 14:30
Cabanillas
San Roque, zk.g. 31511 Cabanillas Tel. 686508481
bibliocabanillas@yahoo.es
Neguan: 16:30 - 20:30 Udan: 10:00 - 14:00
Cadreita
Udal plaza 31515 Cadreita Tel. 948406596
bibliocadreita@yahoo.es
Neguan: 16:30 - 20:30 Udan: 10:00 - 14:00
Caparroso
España plaza, 1 31380 Caparroso Tel. 948730708
biblicap@cfnavarra.es
Neguan: 16:30 - 20:30 Udan: 10:00 - 14:00
Zarrakaztelu
Errepidea, 40 31310 Zarrakaztelu Tel. 948725851
biblicar@cfnavarra.es
Neguan: 15:00 - 21:00 Udan: 08:30 - 14:30
Cascante
San Pedro, 3 31520 Cascante Tel. 948844524
biblicas@cfnavarra.es
Neguan: 15:00 - 21:00 Udan: 08:30 - 14:30
Kaseda
Merkatuko plaza 31490 Kaseda Tel. 948434118
biblicad@cfnavarra.es
Neguan: 16:30 - 20:30 Udan: 10:00 - 14:00
Castejon
Julián Gayarre, zk.g. 31590 Castejon Tel. 948814015
biblicat@cfnavarra.es
Neguan: 15:00 - 21:00 Udan: 08:30 - 14:30
Cintruenigo
Foruen plaza, 1 31592 Cintruenigo Tel.: 948815718
biblicin@cfnavarra.es
Neguan: 15:00 - 21:00 Udan: 08:30 - 14:30
Corella
María Teresa parkea 31591 Corella Tel. 948780577
biblicor@cfnavarra.es
Neguan: 15:00 - 21:00 Udan: 08:30 - 14:30
Cortes
San Miguel, zk.g. 31530 Cortes Tel. 948800087
biblicot@cfnavarra.es
http://bibliotecacortes.googlepages.com/
Neguan: 15:00 - 21:00 Udan: 08:30 - 14:30
Doneztebe
Foruen plaza, 1 31740 Doneztebe
Tel. 948451712
biblioteca.santesteban@animsa.es
Neguan: 17:00 - 20:00 Udan: 10:00 - 13:00
Eguesibar
Uharteko errepidea, 5. km 31620 Olatz Tel. 948337974
biblioteca@egues.animsa.es
Neguan: 15:00 - 20:00 astelehenetik ostiralera. Larunbatean 11:00 - 13:30
Lizarra
Ruiz de Alda, 34-36 31200 Lizarra Tel. 948556419
bibliest@cfnavarra.es
http://www.bibliotecaspublicas.es/estella/index.htm
Neguan: 09:00 - 21:00 Udan: 08:30 - 14:30
Etxarri Aranatz
Nagusia, 15 behea 31820 Etxarri Aranatz Tel. 948461181
biblietx@cfnavarra.es
Neguan: 16:30 - 20:30 Udan: 10:00 - 14:00
Faltzes
El Salvador etorb., zk.g. 31370 Faltzes Tel. 948734776
biblifal@cfnavarra.es
Neguan: 16:30 - 20:30 Udan: 10:00 - 14:00
Fitero
Las Malvas plaza, zk.g. 31593 Fitero Tel. 948776603
biblifit@cfnavarra.es
Neguan: 16:30 - 20:30 Udan: 10:00 - 14:00
Fontellas
Foruen plaza, 17 31512 Fontellas Tel. 948823577
bibliofontellas@yahoo.es
Neguan: 18:00 - 20:00 Udan: 11:00 - 13:00
Funes
Navarro Villoslada 31360 Funes Tel. 948716095
biblifun@cfnavarra.es
Neguan: 16:30 - 20:30 Udan: 10:00 - 14:00
Fustiñana
J. Pascual Esteban, 3 31510 Fustiñana Tel. 948840350
biblifus@cfnavarra.es
Neguan: 16:30 - 20:30 Udan: 09:30 - 13:30
Uharte
Virgen Blanca, 2 31620 Uharte Tel. 948335043
biblihua@cfnavarra.es
Neguan: 15:00 - 21:00 Udan: 08:30 - 14:30
Irurtzun
Foruen plaza, 31860 Irurtzun Tel. 948500708
bibliiru@cfnavarra.es
Neguan: 16:30 - 20:30 Udan: 10:00 - 14:00
Lakuntza
Herriko Enparantza 31830 Lakuntza
bibliolakuntza@yahoo.es
Neguan: 16:00 - 20:00 Udan: uztailean eta abuztuan itxia.
Larraga
Foruen plaza, zk.g. 31251 Larraga Tel. 948711011
bibliolarraga@yahoo.es
Neguan: 17:30 - 20:30 Udan: 10:00 - 13:00
Leitza
Amazabal, zk.g. 31880 Leitza Tel. 948510379
biblilei@cfnavarra.es
Neguan: 15:00 - 21:00 Udan: 08:30 - 14:30
Lekunberri
Alde Zaharra, 33 31870 Lekunberri Tel. 948604582
bibliolekunberri@yahoo.es
Neguan: 10:00 - 13:00 eta 16:30 - 20:00 Udan: 08:30 - 13:30
Lerin
Mayor, 24-3.a 31260 Lerin Tel. 948530659
bibliler@cfnavarra.es
Neguan: 16:30 - 20:30 Udan: 10:00 - 14:00
Lesaka
Plaza Zaharra, 1-3.a 31770 Lesaka Tel. 948637801
bibliles@cfnavarra.es
Neguan: 15:00 - 21:00 Udan: 08:30 - 14:30
Lodosa
Ribera etorb., 41 31580 Lodosa Tel. 948694805
biblilos@cfnavarra.es
Neguan: 15:00 - 21:00 Udan: 08:30 - 14:30
Los Arcos
San Lázaro, 2 31210 Los Arcos Tel. 948640809
biblilar@cfnavarra.es
Neguan: 16:30 - 20:30 Udan: 10:00 - 14:00
Irunberri
Pilar, zk.g. 31440 Irunberri Tel. 948880505
biblilum@cfnavarra.es
Neguan: 16:30 - 20:30 Udan: 10:00 - 14:00
Mañeru
Foruen plaza, 31130 Mañeru Tel. 948340479
bibliomaneru@yahoo.es
Neguan: 17:30 - 19:30 Al.-Ar.-Ol. 10:00 - 13:00 Larunbatetan
Udan: 17:30 - 19:30 Al.-Ar.-Ol. 10:00 - 13:00 Larunbatetan
Martzilla
San Bartolomé 31340 Martzilla Tel. 948757403
biblimar@cfnavarra.es
Neguan: 16:30 - 20:30 Udan: 10:00 - 14:00
Melida
La Oliva, zk.g. 31382 Melida Tel. 948746802
biblimel@cfnavarra.es
Neguan: 16:30 - 20:30 Udan: 10:00 - 14:00
Mendabia
Udaletxeko plaza, 1 31587 Mendabia Tel. 948685803
biblimen@cfnavarra.es
Neguan: 15:00 - 21:00 Udan: 08:30 - 14:30
Mendigorria
La Verdura 31150 Mendigorria Tel. 948343063
biblimed@cfnavarra.es
Neguan: 16:30 - 20:30 Udan: 10:00 - 14:00
Milagro
San Juan etorb., 1 a 31320 Milagro Tel. 948409239
biblimlg@cfnavarra.es
Neguan: 16:30 - 20:30 Udan: 10:00 - 14:00
Miranda Arga
Foruen plaza, 1 31253 Miranda de Arga Tel. 948737312
biblimda@cfnavarra.es
Neguan: 16:30 - 20:30 Udan: 10:00 - 14:00
Monteagudo
Huerto Mayor, 7 31522 Monteagudo Tel. 948816714
biblimon@cfnavarra.es
Neguan: 16:30 - 20:30 Udan: 10:00 - 14:00
Murchante
Fernando Mardones y Angulo 31521 Murchante Tel. 948838684
biblimur@cfnavarra.es
Neguan: 15:00 - 21:00 Udan: 08:30 - 14:30
Noain
Errege kalea, 10 31110 Noain (Elortzibar) Tel. 948312149
biblinoa@cfnavarra.es
Neguan: 15:00 - 21:00 Udan: 08:30 - 14:30
Obanos
San Ignacio, 1-A 31151 Obanos Tel. 948344549
bibliobanos@yahoo.es
Neguan: 17:00 - 20:00 Astelehenetik ostiralera 10:00 - 13:00 Larunbatetan
Udan: 10:00 - 13:00 Astelehenetik larunbatera
Olazti
Orreaga, 3-5 31809 Olazti Tel. 948564858
bibliola@cfnavarra.es
Neguan: 16:30 - 20:30 Udan: 10:00 - 14:00
Erriberri
Rua Mayor, 37 31390 Erriberri Tel. 948740772
biblioli@cfnavarra.es
Neguan: 15:00 - 21:00 Udan: 08:30 - 14:30
Oteitza
San Isidro, 10 31250 Oteitza Tel. 948536203
biblioteiza@yahoo.es
astelehenetik ostiralera 16:30 - 19:30
Iruña-Txantrea
Arriurdiñeta plaza, 4 31015 Iruña Tel. 948149882
biblicha@cfnavarra.es
Neguan: 15:00 - 21:00 Udan: 08:30 - 14:30
Iruña-CIVICAN
Pio XII.a, 2 bis 31008 Iruña. Tel. 948074343
biblioteca@civican.net
http://www.bibliotecaspublicas.es/civican/index.jsp
Helduen aretoa: astelehenetik larunbatera 09:00 - 14:00 eta 16:00 - 21:00
Haurren aretoa: astelehenetik ostiralera 17:00 - 20:00 Larunbatetan eta eskola oporretan: 10:00 - 14:00 eta 17:00 - 20:00
Uztailean eta abuztuan, larunbatetan bi aretoak itxita.
Iruña-Etxabakoitz
Urdanoz multzoa, Aróstegui etorb., zk.g. 31009 Iruña Tel. 948273262
bibliech@cfnavarra.es
Neguan: 15:00 - 21:00 Udan: 08:30 - 14:30
Iruña-Iturrama
Ezkirotz, 24 31007 Iruña Tel. 948198987
biblitur@cfnavarra.es
Neguan: 15:00 - 21:00 Udan: 08:30 - 14:30
Iruña-Mendillorri
Sarriguren Kontzejua, 3 31016 Iruña Tel. 948162847
biblimdl@cfnavarra.es
Neguan: 15:00 - 21:00 Udan: 08:30 - 14:30
Iruña-Milagrosa
Isaac Albéniz, 8 behea 31005 Iruña Tel. 948245460
biblimil@cfnavarra.es
Neguan: 15:00 - 21:00 Udan: 08:30 - 14:30
Iruña-Sanduzelai
Gortari doktorea, 2 31012 Iruña Tel. 948125108
biblisjo@cfnavarra.es
http://www.bibliotecaspublicas.es/sanjorge/index.htm
Neguan: 15:00 - 21:00 Udan: 08:30 - 14:30
Iruña-San Pedro
Ugaldeko Andre Maria, zk.g. 31014 Iruña Tel. 948136664
biblispe@cfnavarra.es
http://www.bibliotecaspublicas.es/SanPedro/index.jsp
Neguan: 15:00 - 21:00 Udan: 08:30 - 14:30
Iruña-Yamaguchi
Yamaguchi plaza, 12 31008 Iruña Tel. 948264028
bibliyam@cfnavarra.es
http://www.bibliotecaspublicas.es/pamplona/index.jsp
Neguan: 15:00 - 21:00 Udan: 08:30 - 14:30
Azkoien
Corte, 13 31350 Azkoien Tel. 948753210
bibliper@cfnavarra.es
http://www.bibliotecaspublicas.es/peralta
Neguan: 15:00 - 21:00 Udan: 08:30 - 14:30
Gares
Julián Mena plaza, zk.g. 31100 Gares Tel. 948341281
biblipue@cfnavarra.es
Neguan: 16:30 - 20:30 Udan: 10:00 - 14:00
Ribaforada
Donantes plaza, 31550 Ribaforada Tel. 948819266
biblirib@cfnavarra.es
Neguan: 15:00 - 21:00 Udan: 08:30 - 14:30
Erronkari
Julián Gayarre, 1 31415 Erronkari Tel. 948475173
bibliron@cfnavarra.es
Neguan: 16:30 - 20:30 Udan: 10:00 - 14:00
San Adrian
Vera Magallón 31570 San Adrian Tel. 948672025
biblisad@cfnavarra.es
Neguan: 15:00 - 21:00 Udan: 08:30 - 14:30
Zangoza
San Miguel, 66 31400 Zangoza Tel. 948871417
biblisan@cfnavarra.es
Neguan: 15:00 - 21:00 Udan: 08:30 - 14:30
Sartaguda
Arriba, 2 31589 Sartaguda Tel. 948697416
bibliosartaguda@yahoo.es
http://biblioteca.sartaguda.com/
Neguan: 16:00 - 20:30 Udan: 16:00 - 20:30
Sesma
Diputazioaren plaza, 6, 31293 Sesma Tel. 948698019
bibliosesma@yahoo.es
Neguan: 16:00 - 19:00 Udan: 10:00 - 13:00
Tafalla
San Juan, 1 31300 Tafalla Tel. 948703933
biblitaf@cfnavarra.es
http://www.bibliotecaspublicas.es/tafalla/index.htm
Neguan: 09:00 - 21:00 Udan: 08:30 - 14:30
Tutera
Herrerías, 14 31500 Tutera Tel. 948848083
biblitud@cfnavarra.es
http://www.bibliotecaspublicas.es/tudela/index.jsp
Neguan: 09:00 - 14:00 eta 16:30 - 20:30 Udan: 08:30 - 14:30
Urdiain
Barrenkalde, 24 31810 Urdiain Tel. 948564857
urdiainlib@cederna.es
Neguan: 17:00 - 20:00 Udan: 10:00 - 13:00
Valtierra
Derechos Humanos plaza, 10 31514 Valtierra
Tel. 948407754
biblival@cfnavarra.es
Neguan: 16:30 - 20:30 Udan: 10:00 - 14:00
Viana
Navarro Villoslada, 26 31230 Viana Tel. 948646537
biblivia@cfnavarra.es
Neguan: 15:00 - 21:00 Udan: 08:30 - 14:30
Villafranca
Paseo de las Escuelas zeharkalea, zk.g. 31330 Villafranca
Tel. 948845512
biblivfr@cfnavarra.es
Neguan: 16:30 - 20:30 Udan: 10:00 - 14:00
Atarrabia
Kale Nagusia, 64 31610 Atarrabia Tel.: 948335042
biblivil@cfnavarra.es
Neguan: 15:00 - 21:00 Udan: 08:30 - 14:30
Ziordia
Santa Maria, 76 31809 Ziordia Tel. 948468970
ziordialib@cederna.es
Neguan: 16:30 - 20:30 Udan: 10:00 - 14:00
Zizur Nagusia
Erreniega parkea, 25 31180 Zizur Nagusia Tel. 948286629
bibliziz@cfnavarra.es
http://www.bibliotecaspublicas.es/zizurmayor/index.htm
Neguan: 15:00 - 21:00 Udan: 08:30 - 14:30
11.-Zerbitzuen gutunaren ardura duen unitatea.
Liburutegien Zerbitzua
San Frantzisko plaza 31001 Iruña
Tel. 848426445
Faxa: 848427788
Posta elektronikoa: bibliotecas.publicas@navarra.es
Web orria: www.navarra.es
Iragarkiaren kodea: F0900219
Sarbidea
Nafarroako Aldizkari Ofiziala
Paseo Pablo Sarasate, 38, 2.º izda.
31001 - Iruña
848 42 12 50