I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Plantilla Organikoa, Lan Publikoaren Eskaintza, oposizioak eta lehiaketak
289/2009 EBAZPENA, otsailaren 5ekoa, Osasunbidea-Nafarroako Osasun Zerbitzuko zuzendari kudeatzaileak emana, Osasunbidea-Nafarroako Osasun Zerbitzuko zuzendari kudeatzaileak irailaren 23an emandako 1458/2008 Ebazpenaren 1.1. oinarria aldatzen duena. Ebazpen horren bidez, Osasunbidea-Nafarroako Osasun Zerbitzuko erizaintzako laguntzaile izateko lanpostu batzuk, 1.1 deialdian aipatzen direnak, oposizio-lehiaketa bidez betetzeko deialdia onetsi zen.
Osasunbidea-Nafarroako Osasun Zerbitzuko zuzendari kudeatzaileak abuztuaren 12an emandako 1222/2008 Ebazpenaren bidez, Osasunbidea-Nafarroako Osasun Zerbitzua erakunde autonomoan erizaintzako laguntzaile izateko 233 lanpostu huts merezimendu lehiaketa bidezko lekualdatzeaz betetzeko deialdia onetsi zen.
Ondoren, Osasunbidea-Nafarroako Osasun Zerbitzuko zuzendari kudeatzailearen irailaren 23ko 1458/2008 Ebazpenaren bidez, 1.1 oinarrian adierazten diren Osasunbidea-Nafarroako Osasun Zerbitzuko erizaintzako laguntzaile lanpostuak oposizio-lehiaketa bidez betetzeko deialdia onetsi zen.
Ildo horretan, 1.1 oinarriak hauxe ezartzen du: "Deialdi honen xedea da lan eskaintza publikoan ageri diren erizaintzako laguntzaileen lanpostuak oposizio-lehiaketa bidez betetzea. Lanpostu horiek hutsik geldituko dira Osasunbidea-Nafarroako Osasun Zerbitzuko zuzendari kudeatzaileak abuztuaren 12an emandako 1222/2008 Ebazpenaren bidez onetsitako lekualdatze lehiaketaren ondorioz; aldez aurretik kendu dira eszedentzian daudenek, behin-behineko atxikipenean itzulitakoek edo Nafarroako Foru Komunitateko Administrazioaren beste erakunde autonomo edo departamentuetakoek betetzen dituzten lanpostuak eta lekualdatze nazionaleko lehiatzaileei esleitzen zaizkienak. Deialdi hura 2008ko 113. bon.ean argitaratu zen, irailaren 15ean.
Onartu eta baztertuen behin betiko zerrenda onesten duen ebazpenean zehaztuko dira lanpostuen kopurua, destinoak eta plantillako zenbakiak; hain zuzen, aipatu lekualdatzea burututa ateratzen direnak izanen dira."
Lekualdatze lehiaketa hori tramitazio fasean dago oraindik. Hortaz, ezinezkoa da oposizio lehiaketa bidez beteko diren lanpostu hutsen zerrenda izangai onartu eta baztertuen behin betiko zerrendarekin batera adieraztea, dealdiaren 1.1 oinarrian ezarri zen bezala.
Hortaz, oposizio lehiaketa ez geldiarazteko eta oposizioaldia otsailean hasi ahal izateko, beharrezkoa da lanpostu horiek betetzeko irailaren 23ko 1458/2008 Ebazpenaren bidez onetsi zen deialdiaren 1.1 oinarria aldatzea.
Horrenbestez, uztailaren 3ko 45/2006 Foru Dekretuaren bidez emandako ahalmenak erabiliz,
EBATZI DUT:
1. 1.1 oinarriaren bigarren paragrafoa aldatzea. Hona testu berria:
"Lanpostuen kopurua, destinoak eta plantillako zenbakiak lekualdatze lehiaketa hori bukatu ondoren finkatuko dira, Giza Baliabideen Zerbitzuko zuzendariaren ebazpenaren bidez".
2. Ebazpen hau Nafarroako Aldizkari Ofizialean argitaratzea, behar diren ondorioak izan ditzan.
3. Ebazpen hau igortzea Osasunbidea-Nafarroako Osasun Zerbitzuko Deialdiak Tramitatzeko Atalera eta Osasun Departamentuko Idazkaritza Tekniko Nagusira, behar diren ondorioak izan ditzan.
Iruñean, 2009ko otsailaren 5ean.-Osasunbidea-Nafarroako Osasun Zerbitzuko zuzendari kudeatzailea, José Carlos Garde Celigueta.
Iragarkiaren kodea: F0902158
