I. NAFARROAKO FORU KOMUNITATEA
1.3. BESTELAKO XEDAPENAK
1.3.6. Beste batzuk
835/2008 EBAZPENA, abenduaren 26koa, Ikuskapenaren eta Zerbitzuen zuzendari nagusiak emana, San Adriango Udalaren Musika Eskolaren baimena aldatzen duena, ikasketa gehiago eskaintzeko.
Carlos Arriezu Vera jaunak, San Adriango Udal Musika Eskolaren Udal Patronatuko lehendakariak, baimena eskatu du "bateria" eta "gitarra elektrikoa" musika tresnen espezialitateak irakatsi ahal izateko.
Ikusirik Hezkuntzako Ikuskapen Zerbitzuak eman duen aldeko txostena.
Kontuan harturik Nafarroako Foru Komunitateko musika eta dantza eskolen sorrerari eta funtzionamenduari buruzko oinarrizko arauak ezartzen dituen abenduaren 21eko 421/1992 Foru Dekretuaren 29. artikuluak ezarritakoa (1993ko 22. Nafarroako ALDIZKARI OFIZIALa, urtarrilaren 22koa).
Horrenbestez, Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluak ematen dizkidan ahalmenak erabiliz eta Ikastetxeen eta Ikasketetarako Laguntzen Zerbitzuak proposaturik,
EBATZI DUT:
1. Baimena ematen zaio San Adriango Udalaren Musika Eskolari (ikastetxearen kodea: 31008712) bateria eta gitarra elektrikoa musika tresnen espezialitateko ikasketak emateko, 2008-2009 ikasturtearen hasieratik aurrera.
2. Hemendik aurrera, eskolak ondoko ikasketak emateko baimena izanen du:
a) 421/1992 Foru Dekretuaren 9. artikuaren 1. idatz-zatian aipatzen den oinarrizko eskaintzari dagozkionak, espezialitate hauetan: akordeoia, bateria, klarinetea, zeharkako flauta, gaita, gitarra, gitarra elektrikoa, perkusioa, pianoa, saxofoia, tronboia, tronpa, tronpeta, tuba-bonbardinoa, biola eta biolina.
3. Departamentuaren baimena beharko da eskolaren osaera aldatzeko, baldin eta aldaketak 421/1992 Foru Dekretuaren 29. artikuluan araututakoa ukitzen badu.
4. Foru dekretu horren 31. artikuluan aipatutako kasuetan, eskolaren baimena baliorik gabe uzten ahalko da.
5. Ohartarazten da ezen, 421/1992 Foru Dekretuaren 20. artikuluarekin bat, eskolaren titularra den entitateak ordainduko dituela ebazpen honen bidez baimendutako ikasketen gastuak.
6. Administrazioaren ebazpen honen kontra administrazio publiko interesdunak administrazioarekiko auzi-errekurtsoa jartzen ahalko du, Nafarroako Justizia Auzitegi Nagusiaren Administrazioarekiko Auzien Salari zuzendua, ebazpena argitaratu eta biharamunetik hasita bi hilabeteko epean, alde batera utzi gabe aurretik errekerimendua egin ahal izatea, Administrazioarekiko Auzien Jurisdikzioa arautzen duen ekainaren 13ko 29/1998 Legearen 44. artikuluan ezarritako moduan eta epeetan.
7. Ebazpen hau Nafarroako ALDIZKARI OFIZIALean argitaratzea.
8. Ebazpen hau igortzea San Adriango Udalaren Musika Eskolaren Patronatuko lehendakariari, Hezkuntzako Ikuskapen Zerbitzuari, Ikastetxeen eta Ikasketetarako Laguntzen Zerbitzuari, Arte Ikasketen Atalari, Informazioaren eta Komunikazioaren Teknologien Atalari, Ikastetxeen eta haien Finantzaketaren Atalari, Informazioa Kudeatzeko Bulegoari eta Ikastetxeak Baimendu eta Erregistratzeko Bulegoari.
Iruñean, 2008ko abenduaren 26an.-Hezkuntzako Ikuskapen Zerbitzuko zuzendaria (Hezkuntzako kontseilariaren uztailaren 3ko 107/2008 Foru Aginduaren indarrez), Juan Ramón Elorz Domezain.
Iragarkiaren kodea: F0820017
