Iragarkia

161. ALDIZKARIA - 2009ko abenduaren 30a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Oposizioak eta lehiaketak. Lan publikoaren eskaintza

DEIALDIA, Nafarroako Administrazio Publikoaren Institutuko zuzendari kudeatzaileak abenduaren 14an emandako 224/2009 Ebazpenaren bidez onetsia, Nafarroako Foru Komunitateko Administrazioaren eta haren erakunde autonomoen zerbitzuko Sistema Informatikoetako goi mailako teknikari izateko hamar lanpostu oposizio bidez betetzeko.

Nafarroako Administrazio Publikoaren Institutuko zuzendari kudeatzaileak, abenduaren 14ko 224/2009 Ebazpenaren bidez, Nafarroako Foru Komunitateko Administrazioaren eta haren erakunde autonomoen zerbitzuko Sistema Informatikoetako goi mailako teknikari izateko hamar lanpostu oposizio bidez betetzeko deialdia onetsi zuen.

Hautapen prozesua honako hauetan xedatutakoari jarraikiz eginen da: Nafarroako Administrazio Publikoen zerbitzuko Langileen Estatutuaren Testu Bategina, abuztuaren 30eko 251/1993 Legegintzako Foru Dekretuaren bidez onetsi zena, aipatu estatutua garatu eta betearazteko Sarrera Erregelamendua, gainerako aplikazio arauak eta deialdi honen oinarriak.

1.-Deialdiaren xedea.

1.1. Deialdi honek Sistema Informatikoetako goi mailako hamar teknikari lanpostu oposizio bidez betetzea du xede. Funtzionarioen araubidekoak eta A mailakoak dira, Iruñean aritzeko, eta txanda hauetan banaturik daude:

-5 lanpostu txanda irekian.

-5 lanpostu igoera txandan.

1.2. Deialdiko lanpostu hutsak hauek dira:

-10, Lehendakaritza, Justizia eta Barne Departamentuko Modernizazioaren eta Administrazio Elektronikoaren Zuzendaritza Nagusian. Plantillako zenbakiak: 3679, 3860, 6903, 7264, 7265, 7468, 7469, 7470, 7472 eta 7928.

1.3. Igoera txandako lanpostuak hutsik geldituz gero, izangaiek hautaprobak gainditzeko behar den gutxieneko puntuazioa lortu ez dutelako, txanda irekikoei gehituko zaizkie.

Bestaldetik, igoera txandan, hutsik dauden lanpostuak baino izangai gehiagok gainditzen badute, txanda horretan lanpostuak eskuratzen ez dituztenek aukera izanen dute txanda irekiko lanpostu hutsak eskuratzeko, txanda horretako izangaiekin lehian eta eskuratutako azken puntuazioaren arabera.

Era berean, deialdiaren 7.2 oinarrian agiriak aurkezteko ezarritako epea bukatzen denean, deialdiaren 2.1.2 oinarriko betebehar berariazkoak betetzen ez dituzten igoera txandako izangaiek txanda irekiko lanpostuak eskuratzeko aukera izanen dute, aurreko lerroaldean adierazitako modu berean.

1.4. Lanpostuen ordainsariak hauek izanen dira: uztailaren 4ko 158/1984 Foru Dekretuaren bidez onetsitako Ordainsarien Behin-behineko Erregelamenduan A mailarentzat oro har ezarritakoak eta aplika daitezkeen gainerako xedapenetan kasu bakoitzerako ezartzen direnak.

1.5. Halaber, deialdi honen bidez, sarrerako hautapen prozesuan lanposturik lortzen ez duten izangaiekin aldi baterako kontratatuak izateko izangaien zerrenda hauek osatuko dira, deialdi honen 10. oinarrian xedatutakoarekin bat:

a) Sarrerako hautapen prozesuko ariketa guztiak gainditu arren, lanposturik lortu ez duten izangaien zerrenda, bat bera Foru Komunitateko Administrazioko departamentu eta erakunde autonomo guztientzat.

b) Aldi baterako kontratuak egiteko izangaien zerrenda, oposizioan bigarren ariketa gainditu arren, ariketa guztiak gainditu ez dituztenekin osatua, Administrazio Erroko eremuan aldi baterako kontratatzeko.

c) Osasunbidea-Nafarroako Osasun Zerbitzuan aldi baterako kontratatzeko izangaien zerrenda.

2.-Betebeharrak.

2.1. Oposizio honetan onartuak izateko, izangaiek, eskaerak aurkezteko epea bukatzen den egunean eta agiriak aurkezteko epea bukatzen denetik (deialdiaren 7.2 atalean adierazia) lanpostuaren jabetza hartu arte, baldintza hauek bete beharko dituzte:

2.1.1. Izangai guztiek bete beharreko baldintzak:

a) Espainiarra izatea, edo Europar Batasuneko beste estatu batekoa edo, Europar Batasunak sinatu eta Espainiak berretsitako nazioarteko itunak direla medio, langileen zirkulazio librea aplikatzen den eremuko estatu batekoa.

Orobat, espainiarren eta Europar Batasuneko beste estatuetako edo aipatu nazioarteko itunek ukitutako estatuetako herritarren ezkontideek parte hartzen ahal dute, zuzenbidez bereizita ez badaude; halaber, haien ondorengoek eta ezkontidearen ondorengoek, zuzenbidez bereizita ez badaude, 21 urtetik beherakoak badira, edo, gorakoak izanda, haien kontura bizi badira.

b) Hamasei urte beteta izatea eta erretiroa nahitaez hartzeko gehieneko adina gainditua ez izatea.

c) Baldintza hauetako bat, bata zein bestea, betetzea:

Informatikako ingeniariaren titulua edo baliokidea izatea, edo eskaerak aurkezteko epea bukatzen den egunean titulu hori eskuratzeko moduan egotea.

Lizentziadun, ingeniari, arkitekto edo titulu baliokidea izatea, edo eskaerak aurkezteko epea bukatzen den egunean titulu hori eskuratzeko moduan egotea. Gainera, frogatu beharko du deialdia argitaratu aurreko lau urteetatik hirutan informazio sistemetako proiektuetan parte hartu duela eta ondoko profiletako bat bete duela:

-Informazio sistemetako proiektuko burua/kudeatzailea.

-Erabiltzaileen errekerimenduen kudeatzailea (analista funtzionala).

-Garatzailea (programatzailea).

-Azpiegiturako errekerimenduen kudeatzailea (sistemetako analista).

Atzerrian lortutako tituluak badira, homologazioaren frogagiria eduki beharko da.

d) Bete behar dituen eginkizunetan aritzeko adinako gaitasun fisikoa eta psikikoa izatea.

e) Eginkizun publikoetan aritzeko ezgaitua edo gabetua ez egotea eta administrazio publikoren baten zerbitzutik bereizia ez izatea.

Espainiako nazionalitatea ez duten izangaiek frogatu beharko dute beren estatuko funtzio publikoan sartzea eragozten dien diziplina zehapenik edo zigor penalik ez dutela.

2.1.2. Igoera txandako izangaiek bete beharreko baldintzak.

Igoera txandako izangaiek, aurreko atalean adierazitako betebeharrez gain, hauek ere bete beharko dituzte:

a) Nafarroako edozein administrazio publikotako langile finkoa izatea, edo Nafarroako Foru Komunitateko Administrazioari transferitutako Justizia Administrazioaren zerbitzuei atxikitako langile finkoa, eta abiapuntuko lanpostuan borondatezko edo nahitaezko eszedentzian ez egotea.

b) Deialdiko lanpostu hutsen maila berekoa edo apalagokoa izatea.

c) Administrazio publikoetan bost urteko antzinatasun aitortua izatea, Nafarroako polizia kidegoetako kideen kasuan izan ezik, horiek frogatu beharko baitute zortzi urtez eman dituztela zerbitzuak kidego horietan.

Nafarroako Administrazio Publikoen Zerbitzuko Langileen Estatutuaren zortzigarren xedapen gehigarrian ezarri dena aplikatuz, igoera txandan parte hartzeko gainerako baldintzak betetzen dituzten Nafarroako Parlamentuko funtzionarioek ere txanda horretan parte hartzen ahalko dute.

2.2. Deialdiaren 3.3 oinarriaren hirugarren puntuan aipatzen den salbuespena salbuespen, izendatuak izateko proposatzen diren izangaiek deialdiaren 7.2 atalean ezarritako epean eta moduan frogatu beharko dituzte betebehar horiek.

3.-Eskabideak.

3.1. Deialdian parte hartzeko eskabideak Nafarroako Gobernuko Erregistro Orokorrean (Karlos III.aren etorbidea, 2; 31002 Iruña) edo Nafarroako Gobernuaren gainerako erregistro bulegoetako edozeinetan (zerrenda 2008ko 14. Nafarroako Aldizkari Ofizialean argitaratu zen, urtarrilaren 30ean) aurkeztuko dira, edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 38.4 artikuluan adierazi diren bideetakoren bat erabiliz, deialdia Nafarroako Aldizkari Ofizialean argitaratu eta biharamunetik hogeita hamar egun naturaleko epean.

Eskabidea posta bulego batean aurkeztuz gero, gutun-azal irekian eginen da, postako langileek, ziurtatu aurretik, data eta zigilua jar ditzaten.

Eskabideak deialdiaren eranskinean argitaratutako ereduaren araberakoak izanen dira eta, horietan, izangaiek adierazi beharko dute eskatutako baldintza guztiak betetzen dituztela. Eskabide eredua Nafarroako Gobernuaren edozein erregistro bulegotan dago eskuragarri. Internet bidez ere lortzen ahal da, www.navarra.es helbidean, bai argitaratzen deneko aldizkari ofizialetik abiatuta bai deialdiaren aipu honetatik abiatuta: "Zerbitzuen Katalogoa", "Enplegu publikoa".

3.2. Ezgaitasun aitortua duten izangaiek, ariketak egin ahal izateko denbora edo baliabideetan egokitzapenik behar badute, zilegi izanen dute eskabidean eskatzea, eta hartarako, aparteko orri batean adierazi beharko dute nolako ezgaitasuna duten eta zer egokitzapen eskatzen duten. Horrekin batera, legeen arabera ezgaitasunen bat dutela frogatzeko agiriaren kopia konpultsatua ere aurkeztu beharko dute, organo eskudunak emana.

3.3. Eskabideari, behar bezala bete ondoren, agiri hauek erantsiko zaizkio:

Bat.-Nortasun agiri nazionalaren fotokopia, edo izangaiaren nazionalitatea nahiz nortasuna egiaztatzen dituen beste agiri baliokideren batena.

Bi.-Espedientea formalizatzeko eta azterketa eskubideetarako 40 euro ordaindu izanaren jatorrizko ziurtagiria. Azterketa eskubideen tasa ordaintzen ez bada, izangaia baztertu eginen da.

Sistema hauetako bat erabiliz ordaintzen ahalko da tasa hori:

-Behar den bezala betetako ordainketa gutunaren bidez, Nafarroako Foru Komunitateko banku entitateetan ordaintzeko. Deialdiari buruz Interneten dagoen iragarkian, lehen aipatutako helbidean, dago ordainketa gutunaren eredua.

-Banestoko (Banco Español de Crédito) 0030 8124 87 0870002271 kontuan eskudirutan edo bankuko transferentzia bidez ordainduz; horrelakoetan, ordainagirian datu hauek jarri beharko dira nahitaez:

• Izangaiaren izen-deiturak.
• NAN-IFZ.
• Ordainketa zein kontutan egiten den, haren zenbakia.
• Kontzeptua: oposizioak.
• Deialdiaren xede den lanpostua.

Honako hauek ez dute tasarik ordaindu beharko:

a) %33ko edo hortik gorako ezgaitasun aitortua duten pertsonak.

b) Deialdia argitaratu aurretik hilabetez edo luzaroago lan eskatzaile gisa inskribaturik egon diren pertsonak. Salbuespen hori aplikatzeko baldintza izanen da inskribaturik egon diren bitartean eskainitako inolako lan egokiri uko egin ez izana eta lanbide sustapen, prestakuntza edo aldaketarako ekintzetan parte hartzeari uko egin ez izana, justifikatutako kasuetan izan ezik, eta, horrez gainera, lanbide arteko gutxieneko soldatatik gorakoa den diru-sarrerarik ez izatea hilabetero.

Lan eskatzailea dela frogatzeko, enplegu bulegoak emandako agiria aurkeztu beharko du. Bertan, lan eskatzaile gisa inskribatu zeneko data agertuko da eta, orobat, adieraziko da inskribaturik egon den bitartean ez diola uko egin handik eskainitako inolako lan egokiri, ezta lanbide sustapen, prestakuntza edo moldaketarako ekintzetan parte hartzeari ere, justifikatutako kasuetan izan ezik.

Interesdunaren adierazpenaren bidez frogatuko da ez duela hilabetero lanbide arteko gutxieneko soldatatik gorako diru-sarrerarik. Adierazpen eredua Nafarroako Gobernuko Informazio Bulegoan eskuratzen ahalko da edo, bestela, Interneten bidez, arestian emandako helbidean.

Hiru.-Deialdian igoera txandan parte hartu nahi duten izangaiek, lehengoaz gainera, deialdi honen 2.1.2 oinarrian jasotzen diren eskakizunak betetzen dituztela frogatzen duen agiria gehitu beharko diote eskabideari, baldin eta Nafarroako Foru Komunitateko Administrazioa ez den Nafarroako beste administrazio publikoren bateko langile finkoak edo Nafarroako Foru Komunitateari eskualdatutako Justizia Administrazioko zerbitzuei atxikitako langile finkoak badira.

Lau.-3.2. oinarriaren a) atalean (tasak salbuestea) eta 8. oinarrian (lanpostuak aukeratzeko lehentasuna) xedaturikoari dagokionez eta, halaber, denboren eta baliabideen egokitzapena eskatzeko, %33ko edo hortik gorako ezgaitasuna duten izangaiek hori agiri hauetariko baten jatorrizkoaren edo kopia konpultsatuaren bidez frogatu beharko dute:

-IMSERSOk edo autonomia erkidegoan eskumena duen organoak luzatutako ziurtagiria.

-Gizarte Segurantzako Institutu Nazionalaren ebazpena, ezintasun iraunkor osoa, ezintasun iraunkor absolutua edo baliaezintasun handia izateagatik prestazio bat jasotzeko eskubidea onartzen diona.

Ezgaitasuna duten izangaiek ariketak egin ahal izateko denboren eta baliabideen egokitzapenak eskatzen badituzte, hala adierazi beharko dute eskabidean, eta aparteko orri batean adierazi beharko dute nolako ezgaitasuna duten eta zein egokitzapen eskatzen duten. Egokitzapenak eskatzeko eredu bat interesdunen eskura dago www.navarra.es web orrian, deialdiaren laburpenean, "Zerbitzuak", "Enplegu Publikoa" atalean.

3.4. Eskabideak aurkezteko epea ezin izanen da luzatu.

3.5. Eskabidean atzematen diren akats materialak edo egitezkoak ofizioz edo interesdunak eskaturik zuzentzen ahalko dira, noiznahi ere.

4.-Izangaien onarpena eta erreklamazioak.

4.1. Eskaerak aurkezteko epea bukatuta, Nafarroako Administrazio Publikoaren Institutuko Sarrerarako Hautapenaren Zerbitzuko zuzendariak, erakunde autonomoko zuzendari kudeatzailearen ordez (103/2008 Ebazpena, ekainaren 26koa), ebazpena emanen du izangai onartuen eta baztertuen behin-behineko zerrenda onesteko, eta Nafarroako Aldizkari Ofizialean argitara dadila aginduko du.

4.2. Izangai baztertuek hamar egun balioduneko epea izanen dute, behin-behineko zerrenda Nafarroako Aldizkari Ofizialean argitaratu eta biharamunetik, erreklamazioak aurkezteko eta, akatsik egin badute, haiek zuzentzeko.

4.3. Erreklamazioak aurkezteko epea bukaturik eta haien gainean ebatzi ondoren, Administrazio Publikoaren Institutuko Sarrerarako Hautapenaren Zerbitzuko zuzendari kudeatzaileak, erakunde autonomoaren zuzendari kudeatzailearen ordez (103/2008 Ebazpena, ekainaren 26koa), ebazpena emanen du izangai onartuen eta baztertuen behin betiko zerrenda onesteko, eta Nafarroako Aldizkari Ofizialean argitara dadila aginduko du.

4.4. Izangaiei ez zaizkie azterketa egiteko eskubideak itzuliko, baldin beraiei egotzitako arrazoiengatik baztertzen badira.

5.-Epaimahaia.

5.1. Kide hauek osatuko dute epaimahaia:

-Mahaiburua: Miguel Ríos Martín jauna, Lehendakaritza, Justizia eta Barne Departamentuko Azpiegitura Teknologikoen eta Euskarri Zentroaren Zerbitzuko zuzendaria.

-Ordezkoa: Fernando Alfaro Duarte jauna, Lehendakaritza, Justizia eta Barne Departamentuko Informazio Sistemen Segurtasuneko Zerbitzuko zuzendaria.

-Mahaikidea: Eduardo Zariquiegui Aldave jauna, Lehendakaritza, Justizia eta Barne Departamentuko Azpiegitura Teknologikoen Ataleko burua.

-Ordezkoa: Jokin Sanz Ureta jauna, Lehendakaritza, Justizia eta Barne Departamentuko I. Arloko Proiektuen Ataleko burua.

-Mahaikidea: Nicolás López Cisneros jauna, Producción Informática Navarra, S.L. enpresaren kudeatzailea.

-Ordezkoa: Roberto Liberal Obanos jauna, Producción Informática Navarra, S.L. enpresako Arloko burua.

-Mahaikidea: langileen ordezkari bat, Administrazio Erroko Langileen Batzordeak proposaturik izendatua.

-Ordezkoa: langileen ordezkari bat, Administrazio Erroko Langileen Batzordeak proposaturik izendatua.

-Idazkaria: Jesús Ignacio Ilundain Suquia jauna, Lehendakaritza, Justizia eta Barne Departamentuko Administrazio Elektronikoaren Zuzendaritza Nagusiko Araubide Juridiko eta Administratiboaren Ataleko burua.

-Ordezkoa: Yolanda Blanco Rodríguez andrea, Lehendakaritza, Justizia eta Barne Departamentuko Azpiegitura Teknologikoen eta Euskarri Zentroaren Zerbitzuko Telekomunikazio Ataleko burua.

Hautaprobak hasi baino lehen eratuko da epaimahaia.

5.2. Epaimahaia ezin izanen da eratu, ezta jardun ere, kideen gehiengo osoa gutxienez bildu gabe.

Kide anitzeko organoaren eraketak eta jardunak balio izateko, mahaiburuak eta mahaikide idazkariak edo haien ordezkoek egon beharko dute bertan.

5.3. Epaimahaiko kideek ez dute parte hartuko, eta organo dei egileari hori jakinaraziko diote, baldin eta Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legean parte ez hartzeko aipatzen diren egoeretakoren batean badaude.

Izangaiek, halaber, zilegi dute mahaikideak errefusatzea, egoera horietako bat gertatzen denean.

5.4. Epaimahaiak gehiengoz ebatziko ditu deialdiaren oinarriak interpretatu eta aplikatzeko moduari buruz sor daitezkeen gorabehera guztiak.

5.5. Epaimahaiak aholkulari adituen laguntza izan dezake proba batzuetan nahiz guztietan. Aholkulari horiek beren espezialitate teknikoetan baizik ez dira ariko eta haietan bakarrik emanen diote laguntza epaimahaiari.

6.-Oposizioa nola eginen den.

6.1. Oposizioa 2010eko maiatzean hasiko da. Onartu eta baztertuen behin betiko zerrenda onesten duen ebazpenean berean finkatuko dira probak hasteko tokia, eguna eta ordua.

Ondoren, epaimahaiak gainerako probak egiteko iragarkiak argitaratuko ditu, arauz egin behar den moduan.

6.2. Oposizioak ariketa hauek izanen ditu:

Lehenbiziko ariketa: teorikoa, 80 - 100 galderaz osatua. Hainbat aukera izanen dituzte erantzuteko, baina bakar bat egokia, eranskineko gai zerrendan sartutako gaiei buruz. Ariketa hau bi ordu eta erdikoa izanen da, gehienez ere.

Bigarren ariketa: praktikoa, sei ordu iraunen duena gehienez ere. Epaimahaiak gai zerrendako lehen zatiko gaiei buruz proposatzen duen kasu bat idatzita ebatzi beharko da. Baloratzeko, ariketa lau zatitan banatutzat eman beharko da arlo hauei buruz: proiektuen kudeaketa, garapena, azpiegitura teknologikoak eta segurtasuna. Zati guztiak berdin baloratuko dira. Ariketa honen bidez, proposatzen den irtenbidearen kalitate teknikoa, sistematika, analisiarako gaitasuna eta idazmena baloratuko dituzte epaimahaikoek.

Hirugarren ariketa: teorikoa, non gai bat idatzita azaldu beharko baita, ordubetez gehienez ere. Horretarako, epaimahaiak bi gai aukeratuko ditu zozketa bidez gai zerrendako bigarren zatitik, eta izangaiak haietako bat, nahi duena, egin beharko du.

Laugarren ariketa: ingeleseko probak. Aurreko hiru ariketak gainditzen dituzten izangaientzat soilik. Borondatezko ariketa da eta ez baztergarria.

Idatzizko proba bat eta beste bat, ahozkoa izanen ditu, izangaien jakite maila zehazteko.

Proba horiek Nafarroako Administrazio Publikoaren Institutuak prestatuko ditu eta haren emaitza loteslea izanen da epaimahaiarentzat.

6.3. Bigarren eta hirugarren ariketak plika sistemaren bidez eginen dira. Oposizioko ariketen balorazioan 100 puntu eman daitezke gehienez ere, eta honela banatuko dira proben arabera:

Lehenbiziko ariketa: gehienez ere 25 puntu.

Bigarren ariketa: gehienez ere 55 puntu.

Hirugarren ariketa: gehienez ere 10 puntu.

Laugarren ariketa: gehienez ere 10 puntu.

6.4. Oposizioko lehendabiziko, bigarren eta hirugarren ariketak baztergarriak izanen dira. Baztertuta geldituko dira ariketa bakoitzean kalifikaziorik onena lortzen duen izangaiaren puntuazioaren erdia gutxienez lortzen ez dutenak; betiere, hori ariketaren gehieneko puntuazioaren 1/3 edo handiagoa bada.

6.5. Azken puntuazioetan berdinketa gertatuz gero, bigarren ariketan puntuazio handiena ateratzen duen izangaiaren alde ebatziko da. Hala ere, berdinketak jarraitzen badu, lehen eta hirugarren ariketetan, ordena horretan, puntuazio handiena ateratzen duen izangaiaren alde ebatziko da.

6.6. Ariketa kalifikatu ondoren, epaimahaiak jendaurrean jarriko du, Nafarroako Gobernuaren iragarki oholean eta ariketa egin den tokian, hura gainditzen duten izangaien zerrenda, lortutako kalifikazioekin, eta, halaber, oposizioaren hurrengo proba edo ariketa egiteko tokia, eguna eta ordua, gutxienez 48 ordu lehenago. Zerrenda Interneten bidez ere kontsultatzen ahalko da, www.navarra.es helbidean, Zerbitzuen Katalogoan, Enplegu Publikoaren atalean, deialdiari buruz dagoen aiputik abiatuta.

6.7. Ariketa bakoitzerako deialdi bakarra eginen da. Izangaiek nortasun agiri nazionala, pasaportea, gidabaimena edo epaimahaiaren iritziz identifikaziorako balio duen beste agiriren bat aldean dutela agertu beharko dute. Azterketara agertzen ez direnak edo arestian aipatutako agirietako baten bidez nor diren frogatzen ez dutenak oposiziotik baztertuko dira.

6.8. Hautaprobak egiteko, ezgaitasun aitorturen bat dutenentzat beharrezkoak diren denbora eta baliabide egokitzapenak ezarriko dira, eskabidean azaldutakoaren arabera.

7.-Probak gainditzen dituztenen zerrenda, izendapen proposamena eta agirien aurkezpena.

7.1. Azken ariketaren kalifikazioa bukaturik, epaimahaiak jendaurrean jarriko du probak gainditzen dituztenen zerrenda, oposizioan lortutako kalifikazioekin, egin direneko tokian eta Nafarroako Gobernuaren iragarki oholean. Gero, zerrenda hori Nafarroako Administrazio Publikoaren Institutuko zuzendari kudeatzaileari igorriko dio, puntuaziorik altuenak izateagatik deialdiko lanpostuetan sartzen ahal diren izangaiak izendatzeko proposamenarekin, espediente osoarekin batera. Proposamen hori Nafarroako Aldizkari Ofizialean argitaratuko da. Zerrenda Interneten bidez ere kontsultatzen ahalko da, www.navarra.es helbidean, Zerbitzuen Katalogoan, Enplegu Publikoaren atalean, deialdiari buruz dagoen aiputik abiatuta.

7.2. Izendapen proposamena Nafarroako Aldizkari Ofizialean argitaratu ondoko 30 egun naturaleko epean, proposatutako izangaiek berariazko inprimaki batzuk jaso eta honako agiri hauek aurkeztu beharko dituzte Nafarroako Administrazio Publikoaren Institutuko Sarrerarako Hautapenaren Zerbitzuan:

7.2.1. Nafarroako Foru Komunitateko Administrazioaren eta haren erakunde autonomoen zerbitzuko langile finko ez diren izangaiek:

a) Nortasun agiri nazionalaren bi fotokopia konpultsatu, edo izangaiaren nazionalitatea eta nortasuna frogatzen dituen beste agiri baliokideren batenak.

b) Deialdiaren 2.1.1.c) oinarrian eskatzen den tituluaren fotokopia konpultsatua, edo hura lortzeko eskubideak pagatu direla frogatzen duen gordekinarena, edo, hala bada, eskaerak aurkezteko epean titulua eskuratzeko moduan dagoela frogatzen duen ziurtagiria.

c) Laneko Arriskuei Aurrea Hartzeko Atalak emandako txostena, interesdunak karguan aritzea eragozten dion eritasun edo akats fisiko edo psikikorik ez duela frogatzeko.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

d) Eginkizun publikoetarako ezgaitua edo gabetua ez izatearen eta inongo administrazio publikoren zerbitzutik bereizia ez izanaren zinpeko aitorpena.

Izangaiek Espainiako nazionalitatea ez badute, zinpeko aitorpen bat aurkeztu beharko dute, adierazteko ez dutela beren estatuko funtzio publikoan sartzea eragozten dien diziplina zehapenik edo zigor penalik.

e) Zin egin edo hitz ematea Nafarroako Foru Araubidea errespetatuko duela, Konstituzioari eta legeei men eginen diela eta karguari dagozkion eginkizunak zuzen beteko dituela.

Deialdi hau egin ez duen Nafarroako beste administrazio publikoren bateko langile finko edo Nafarroako Foru Komunitateari eskualdatutako Justizia Administrazioko zerbitzuei atxikitako langile finko diren izangaiek, gainera, aurreko administrazioko espediente pertsonalean ageri diren inguruabar eta aurrekari guztiak frogatzen dituen ziurtagiria aurkeztu beharko dute, hots, sarrerari, antzinatasunari, mailari, egoera administratiboari eta abarri buruzkoa.

7.2.2. Nafarroako Foru Komunitateko Administrazioaren edo haren erakunde autonomoen zerbitzuko langile finkoak diren izangaiek:

a) Deialdiaren 2.1.1.c) oinarrian eskatzen den tituluaren fotokopia konpultsatua, edo hura lortzeko eskubideak pagatu direla frogatzen duen gordekinarena, edo, hala bada, eskaerak aurkezteko epean titulua eskuratzeko moduan dagoela frogatzen duen ziurtagiria.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

7.3. Aipatu epearen barrenean, eta aski justifikaturik dauden ezinbesteko kasuak salbu, arestiko agiriak aurkezten ez dituztenak ezin izanen dira izendatu, eta ordura arteko egintza guztiak baliorik gabe geldituko dira, beren eskabidearen faltsukeria dela-eta legokiekeen erantzun beharra galarazi gabe.

7.4. Aurreko atalean ezarritakoa gertatuz gero, Nafarroako Administrazio Publikoaren Institutuko zuzendari kudeatzaileak probak gainditu dituztenen zerrendan, 7.1 atalean aipatutakoan, hurrengoa den izangaiarekin beteko du hutsunea, eta horrekin ere aurreko ataletan adierazitako moduan jokatuko da.

7.5. Nahitaezko betebehar eta baldintzen frogagiriez gain, Funtzio Publikoaren Zuzendaritza Nagusiak, bere eskudantziak erabiltzeko, beste edozein agiri eska diezaioke izangaiari, eta horrek deialdi honen 7.2. oinarrian ezarritako moduan aurkeztu beharko ditu.

8.-Lanpostu hutsak hautatzea.

8.1. Aurreko oinarrian xedatu dena betetzen duten izangaiek Nafarroako Administrazio Publikoaren Institutuak (NAPI) hartarako jartzen dien epean aditzera eman beharko dute eskaintzen zaizkien lanpostuetatik zein hautatzen duten. Aukeratu beharreko lanpostuak hasieran deitutakoak izanen dira, edo beste batzuk, zerbitzuaren beharren arabera horiek aldatzea erabakitzen bada.

8.2. Lanpostu hutsak aukeratzerakoan, %33ko ezgaitasun aitortua edo handiagoa duten izangaiek lehentasuna izanen dute gainerako izangaien aurretik, zein txandaren bidez parte hartu duten kontuan hartu gabe.

Hala izanagatik ere, ezgaitasuna duen izangairik bada, eta horrek eragina badu lanpostu bat edo bestea hautatzeko, aukeratzen hasi aurretik, ezgaitasunarekin hobekien egokitzen direnak esleituko zaizkie, horren gainean balorazio eta orientazio talde eskudunek egindako txostenaren arabera.

8.3. Hautaprobak igoera txandan gainditzen dituzten izangaiek deialdiko lanpostuak betetzeko lehentasuna izanen dute txanda irekiko izangaien aldean, aurreko atalean adierazitako salbuespenarekin betiere.

9.-Izendapena, lanpostuen esleipena eta jabetza hartzea.

9.1. Funtzio Publikoaren zuzendari nagusiak, ebazpen baten bitartez, aurreko arauetan ezarritakoa betetzen duten izangaiak Nafarroako Foru Komunitatearen Administrazioko funtzionario izendatuko ditu, sistema informatikoetako goi mailako teknikari lanetan aritzeko. Ebazpen horren bidez lanpostuen esleipena ere eginen da.

9.2. Izendapenak eta lanpostuaren jabetza hartzeak nomina eta plantillako funtzionario bilakatuko ditu izendatuak, eta Nafarroako Foru Komunitateko funtzionarioen arloan indarra duten xedapenetan ezarri diren eskubide eta betebehar guztiak izanen dituzte. Gizarte Segurantzako araubide orokorrean afiliatuko dira, araubide horretan ezarritakoaren babesean.

Aurrekoa gorabehera, Nafarroako Administrazio Publikoen zerbitzuko Langileen Estatutua onetsi zuen abuztuaren 30eko 251/1993 Legegintzako Foru Dekretuaren bederatzigarren xedapen gehigarriaren 3. puntuan xedatutakoa aplikatzearen ondorioz, Nafarroako administrazio publikoen eskubide pasiboen montepioan sarturik daudenek bi aukera izanen dituzte: Nafarroako Foru Komunitateko Administrazioko montepioan segitzea, martxoaren 5eko 10/2003 Foru Legearen bidezko eskubide pasiboen araubideak babesturik, edo Gizarte Segurantzaren Araubide Orokorrean sartzea.

9.3. Izendatzen diren izangaiek destinoko herrian bizi beharra dute eta, horretarako, udalerri horretan finkatuko dute bizilekua. Administrazio organo eskudunek destinoa aldatzen ahalko dute, aplikatzekoa den araudian ezarritakoarekin bat.

9.4. Lanaldia zerbitzuaren beharretara egokituko da eta noiznahi aldatzen ahalko dute administrazio organo eskudunek, aplikatzekoa den araudian ezarritakoarekin bat.

9.5. Izendapena Nafarroako Aldizkari Ofizialean argitaratuko da eta izangai izendatuek hilabeteko epean jabetu beharko dute lanpostuez, izendapenaren jakinarazpenetik kontatzen hasita.

Aipatu epean eta ezinbesteko kasuetan izan ezik, izangairen bat lanpostuaren jabe egiten ez bada, Foru Komunitateko Administrazioaren funtzionario izateko eskubide guztiak galduko ditu. Hala bada, deialdiaren 7.4 atalean ezarritakoari jarraikiko zaio.

9.6. Izangai bat funtzionario bihurtu eta lanpostuan batere aritu gabe, zuzenean eta berak eskatuta, borondatezko eszedentzia ematen bazaio jabetza hartzearen egunetik beretik, data horretan beste administrazio publiko batean ari delako, kasuko lanpostu hutsa ere deialdiaren 7.4 atalak agintzen duen moduan beteko da.

9.7. Aurreko bi ataletan aipatutako kasuetan, izendapena egin aurretik hautaturiko lanpostua ez da aldatuko. Beraz, funtzionario berriei, zuzenean, egoera horien ondoriozko lanpostuak esleituko zaizkie.

10.-Aldi baterako kontratuetarako izangaien zerrenda.

10.1. Kontuan harturik Nafarroako Administrazio Publikoan sartzeko Erregelamenduaren 42. artikulua, Lehendakaritza, Justizia eta Barneko kontseilariaren azaroaren 14ko 146/2005 Foru Agindua (Lanpostuak aldi baterako betetzeko kudeaketa arauak onetsi zituena), 2009ko ekainaren 9ko Erabakia (horren bidez, Osasun Administrazioak eta sindikatuek Osasunbidea-Nafarroako Osasun Zerbitzuaren osasun zentro eta establezimenduetan aldi baterako kontratatzeko langileak hautatzeko moduari buruz izenpeturiko ituna onetsi zen. 2009ko 95. Nafarroako Aldizkari Ofizialean argitaratu zen, abuztuaren 3an) eta oinarri honetan ezarritako prozedura, hautaketa-prozesuan parte hartu eta lanposturik lortu ez duten izangaiak aldi baterako kontratatzeko, hurrengo zerrendak eginen dira.

a) Probak gainditu arren lanposturik lortu ez duten izangaien zerrenda.

b) Administrazio Erroan aldi baterako kontratatzeko izangaien zerrendak.

c) Osasunbidea-Nafarroako Osasun Zerbitzuan aldi baterako kontratatzeko izangaien zerrenda.

10.2. Probak gainditu arren lanposturik lortu ez duten izangaien zerrenda eta Administrazio Erroan aldi baterako kontratatzeko izangaien zerrendak.

Nafarroako Administrazio Publikoaren Institutuko Sarrerarako Hautapenaren Zerbitzuak espedientea igorri ondoren, Funtzio Publikoaren zuzendari nagusiaren ebazpen bidez onetsiko dira probak gainditu arren lanposturik lortzen ez duten izangaien zerrenda eta bigarren ariketa gainditzen dutenena, une horretan indarrean diren kudeaketa arauekin bat, eta argitaratu eginen dira Nafarroako Gobernuko iragarki oholean (Karlos III.aren etorbidea, 2, atalondoa, Iruña) eta Nafarroako Gobernuaren web orrian: www.navarra.es.

Hauxe izanen da aldi baterako kontratazio zerrenden ordena: oposizioa gainditu arren lanposturik lortzen ez dutenen kasuan, sarrerako hautapen prozesuan lortutako puntuazioarik handienaren arabera; gainerako izangaien kasuan, gainditutako ariketetan lortutako puntuazioen batura. Berdinketa dagoenean, nor nagusitzen den erabakitzeko, deialdi honetan kasu horietarako ezarritako irizpideak hartuko dira kontuan.

Aldi baterako kontrataziorako izangaien zerrendan agertzeak ez du esan nahi interesdunei onartzen zaienik 2. oinarrian ezarritako betebeharrak betetzen dituztela; izan ere, horiek oinarri honetan adierazten den bezala frogatu beharko dituzte.

Izangaiei deitu eta, kasua bada, haiek kontratatzeko orduan, Administrazio Erroan, honako hauetan xedatutakoari jarraikiz jokatuko da: Nafarroako Administrazio Publikoen zerbitzuko Langileen Estatutuaren Testu Bategina onesten duen abuztuaren 30eko 251/1993 Legegintzako Foru Dekretuaren 88.b) artikulua eta hurrengoak; lanpostuak aldi baterako betetzeko arauak ematen dituen Lehendakaritza, Justizia eta Barneko kontseilariaren 2005eko azaroaren 14ko 146/2005 Foru Agindua (2005eko 144. Nafarroako Aldizkari Ofizialean argitaratua, abenduaren 2an); eta aplikatzekoak diren gainerako arauak.

Deia egiteko orduan, kontuan hartuko da Nafarroako Foru Komunitateko Administrazioaren zerbitzuko Langileen Estatutuaren Testu Bateginaren zazpigarren xedapen gehigarriko 4. atalean ezarritakoa.

Kontratatzeko deitzen diren izangaiek bakarrik aurkeztu beharko dute 2.1 oinarrian, tituluen inguruan, eskatzen zaiena betetzen dutela frogatzen duen dokumentazioa; hain zuzen, kontratua formalizatzen den unean, jatorrizko agiriak edo behar bezala konpultsatutako kopiak aurkeztuta.

Eskatzen diren agiriak aipatu epean aurkezten ez dituzten izangaiek, aski justifikatutako ezinbesteko kasuetan izan ezik, eta eskatutako baldintzak betetzen ez dituztenek deialdian parte hartzetik eratorritako eskubide guztiak galduko dituzte; betiere, parte hartzeko eskabidea faltsutzeagatik legokiekeen erantzukizuna galarazi gabe.

Sarrera prozesuko eskaerak aurkezteko epea bukatzen den egunerako bete beharko dira beharkizunak eta, orobat, hautaprobak egin bitarte eta kontratazioaldiak iraun bitarte.

10.3. Osasunbidea-Nafarroako Osasun Zerbitzuan aldi baterako kontratatzeko izangaien zerrenda.

Nafarroako Administrazio Publikoaren Institutuko Sarrerarako Hautapenaren Zerbitzuak Osasunbidea-Nafarroako Osasun Zerbitzuko organo eskudunei igorriko die sarrerako hautapen prozesuko ariketa guztiak gainditzen ez dituzten izangaien zerrenda, aldi baterako kontrataziorako izangaien zerrendak presta daitezen.

Sistema Informatikoetako goi mailako teknikariak aldi baterako kontratatzeko zerrendak 2009ko ekainaren 9ko Akordioan xedatutakoaren arabera prestatuko dira eta hari jarraituz funtzionatuko dute, akordio horren bidez onetsi baitzen Osasun Administrazioak eta sindikatuek sinatutako ituna Osasunbidea-Nafarroako Osasun Zerbitzuko zentro eta establezimenduetan aldi baterako langileak hautatzeko. Akordioa 2009ko 95. Nafarroako Aldizkari Ofizialean argitaratu zen, abuztuaren 3an.

Akordio horretan xedatutakoaren arabera, oposizio bidezko deialdi honen emaitzetan oinarrituko dira aldi baterako zerrendak, irizpide hauei jarraituz:

a) Deialdiko hautaprobak gainditu arren lanposturik lortzen ez duten izangaiek lehentasuna izanen dute aldi baterako kontrataziorako.

Izangai horiek, Langileriaren eta Lan Harremanen Zuzendariordetzari eskabidea igorrita, kontratazio zerrendetatik kentzeko eskatzen ahal dute, kontratazio zentro edo unitate batean edo gehiagotan.

b) Aurreko atalean adierazitako izangaien ondotik, oposizio bidezko deialdi honetan aurkeztu eta hura gainditu gabe hautaprobaren bat gainditzen duten izangaiak jarriko dira kontratazio zerrendetan. Halakoetan, lehenik erabiliko dira hautaprobarik gehien gainditzen dutenen zerrendak, lortutako puntuazio osoaren araberako ordena zorrotzari jarraikiz osatuak. Izangaien zerrendaren lehentasuna kalkulatzeko, gainditutako proben puntuazioa eta kasuan kasuko baremoarena batuko dira. Baremoan izangaiak edozein administrazio publikotan izan duen esperientzia profesionala baizik ez da adieraziko.

c) Oposizioan aurkeztu baina hautaproba bat bera ere gainditu ez duten izangaiak. Halakoetan, zerrendan sartu ahal izateko, proba gainditzeko eskatutako puntuazioaren %30 lortu beharko dute gutxienez. Proban lortutako puntuazioaren ordena zorrotzari jarraikiz osatuko da zerrenda. Izangaien zerrendaren lehentasuna kalkulatzeko, egindako probaren puntuazioa eta baremoarena batuko dira. Baremoan izangaiak edozein administrazio publikotan izan duen esperientzia profesionala baizik ez da adieraziko.

b) eta c) letretan sartutako izangaiek ondoko dokumentazio hau aurkeztu beharko dute Osasunbidea-Nafarroako Osasun Zerbitzuaren Erregistroan (Irunlarrea kalea, 39; 31008 Iruña), hamabost egun balioduneko epean, hautaproben behin betiko emaitzak argitaratzen direnetik:

1. Edozein administrazio publikotan emandako zerbitzuen egiaztagiria. Kasuan kasuko deialdia argitaratu arte egindako zerbitzuak baloratuko dira. Horretarako, egindako azken deialdi publikoa baizik ez da kontuan hartuko.

2. III. eranskina (iraupen laburreko/luzeko kontrataziorako zerrendetan sartzeko) betea eta sinatua.

Esparru horietako bakoitzean bi zerrenda eginen dira: bata, iraupen laburreko kontratuetarako, eta iraupen luzeko kontratuetarako bestea.

-Iraupen luzekoa.

Lanpostu hutsak bitarteko gisa betetzeko egiten diren kontratuak dira, baita plantillako langileentzat erreserbatutako lanpostuak betetzeko egiten direnak eta, oro har, sei hilabeteko edo gehiagoko beste edozein kontratazio.

Izangai bakoitzak zein zentrotan jardun nahi duen adierazi beharko du. Guztiak hautatzen ahal dira.

-Iraupen laburrekoa.

Jardunean dauden plantillako langileak ordezteko xedea dute eta, oro har, hasierako aurreikuspenen arabera, sei hilabetetik beherako iraupena dutenak. Kontratu laburrak izanen dira, halaber, etengabeko edo guardiako osasun laguntza emateko egiten direnak, alde batera utzita zenbat irauten duten, baita lanaldi partzialeko kontratuak ere.

Izangai bakoitzak zentro bat aukeratu beharko du A, B eta C ataletan agertzen direnetatik, baina ez da beharrezkoa atal guztietan bat aukeratzea.

Aipatu eremuetatik bakar bat ere hautatzen ez dutenek oinarri honen arabera prestatzen diren aldi baterako kontratazio zerrendetan sartzeari uko egiten diotela ulertuko da.

Aurreko ataletan xedatutakoaren arabera osatutako zerrendak indarra hartuko du hautaketa-prozesu honetan parte hartu eta lanpostua eskuratzen duen lehen izangaia lanpostuaz jabetzen denean.

11.-Errekurtsoak.

Epaimahaiak ematen dituen egintza eta ebazpenen kontra, gora jotzeko errekurtsoa jartzen ahalko da, Nafarroako Administrazio Publikoaren Institutuko zuzendari kudeatzaileari zuzendua, errekurtsoaren xede den egintza argitaratu edo jakinarazi eta biharamunetik hilabeteko epean.

Deialdiaren, oinarrien eta horiek aplikatzeko egintzen kontra, epaimahaiak hartutakoen kontra izan ezik, zilegi izanen da gora jotzeko errekurtsoa jartzea, Lehendakaritza, Justizia eta Barneko kontseilariari zuzendua, errekurritu nahi den egintza argitaratu edo jakinarazi eta biharamunetik hasita hilabeteko epean.

Hori guztia Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluan eta urtarrilaren 13ko 4/1999 Legeak aldatutako Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluetan xedatutakoari jarraikiz.

Iruñean, 2009ko abenduaren 14an.-Nafarroako Administrazio Publikoaren Institutuko zuzendari kudeatzailea, Gregorio Eguilaz Gogorza.

I. ERANSKINA

Hautaprobetan onartua izateko eskabidea

Deialdiaren datuak:

Sartzeko txanda:

Datu pertsonalak:

Aurkeztutako agiriak:

Ondoko hauen proba eskatzen du:

Sinatzaileak eskaera egiten du eskabide honetan adierazitako prozesuan onartua izan dadin eta adierazten du, erantzukizuna berea izanik, bertan adierazten diren datu guztiak egiazkoak direla, deialdiaren oinarrian eskatutako betebehar guztiak betetzen dituela eta datu horiek guztiak dokumentuen bidez frogatzeko konpromisoa hartzen duela.

(Sinadura)

...........................(e)n, ...................(e)ko ........................aren ...........(e)an

NAFARROAKO ADMINISTRAZIO PUBLIKOAREN INSTITUTUKO ZUZENDARI KUDEATZAILEA.

LEHENDAKARITZA, JUSTIZIA ETA BARNE DEPARTAMENTUA.

(*) Deialdiaren oinarrietan xedatutakoari jarraikiz.

II. ERANSKINA

Gai zerrenda

Lehen zatia

Informazio sistemak

1. gaia.-Jardunbide egokiak Proiektuen Kudeaketako metodologian: V3 metrika, PMBoK, ISO 10006. Proiektuen Kudeaketarako Bulegoa.

2. gaia.-Proiektuen kudeaketa: proiektuaren integrazioaren, irismenaren, plangintzaren eta kostuen kudeaketa, baita erosketena ere; proiektuaren langileen, arriskuen, kalitatearen eta komunikazio planaren kudeaketa.

3. gaia.-Informazio sistemen eraikuntza. Beharkizunen bilketa, zehaztasun tekniko eta funtzionalak. Anlisia eta diseinua. Garapena. Probak. Produkziora eramatea. Prestakuntza. Fase bakoitzeko dokumentazioa. Proiektua ixtea.

4. gaia.-Lan taldeak koordinatzeko teknikak. Lan bilerak egoki kudeatzeko teknikak. Informazioaren antolamendua.

5. gaia.-Proiektuak ezartzeagatik eta ezartzeko antolaketan egin beharreko aldaketa kudeatzea. Proiektuek antolaketan duten eragina, erabiltzaileen funtzioa, eginkizun berriak, prestakuntza etab.

6. gaia.-Software probak. Probetarako plana: parte hartzaileak, saiakuntza jokoak etab. Proba motak: unitarioak, integraziokoak, funtzionaltasunekoak, kargakoak, estresekoak.

7. gaia.-Erabiltzaileak eta informazio sistemak. Erabiltzaileen parte-hartzea. Prestakuntza. Informatikarien eta erabiltzaileen arteko harremanak. Euskarri teknikoa eta euskarri funtzionala.

8. gaia.-Zerbitzu mailaren kudeaketa: zerbitzuak definitzea, beharrezko ezaugarriak eta prozedurak. Zerbitzu mailako akordioak.

9. gaia.-Informazio sistemen eta komunikazioen plangintza estrategikoa. Informazio sistemen plana.

10. gaia.-Bulegoetako automatizazioa. Ofimatika eta produktibitatea. Eskura dauden tresnak. Antolaketaren gaineko eragina. Paperik gabeko bulegoa. Bulego mugikorra.

11. gaia.-Lanpostuaren funtzionaltasunak eta oinarrizko konfigurazioa: nabigatzailea, fitxategien kudeatzailea, inprimatzeko funtzionaltasuna, lankidetzarako tresnak etab.

12. gaia.-Ofimatikako tresnak. Ofimatikako suiten arteko elkarreragingarritasuna (Open document, Open XML). Denbora antolatu eta kudeatzeko tresnak: agenda pertsonalak, harremanak, eginkizunen plangintza. Bilerak, karpeta publikoak. Lanpostutik eta gailu mugikorretatik sartzea.

13. gaia.-Sistema eragileak. Kontzeptua, bilakaera eta joerak. Fitxategien sistemak. Inprimatzeko teknologiak.

14. gaia.-Informatika sistema banatu baten osagai fisiko nagusiak. Arkitektura. a) Mikroprozesadorea. Familia nagusiak. x86 arkitektura. Multi-Core arkitektura. b) Memoriak. Memorien hierarkiak. Teknologien araberako sailkapena. c) Plaka amak. Motak. Atxikitako gailuak (Chip Set). Kontrolatzaileak, DMA, denbora errealeko erlojua, serieko atakak, paralelokoak, IDE, PCI zubiak. d) BIOS. Etendurak. Sistemako busak. USB, ISA, EISA, MCA, PCI, PCMCIA, SCSI, AGP, Fibre Channel, PCI-Express etab. e) Kontsumo apaleko teknologiak. Gailu mugikorrak: eskukoak, PDAk, Netbook-ak, azken belaunaldiko mugikorrak.

15. gaia.-Blade formatuko azpiegitura zerbitzaria: arkitektura, alde onak eta txarrak, sare lokalari eta biltegikoari lotzeko moduak.

16. gaia.-Mainframe ingurunea. Arkitektura (LPAR, Hipersocket-ak), prozesadore motak (CP, ZIIP, IFL, ZAAP), konektibotasuna (ESCON, FICON, OSA) eta sistema eragilea (Z/OS, Z/VM, Linux).

17. gaia.-Biltze masiborako gailuak. Gailu magnetiko, optiko eta mistoak. RAID teknologiak. Lagundu eta berreskuratzeko prozedurak planifikatzea. SAN, DAS eta NAS.

18. gaia.-Sareak: OSI modeloa. TCP/IP modeloa. Internet sarea: jatorria, bilakaera eta ezaugarriak. Zerbitzuen hornitzaileak. Internet, Intranet eta Extranet: antzekotasunak eta ezberdintasunak. Interneten oinarrituriko zerbitzuak.

19. gaia.-Web-erako informazio arkitektura: sormena eta diseinua, irudi korporatiboa, linea editoriala, edukien egitura, nabigazio modeloa, etiketatua, bilatzeko sistemak. Antolaketa eredua. Web orrialdeen tipologia: generalistak, bertikalak, direktorioa, transakziozkoak, promoziokoak. Audientziaren segmentazioa atarian. Pertsonalizazio eta interes komunitateak.

20. gaia.-Herritarrei, langileei eta laguntzaileei zuzendutako atari korporatiboak. Funtzionaltasun nagusiak: integrazioa, pertsonalizazioa, edukien kudeaketa, enpresa inteligentzia, lankidetza. Erabiltzailearen gaineko estatistikak eskuratzeko sistemak. Adierazleak eta metrikak. Erabiltzailearen esperientzien monitoretza.

21. gaia.-WEB 2.0. Zerbitzu berriak: sare sozialak, blogak, wikiak etab.

22. gaia.-Ezagutzaren kudeaketa. Ezagutza gordea eta esplizitua. Pertsonalizazioa. Lankidetzarako tresnak.

23. gaia.-Edukien kudeatzaileak. Oinarrizko funtzionaltasuna. Dokumentuen kudeaketa. Dolumentuen bizitza zikloa: sorrera, onespen fluxuak, biltegiratzea, kategorizatzea eta indexatzea, argitaratzea. Dokumentuen iturrietarako sarbidea. Bilatzeko motorrak. Dokumentuak artxibatzea.

24. gaia.-Informazio biltegiak: definizioa, ezaugarri nagusiak. Arkitekturak (Data warehouse korporatiboa eta Data Mart). Analizatzeko teknikak: query eta reporting; O.L.A.P., Data Mining.

25. gaia.-Informazio biltegia eraikitzeko metodologia. Data Warehouseren osagarriak: datu iturriak, diseinu/garapeneko tresnak, datuak atera eta eraldatzeko tresnak (ETL), Data Store, datuak atzitu eta analizatzeko tresnak. Data Warehouse baten diseinua: modeloaren osagaiak, izarraren eta elur malutaren itxurako eskemak, pikortasuna.

26. gaia.-ITIL V3: Zerbitzuak ematea. Zerbitzuaren katalogoak.

27. gaia.-ITIL V3: Zerbitzuaren euskarria. Euskarri planaren definizioa. Mailaren araberako euskarria, gorabeheren erregistroa eta eskalak, euskarri teknikoa eta euskarri funtzionala. Gorabeherak ebaztearen eta problemak ebaztearen arteko aldea.

28. gaia.-ITIL V3: TI-ko azpiegitura kudeatzea.

29. gaia.-ITIL V3: Segurtasuna kudeatzea.

30. gaia.-ITIL V3: Aplikazioak kudeatzea.

31. gaia.-ITIL V3: Softwareko aktiboak kudeatzea.

32. gaia.-Erabiltzaileendako euskarria, Erabiltzaileei laguntzeko zentroa. Laguntzarako bideak. Aurrez aurreko laguntza. Telefono bidezko laguntza. Internet bidezko laguntza. Contact Center. Bestelako bideak. Gorabehera eta problemen kudeaketa. Zerbitzu eskaeren kudeaketa.

33. gaia.-ISO 20000 araua: Informazioaren teknologia. Zerbitzuaren kudeaketa. 1. zatia: Zehaztasunak. 2. zatia: Jardunbide egokien kodea.

34. gaia.-Herritarrak Zerbitzu Publikoetara Bide Elektronikoz Sartzeko Legea (ekainaren 22ko 11/2007 Legea).

35. gaia.-Sinadura Elektronikoari buruzko Legea (abenduaren 29ko 59/2003 Legea). Informazioaren Gizarteko Zerbitzuei eta Merkataritza Elektronikoari buruzko Legea (Uztailaren 11kko 34/2002 Legea).

36. gaia.-Datu Pertsonalak Babesteari buruzko Lege Organikoa (abenduaren 13ko 15/1999 Lege Organikoa) eta hura garatzeko Erregelamendua (abenduaren 21eko 1720/2007 Errege Dekretua).

37. gaia.-Nafarroako Foru Komunitateko Administrazioan Administrazio Elektronikoa Ezartzeari buruzko 11/2007 Foru Legea (apirilaren 4ko 11/2007 Foru Legea).

38. gaia.-Nafarroako Foru Komunitateko Administrazioaren Erregistro Orokor Elektronikoari buruzko Foru Dekretua (ekainaren 23ko 70/2008 Foru Dekretua). 210/2007 Foru Agindua, ekainaren 4koa, Ekonomia eta Ogasuneko kontseilariak emana, Nafarroako Foru Komunitateko Administrazioaren eta haren erakunde publikoen informazio sistemen eta komunikazioen segurtasun arauak ezartzen dituena.

39. gaia.-3 geruzako arkitekturan oinarritutako aplikazioen garapena: bezeroa, negozioaren logika eta datuetara iristeko geruza. Osagaien eta zerbitzuen garapena.

40. gaia.-Patroiak. Arkitekturako patroiak. Diseinuko patroiak.

41. gaia.-Objektuei zuzendutako programazioa. a) Motak: atributuak, metodoak eta ikusgarritasuna. b) Erlazioak: herentzia, gehiketa, elkarketa eta erabilera (mendekotasuna edo instantziazioa). c) Metodoak. Polimorfismoa.

42. gaia.-Objektuei zuzendutako analisia eta diseinua. a) Beharkizunen identifikazioa eta idazketa: erabilera kasuetako diagramak, sekuentzia diagramak, interakzio eta lankidetza diagramak. b) Modelo estatikoa: Moten diagrama. c) Modelo fisikoa: osagaien eta hedaduraren diagramak. d) Datuen modelatua. UML notazioaren bidezko modelatua.

43. gaia.-Microsoft softwarea (NET) Visual Studio 2008 edo handiagoa garatzeko plataforma. Aplikazioak sortzea; programazio lengoaiak, exekuzioko ingurune komuna (CLR), MSIL, JIT. Win forms aplikazioak sortzea. Web estandarreko zerbitzuak sortzea. Osagaiak sortzea. Framework. NET V3.5. Web aplikazio interaktiboak: Silver Light 3.0. Datuetarako sarbidea: a) Biltegiratutako prozedurak. b) SQL lengoaia. c) Datuetara sartzeko teknologiak: ADO, OLEDB, ODBC, ADO.NET.

44. gaia.-LAMP plataforma (Linux, Apache, MySQL, PHP).

45. gaia.-Java 2 plataforma: a) Desktop aplikazioak JDK estandarrarekin. Java Web Start. Java Server Faces. b) Urruneko objektuetarako sarbidea: RMI, CORBA. c) Datuetarako sarbidea: JDBC eta JDO. JPA eta Hibernate. d) Web aplikazioak: Applets, Servlets, JSP eta JSF. e) Osagaietan oinarritutako aplikazioak: Enterprise Java Beans. f) XML eta Java.

46. gaia.-Datu-baseak kudeatzeko sistemak (S.G.B.D). ANSIren erreferentzia eredua. Erlazio eredua. Entitate-erlazio diagramak. SQL lengoaia. Arau eta estandarrak erlazio datuen baseetako kudeatzaileen arteko elkarreragingarritasunerako.

47. gaia.-XML eta Web zerbitzuak. XML. XML dokumentuak aldatzea eta formateatzea, XSLTrekin eta XSLrekin. XML dokumentuen deskribapena, XML Schemas-ekin.

48. gaia.-SOA arkitektura. Web zerbitzuen garapena eta inbokazioa: SOAP. Web zerbitzuen deskubrimendua eta deskribapena: UDDI eta WSDL. Web zerbitzuetako transakzioak. Web Seguruen (WSS) zerbitzuak. SOA gobernua. SOA zerbitzuen kontratua.

49. gaia.-Kode irekiko softwarea. Software librea. Kontzeptuak. Lizentzia motak.

50. gaia.-Garapenaren bizitza zikloa: garapenaren inguruneak, integrazio etengabea, integrazio probak, aurreprodukzioa eta produkzioa. Ingurune bakoitzaren ezaugarriak eta funtzionaltasunak. Ohiko tresnak.

51. gaia.-Komunikazioak: Sareen interkonexioa. Sare motak. Konektibitate elementuak: hub, switch, router. 2. mailako, 3. mailako eta 7. mailako kommutadoreak.

52. gaia.-WAN sareak. Teknologiak: ATM, Gigabit Ethernet, MPLS, IPoWDM.

53. gaia.-Banda zabaleko atzipen sareak. ADSL, FR, cablemodem, PLC, satelitea.

54. gaia.-Hari gabeko komunikazioak. GPRS, UMTS, HSDPA, HSUPA, Wifi, Wimax, Bluetooth, RFID.

55. gaia.-Sare pribatu birtualak: SSL, IPSEC, MPLS.

56. gaia.-Oinarrizko zerbitzuak: DHCP, izenak ebaztea, DNS. Direktorio sistemak. LDAP protokoloa.

57. gaia.-Hiru geruzako arkitektura: Web zerbitzariak, aplikazioetako zerbitzariak eta datu-baseetakoak.

58. gaia.-Datu-base erlazionalen kudeatzailea. Administrazioa. Optimizazioa. Erreplikazioa.

59. gaia.-Cluster teknologiak: sistema eragilean integratutako clusterrak, hardware bidezko clusterrak eta kanpoko hardware balantzeadoreetan oinarritutako clusterrak.

60. gaia.-Mezularitza sistemak. Kontzeptuak. Protokoloak. Zerbitzuak. Bezeroaren tresnak. Komunikazio bateratuak.

61. gaia.-Suebakiak. Egoerak aztertzen dituzten suebakiak. Aplikazioen suebakiak.

62. gaia.-Sistemen monitorizazioa eta kudeaketa. Kudeaketa sistemak. Sarea eta zerbitzariak kudeatzeko sistemak. Gertaerak kudeatzeko sistemak. SNMP protokoloa.

63. gaia.-Identitateak kudeatzeko sistemak. Identitatez hornitzeko eta haiek sinkronizatzeko sistemak. Single Sign On Web eta enpresaren Single Sign On. Autentifikazio sistemak. RADIUS. Identifikazio biometrikoko sistemak.

64. gaia.-Zerbitzuetara zuzendutako arkitektura (SOA). Oinarrizko kontzeptuak: azpiegiturako beharrezko osagaiak: enpresa zerbitzuen busa (ESB), negozioko prozesuen kudeatzailea (BPM). Zerbitzuen katalogoa, Proxy SOA. Web zerbitzuen eta negozio prozesuen (BAM) monitoretza eta analisia.

65. gaia.-Azpiegitura zerbitzariaren birtualizazioa. Birtualizazio motak: partiketa fisikoa, sistema eragilearen gaineko birtualizazioa eta HWren (Bare-Metal) gainekoa.

66. gaia.-Lanpostuaren birtualizazioa. Aplikazioen birtualizazioa. Terminalen sistemak.

67. gaia.-Internet / Intranet. Software nabigatzailea.

68. gaia.-ISO 27001 araua: Informazioaren teknologia. Segurtasun teknikak. Informazioaren segurtasuna kudeatzeko sistemak (SGSI). Beharkizunak.

69. gaia.-ISO 27002 araua (ISO/IEC 17799 ere bai). Informazioaren teknologia. Jardunbide egokien kodea, informazioaren segurtasuna kudeatzeko.

70. gaia.-Eraso eta erasotzaile motak. Intrusismo teknikak. Hacking etikoa.

71. gaia.-Segurtasun fisikoa: sarbideen kontrola, CPD, UPS, SAI eta abarren ezaugarriak.

72. gaia.-Lanpostuko segurtasuna. Erabiltzaileen eta pasahitzen politika. Erabiltzaileen profilak. Baimenak. Erabiltzaileen eta postuen kudeaketa, politiken arabera. Adabakien kudeaketa.

73. gaia.-Perimetroko segurtasuna. Sarrera zerrendak. Suebakiak: motak eta teknologiak. IDSak eta IPSak. Sareko sniffer-a.

74. gaia.-Segurtasuna hari gabeko sareetan. 802.11x.

75. gaia.-Kriptografia. Klabe pribatuko eta publikoko sistemak.

76. gaia.-Auditoriak eta arriskuen kudeaketa. Iraupen planak.

77. gaia.-Segurtasuna aplikazioak garatzean. OWASP.

78. gaia.-Segurtasun kopiak. Sostengu estrategiak. Iraupen planak.

79. gaia.-Autentifikazio sistemak. RADIUS. Identifikazio biometrikoko sistemak.

80. gaia.-SPAM. Arazoak. Spam-en kontrako tresnak.

81. gaia.-Programa maltzurrak. Birusak, troiarrak eta spywareak. Analizatu, atzeman eta deuseztatzeko tresnak. Web iragazteko sistemak. Kode aktibo maltzurra aztertzeko sistemak.

82. gaia.-Alde ahulak atzeman eta zuzentzeko sistemak.

83. gaia.- Informazio korporatiboaren kudeaketa. Datu galerei aurre egiteko sistemak eta eskubide digitalak kudeatzekoak (DLP eta IRM).

84. gaia.-Logak zentralizatu eta biltzeko sistemak. Auzitegi analisiko sistemak.

85. gaia.-CERT. Computer Emergency Response Team. CCN-CERT.

Bigarren zatia

Araudi oinarrizkoa eta orokorra

1. gaia.-Espainiako 1978ko Konstituzioa: printzipio orokorrak. Funtsezko eskubide eta betebeharrak. Botere Judiziala. Gorte Nagusiak: osaera eta eginkizunak. Gobernua eta Estatuko Administrazioa. Auzitegi Konstituzionala: osaera, antolakuntza eta eskumenak.

2. gaia.-Europar Batasuna. Parlamentua. Europako Kontseilua. Europako Batzordea. Kontseilua (ministroena). Justizia Auzitegia. Beste erakunde batzuk.

3. gaia.-Europar Batasuneko antolamendu juridikoaren iturriak: jatorrizko zuzenbidea eta zuzenbide eratorria.

4. gaia.-1978ko Konstituzioaren lehen xedapen gehigarria. Nafarroako Foru Eraentza Berrezarri eta Hobetzeari buruzko Lege Organikoa: izaera eta esanahia. Atariko titulua. Nafarroaren eskumenak.

5. gaia.-Nafarroako Parlamentua edo Gorteak. Nafarroako Comptos Ganbera. Arartekoa.

6. gaia.-Nafarroako Gobernua. Funtzioak. Osaera, izendapena, eratzea eta kargu-uztea. Eskudantziak eta eskumenak. Funtzionamendua. Laguntza eta sostengu organoak. Nafarroako Parlamentuaren erantzukizun politikoa, kontrola eta desegitea. Nafarroako Gobernuko lehendakaria.

7. gaia.-Nafarroako Foru Komunitateko Administrazioa. Nafarroako Foru Komunitateko Administrazioari buruzko abenduaren 3ko 15/2004 Foru Legean ezarritako printzipio orokorrak. Herritarren eskubideak Foru Komunitateko Administrazioarekiko harremanetan. Antolaketa: printzipio nagusiak eta egitura organikoa, organo kolegiatuak eta administrazio organoen eskumenak.

8. gaia.-Administrazio publikoen araubide juridikoaren printzipio orokorrak. Administrazio publikoen organoak. Prozedura administratiboarekiko interesdunak.

9. gaia.-Administrazioaren xedapenak eta egintzak. Egintza administratiboen betebeharrak. Egintzen eraginkortasuna. Deuseztasuna eta deusezgarritasuna.

10. gaia.-Prozedura administratiboen xedapen orokorrak: prozeduraren abiaraztea, antolamendua, instrukzioa eta amaiera. Bide administratiboko egintzen berrikuspena: ofiziozko berrikuspena eta administrazio errekurtsoak.

11. gaia.-Kontratu Publikoei buruzko Foru Legea: aplikaziorako arau orokorrak eta eremua. Kontratistak. Administrazio publikoen kontratu guztietarako xedapenak. Esleipenaren aurreko jarduketak.

12. gaia.-Nafarroako Administrazio Publikoen Zerbitzuko Langileen Estatutua. Langile motak. Funtzionario publikoak hautatzea. Egoera administratiboak. Funtzionarioen eskubideak, betebeharrak eta bateraezintasunak. Ordainsariak.

13. gaia.-11/2007 Foru Legea, apirilaren 4koa, Nafarroako Foru Komunitateko Administrazioan Administrazio Elektronikoa ezartzeari buruzkoa.

14. gaia.-Abenduaren 29ko 21/2005 Foru Legea, Politika Publikoak eta Zerbitzu Publikoen Kalitatea Ebaluatzeari buruzkoa.

15. gaia.- Abenduaren 13ko 15/1999 Lege Organikoa, Datu Pertsonalak Babesteari buruzkoa.

III. ERANSKINA

Adierazten dut hautaketa-prozesuan lanpostua eskuratzen ez badut, Osasunbidea-Nafarroako Osasun Zerbitzuan aldi baterako kontratatzeko egiten diren zerrendetan egon nahi dudala:

Iraupen luzekoa

Izangai bakoitzak zein zentrotan sartu nahi duen adierazi beharko du; guztiak hautatzen ahal dira.

? Nafarroako Ospitalea.

? Bideko Ama Birjina Ospitalea (Emakumeari Laguntzeko Zentroa barne).

? Anbulatorioen eta Ospitalez kanpoko Laguntzaren Zuzendaritza.

? Kudeaketako Zuzendaritza.

? Ubarmin Klinika.

? Osasun Publikoaren Institutua.

? Oinarrizko Osasun Laguntzako Zuzendaritza, Nafarroako Iparraldeko OOLT izan ezik.

? Nafarroako Iparraldeko OOLT (eremu euskalduna).

? Tuterako Osasun Barrutia.

? Lizarrako Osasun Barrutia.

Iraupen laburrekoa

Izangai bakoitzak zentro bat aukeratu beharko du A, B eta C ataletan agertzen direnetatik, baina ez da beharrezkoa atal guztietan bat aukeratzea.

A atala:

? Nafarroako Ospitalea.

? Bideko Ama Birjina Ospitalea.

? Oinarrizko Osasun Laguntzako Zuzendaritza, Nafarroako Iparraldeko OOLT izan ezik.

? Anbulatorioen eta Ospitalez kanpoko Laguntzaren Zuzendaritza.

B atala:

? Ubarmin Klinika.

? Osasun Publikoaren Institutua.

? Osasunbidea-Nafarroako Osasun Zerbitzuko Kudeaketako Zuzendaritza.

? Nafarroako Iparraldeko OOLT (eremu euskalduna).

C atala:

? Tuterako Osasun Barrutia.

? Lizarrako Osasun Barrutia.

Iruñean, 20..ko .............aren ............(e)an.

(Sinadura)

Iragarkiaren kodea: F0928373