2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
AMESKOABARRENA
Plan Orokorreko antolamendu xehakatuko determinazioetako aldaketa, "A.D. 16 zuzeneko jarduketa unitateko aldaketa, Artatzan". Behin betiko onespena
Ameskoabarreneko Udalak, 2007ko apirilaren 30ean egin osoko bilkuran, behin betiko onetsi zuen Plan Orokorreko antolamendu xehakatuko determinazioetako aldaketa, "A.D. 16 zuzeneko jarduketa unitateko aldaketa, Artatzan" deiturikoa, 2006ko abuztuaren 3an ikus-onetsia, Miguel Angel Lezaun Munarriz arkitektoak prestatua eta Bibiano Ruiz de Galarreta Araya jaunak sustatua, banakako bi lurzati sortzeko, haietako bakoitzean etxebizitza bat paratzeko eta posible egiteko haien banantzea.
Argitara ematen da, Lurraldearen Antolamenduari eta Hirigintzari buruzko abenduaren 20ko 35/2002 Foru Legearen 81. artikuluan xedatutakoari jarraikiz.
Ameskoabarrenen, 2009ko azaroaren 26an.-Alkatea, Diego Arturo Urra Velasco.
Iragarkiaren kodea: L0927316