1. NAFARROAKO FORU KOMUNITATEA
1.3. LURRALDEAREN ANTOLAMENDUA ETA HIRIGINTZA
1871/2009 EBAZPENA, azaroaren 4koa, Lurraldearen Antolamendu eta Etxebizitzako zuzendari nagusiak emana, Nafarroako Klinika Unibertsitarioko II. fasean -Nafarroako Unibertsitatearen Iruñeko Campusa UPSaren esparruan- eskailerak jartzeko xehetasun azterlana hasiera batean onesten duena. Sustatzailea Nafarroako Unibertsitatea da.
2009ko irailaren 7an, Igor Errasti Alcalák, Nafarroako Unibertsitatea ordezkatuz, Iruñeko Udalean aurkeztu zuen, kasuko izapideak egiteko, Nafarroako Klinika Unibertsitarioko II. fasean -Nafarroako Unibertsitatearen Iruñeko Campusa UPSaren esparruan- eskailerak jartzeko xehetasun azterlana. Sustatzailea Nafarroako Unibertsitatea da.
2009ko urriaren 22an, Iruñeko Udaleko Hirigintza Gerentziako Planeamendu Zerbitzuak, "Lurraldearen Antolamenduari eta Hirigintzari buruzko 35/2002 Foru Legearen 43. artikuluari jarraikiz, eta Lurraldearen Antolamendu eta Etxebizitza Departamentuak udal honi emandako baimenik ez dagoenez, Nafarroako Unibertsitateko UPSaren esparruan garapenerako planeamendua tramitatu eta onesteko", aipatu den xehetasun azterlana igorri zuen, "izapideak egiteko, edo dagokion baimenarekin itzultzeko".
Xehetasun azterlanaren xedea da eraikina egungo Eraikuntzako Kode Teknikoak sute kasuetarako ezartzen dituen segurtasun eskakizunetara egokitzea. Hura betetzeko, klinikako hegoaldeko adarrari -Irunlarrea kalera ematen duen luzetarako elementua- lotzeko bi eskaileragune proposatzen dira.
Ikusirik Lurraldearen Antolamendu eta Hirigintza Zerbitzuak egindako txostena, eta Lurraldearen Antolamendu eta Etxebizitza Departamentuaren egitura organikoa ezarri zuen irailaren 3ko 127/2007 Foru Dekretuaren bidez eskuratu ditudan ahalmenak erabiliz,
EBATZI DUT:
1. Hasiera batean onestea Nafarroako Klinika Unibertsitarioko II. fasean -Nafarroako Unibertsitatearen Iruñeko Campusa UPSaren esparruan- eskailerak jartzeko xehetasun azterlana. Sustatzailea Nafarroako Unibertsitatea da.
2. Espedientea hogei egunez jendaurrean jartzea.
Horretarako, espedientea ikusgai egonen da Lurraldearen Antolamendu eta Etxebizitza Departamentuan (Armada Etorbidea, 2. zk., 3. maila, Iruña), eta epe horretan zilegi izanen da egokitzat jotzen diren alegazioak aurkeztea, idatziz.
3. Ebazpen hau Nafarroako Aldizkari Ofizialean argitaratzea eta Iruñeko Udalari eta sustatzaileari jakinaraztea, behar diren ondorioak izan ditzan.
Iruñean, 2009ko azaroaren 4an.-Lurraldearen Antolamendu eta Etxebizitzako zuzendari nagusia, Jesús Javier Ascunce Elizaga.
Iragarkiaren kodea: F0925763
