2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ALTSASU
Tokiko Gobernu Batzarreko kideen izendapena
eta kargutik kentzea
Altsasuko Udaleko alkateak, 2009ko urriaren 1ean, ebazpen hau eman du:
Alkatetzaren 1023/2009 ebazpena
Toki Araubidearen Oinarriak arautzen dituen apirilaren 2ko 7/1985 Legearen 23 artikuluari eta Toki Entitateen Antolaketari, Funtzionamenduari eta Araubide Juridikioari buruzko Erregelamendua onesten duen azaroaren 28ko 2568/1986 Errege Dekretuko 46 eta 52. artikuluei jarraikiz, eta ikusirik udal talde sozialistako zinegotziek 2009ko irailaren 30ean aurkeztutako dimisio idazkia.
EBATZI DUT:
1. Juan Miguel Pérez Hurtado Altsasuko Udaleko lehen alkateordea eta Tokiko Gobernu Batzarreko kidea kargutik kentzea.
2. María José Notario Grados Altsasuko Udaleko Gobernu Batzarreko kidea kargutik kentzea.
3. María Carmen Otaegui Sáez de Maturana Altsasuko Udaleko lehen alkateorde eta Tokiko Gobernu Batzarreko kide izendatzea.
4. Iñaki Miguel Martiarena Altsasuko Udaleko bigarren alkateorde eta Tokiko Gobernu Batzarreko kide izendatzea.
5. Pedro María Zabalo Uribe Altsasuko Udaleko hirugarren alkateorde eta Tokiko Gobernu Batzarreko kide izendatzea.
6. Arturo Carreño Parras Altsasuko Udaleko laugarren alkateorde eta Tokiko Gobernu Batzarreko kide izendatzea.
7. Alkateordearen eta Tokiko Gobernu Batzarreko kideen izendapenek indarra hartzeko, zinegotzi interesdunak onartu egin beharko ditu. Hartara, onartutzat hartuko dira, hiru egun baliodunen buruan, behar den jakinarazpena egin eta biharamunetik hasita, kontrakorik espresuki adierazten ez badu.
8. Banan-banan jakinaraztea ebazpen honek ukitutako zinegotziei.
9. Osoko Bilkurari ebazpenaren berri ematea egiten duen lehenengo bilkuran, eta Nafarroako Aldizkari Ofizialean argitara dadin agintzea.
Egintza edo erabaki honen kontra, errekurtso hauek para daitezke:
Berraztertzeko errekurtsoa, deialdia egin duen organo berari zuzendua, hilabeteko epean, ebazpen hau jakinarazi eta biharamunetik aitzina.
Gora jotzeko errekurtsoa, Nafarroako Administrazio Auzitegiari zuzendua, hilabeteko epean, ebazpen hau jakinarazten denetik aitzina.
Administrazioarekiko auzi-errekurtsoa, Administrazioarekiko Auzien Epaitegiari zuzendua, bi hilabeteko epean, ebazpena jakinarazi eta biharamunetik aitzina.
Altsasun, 2009ko urriaren 1ean.-Alkatea, Unai Hualde Iglesias.
Iragarkiaren kodea: L0926091