Iragarkia
146. ALDIZKARIA - 2009ko azaroaren 27a
2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
OIBAR
Hirigintzako araudi orokorra eta hirigintzako araudi partikularra
Lurraldearen Antolamendu eta Etxebizitzako Zuzendari Nagusiak irailaren 30ean emandako 1596/2009 Ebazpenaren bidez (2009ko 124. Nafarroako Aldizkari Ofizialean argitaratua, urriaren 7koan) xedatu zen Nafarroako Aldizkari Ofizialean argitara zedila 90/2009 Foru Agindua, ekainaren 2koa, Lurraldearen Antolamendu eta Etxebizitzako kontseilariak emana, Oibarko Udal Plan Orokorra behin betiko onesten duena.
Beraz, Lurraldearen Antolamenduari eta Hirigintzari buruzko abenduaren 20ko 35/2002 Foru Legearen 81.1 artikuluan xedatutakoari jarraikiz, bidezkoa da Nafarroako Aldizkari Ofizialean argitaratzea Oibarko Udal Plan Orokorraren Testu Bategineko hirigintzako araudi orokorra eta partikularra.
Oibarren, 2009ko urriaren 20an.-Alkatea, Manuel Martínez Aldunate.
OIBARKO HIRIGINTZAKO UDAL PLANA
HIRIGINTZAKO ARAUDI OROKORRA
Testu bategina
I. KAPITULUA
Atarikoak
1. ATALA
Hirigintzako Udal Planaren xedea eta izaera
1. artikulua. Hirigintzako Udal Planaren izaera. Hirigintzako Udal Planaren xedea eta izaera.
Hirigintzako Udal Plan honen izaera eta norainokoa Lurraldearen Antolamenduari eta Hirigintzari buruzko 35/2002 Foru Lege indardunaren II. tituluko II. kapituluan aurreikusitakoak dira.
2. artikulua. Hirigintzako arauen xedea.
Hirigintzako arau hauen xedea da Oibarko Hirigintzako Udal Planaren eraginpeko lurralde osoaren hirigintzako araubidea ezartzea. Hemen dauden manuak ulertuko dira maila handiagoko legezko arauetan xedatutakoa ukatu gabe.
3. artikulua. Hirigintzako Udal Plana aplikatzeko lurralde esparrua.
Hirigintzako Udal Plan hau Oibarko udal mugape osoan aplika-
tuko da.
4. artikulua. Hirigintzako Udal Planaren indarraldia.
Hirigintzako Udal Plan honek indarra hartuko du behin betiko onesteko erabakia Nafarroako Aldizkari Ofizialean argitaratzen denean. Indarraldi mugagabea izanen du, baina berrikusi edo aldatu ahal izanen da, horretarako aurreikusten diren inguruabarrak gertatuz gero.
5. artikulua. Hirigintzako Udal Planaren osagaietako batzuen aldaketa.
Indarra duen legerian aipatzen diren kasuak ezertan ukatu gabe, ondoko kasu hauetan Hirigintzako Udal Plana aldatu eginen da:
a) Lurraldea antolatzeko tresnaren bat onesten bada, Planean ezarritako aurreikuspenetan aldaketa garrantzitsuak eragiten dituena.
b) Lursailen baterako ezarritako hirigintzako araubidean aldaketak egiten badira, xehetasun azterlanen, plan berezien eta plan partzialen berariazko eremua gainditzen dutenak.
Aldaketak egiten badira hirigintzako arauetako eta ordenantzetako baldintza orokor edo partikularretan eta babestu beharreko eraikin eta elementuen katalogoko beste determinazio batzuetan.
6. artikulua. Hirigintzako Udal Plana berrikustea.
Hirigintzako Udal Plan honetako aurreikuspenetan, aplikatu beharreko legeriak jasotako arrazoiengatik, garrantzizko aldaketaren bat gertatzen denean, Plana berrikusi eginen da.
7. artikulua. Hirigintzako Udal Plana onestearen ondorioak.
Hirigintzako Udal Plana publikoa, bete beharrekoa eta betearazlea izanen da, indarra hartzen duen egunetik aurrera.
1. Publikotasuna dela bide, edonork Planeko agiri guztiak kontsultatzeko eskubidea izanen du, eskura izanen baititu udal bulegoetan.
2. Betearazlea izateak berarekin dakar Hirigintzako Udal Planean aurreikusitako herri lanak onura publikokoak direla deklaratzea eta haietarako behar diren lurrak okupatu behar izatea.
3. Bete beharrekoa izateak esan nahi du Planeko determinazioak zehatz-mehatz betetzeko behar juridikoa dagoela, Administrazioari nahiz partikularrei eska dakiekeena.
Ondorio horrek, gainera, Hirigintzako Udal Planeko determinazioen eraginpeko lurrak determinazio horiekin lotzen ditu, baita mendeko planeamenduarekin eta urbanizazio eta eraikuntza proiektuekin ere.
8. artikulua. Hirigintzako Udal Plana osatzen duten agiriak.
Hirigintzako Udal Planak honako agiri hauek biltzen ditu: memoria; informazio, antolamendu eta kudeaketa planoak, hirigintzako arauak, ordenantzak, eta babestu beharreko eraikin eta elementu historiko, artistiko edo ingurumenekoen katalogoa.
9. artikulua. Determinazio grafikoak.
1. Planoetan dauden antolamendu-determinazioak irudien bidez azaldutako manu juridikoak dira, eta Hirigintzako Arau hauetan jasotako manuek adinako balioa dute. Elkarren aurka jotzen duten kasuetarako, arau hauetan zehazten da zer egin.
2. Erabilitako grafismoen esanahia antolamendu planoetan eta hirigintzako arau orokor edo/eta partikular hauetan zehazturik dago.
3. Oro har, irudi bidezko determinazioak lotesleak dira, eta zehazki:
a) Espazioa zatitzeko ezarritako mugapen guztiak (unitateak, sektoreak, kategoriak etab.) lotesleak dira.
b) Halaber lotesleak dira lerrokadurak, garaierak eta hirigintzako aprobetxamenduak.
Ekipamendu publikoetarako eremuen mugak ere lotesleak dira, baina esleitzen zaien berariazko xedea aldatzen ahal da.
10. artikulua. Ordenantzen interpretazioa.
Plan hau osatzen duten agirien interpretazioa Memoriaren eta Hirigintzako Araudi Orokorraren testuinguru orokorra kontuan hartuta eginen da, lehenbizikoaren asmo eta helburuei jarraituz eta bigarrenaren mende.
Ez da Hirigintzako Udal Plan honen egitekoa eraikuntzako jardueraren elementu paradigmatikoa izatea berak arautzen dituen arloetan, gutxieneko baldintza onargarriak bermatzea baizik. Ondorioz, ordenantzetan jasotako arlo batzuetan, maila handiagoko legerian arauturik ez badaude, baliteke ordezko soluzio tekniko edo estetikoak onartzeko aukera izatea, egokiak direla behar bezala egiaztatu ondoren.
Horrelakoetan, proiektu teknikoan berariaz arrazoituko da aukeratutako soluzioa, irizpide tekniko edo estetikoak erabiliz, eta saihestu nahi diren manuak aipatuko dira.
Txosten teknikoan proposamen alternatiboaren egokitasuna baloratuko da, bai eta, hala badagokio, proiektua onesten ahal ote den ere.
11. artikulua. Hirigintzako Udal Plana osatzen duten agirien edukien arteko lehentasuna.
Hirigintzako arauek, orokorrak nahiz partikularrak izan, eta haien osagarri diren antolamenduko planoek, Hirigintzako Udal Planeko gainerako dokumentuen gainetik agintzen dute. Aprobetxamendu edo lagapenen eta antolamendu nahiz urbanizazioko onura eta zamen inguruan agiri grafikoetako eta idatzietako determinazioen artean edo agiri grafikoen nahiz idatzien barnean kontraesanik bada, interpretazio zabalena hobetsiko da lagapenei, zamei eta ekipamendu eta zerbitzu komunitarioetarako hornidurei dagokienez, eta murritzena, aldiz, aprobetxamendu, garaiera, okupazio, eraikigarritasun, bolumen eta dentsitateei dagokienez. Bestelako determinazioen inguruko kontraesanak ebazteko, balio estetikoa, higiene baldintzak edo azpiegituren eta eraikuntzen hobekuntza hartu ahal izanen dira kontuan, besteak beste.
2. ATALA
Hirigintzako Udal Planeko determinazioen sistematika eta araubide juridikoa
12. artikulua. Hirigintzako Udal Planeko determinazioen araubide juridikoa. Hirigintzako Udal Planeko determinazioen sistematika eta araubide juridikoa.
Lurzoruaren jabetzaren eta erabileraren araubidea aldatzeko prozesuan bete behar diren oinarrizko betekizunak eta berariazko baldintzak arautzen dira Hirigintzako Udal Plan honetan, goragoko legeria indardunak ezartzen duen esparru juridikoan, eta planeamendua garatzeko tresnei dagozkien determinazioak ukatu gabe.
Aldatze prozesu horretan planeamenduaren aurreikuspenei jarraituko zaie eta Planean sartu diren baldintza berariazkoak errespetatuko dira, bai antolamenduari eta kudeaketari buruzkoak bai diseinuari buruzkoak:
a) Hirigintza antolamenduari buruzko baldintzak, honako arlo hauetakoak: lurraldearen eta beraren okupazio-araubidearen arteko harremanak, erabilerak, garaierak, lurzoruaren sailkapena, sistema orokorrak, azpiegiturak eta espazio publiko nahiz pribatuen mugapenak.
b) Antolamenduaren kudeaketari buruzko baldintzak.
Eraikinen eta urbanizazioen diseinu eta kalitateari buruzko baldintzak, baita egokitzapen teknikoen oinarrizko erregelei buruzkoak edota erabilera eta jardueren baldintza berariazkoei buruzkoak ere.
13. artikulua. Egiturazko determinazioak eta determinazio xehakatuak.
Hirigintzako Udal Plan honek bi erreferentzia esparru edo maila hauetan sistematizatzen ditu determinazioak:
-Egiturazko determinazioak: egiturazko determinazioek zehaztu egiten dituzte udalerri bakoitzaren lur eremu osoa okupatu, erabili eta zaintzeko eredua, hiri-egituraren nahiz lurraldekoaren funtsezko elementuak, eta beraien etorkizuneko garapena.
Hirigintzako antolamenduko determinazio egiturazkoen zerrenda:
a) Lurzoru motak eta kategoriak.
Ondokoetan adierazten dira: Hirigintzako Araudi Partikularreko fitxetan; 5.1.1, 5.1.2, 5.1.3 eta 5.1.4 planoetan (Lurzoruaren sailkapena), eta 4. planoan (Lurzoruaren sailkapen orokorra eta kategoriak).
b) Sektoreen mugak.
Ondokoetan adierazten dira: Hirigintzako Araudi Partikularreko fitxetan; 5.1.1, 5.1.2, 5.1.3 eta 5.1.4 planoetan (Lurzoruaren sailkapena); 5.2.1, 5.2.2, 5.2.3 eta 5.2.4 planoetan (Hiri lurzoruaren eta lurzoru urbanizagarriaren kudeaketa), eta 5.0 planoan (Laburpena).
c) Sistema orokorren definizioa.
Ondokoetan adierazten da: Hirigintzako Araudi Partikularreko fitxetan; 5.2.1, 5.2.2, 5.2.3 eta 5.2.4 planoetan (Hiri lurzoruaren eta lurzoru urbanizagarriaren kudeaketa); 5.4.1, 5.4.2, 5.4.3 eta 5.4.4 planoetan (Lurzoruaren kalifikazioa), eta 5.0 planoan (Laburpena).
d) Sektorizazio planak onesteko baldintzak.
Hirigintzako Araudi Partikularrean adierazten dira.
e) Finkatu gabeko hiri lurzoruan eta lurzoru urbanizagarri sektorizatuan, gehieneko aprobetxamendua, erabilera orokorrak, babes publikoko motaren bati loturiko etxebizitzen nahitaezko portzentajea, eta, behar denean, banaketa eremu etengabeak edo etenak, beren eredu-aprobetxamenduak eta haien guztien multzoarentzako homogeneizazio koefizienteak.
Ondokoetan adierazten dira: Hirigintzako Araudi Partikularreko fitxetan; 5.2.1, 5.2.2, 5.2.3 eta 5.2.4 planoetan (Hiri lurzoruaren eta lurzoru urbanizagarriaren kudeaketa); 5.4.1, 5.4.2, 5.4.3 eta 5.4.4 planoetan (Lurzoruaren kalifikazioa), eta 5.0 planoan (Laburpena).
f) Lurzoru urbanizaezina babesteko arauak.
Hirigintzako Araudi Orokorrean adierazten dira, hain zuzen ere 51. artikuluan.
-Determinazio xehakatuak: antolamendu xehakatuko determinazioak dira aurrekoek beharrezkoak dituztenak ekintza zehatzak gauzatu ahal izateko, behar adinako xehetasun mailaraino.
Hirigintzako antolamenduko determinazio xehakatuen zerrenda:
a) Hiri bilbeen definizio zehatza, eraikuntzen lerrokadurek eta sestrek osatutakoa.
5.3.1, 5.3.2, 5.3.3 eta 5.3.4 planoetan adierazten da (Eraikuntzen lerrokadurak eta garaierak).
b) Exekuzio unitateak zehaztea eta jarduketa sistemak finkatzea.
Ondokoetan adierazten da: Hirigintzako Araudi Partikularreko fitxetan; 5.2.1, 5.2.2, 5.2.3 eta 5.2.4 planoetan (Hiri lurzoruaren eta lurzoru urbanizagarriaren kudeaketa), eta 5.0 planoan (Laburpena).
c) Hirigintzako betebeharrak betetzeko epeak seinalatzea.
Hirigintzako Araudi Partikularreko fitxetan adierazten da.
d) Beren natur edo kultur balioak direla eta, edo jabari publikoarekin duten loturagatik, kontserbatu edo berreskuratu behar diren elementuen katalogoa, bidezkoak diren babes neurriekin batera.
"Katalogoa" izeneko eranskinean adierazten da, eta 5.4.1, 5.4.2, 5.4.3 eta 5.4.4 planoetan (Lurzoruaren kalifikazioa, Lurzoruaren eta eraikuntzen erabilerak, Katalogoaren erreferentzia).
e) Eraikuntzari buruzko Ordenantza Orokorrean eta Urbanizazioari buruzko Ordenantza Orokorrean ezarritako determinazioak determinazio xehakatuak dira.
f) Gainerako determinazio funtzionalak, diseinuari buruzkoak eta abarrekoak, egiturazkoak ez direnak.
Hori guztia 35/2002 LAHFLren 49. artikuluan zehazten den moduan.
14. artikulua. Hirigintzako Udal Planeko determinazioak garatzeko tresnak.
Hirigintzako Udal Planean ezartzen diren antolamendu, exekuzio, urbanizazio eta eraikuntzarako tresnen eta hirigintzan esku hartzeko sistemen edukia eta tramitazioa kasu bakoitzean aplikatu beharreko indarreko legeriari lotuko zaizkio. Hala ere, horrek ez du eragotziko Planean ezarritako zehaztapen berariazkoak betetzea.
15. artikulua. Aurreikusitako jarduketen programazioa.
Hirigintzako Araudi Partikularrean gehieneko epeak ezarri dira hirigintzako betebeharrak betetzeko. Araudi horretan epe zehatzik finkatu ez zaien unitate edo esparruek, subsidiarioki, zortzi urteko epea izanen dute, Planaren onespena argitaratzen den egunetik hasita, kasuan kasuko lehen hirigintza-betebeharra betetzeko. Gainerako hirigintza-betebeharrak betetzeko, eta halaber modu subsidiarioan, indarra duen legerian halakotzat aurreikusitako epeak aplikatuko dira.
16. artikulua. Hirigintzako Udal Planaren garapenari begira aurreikusten diren egoerak.
Honako agiri, jarduketa eta tramite hauek egin beharko dira eraikuntzak egin eta okupatu ahal izateko (kasuan kasukoak eraikinaren arabera):
1.-Antolamendu berriko elementuak.
1.A. Exekuzio unitateen exekuzioa.
-Jarduketa sistemaren arabera, behar den erakundea edo elkartea eratzea.
-Birzatiketa proiektua idaztea.
-Birzatiketa eta zamen eta onuren banaketa proportzionala egitea.
-Planeamenduan aurreikusitako lurrak lagatzea.
-Urbanizazio proiektua idaztea.
-Urbanizazioa egin eta lagatzea.
-Eraikuntza egiteko proiektua.
-Eraikitzea.
-Etxebizitzak okupatzea.
-Jarduerak irekitzea, halakorik bada.
1.B. Jarduketa asistematikoen exekuzioa.
-Planeamenduan aurreikusitako lurrak lagatzea hitzarmen bidez.
-Eraikuntza eta urbanizazioa gauzatzeko proiektua.
-Eraikuntza eta urbanizazioa.
-Etxebizitzak okupatzea.
-Jarduerak irekitzea, halakorik bada.
2.-Lehendik dagoen eraikuntza.
2.A. Eraikuntza eraberritu edo zaharberritzea.
-Eraberritze proiektua.
-Eraberritze obrak.
2.B. Erabileraren aldaketa, birkalifikazioa edo jarduera berriaren ezarpena.
-Eraberritze proiektua.
-Eraberritze obrak.
-Jarduerak irekitzea.
3.-Lehendik dagoen eraikuntza ordeztea.
-Eraikuntza eraisteko proiektua.
-Eraikuntza gauzatzeko proiektua.
-Eraikitzea.
-Etxebizitzak okupatzea.
-Jarduerak irekitzea, halakorik bada.
4.-Oin berriko eraikuntza lurzoru librean.
-Araudi honen 29. artikuluaren arabera.
5.-Eraikuntza lurzoru urbanizagarri sektorizatuan.
-Plan partziala.
-1.A puntuan bezala.
6.-Eraikuntza lurzoru urbanizaezinean.
6.A. Eraikuntza baimengarria.
-Behar den dokumentazio teknikoa aurkeztea.
-Nafarroako Gobernuari zuzenduta tramitatzea.
-6.A puntuan bezala.
6.B. Eraikuntza onartua.
-Eraikuntza proiektua.
-Eraikitzea.
-Jarduerak irekitzea, halakorik bada.
II. KAPITULUA
Hirigintzako araubidea
1. ATALA
Atarikoa
17. artikulua. Hirigintzako araubidearen definizioa.
Lurzoruaren eta eraikuntzaren hirigintzako araubidea definitzeko bitartekoak ondokoak dira: determinazio formalak, funtzionalak eta kudeaketari buruzkoak; lurzoruaren motak, lurralde esparrua eta kategoriak; ondarea kontserbatzeko araudia; eta Hirigintzako Udal Planaren ordenantzak eta indarra duen legeriarenak.
2. ATALA
Lurzoruaren sailkapena
18. artikulua. Lurzoruaren sailkapena.
Hirigintzako Udal Plan honetako agiri grafikoetan zehazten da non dagoen lurzoru mota bakoitza.
Indarra duen legerian berariaz ezarritako irizpideak erabili dira lurrak lurzoru mota batean edo bestean sailkatzeko. Zehazki, irizpide hauek erabili dira:
1. Hiri lurzoru finkatua osatzen duten lurrak hala irudikatuta daude Hirigintzako Udal Plan honetako lurzoruaren sailkapeneko planoetan. Badituzte ibilgailuentzako sarbidea, ur hornidura, ura husteko sarea eta argindar hornidura, eta zerbitzu horien ezaugarriak eta neurriak nahikoak dira lehendik dauden eraikuntza edo instalazioentzat eta aurreikusten direnentzat. Urbanizatzekoak diren lurrak ere hiri lurzoru finkatuan sartuko dira, baldin eta urbanizatu ondoren izanen dituzten zerbitzuak goian aipatutakoak berak badira, LAHFLren 92.2a) artikuluan ezarritakoarekin bat.
2. Finkatu gabeko hiri lurzorua osatzen duten lurrak hala irudikatu dira Hirigintzako Udal Plan honetako lurzoruaren sailkapen planoetan, urbanizatzeko egokitzat jotzen direlako, LAHFLren 92.2b) artikuluan ezarritakoarekin bat.
3. Antolamendu zehazturik gabeko lurzoru urbanizagarri sektorizatua osatzen duten lurrak industriarako dira eta hala irudikatu dira Hirigintzako Udal Plan honetako lurzoruaren sailkapen planoetan, urbanizatzeko egokitzat jotzen direlako, LAHFLren 96.2a) artikuluan ezarritakoarekin bat.
4. Lurzoru urbanizaezina osatzen duten lurrak Hirigintzako Udal Plan honetako lurzoruaren sailkapen planoetan hala irudikatu dira balio berezia dutelako nekazaritzarako, basogintzarako, abeltzaintzarako, naturaren, paisaiaren, historiaren, kulturaren edo ekologiaren aldetik, edo fauna, flora nahiz oreka ekologikoa defendatzeko, eta, oro har, haien ezaugarriak eta berezko izaera landatarrak direlako. Beste ezein lurzoru motatan sailkatu gabeko lurrak ere multzo honetan sartu dira.
19. artikulua. Populaziogune motak.
Aplikatu beharreko legerian ezartzen diren ondorioetarako, Oibar landagune trinkoa da, 500 biztanletik gorakoa eta 3.000 biztanletik beherakoa.
3. ATALA
Lurzoruaren kalifikazioa
20. artikulua. Lurzoruaren kalifikazioa.
Hirigintzako Udal Plan honetan lurzoru motak kalifikatu egin dira, erabilera eta jarduera orokorrak, xehakatuak eta zehaztuak esleituz, haien kokapena eta haietan egiten den jarduera arautzeko xedearekin.
21. artikulua. Erabileraren definizioa.
Erabilera da lurzati, unitate, sektore edo eraikuntza batean edo horien garapenaren emaitza den espazio batean egiten den jarduera nagusia, eta arautu egiten da, irizpide gisa, Planean bereizten diren zonak antolatzeko, bakoitzaren xedearen eta ingurumen-ezaugarrien ikuspegitik.
Erabilerari buruzko baldintzak jarriz, jarduerak modu orekatuan antolatu eta haien arteko bateragarritasun edo bateraezintasunak arautzen dira.
22. artikulua. Erabilera motak.
Plan honetarako nahiz bere garapenaren eta aldaketen ondorioz egiten diren plan partzial, plan berezi eta xehetasun azterlanetarako, honako erabilera mota hauek ezartzen dira:
A) Esleipenaren arabera:
-Orokorra.
-Xehakatua.
-Zehaztua.
B) Antolamenduaren xedeekin duten egokitasunaren aldetik begiratuta:
-Onartua.
-Baimengarria.
-Debekatua.
C) Xedearen arabera:
-Bizitegiak.
-Nekazaritza.
-Abeltzaintza.
-Basogintza.
-Jarduera ekonomikoak.
-Zerbitzuak.
-Ekipamenduak.
-Espazio libre publikoak.
-Komunikazio eta azpiegituren sistema orokorrak.
-Ekipamendu pribatua.
D) Ezarpenaren arabera:
-Lehendik dagoena.
-Aurreikusia.
23. artikulua. Erabileren lurralde-esleipena.
1. Erabilera orokorren esleipena:
Erabilera orokorren esleipena lurraldearen banaketari dagokiona da.
a) Hiri lurzoru finkatuan sektore hauei dagokie:
-Bizitegiak: S.4 eta S.5 sektoreak.
b) Finkatu gabeko hiri lurzoruan S.1 sektoreari dagokio.
-Bizitegiak: S.1.
c) Antolamendu zehazturik gabeko lurzoru urbanizagarri sektorizatuan S.2 eta S.3 sektoreei dagokie.
-Jarduera ekonomikoa edo industria: S.2 eta S.3 sektoreak.
d) Industriarako lurzoru urbanizaezin "sektorizatu gabean".
-Jarduera ekonomikoa edo industria: 12. poligonoko 606. eta 638. lurzatiak (Campoluengo alderdia).
e) Lurzoru urbanizaezinean lurzoru kategoria bakoitzari dagokio:
-Babestu beharrekoa.
-Gorde beharrekoa.
Eta azpikategoriei, haietako bakoitzean.
Lurrak, kategorietan sartzearen ondorioz, Hirigintzako Udal Plan honetan erabilera eta jardueretarako zehazturiko mugei lotuta daude, eta, ordezko gisa, indarra duen legerian gutxienekotzat eta oinarrizkotzat ezarritako mugei.
2. Erabilera xehakatuen esleipena:
Hiri lurzoruaren, finkatu gabeko hiri lurzoruaren eta lurzoru urbanizagarri sektorizatuaren erabileren esleipen xehakatua exekuzio unitateei, jarduketa asistematikoei eta eraikuntza finkatua duten lurzatiei dagokie.
a) Hiri lurzoruan, eraikuntza finkatua duten lurzatiek, jarduketa asistematikoek eta exekuzio unitateek, zein unitate antolatutan dauden, haren erabilera orokorrarekin bateragarriak diren erabilera xehakatuak izanen dituzte.
b) Finkatu gabeko hiri lurzoruan, erabilera xehakatuak esleitzeko esparruak exekuzio unitateak izanen dira.
c) Antolamendu zehazturik gabeko lurzoru urbanizagarri sektorizatuan, erabilera xehakatuak esleitzeko esparruak exekuzio unitateak izanen dira.
d) Industriarako lurzoru urbanizaezin "sektorizatu gabean", erabilera xehakatuak esleitzeko esparrua sektorizazio plan baten bidez mugatuko da, eta kasuan kasuko plan partzialaren edo plan bereziaren bidez osatuko.
3. Erabilera zehaztuen esleipena:
Erabilera zehaztuen esleipena eraikuntzarena izanen da lurzoru mota bakoitzean. Erabilera horiek, zein esparrutan zehaztu nahi diren, haren erabilera xehakatuekin eta orokorrekin bateragarriak izan behar dute.
Eraikuntza berrian, edo lehendik dagoen eraikuntza eraberritzen denean, obra proiektuak lurzoruaren eta eraikuntzaren erabilera zehaztuak jasoko ditu. Erabilera horiek zein eraikuntzatan dauden, haren erabilera zehaztu nagusiarekin bateragarriak izan behar dute.
Erabileren intentsitateak Hirigintzako Araudi Partikularreko fitxetan daude ezarrita; oinarri gisa erabiltzen dira antolamendu xehakaturik gabeko lurzoru urbanizagarri sektorizatuan banaketa eremuetako eredu-aprobetxamendua kalkulatzeko. Erabilera horiek, zeinekin beste erabilera guztiak parekatuko baitira hirigintzako aprobetxamenduaren kontsumoari dagokionez, honako hauek izanen dira:
-Bizitegitarakoa Dentsitate txikikoa (familia bakarreko etxebizitzak).
-Bizitegitarako lurzoru pribatua.
24. artikulua. Erabileren egokitasuna.
Jarraian ezarriko da erabilera xehakatu eta zehaztuen eta erabilera orokorren arteko bateragarritasun araubidea unitate antolatuetarako, hiri lurzoruan, eta planeamendu sektoreetarako, finkatu gabeko hiri lurzoruan eta lurzoru urbanizagarri sektorizatuan.
Artikulu honetako Erabileren Egokitasunaren Taulan ageri den moduan, bizitegitarako erabilera izanen da erabilera nagusia, erabilera orokorraren eta xehakatuaren esleipenean, S1 eta S2 sektoreetako hiri lurzoru osoan. Horrek esan nahi du beti izanen dela zilegi bestelako erabilera duen eraikin bat bizitegitarako eraikin bihurtzea, araudi honen 29., 30. eta 48. artikuluetako mugak gainditu gabe.
Eraikin bakoitzean, erabilera zehaztu nagusiarekin batera beste erabilera bateragarri batzuk ere baimendu ahal izanen dira, baina hauen azalera ezin da izan erabilera zehaztuarena baino handiagoa, artikulu honen amaierako tauletan ageri den bezala.
Ekipamendutarako erabilerak dena delako zerbitzuaren publikotasuna adierazten du, nahiz eta kasu jakinetan bidea emanen zaien kontzeptu orokorrarekin bateragarriak diren lagapen edo kontzesio araubideei.
Ekipamendu pribaturako edo ekipamendu komunitario pribaturako erabilera, egokitasunari dagokionez, zerbitzuen parekoa da. Industria biltegiak jarduera ekonomikoarekin parekatuko dira. Bankuen sukurtsalen, agentzien eta bulegoen lokalak ere zerbitzuekin parekatuko dira. Etxebizitzari lotutako erabilerak (garajea, etxeko biltegia, baratzea, nekazaritzako biltegia, kirol ekipamendua lurzoru libre pribatuan, igerilekuak, tenis pistak, etab.) bizitegitarako erabileraren barruan sartzen dira.
Erabilera baimengarriak Nafarroako Gobernuan jarduera sailkatu gisa tramitatu beharko dira gehienetan, eta gainera lizentziaren aurretik Udalari berariazko erabilera-baimena eskatu beharko zaio. Baimena emateko ezinbestekoa izanen da ezarri nahi den erabilera egokia izatea dena delako unitate, lurzati edo eraikinaren kontzeptu orokorrerako.
Lurzoru urbanizaezinean, erabileren egokitasunaren araubidea ezartzeko lurzoru kategoriak babesteko baldintzak aplikatuko dira.
Lehendik dauden eraikinetako erabilerak bateraezinak badira artikulu honetan ezarritako egokitasun araubidearekin, eraikinok antolamenduz kanpo geratuko dira eta kapitulu honen 4. ataleko 31. artikuluan halako eraikinetarako ezarritako arau orokorrak aplikatuko zaizkie.
Esparru bakoitzean onartuak, baimengarriak edo bateragarriak ez diren erabilera guztiak erabilera debekatuak izanen dira eta Hirigintzako Udal Plan honetan ezarritako antolamenduarekin bateraezinak, salbu eta ekipamendutarako erabilerak, hauek Planaren eremu osoan erabilera onartuak izanen baitira.
ERABILEREN EGOKITASUNAREN TAULA
S.4 eta S.5 sektoreak. Hiri lurzoru finkatua
OROKORRA | XEHAKATUA | ZEHAZTUA | BATERAGARRIAK | |
Bizitegia | Onartua | Bizitegia | Zerbitzuak Merkataritza Ostalaritza | Bizitegia Merkataritza Ostalaritza |
Baimengarria | Zerbitzuak | Bizitegia Merkataritza Ostalaritza | Eskulangintzako lantegia | |
Merkataritza | Bizitegia Zerbitzuak Ostalaritza | |||
Ostalaritza | Bizitegia Zerbitzuak Merkataritza | |||
S.1 sektorea. Finkatu gabeko hiri lurzorua
OROKORRA | XEHAKATUA | ZEHAZTUA | BATERAGARRIAK | |
Bizitegia | Bizitegia | Onartua | Bizitegia Familia bakarrekoa | Zerbitzuak Merkataritza Zerbitzuak Ostalaritza |
Baimengarria | Ostalaritza | Zerbitzuak Merkataritza Bizitegia | ||
Zerbitzuak Merkataritza | Ostalaritza | |||
S.2 eta S.3 sektoreak. Jarduera ekonomikorako lurzoru
urbanizagarri sektorizatua
OROKORRA | XEHAKATUA | ZEHAZTUA | BATERAGARRIAK | |
Jarduera ekonomikoa | Jarduera ekonomikoa eta industria | Onartua | Bizitegia Familia bakarrekoa | Zerbitzuak Merkataritza Zerbitzuak Ostalaritza |
Baimengarria | Ostalaritza Zerbitzuak Industria | Ostalaritza Zerbitzuak Industria | ||
25. artikulua. Sistema orokorrak.
Lurraldearen egitura orokor eta organikoa zehazten duten elementuak dira, lehendik daudenak nahiz proiektatuak. Haien helburua planeamenduan komunikazioez, espazio libreez, zerbitzuez eta ekipamendu komunitarioez ezarritako guztia egituratzea da. Ondokoak dira:
-Komunikazioen sistema orokorra.
-Azpiegitura eta zerbitzuen sistema orokorra.
-Ekipamendu komunitario publikoen sistema orokorra.
-Espazio libreen sistema orokorra.
4. ATALA
Lurzorua eta eraikuntzak erabiltzeko araubidea
26. artikulua. Lurzoruaren eta eraikuntzaren araubidea.
Lurzoruaren eta eraikuntzen erabileraren araubidea hainbat faktorek zehazten dute (eraikuntzaren garaiera eta solairu kopurua, eraikigarritasuna, lerrokadurak etab.). Faktore horien definizioak, aplikatu behar diren parametro orokorrak eta horiek neurtzeko irizpideak Eraikuntzari buruzko Ordenantzetan daude.
Unitate bakoitzerako determinazio zehatzak xehetasunez azaltzen dira Hirigintzako Araudi Partikularreko fitxetan, arau orokor gisa aplikatu beharrekoen berdinak ez direnean.
1. Hirigintzako Udal Planak lurzoruaren eta eraikuntzen erabilerak eta horien intentsitateak antolatzen eta arautzen ditu, ondoko faktore guztiak edo haietako batzuk kontuan hartuz:
-Lurzoruaren okupazioa.
-Eraikigarritasuna.
-Hirigintzako aprobetxamendua.
-Eraikuntzaren solairu kopurua.
-Eraikuntzaren garaiera.
-Lerrokadura ofizialak eta eraikuntzenak.
-Gehieneko etxebizitza kopurua.
-Erabileren eta jardueren ezarpena.
-Espazio publikoak.
-Espazio pribatuak.
-Babes bereziko elementuak.
-Jarduketa sistemak.
2. Planeko dokumentazio orokorrean, antolamendu planoetan eta zona bakoitzeko hirigintzako arau orokorretan eta partikularretan garatu egiten dira determinazioak eta beren faktore guztiak.
3. Hiri lurzoruan erabilera xehakatuak esleitzeko planoek lurzoruaren eta eraikuntzen erabilera zehazten dute.
27. artikulua. Lurzoruaren okupazioa.
Hirigintzako Udal Plan honek, bere dokumentazio grafikoan, antolamendu planoetan eta Hirigintzako Araudi Partikularrean, xehetasunez ezartzen du lurzorua okupatzeko araubidea sektore guztietarako, hiri lurzoru finkatuan, finkatu gabeko hiri lurzoruan eta lurzoru urbanizagarri sektorizatuan.
Hiri lurzoru finkatuko lurzatietan, lurzorua okupatzeko araubidea bat dator egungo eraikuntzen perimetroarekin, zenbait lurzatitan izan ezik, dokumentazio grafikoan lurzati horietako eraikuntzak handitzeko edo ordezteko ezarri diren lerrokadurak ez baitira gaur egungoak berak.
Aurreikusitako okupazio araubidearen aldaketak honako kasu hauen arabera eginen dira:
-Lehendik dauden eraikuntzak: lehendik dauden eraikuntzak eta lurzoru libre pribatuan haiei loturiko eraikuntzak handitzeko eta ordezteko operazioetan, Udalak xehetasun azterlana tramitatzeko eskatuko du.
-Exekuzio unitateak eta jarduketa asistematikoak: antolamendu planoetan eta Hirigintzako Araudi Partikularreko fitxetan aurreikusitako okupazioa aldatzeko, xehetasun azterlana tramitatu beharko da. Azterlanaren eremua unitatea izanen da.
-Lurzoru urbanizagarri sektorizatuan: Oibarko kasuan, antolamendu zehazturik gabeko lurzoru urbanizagarri sektorizatua da. Sektorizazio plana egin beharko da Hirigintzako Udal Planeko dokumentazio grafikoan aurreikusitako okupazioan edozein aldaketa egin ahal izateko.
28. artikulua. Eremu publikoak zehaztea.
Halakotzat hartzen dira katastroko jabetza-mugen arteko eremu guztiak, exekuzio unitateek edo jarduketa asistematikoek ukitzen ez dituzten lurretan. Kasu honetan, aipatu kontzeptuan sartuko dira eraikuntzak okupatzen ez duen espazio osoa eta espazio libre pribatua.
Ordezpeneko lerrokadurak ezarri zaizkien hiri lurzoruko eraikuntzetan, eraikina ordezteko orduan, aipatu kontzeptuan sartuko da lerrokadura berriaren eta katastroko jabetza-mugaren arteko espazioa. Nahitaez eta doan laga beharrekoa izanen da.
29. artikulua. Hiri lurzoru finkatuaren araubidea aldatzea.
Artikulu honetan aztertzen da lurzoruaren araubidearen aldaketa, hiri lurzoru finkatuko lurzatietan, eraikuntzaren erabilera baldintzei eta etxebizitza kopuruari, bolumen eraikiari eta lurzoru libre pribatuaren erabilerari dagokienez.
1. Gaur egungo eraikuntzen erabilera xehakatuak edo zehaztuak aldatzeko arauak ezarriko dira unitate antolatuetako bakoitzean, Hirigintzako Araudi Orokor honetako erabileren egokitasun taularen arabera, kasu bakoitzean Hirigintzako Prozedurari buruzko Ordenantzak aurreikusten duen tramitearekin.
2. Gaur egungo eraikuntzetako etxebizitza kopurua aldatzea, batetik, hurrengo idatz-zatietan ezartzen diren bolumen mugei loturik egonen da, eta bestetik, 48. artikuluan lurzati pribatuaren barnean aparkatzeko tokien kopuruaz dagoen aurreikuspenari; hortaz, etxebizitza bat eraikitako 100 m²-ko, horixe izanen da gehieneko ratioa, eta Araudi honen 37. artikuluko gehieneko eraikigarritasuna (0,7 m²/m²) izanen da muga.
3. Gaur egungo eraikuntzen bolumen baldintzak aldatzeko, kontuan hartu behar da printzipio hau: Planak eraikuntzen bolumena finkatzen du, eta, beraz, ez du inolako eskubiderik ematen gaur egun eraikita dagoen bolumenaren gainetik.
a) Hiri lurzoru finkatuan, gaur egungo eraikuntzen bolumen baldintzak aldatzeko operazioak baimendu ahal izanen dira, betiere eraikuntza ez badago katalogoan sarturik. Xehetasun azterlana tramitatuko da (azterlanaren eremua aldaketaren xede den lurzatia izanen da), S.4 eta S.5 sektoreetarako, batera hartuta, aurreikusitako garaiera muga eta gehieneko solairu kopurua ezarriz, hots, B+1. Xehetasun azterlanaren onespena iritziaren araberakoa izanen da, eta jarduketaren egokitasuna baloratzean inguruko eraikuntzei ere erreparatuko zaie.
Katalogatutako eraikinen bolumen baldintzak aldatu ahal izateko, beharrezkoak izanen dira Udalaren ebazpen berariazkoa eta, aldez aurretik, Vianako Printzea Erakundearen aldeko txostena.
Bolumen eraikiari eusten zaiola onartuko da baldintza hauek betetzen direnean: eraikinaren solairu kopurua ez aldatzea; eta bolumena gehienez ere %20 handitzea, solairuen garaiera egokitu behar delako, biziegokitasun baldintzak bete daitezen, edo eraikineko teilatu-hegalak berdindu behar direlako.
Eskaera egitean eraikinak duen bolumen fisikoa eta proposatzen den bolumen fisikoa hartuko dira kontuan bolumena zenbat handituko den zehazteko.
4. Eraikuntza nagusiari erantsitako edo lotutako beste eraikuntza batekin lurzoru libre pribatua okupatzeko (araudi honetako erabileren egokitasun taulan araututakoekin bateragarria den erabilera baterako), kontuan hartu behar da printzipio hau: Planak eraikuntzen egungo bolumena finkatzen du, eta, beraz, ez du inolako eskubiderik ematen gaur egun eraikita dagoen bolumenaren gainetik.
a) Hiri lurzoru finkatuan (S.4 eta S.5 sektoreak) baimena eman ahalko da lurzoru libre pribatua okupatzeko, lehendik dauden eraikuntzak handitzeko eragiketetan, baldin eta gaur egungo azalera eraikia gehienez ere %20 handitzen bada.
Xehetasun azterlana tramitatuko da; horren onespena iritziaren araberakoa izanen da, eta jarduketaren egokitasuna baloratzean inguruko eraikuntzei ere erreparatuko zaie.
Aipatu %20 hori gainditzen duten eraikuntzetan, eta beren ezaugarri formal nahiz funtzionalak direla-eta eraikuntza nagusitik banantzen ahal diren eraikuntzetan, xehetasun azterlanaz gain unitatearen mugapena tramitatu beharko da.
Kasu honetan, aurrekoan bezala, tresna horiei onespena eman edo ukatzeko irizpide gisa, kontuan hartuko dira egokitasuna eta inguruko eraikuntzekiko bat etortzea.
30. artikulua. Lurzatiketa.
Dokumentazio grafikoan aurreikusitako lurzatiketaz kanpo, ez da lurzatiak banantzeko baimenik emanen, banantzetik 300 m²-tik beherako lurzatiren bat ateratzen bada.
Hiri lurzoruan gutxieneko lurzati eraikigarria 150 m²-koa izanen da, dokumentazio grafikoan edo idatzian besterik aurreikusi ezean.
Herrigunea zaharberritzeko, hiri bilbea hobetu eta trinkotzeko, salbuespen gisa, 150 m² baino gutxiagoko lurzati eraikigarriak baimendu ahal izanen dira.
Lurzati txikiagoak banantzeko baimena eman ahalko da, xedea haiek lagatzea edo lurzati mugakideari eranstea baldin bada.
Planeko agiri grafikoetan lurzatiketarako ezarritako araubidea gehienekotzat hartu behar da lurzatien kopuruari dagokionez eta orientagarritzat lurzatien neurriei dagokienez.
Lurzoru urbanizaezinean, nekazaritzako lurzatiei buruzko legerian ezarritakoa beteko da.
31. artikulua. Antolamenduz kanpoko eraikinak.
Plan honek indarra hartu aurretik eginak diren eraikin eta instalazio batzuk antolamenduz kanpo utzi dira, beren itxura arkitektonikoa eta erabilera ez datozelako bat Planeko planeamendu-aurreikuspenekin. Hiri lurzoruko unitateetan dauden antolamenduz kanpoko eraikuntzen zerrenda Hirigintzako Araudi Partikularrean dago. Bai horiek eta bai finkatu gabeko hiri lurzoruko sektoreetakoak Planeko agiri grafikoetan seinalaturik daude.
Halako eraikinetan ezin izanen da egin ez sendotzeko, ez bolumena handitzeko, ez modernizatzeko edo desjabetze-balioa igotzeko obrarik. Bakar-bakarrik onartuko dira higiezinaren segurtasun eta higienerako beharrezkoak diren konponketak.
Eraikin edo elementu historiko, kultural edo ingurumenekoak babesteko neurriak ezartzearren, Hirigintzako Araudi Partikularrean eraikin edo elementu horiek biltzen dituen katalogo bat sartu da, eta bai haiek babesteko neurri espezifiko eta banakatuen zerrenda ere, funtsez aldatu edo suntsitu daitezen galarazteko.
32. artikulua. Eraikin katalogatuak eta garrantzi lokaleko ondasunak.
Eraikin katalogatutzat hartuko dira Intereseko Eraikin eta Elementuen Katalogoan daudenak; katalogo hori Hirigintzako Udal Plan honetako agiri batean jaso da.
Araudi-fitxa bakoitzean ezarritako baldintzez gainera, haietakoren batean ezarrita dago Udalak Vianako Printzea Erakundeari aurkeztu behar dizkiola obra proiektuak, hark eman diezaien onespena. Udalak baldintza hori eskatzen ahalko du jarduketa batzuetan, baldin eta katalogoko eraikin edo elementuren batetik hurbil egiten badira, eta haren itxuran edo ingurunearenean eraginik badute.
Garrantzi lokaleko ondasunak, Nafarroako Kultur Ondareari buruzko 14/2005 Foru Legeari jarraikiz, ondoko zerrendan jaso diren zubi, eskorta, upategi, olio-errota eta abarrekoak dira:
Zubiak
-Molinaz.
-Lorte.
-Sanzol.
-Leatxe.
Eskortak
-La Borda, 2. poligonoa, 704. lurzatia.
-Camino del Monte, 7. poligonoa, 585. lurzatia.
-Valladaza, 13. poligonoa, 885. lurzatia.
-Bizkaia, 6. poligonoa, 403. lurzatia.
-Bizkaia, 6. poligonoa, 417. lurzatia.
-Juntapeones, 1. poligonoa, 764-A lurzatia.
-Soto, 14. poligonoa, 603. lurzatia.
-Saso La Mueda, 13. poligonoa, 816. lurzatia.
Eraikinak
-Energia Berriztagarrien Gela, San Pedro kalea 4, 1. poligonoa, 841. lurzatia.
-Parrokia etxea, Andrés Azcárate kalea, 1. poligonoa, 816. lurzatia.
-Rivera Uriz senid. upategia, Ontina kalea 4, 1. poligonoa, 1145. lurzatia.
-Arbeloa etxea, Kale Nagusia 27, 1. poligonoa, 836. lurzatia.
-Reta Izco etxea, Irunberriko errepidea 9, 7. poligonoa, 461. lurzatia.
-Lino etxea, Irunberriko errepidea 7, 1. poligonoa, 460. lurzatia.
-Garralda Garijo etxea, Lorte kalea 2, 7. poligonoa, 457. lurzatia.
Olio-errotak
-Ontina kalea 2, 1. poligonoa, 931. lurzatia, Carmen Baztán Arbeloa andrearena.
-Kale Nagusia 29, 1. poligonoa, 843. lurzatia, Gregorio Uriz Baztán jaunarena.
-Tafallako errepidea, 10. poligonoa, 762. lurzatia, Luis Zabaleta Fernández jaunarena.
Bestelakoak
-Bizkaiko elurtegia, 6. poligonoa, 404. lurzatia.
-Ipar Haizeko krismoia, Andre Maria kalea 22, 1. poligonoa, 1399. lurzatia.
5. ATALA
Arau orokorrak hiri lurzoru finkatuan, finkatu gabean
eta urbanizagarri sektorizatuan
33. artikulua. Hiri lurzoru finkatuaren, finkatu gabearen eta urbanizagarri sektorizatuaren azpisailkapena.
Hiri lurzoru finkatuan bi sektore mugatu dira, S.4 eta S.5, jatorrizko gunea osatzen dutenak. Sektore horiek, modu espezifiko eta berezian, Planeko determinazio berberak bereganatzen ahal dituzte, lurzoruaren araubideari eta eraikuntzaren baldintza orokorrei dagokienez.
Finkatu gabeko hiri lurzorua S.1 sektorea da, eta jatorrizko gunearen inguruak biltzen ditu. Sektore horrek, modu espezifiko eta berezian, Planeko determinazio berberak bereganatzen ahal ditu, lurzoruaren araubideari eta eraikuntzaren baldintza orokorrei dagokienez.
Lurzoru urbanizagarri sektorizatua industriarako edo jarduera ekonomikorako lurzorua da. Bi planeamendu-sektore mugatu dira bi banaketa eremurekin eta exekuzio unitate bakarra haietako bakoitzean.
34. artikulua. Kalifikazioa.
Hiri lurzoru finkatua, finkatu gabea eta urbanizagarri sektorizatua erabilera orokorraren, xehakatuaren eta zehaztuaren arabera kalifikaturik daude, kapitulu honen hirugarren ataleko erabileren lurralde-esleipenarekin.
Haien ezarpena edo aldaketa atal horretako Erabileren Egokitasun Taularen bitartez arautuko da.
35. artikulua. Mendeko planeamendua.
Hirigintzako Udal Plan honek xehetasunez ezartzen du lurzoruaren araubidea hiri lurzoru finkatu eta finkatu gabe osoan. Planeko determinazioak aldatu nahi izanez gero, Hirigintzako Araudi Orokorreko kapitulu honen laugarren atalean ezarritakoa eginen da.
36. artikulua. Eraikuntza.
Eraikuntza bat etorriko da lerrokaduren, garaieraren, okupazioaren eta erabileren gainean antolamendu planoetan eta Hirigintzako Araudi Partikularrean unitate bakoitzarentzat ezarritako determinazioekin, hiri lurzoruan, finkatu gabeko hiri lurzoruan eta lurzoru urbanizagarrian.
Determinazio horiek aldatu ahal izanen dira kapitulu honen laugarren atalean araututako kasu eta baldintzetan.
Halaber, eraikuntzak Plan honetako Eraikuntzari buruzko Ordenantzetako baldintza orokorrak beteko ditu.
Etxebizitzak okupatu aurretik, lehen aldiz okupatzeko lizentzia eskuratu behar da. Udalak ezin izanen du lizentzia hori eman etxebizitzaren urbanizazioa onartu arte.
37. artikulua. Eraikigarritasuna.
Lurzoru antolatu osoaren eraikigarritasuna xehetasunez eta grafikoen bidez arautu da Hirigintzako Araudi Partikularreko fitxetan eta antolamendu planoetan: kasuz kasu esleitu dira lurzoruaren okupazioa, eraikigarritasun zehatza, lerrokadurak eta garaiera eraikigarria. Ordezko gisa, bizitegitarako hiri lurzoru finkatu osorako, 0,7 m²/m²-ko gehieneko eraikigarritasuna ezarri da (sestra gaineko azalera eraikia zati lagapenen ondoko lurzati garbiaren azalera); betiere, orubearen azalera bider 0,70 eginez lortzen den eraikigarritasuna 200 m²-tik gorakoa baldin bada.
0,70 hori edo 200 m² gaindituz gero, eraikigarritasuna %20 handitu ahal izanen da, xehetasun azterlana aurkeztuz, Udalak onets dezan, bidezkoa irizten badio.
Unitateetan sartuta ez dagoen hiri lurzoruaren araubidea aldatzen den kasuetarako, aplikatzekoa izanen da, halaber, udal mugape osoan, 0,7 m²/m²-ko koefizientea, sestra gainetik eraikitako azalera osoa lurzati garbiaren azaleraz zatiturik ateratzen dena.
Beste horrenbeste, lehendik dauden eraikuntzak handitzen direnean. Koefiziente hori aplikatuko zaio lehendik dagoen eraikuntzaren eta eraikuntza berriaren azalera osoa zati hark atxikia daukan lurzati-puskaren azalera eginez ateratzen den kopuruari.
Oin berriko etxebizitza eraikitzen denean, aurreko hiru kasuetako edozeinetan, 0,7 m²/m²-ko koefizientea aplikatuz lortzen den azalera eraikigarria aski ez bada, eraikigarritasuna handitutzat joko da, 200 m²-ko azalera eraikia duen etxebizitza bat eraiki ahal izateko adina.
38. artikulua. Eraikuntzaren garaiera eta solairu kopurua.
Hirigintzako Araudi Partikularreko fitxetan eraikuntzaren garaiera eta solairu kopurua ezarri dira antolamendu berriko unitateentzat. Haiek zehazten dituzten parametroak neurtzeko irizpideak Eraikuntzari buruzko Ordenantzetan daude arauturik.
Ordezko gisa, ondokoa ezarri da: lehendik dauden eraikinetarako, gehieneko garaiera eraikigarria gaur egungoa izanen da; eta antolamendu berriko eraikinetarako edo gaur egungo eraikinak ordezteko operazioetarako, berriz, beheko solairua eta lehen solairua (B+1). Ezin izanen da inoiz gainditu 7,0 m-ko garaiera teilatu-hegaleraino eta 8,5 m-koa gailurreraino, Eraikuntzari buruzko Ordenantzetan ezarritako irizpideei jarraituz neurtua.
Hiri lurzoruko eraikuntza berrietan, bai egungo eraikinen ordezpenetan bai handitzeetan, gehieneko garaiera, halaber, egungoen batez bestekoa eginez kalkulatu ahal izanen da, baldin eta, bi orientazio posibleetakoren batean, haietako batean ezin bada lortu gehieneko garaiera onartua, hau da, B+1. Etxebizitza kolektiboen blokeetan gehieneko garaiera S+B+2 solairu kopuruari dagokiona izanen da.
Eraikinaren estalkiaren azpian, gehieneko garaierarekin bateragarria den solairu kopurua gaindituta, estalkipekoa egokitzen bada, espazio horrek ez du eraginkortasunik izanen Plan honetan araututako ondorioetarako. Beraz, ez da kontuan hartuko ez eraikigarritasunerako ez aprobetxamenduetarako.
39. artikulua. Eraikuntzen lerrokadurak.
Lerrokaduratzat hartuko dira, ordezpeneko lerrokadura gisa ezarritakoez gainera, antolamendu planoetan, lehendik dauden eraikuntzetarako, eraikinen perimetro gisa seinalaturik daudenak, eta antolamendu berriko eraikuntzetarako berariazko grafismo batez seinalaturik daudenak. Xehetasun azterlanen bitartez aldatu ahal izanen dira. Xehetasun azterlanaren eremua unitatea izanen da exekuzio unitateetarako eta unitate asistematikoetarako, eta etxesaila, berriz, eraikuntza finkatuen kasuan.
Udalak xehetasun azterlana egin beharretik salbuetsi ahal izanen ditu eraikuntza finkatuen lerrokaduren aldaketa batzuk, salbuespen horrek gainerako hiri bilbean eta eraikuntza mugakideetan zenbaterainoko eragina izanen duen kontuan harturik.
40. artikulua. Jarduketa publikoak eta pribatuak.
Udalari dagokio sistema orokorrak egin eta mantentzea, bai eta partikularrek egin eta Udalari nahitaez lagatzen dizkioten urbanizazio elementuak zaintzea ere.
Partikularrei dagokie eraikitzea eta behar diren urbanizazio obrak egitea, lurzatiak orube bihurtu ahal izateko, bai eta urbanizazioa mantentzea ere, arauetan eskatzen diren txukuntasun, higiene eta segurtasun baldintzak betez. Udalak azken horiek egin ditzake, ordezko gisa, indarra duen legeriaren esparruan.
Antolamendu berriko jarduketa asistematikoetan sartutako lurren jabeak beharturik daude lurzatiaren aurrealdea zolatu eta hitzarmen bidez dohainik lagatzera, Udalak eraikitzeko lizentzia eman baino lehen. Nolanahi ere, Udalak baimena eman ahalko du egin beharreko urbanizazio obrak eta eraikuntzakoak aldi berean egin daitezen, horretarako behar adinako bermeak aurkezten bazaizkio.
Erabilera publikoko lurzoru pribatuaren titularrek beren kontura mantendu beharko dute.
41. artikulua. Orube kontzeptua.
Orube dira eraikitzeko egokiak diren hiri lurzoruko zatiak, Lurraldearen Antolamenduari buruzko Foru Legean eskatzen diren zerbitzuak dituztenak eta, gainera, galtzada eta espaloi zoladunak dituen bide batera ematen dutenak. Orube izateko, aurrekoaz gain, antolamendu zehaztua eduki behar dute Planeko antolamendu planoetan eta Hirigintzako Araudi Partikularrean, alegia, gutxienez ere lerrokadurak eta sestrak zehazturik eduki behar dituzte, eta, beharrezkoa izanez gero, urbanizazio zamak banaturik.
42. artikulua. Urbanizazioa eta eraikuntza aldi berean egitea.
Antolamendu berriko eraikuntzetan ezinbestekoa da urbanizazioa egitea, eraikitzeko lizentzia eman baino lehen. Urbanizazioa eta eraikuntza aldi berean eginen direla behar bezala bermatzen denean, jarduketari baldintza hori kendu ahal izanen zaio.
43. artikulua. Onuren eta zamen banaketa proportzionala.
Unitateen exekuziorako behar diren urbanizazio elementuak jabeek eginen dituzte eta Udalari lagako dizkiote. Udalak urbanizazioa onartuko du aldez aurretik onetsi den urbanizazio proiektuan ezarritako baldintzak betetzen dituenean, halakorik bada. Urbanizazio obrek sortzen dituzten zamak jabe publiko edo pribatu bakoitzaren partaidetza portzentajearen araberako proportzioan banatuko dira, birzatiketa proiektuan ezarritako moduan, halakorik bada.
Planeamenduak sortzen dituen onurak, berriz, unitateko jabe bakoitzaren lur azaleraren araberako proportzioan banatuko dira, ezertan eragotzi gabe administrazio jarduleari dagokion aprobetxamendua, halakorik bada.
44. artikulua. Partikularrek eskura dezaketen hirigintzako aprobetxamendua.
Lurren jabeek eskura dezaketen hirigintzako aprobetxamendua une bakoitzean aplikatu beharreko legerian ezarritakoa izanen da, Hirigintzako Udal Plan honetan zehazturiko lurzoru mota, unitate edo esparruetan.
45. artikulua. Irabazteko aprobetxamendua kalkulatzeko sistema, hiri lurzoruan.
Irabazteko aprobetxamendua hiri lurzoruan kalkulatzeko sistema hondar-balorazioa izanen da, Hirigintzako Araudi Partikularrean ezarritako antolamenduaren determinazioetan oinarritua.
46. artikulua. Sotoetako aprobetxamendua.
Eraikuntzari buruzko Ordenantzan definituriko soto eta erdisotoen azalerak kontuan hartuko dira aprobetxamendua kalkulatzeko, bai hiri lurzoruan bai lurzoru urbanizagarrian.
47. artikulua. Arbolen landaketa.
Finkatu gabeko hiri lurzoruan, antolamendu berriko hiri lurzoruko esparruetan eta esparru horiekin %75etik gorako aldea duten urbanizazio esparruetan zuhaitzak landatuko dira multzoka edo sakabanaturik, sektore eta esparruen barneko lurren %10ean, gutxienez. Erreserba horiek betetzeko determinazio egokiak jaso behar dira Plan honen edukiak garatuko dituzten plan eta proiektuetan.
Arbolak, lehentasunez, espazio libreetan, oinezkoentzako komunikazio guneetan edo kirol, aisia eta josteta eremuetan landatuko dira, toki horiek guztiak publikoak nahiz pribatuak izan. Titulartasun pribatukoak baina erabilera publikokoak diren lurretan landatutako zuhaitzak ere kontatuko dira.
48. artikulua. Aparkatzeko tokien aurreikuspena.
Hiri lurzoru osoan, bizitegitarako eraikuntzek lurzati pribatuaren barnean aparkatzeko toki bat izan behar dute, gutxienez, etxebizitza bakoitzeko, non ez den frogatzen, hirigintzako kontsulta eginda eta Udalak aldeko erantzuna emanda, hori ezinezkoa dela, ez dela beharrezkoa edo garajeko atea estetikaren aldetik ezegokia dela.
Ostalaritzako eraikuntzek lurzatiaren barnean aparkatzeko toki bat izan behar dute, gutxienez, eraikitako 100 m²-ko.
Bi kasuetan ez dira kontatuko ibilgailuen garajeak, sotoak eta bizitzeko ez diren instalazio eta zerbitzuetarako espazioak.
6. ATALA
Arau orokorrak lurzoru urbanizaezinean
49. artikulua. Sailkapena.
Lurzoru urbanizaezin gisa sailkatu diren lurrek ezaugarri bereziak dituzte nekazaritzarako, basogintzarako, abeltzaintzarako, naturaren, paisaiaren, historiaren, kulturaren edo ekologiaren aldetik, edo fauna, flora nahiz oreka ekologikoa defendatzeko, eta, oro har, landalur izatekoak dira. Horregatik babes araubide berezia behar dute eta, horrenbestez, ez dira urbanizatzeko egokiak.
Horrela sailkatu dira, halaber, Plan honetan urbanizaezin gisa sailkaturik dauden eta lehengoratu behar diren lurrak, suteak edo bestelako erasoak jasan dituztenak.
Lurzoru urbanizaezinaren hedadura eta mugak grafikoki zehaztu dira plano egokietan.
50. artikulua. Kalifikazioa. Lurzoru urbanizaezinaren kategorien eta azpikategorien esleipena.
Lurralde-antolamenduko tresna batzuetan eta sektoreko legerian babestu beharreko lurzoruei buruz ematen den definizioan oinarriturik, Oibarko udal mugapeko lurzoru urbanizaezinaren zati bat babestu beharreko lurzorutzat jotzen da eta gainerakoa gorde beharreko lurzorutzat (4. planoaren arabera).
Babestu beharreko lurzoru urbanizaezinaren barnean, ingurumenari erreparatuta eta ikuspegi sektorialetik, azpikategoria hauek ezarri dira:
1. Ingurumen aldetik balioa duen lurzorua.
2. Kultur balioa duen lurzorua.
3. Arrisku naturalei aurrea hartzeko lurzorua.
4. Azpiegituretarako lurzorua.
Gorde beharreko lurzoru urbanizaezinaren barnean, ingurumenari erreparatuta eta ikuspegi sektorialetik, azpikategoria hauek ezarri dira:
1. Paisaia aldetik balioa duen lurzorua.
2. Ingurumen aldetik balioa duen lurzorua.
3. Kultur balioa duen lurzorua.
4. Natura aldetik ustiatzeko balioa duen lurzorua.
1. Babestu beharreko lurzoru urbanizaezina.
Lurraldea antolatzeko tresnek edo lege sektorialek eragiten dieten ingurumeneko elementu eta osagai guztiak sartu dira kategoria honetan.
1.1. Ingurumen aldetik balioa duen lurzorua.
1.1.1. "Bizkaia-Santa Zezilia" erabilera publikoko mendia, 535 hektareakoa.
Mendi hori Nafarroako Erabilera Publikoko Mendien Katalogoan dago (irailaren 6ko 926/1996 Foru Agindua). Udal mugapearen iparraldean dago eta 535 hektareako azalera du.
Erabilera publikoko mendi horretako mugen barnean daude erkamezti autoktonoak eta landatutako alepo eta larizio pinudien zati handi bat. Gainerakoa sastrakadi mediterraneoa eta erkameztia da.
Erabilera publikoko mendi honen zati bat Batasunaren intereseko habitata da (EBko kodea: 9240).
1.1.2. "Aragoi ibaiaren erdiko tartea" BILa.
Aragoi ibaiaren Oibarko tarte osoari kategoria hau ezarri zaio. Izan ere, Natura 2000 Sarean sarturik dago, "Aragoi ibaiaren erdiko tartea" (ES 2200030) Batasunaren Intereseko Lekuan egoteagatik.
BIL honen ezaugarri dira makaldiak eta sahastiak, eta animalia espezie ugari, besteak beste igaraba eta bisoi europarra.
BIL honen Erabilera eta Kudeaketa Plana egiten ari da eta bertan zehaztuko dira erabilerak.
1.1.3. Ibaiak.
Udalerriko ur ibilgu natural guztiak eta 5na metroko zortasun zerrendak sartu dira.
El Lorte eta Las Valles sakanak.
Lehenbizikoa, herrigunetik gorago hasi eta udalerriko mugan amaitzen den tartean. Bigarrena, Las Valles dermiotik udalerriaren mugaraino.
Sakanak babes kategoria honetan sartu dira eskualde honetan gutxi daudelako eta nolabait laguntzen diotelako prozesu ekologikoen jarraikortasunari paisaia eraldatu honetan. Izanez ere, animalien harat hunaterako joan-etorriak errazten dituzte, haiei esker populazio batzuk (bisoiarena, adibidez) atzera berriz bertakotzen ahal dira, eta habitat eta babesleku dira.
1.1.4. La Muedako idoia.
Nafarroako Hezeguneen Inbentarioan dago (urtarrilaren 13ko 4/1997 Foru Dekretua).
Idoi txikia da, 12 hektareakoa, eta baditu interes handiko flora eta fauna.
1.2. Kultur balioa duen lurzorua.
1.2.1. Ondare arkeologikoa.
Katalogoan sartzeko eta babesteko modukoak diren aztarnategi arkeologiko hauek sartu dira kategoria honetan:
IZENA | UTM KOORDENATUAK |
1. Santa Zilia herri hustua (Erdi Arokoa) | X: 635578 - Y: 4720065 |
2. Vuelta de Valcimarra (Burdin Arokoa) | X: 636858 - Y: 4718016 |
3. Soreta (erromatar garaia) | X: 636810 - Y: 4717424 |
4. Los Cascajos bidea (erromatar garaia) | X: 639135 - Y: 4713757 |
5. Corral de Arbeloa (erromatar garaia) | X: 637462 - Y: 4711895 |
1.2.2. Done Jakue bidea.
Done Jakue bidearen Oibarko tartea sartu da, 4 km-koa.
1.2.3. Abelbideak.
Abelbide hauek sartu dira:
-CRMS edo Ibarretako altxonbidea (Murillo el Frutotik Zaraitzurako errege altxonbidea).
-P-43 iraganbidea (Sierrako altxonbidea).
-P-29 iraganbidea.
-T-11 zeharbidea.
-Pozozko altxonbide edo adarra.
-Lorte ibaiko altxonbide edo adarra.
1.3. Arrisku naturalei aurrea hartzeko lurzorua.
Aragoi ibaiaren eskuinaldeko lurrak sartu dira, uholdeen birgertatze-aldia 500 urtetik beherakoa dutenak.
Arriskuei aurrea hartzeko lurzorutzat jotzen dira urpean gera daitekeen eremu deklaratutakoak eta kategoria honetan sartzen diren gainerakoak, arriskuei aurrea hartzeko neurri gisa, arrazoi hidrografiko, orografiko, geologiko edo sismikoengatik, osasungarritasun faltagatik, arrazoi teknologikoengatik, suteengatik edo aprobetxamendu urbanistikoa ez egiteko arrazoia datekeen beste edozerengatik, pertsonen segurtasuna eta osasuna, ondasunak edo ingurumen naturala arriskuan jar ez daitezen.
Arriskuei aurrea hartzeko babestu beharreko lurzoruak dira Ingurumen, Lurraldearen Antolamendu eta Etxebizitza Departamentuak urpean gera daitekeen eremu deklaratu dituenak. Eremu horietan eraikitzeko baimena eman ahal izateko, ur konfederazio eskudunak txostena egin beharko du ezarri beharreko zuzenketa neurriei buruz. Baimena emateko prozedura eten eginen da txosten hori jaso arte. Txostena eskatu dela jakinaraztearekin batera hasiko da etenaldia.
Arrisku naturalak dituzten eremuei, lurraldea antolatzeko tresnetatik edo legeria sektorialetik sortutako babes eremuak izan nahiz hirigintzako udal planeamenduaren arabera gorde beharreko eremuak izan, Nafarroako arriskuen katalogoan eta mapan dauden determinazioak aplikatuko zaizkie.
1.4. Azpiegituretarako lurzorua.
Komunikazioetarako, ur arloko politikaren exekuziorako, energia garraiatu eta biltegiratzeko, ur hornidurarako, saneamendurako eta hondakinen tratamendurako, kutsaduraren aurkako borrokarako eta natura babesteko eroanbide eta eraikuntzak, publikoak zein pribatuak, azpiegitura baimengarritzat joko dira, ondoko bi baldintza hauek betetzen badituzte:
-Azpiegituraren sustatzailearenak ez diren lurzatiak zerbitzu horiez hornitzeko balio izatea, eta
-Hornitzen dituzten jarduera eta zerbitzuak berez baimengarriak izatea.
Salbuespen gisa, energia ekoizteko instalazioak azpiegitura horien multzoan sartu ahal izanen dira, baldin eta, topografiagatik eta beste arrazoi berezi batzuengatik, energia ekoizteko erabiltzen den lehengaia dagoen tokian kokatu behar badira.
Noizbait azpiegiturak kokatu ahal izateko gordetzen diren lurrak garapen ereduari begira babestu edo gorde beharreko lurzoruaren azpikategorian sartuko dira, baldin eta, zehaztasun faltagatik edo hainbat aukera izateagatik, oraingoz ezin bada ziur jakin azkenean zein lurzati hartuko diren.
Lurzoru mota hau babesteko baldintzak kasuan kasuko azpiegiturari buruzko legeria sektorialean ezarritakoak izanen dira.
Oibarko Parke Eolikoa babesteko baldintzen aipamen berariazkoa sartu da.
2. Gorde beharreko lurzoru urbanizaezina.
2.1. Paisaia aldetik balioa duen lurzorua.
Kategoria honetan sartu dira ondoko baldintzak betetzen dituzten espazioak:
-Berezko ezaugarri edo berezitasun estetikoak dituzte.
-Ikuspegi zabaleko begiratokiak dira.
-Paisaia edo kultur balioa izateagatik babestu beharreko ikuspegia duten eremuetatik hurbil daude.
2.1.1. Herrigune historikoari eusten dion mendi-mazela.
Herrigune historikoaren ekialdean dagoen eguzki-begiko mazela begiratoki bat da. Handik ikusten dira Aragoi ibaiaren bi bazterretako ordoki zabalak eta Kasedako eta Galipentzuko herriguneak, biak ere elementu apartekoak, beren kokapen geografikoa dela eta. Halaber, mazela horrek herrigune historikoaren ikuspegia baldintzatzen edo zehazten du herriaren behealdetik, Zangozako errepidearen inguruan.
Espazio hau bi arrazoirengatik sartu da paisaiaren aldetik interesa duten eremuen multzoan: begiratokia delako eta herrigunea ikusi ahal izatea baldintzatzen duelako.
Zati batean alepo pinuak ditu.
2.2. Ingurumen aldetik balioa duen lurzorua.
Kategoria honetan sartu dira ondoko baldintza guztiak edo batzuk betetzen dituzten espazioak:
-"Batasunaren intereseko habitat natural" gisa edo "lehentasunezko habitat natural" gisa katalogaturik daude, 92/43 Zuzentarauan ezarritakoari jarraituz.
-Ingurumenerako interes handia duten baso edo sastrakadi autoktonoak.
-Garrantzizko ezaugarririk ez izan arren, biodibertsitateari eusten laguntzen duten landare formazioak, hots, espezie basatien habitat eta aterpe, eta, aldi berean, animalientzako iraganbide edo lotura-bide direnak.
2.2.1. Oihan lurzorua: koniferoekin oihanberrituriko sailak.
Udalerriko ipar-ekialdeko eta erdialdeko pinudietako batzuk sartu dira multzo honetan.
Erkameztiak ere oihan lurzoruan sartu behar lirateke, baina denak daude erabilera publikoko mendian sarturik, baita pinudietako batzuk ere.
2.2.2. Batasunaren intereseko habitat edo lehentasunezko habitat diren sastrakadi eta larreak.
Bi formazio mota sartu dira multzo honetan:
-Sastrakadi mediterraneo eta oromediterraneoak. Bertan, espezie nagusia Genista hispanica da, ezpelarekin eta beste espezie batzuekin batera. Inguru honetan, halakoak daude jatorrizko artadien (Quercus rotundifolia) eta erkameztien (Quercus faginea) ordez. (EBko kodea: 4090).
-Larre eta belardi xerofitiko basofiloak, Bromion erecti, Brachypodium eta beste gramineo batzuekin. Artadien ordez datozen landaretza-urratsetako batzuk dira. (EBko kodea: 6212).
Habitat hauen zati bat erabilera publikoko mendiaren mugen barnean dago.
2.2.3. Landatutako artadiak.
Gaur egun, landatutako lau artadi txiki daude, besterik ez. Udalerriko erdialde-ekialdean daude eta guztira 19,27 hektareako azalera dute. Horietatik 8,63 hektareatan Quercus rotundifolia-rekin batera larizio pinua ere landatu da, espezie bakoitzetik %50.
Interes ekologiko handiko formazioak dira, eremu klimatiko honi berez dagozkionen ordezkari bakarrak direlako.
2.3. Kultur balioa duen lurzorua.
Horrela katalogatu diren tokietan balio historiko edota kulturaleko elementuak daude, edo jarduera didaktikoak egiten dira. Ondokoak sartu dira kategoria honetan:
-Izko mendilerroko BTT ibilbidea.
-Bazterrak ezagutzeko SL-NA 181 ibilbidea.
-Bizkaiko elurtegia.
2.4. Natura aldetik ustiatzeko lurzorua.
Kategoria honetan sartu diren lurrek aprobetxamendu ekonomikorako egokiak diren natur baliabide berriztagarriak dituzte.
Horien barnean bi lurzoru mota bereizten dira, babes araubidea zehazte aldera:
-Natura aldetik ustiatzeko balio ertaineko lurzorua.
-Natura aldetik ustiatzeko balio handiko lurzorua.
51. artikulua. Lurzoru urbanizaezineko lurrak babesteko araubidea.
Gorde beharreko lurzoru urbanizaezineko azpikategoria bakoitzeko lurren babes araubidea artikulu honetan ezarritakoa izanen da. Ordezko gisa, 35/2002 Foru Legearen IV. kapituluan ezarritako babes araubidea aplikatuko da.
Alorren mosaiko-egiturak ekologiaren eta paisaiaren aldetik sortu dituen balioak gordeko dira, arau orokor gisa.
Lur mugimenduak egin behar diren operazioetan, egitura hori eta barnean dituen landare multzoak errespetatuko dira.
Lurzoru urbanizaezina erabiltzeko baimen eta lizentziek bateragarriak izan behar dute lurzoru horren balioak babestu eta gordetzeko helburuekin. Lizentzia eta baimen horiek ematerakoan kontuan hartuko dira ingurumen-integrazioa, jatorrizko baldintza naturalen lehengoratzea eta are baldintza horien hobekuntza.
1. Babestu beharreko lurzoru urbanizaezinaren babes araubidea.
1.1. Ingurumen aldetik balioa duen lurzorua.
Bakar-bakarrik baimentzen ahalko dira, salbuespen gisa, lurzoru hori hobeki kontserbatzeko eta jendea horretaz goza dadin beharrezkoak diren eraikuntza, instalazio edo erabilerak, baldin eta justifikatzen bada bateragarriak direla lurzorua babestu behar izateko balio eta arrazoiekin (35/2002 LAHFLren 113. artikulua).
a) Eraikuntzaz kanpoko jarduerak.
-Debekatuak.
- Landaretza erretzea.
- Lur mugimendu handiak, zapaldak eta terrazak egitea.
- Zuhaitz eta zuhaixka "ez autoktonoak" landatzea.
- Meategiak.
- Harrobiak.
- Ibilgailu motordunak pista eta bideetatik kanpo ibiltzea.
- Kanpatzea.
- Barbakoak.
- Hondakinak eta obretako hondarrak botatzea.
- Publizitate elementuak jartzea.
- Legarra ateratzea.
- Ur bazterreko basoetan erabilera aldatzea.
- Artzaintza.
- Zakurrak trebatu eta zaintzeko eremuak.
- Moto zirkuituak.
- Tiro zelaiak.
- Ontziralekuak.
-Baimengarriak.
- Matarrasa.
- Pista eta bideak irekitzea.
- Oihanpeko belar-sastrakak garbitzea.
- Artzaintza.
- Zuhaitz eta zuhaixka autoktonoak landatzea.
- Zuhaitzak erauztea ekosistema mantendu eta hobetzeko.
- Bidezidor eta ibilbide ekologikoak egokitzea eta informazio panelak jartzea.
- Jarduera zientifikoak eta didaktikoak.
- Arrantza jarduerak.
- Ehiza jarduerak.
- Abentura zirkuituak.
-Onartuak.
- Helburuen kontra ez dauden gainerako jarduerak.
b) Eraikuntzako jarduerak.
-Baimengarriak.
- Errepideak eta obra publiko handiak egitea.
- Saneamendu eta hornidura sareak egitea.
- Beste obra publiko batzuk.
- Presak eta ur harguneak egitea.
- Ubideak egitea.
- Linea elektrikoak egitea.
- Gasbideak jartzea.
-Debekatuak.
- Eraikuntzako gainerako jarduerak.
1.2. Kultur balioa duen lurzorua.
1.2.1. Ondare arkeologikoa.
a) Eraikuntzaz kanpoko jarduerak.
-Debekatuak (gutxienez 100 m-ko erradioan, aztarnategiaren kanpo mugatik neurtuta).
- Lur mugimendu handiak, zapaldak eta terrazak egitea.
- Meategiak.
- Harrobiak.
- Legarra ateratzea.
- Ibilgailu motordunak pista eta bideetatik kanpo ibiltzea.
- Hondakinak eta obretako hondarrak botatzea.
- Publizitate elementuak jartzea.
-Baimengarriak (ukitutako eremuan azterketa arkeologikoa egin ondoren).
- Pista eta bideak irekitzea.
- Belar-sastrakak garbitzea.
- Zuhaitz eta zuhaixkak landatzea.
-Onartuak.
- Helburuen kontra ez dauden gainerako jarduerak.
b) Eraikuntzako jarduerak.
-Debekatuak (gutxienez 100 m-ko erradioan, aztarnategiaren kanpo mugatik neurtuta).
- Parke eolikoak instalatzea.
-Baimengarriak.
- Linea elektrikoak egitea.
- Errepideak eta obra publiko handiak egitea.
- Beste obra publiko batzuk.
- Gasbideak jartzea.
- Saneamendu eta hornidura sareak egitea.
-Onartuak.
- Ez da inolako eraikuntzako jarduerarik onartuko.
c) "Ondasun inbentariatuen" babes araubide berariazkoa (2. maila): Soretako aztarnategia, Santa Zilia herri hustua eta Vuelta de Valcimarra.
Aztarnategiaren kanpo mugatik neurtuta 50 metroko babes eremua behar da gutxienez. Aztarnategi horietan eta haien babes inguruneetan ez da inolako eraikuntza jarduerarik baimenduko, ezta erauzpen jarduerarik edo lur mugimenduak eragiten dituen jarduerarik ere, esate baterako:
-Harrobiak.
-Hondakindegi eta obretako zabortegiak.
-Zelaitzeak, berdintzeak eta zapaldatzeak.
-Bideak, kanalizazioak eta hodiak.
-Aireko edo lur azpiko sare elektrikoak edo telekomunikazio sareak.
-Oihanberritzeak.
Honelako ondasunak eskualdatzeko, lekualdatzeko edo beraiekin bestelako jarduketak egiteko Vianako Printzea Erakundea-Kultura eta Turismo Departamentuaren txostena edota baimena beharrezkoa den kasuetan, Udalak jakinaren gainean jarriko du departamentu hori.
Kategoria honetako ondasunak beren ingurunetik banaezinak dira. Beraz, ez da baimenik emanen haiek desmuntatu edo lekuz aldatzeko, ezinbesteko edo interes sozialeko arrazoiengatik ez bada.
d) "Garrantzi lokaleko ondasunen" babes araubide berariazkoa (3. maila): Corral de Arbeloako eta Los Cascajos bideko aztarnategiak.
Edozein erabilera baimendu ahal izanen da, baina "Aukeren azterlan" bat egin beharko da aldez aurretik, eta Nafarroako kultur organo eskudunak (Vianako Printzea Erakundea-Kultura eta Turismo Departamentuko Kultura Zuzendaritza Nagusiko Ondasun Higigarrien eta Arkeologiaren Atala) horri buruzko txostena egin beharko du.
1.2.2. Done Jakue bidea.
Erabilerek abenduaren 14ko 290/1999 Foru Dekretuan xedatutakoa bete beharko dute, dekretu horren bidez Done Jakue bidearen Nafarroako tartea behin betiko mugatu eta hura babesteko araubidea ezarri baitzen. Babes araubidea dekretuaren 2. artikuluan dago.
Bakar-bakarrik baimentzen ahalko dira, salbuespen gisa, lurzoru hori hobeki kontserbatzeko eta jendea horretaz goza dadin beharrezkoak diren eraikuntza, instalazio edo erabilerak, baldin eta justifikatzen bada bateragarriak direla lurzorua babestu behar izateko balio eta arrazoiekin (35/2002 LAHFLren 113. artikulua).
Bidean eta 3 metroko zortasun zerrendan determinazio hauek aplikatuko dira:
a) Eraikuntzaz kanpoko jarduerak.
-Debekatuak.
- Ibilgailuen trafikoa Done Jakue bidean.
- Lur mugimendu handiak, zapaldak eta terrazak egitea.
- Meategiak.
- Legar eta hondarrak ateratzea.
- Harrobiak.
- Zuhaitz eta zuhaixken matarrasako mozketa.
- Hondakinak eta obretako hondarrak botatzea.
- Done Jakue bidekoak ez diren publizitate elementuak jartzea.
-Baimengarriak.
- Zuhaitz autoktonoak landatzea bide ondoko 3 metroko zortasun zerrendan.
- Lur mugimendurik eragiten ez duten jarduerak.
- Belar-sastrakak garbitzea.
-Onartuak.
- Helburuen kontra ez dauden gainerako jarduerak.
b) Eraikuntzako jarduerak.
-Baimengarriak.
- Azpiegiturekin zerikusia duten jarduerak.
-Debekatuak.
- Obra publikoak egitea.
- Eraikuntzazko gainerako jarduera guziak galaraziak daude.
Bidearen kanpo ertzetik neurtu beharreko 30 metroko babes zerrendan determinazio hauek aplikatuko dira:
a) Eraikuntzaz kanpoko jarduerak.
-Debekatuak.
- Zuhaitz eta zuhaixken matarrasako mozketa.
- Hondakinak eta obretako hondarrak botatzea.
- Done Jakue bidekoak ez diren publizitate elementuak jartzea.
-Baimengarriak.
- Lur mugimenduak.
- Luberritzeak.
- Zuhaitz eta zuhaixka autoktonoak landatzea.
- Belar-sastrakak garbitzea.
-Onartuak.
- Helburuen kontra ez dauden gainerako jarduerak.
b) Eraikuntzako jarduerak.
-Baimengarriak.
- Azpiegiturekin zerikusia duten jarduerak.
- Bidea eta inguruak kontserbatu, hobetu eta erabiltzeko instalazioak.
-Debekatuak
- Eraikuntzazko gainerako jarduera guziak galaraziak daude.
1.2.3. Abelbideak.
Babes araubidea bat etorriko da Nafarroako Abelbideei buruzko abenduaren 15eko 19/1997 Foru Legearekin (17. artikulua). Abeltzaintzarako erabili ohi ez diren altxonbideek edo bide berdeek, baita horien zortasun eremuek ere, 35/2002 Foru Legearen 112.2 artikuluan aurreikusten diren jarduera eta erabileren araubidea izanen dute, ezertan galarazi gabe haien araudi berariazkoetan eta, bereziki, Abelbideei buruzko abenduaren 15eko 19/1997 Foru Legean ezarritako babes neurri gehigarriak eta bide publiko guztiei aplikatu beharreko arau orokorrak.
Bakar-bakarrik baimentzen ahalko dira, salbuespen gisa, lurzoru hori hobeki kontserbatzeko eta jendea horretaz goza dadin beharrezkoak diren eraikuntza, instalazio edo erabilerak, baldin eta justifikatzen bada bateragarriak direla lurzorua babestu behar izateko balio eta arrazoiekin (35/2002 LAHFLren 113. artikulua).
Baimendu ahal izanen dira abelbideak egokitu, mantendu eta hobetzearekin zerikusia duten jarduera, eraikuntza eta instalazioak.
Baimendu ahal izanen dira, halaber, abelbideetarako ezarritako erabilerekin bateragarriak diren landaketak eta basoberritzeak.
3 metroko zortasun zerrendan ondoko determinazio hauek aplikatuko dira:
a) Eraikuntzaz kanpoko jarduerak.
-Debekatuak.
- Lur mugimendu handiak, zapaldak eta terrazak egitea.
- Meategiak.
- Legar eta hondarrak ateratzea.
- Harrobiak.
- Zuhaitz eta zuhaixken matarrasako mozketa.
-Baimengarriak.
- Lur mugimenduak eragiten dituzten gainerako jarduerak.
-Onartuak.
- Helburuen kontra ez dauden gainerako jarduerak.
b) Eraikuntzako jarduerak.
-Baimengarriak.
- Azpiegiturekin zerikusia duten jarduerak.
-Debekatuak.
- Eraikuntzazko gainerako jarduera guziak galaraziak daude.
1.3. Arrisku naturalei aurrea hartzeko lurzorua.
Ur jabari publikoko eremuetako jarduerak bat etorriko dira Ur Jabari Publikoaren Erregelamendua onesten duen apirilaren 11ko 849/1986 Errege Dekretuarekin.
Arau orokor gisa, ur ibilguen polizia-eremuan edozein obra edo lan egiteko beharrezkoa izanen da arroko erakundeak aldez aurretik baimen administratiboa ematea. Baimen hori administrazio publikoetako organoek eman beharreko beste edozeinetatik bereiziko da.
Bakar-bakarrik baimentzen ahalko dira, salbuespen gisa, lurzoru hori hobeki kontserbatzeko eta jendea horretaz goza dadin beharrezkoak diren eraikuntza, instalazio edo erabilerak, baldin eta justifikatzen bada bateragarriak direla lurzorua babestu behar izateko balio eta arrazoiekin (35/2002 LAHFLren 113. artikulua). Halaber, Ur Zerbitzuaren aldeko txostena lortu beharko da.
a) Eraikuntzaz kanpoko jarduerak.
-Debekatuak.
- Lurraren erliebearen aldaketa handiak.
- Agregakinak ateratzea.
- Kanpatzea.
- 100 urtean behingo uholdeetan ur-lasterrari traba eginen liokeen edozein erabilera edo jarduera.
-Baimengarriak.
- Pista eta bideak irekitzea.
- Belar-sastrakak garbitzea.
- Zuhaitz eta zuhaixka autoktonoak landatzea.
-Onartuak
- Helburuen kontra ez dauden gainerako jarduerak.
b) Eraikuntzako jarduerak.
-Baimengarriak.
- Obra publikoak egitea.
- Saneamendu eta hornidura sareak egitea.
- Gasbideak jartzea.
- Linea elektrikoak egitea.
-Debekatuak.
- Debekaturik daude eraikuntzako gainerako jarduerak, bai aldi baterakoak bai iraunkorrak.
1.4. Azpiegituretarako lurzorua.
Bakar-bakarrik baimentzen ahalko dira, salbuespen gisa, lurzoru hori hobeki kontserbatzeko eta jendea horretaz goza dadin beharrezkoak diren eraikuntza, instalazio edo erabilerak, baldin eta justifikatzen bada bateragarriak direla lurzorua babestu behar izateko balio eta arrazoiekin (35/2002 LAHFLren 113. artikulua).
Babes araubide hau aplikatuko da:
-Baimengarriak.
- Parke eolikoaren eremuko lurrak nekazaritzarako erabiltzea, parkearen barneko bideak eta azpiestazioko lurrak errespetatuz, bai eta lur azpiko kanalizazioei dagozkien lurrak ere, aerosorgailu lerroen eta azpiestazioaren arteko komunikazioan edo aerosorgailu lerroen arteko loturan, topografia dela-eta aipatu barne-bideekin bat egiten ez duten tarteetan.
- Aziendarentzako alanbre hesiak jartzea edo mantentzea, ingurua abeltzaintzarako ustiatu ahal izateko 40 metroko zerrendan zehar hesia jarri beharra dagoenean. Horrelakoetan atakak jarriko dira, parke barneko bidea ez eteteko.
- Lur azpiko ur hodiak edo parkearekin bateragarriak diren bestelako azpiegiturak, hauek ere lur azpikoak, egin edo mantentzea, 40 metroko zerrenda halakoekin gurutzatu beharra dagoenean. Betiere, lurpeko eroanbide elektrikoen zortasunak errespetatuko dira.
- Aziendarentzako edanlekuak egin edo mantentzea.
- Parkeko hasierako instalazioen artean aurreikusita ez dauden eraikinak egitea, gehienez ere 4 m garai eta 50 m²-koak, beharrezkoak baldin badira parkea hobeki ustiatzeko edota energia eolikoaren zabalkunde teknikorako edo parkea ikasleei erakusteko.
- Zuhaitz eta zuhaixka txikiak landatzea.
- Irrati eta telekomunikazioetako errepikagailu eta antenak jartzea.
-Debekatuak.
Baimengarrien artean aipatu ez diren eraikuntzako jarduera eta erabilera guztiak debekatuak izanen dira, eta energia elektriko eolikoa ekoizteko industriaren ohiko prozesuekin eta parkeko instalazioen ezaugarriekin bateraezinak direnak ere bai, eta horrelako instalazioen segurtasun baldintzak eragozten edo kontuan hartzen ez dituztenak ere bai.
Bereziki, honako hauek debekaturik daude 40 metroko zerrendan:
- Galondoak, belarra eta edozein motatako landaretza erretzea.
- Hegaztientzako hondakindegi eta bazkatoki osagarriak aerosorgailu hurbilenetik 1 km-ra baino gertuago kokatzea.
- La circulación de vehículos a motor, salvo los autorizados, por caminos interiores de los Parques. Baimenik ez duten ibilgailuen zirkulazioa murrizteko aerosorgailuen inguruetan, kateak paratuko dira, aerosorgailuaren oinarriraino pasatzen ez uzteko, baina ez dira giltzarrapoz itxiko, helburua jendea ohartaraztea besterik ez baita.
- Ez da inolako itxiturarik jarriko barneko bide nagusirako sarreran, bide horretatik aerosorgailu bakoitzerantz irteten diren bideetan baizik.
- Airearen zirkulazioa eragozten duten trabak jartzea.
- Delta hegalez edo parapentez airean ibiltzea 80 metroko altueratik behera, aerosorgailuaren errotorearen ardatzaren goiko burutik kontaturik.
- Lur azpiko eroanbideei eragin diezaieketen landaketak egitea.
2. Gorde beharreko lurzoru urbanizaezina.
2.1. Paisaia aldetik balioa duen lurzorua.
a) Eraikuntzaz kanpoko jarduerak.
-Debekatuak.
- Landaretza erretzea.
- Lur mugimendu handiak, zapaldak eta terrazak egitea.
- Meategiak.
- Harrobiak.
- Ibilgailu motordunak pista eta bideetatik kanpo ibiltzea.
- Hondakinak eta obretako hondarrak botatzea.
- Publizitate elementuak jartzea.
-Baimengarriak.
- Pista eta bideak irekitzea.
- Belar-sastrakak garbitzea.
- Zuhaitz autoktonoen sail berriak landatzea.
-Onartuak.
- Helburuen kontra ez dauden gainerako jarduerak.
b) Eraikuntzako jarduerak.
-Baimengarriak.
Bete beharreko baldintza: lurzoru urbanizaezinean egin beharreko jarduera izatea.
- Erlezaintzako ustiategiak.
- Linea elektrikoak egitea.
- Errepideak egitea.
- Saneamendu eta hornidura sareak egitea.
- Gasbideak jartzea.
- Errepideak eta obra publiko handiak egitea.
-Debekatuak.
- Eraikuntzako gainerako jarduerak debekaturik daude.
2.2. Ingurumen aldetik balioa duen lurzorua.
a) Eraikuntzaz kanpoko jarduerak.
-Debekatuak.
- Hostozabalen matarrasako mozketa.
- Landaretza erretzea.
- Lur mugimendu handiak, zapaldak eta terrazak egitea.
- Meategiak.
- Harrobiak.
- Ibilgailu motordunak pista eta bideetatik kanpo ibiltzea.
- Kanpatzea.
- Barbakoak.
- Hondakinak eta obretako hondarrak botatzea.
- Publizitate elementuak jartzea.
-Baimengarriak.
- Pista eta bideak irekitzea.
- Oihanpeko belar-sastrakak garbitzea.
- Zuhaitz autoktonoen sail berriak landatzea.
- Zuhaitzak ateratzea ekosistema mantendu eta hobetzeko.
- Artzaintza.
- Ehiza jarduerak.
- Bidezidor eta ibilbide ekologikoak egokitzea eta informazio panelak jartzea.
- Jarduera zientifikoak eta didaktikoak.
- Kirol jarduerak.
-Onartuak.
- Helburuen kontra ez dauden gainerako jarduerak.
b) Eraikuntzako jarduerak.
Baimengarriak.
Bete beharreko baldintza: lurzoru urbanizaezinean egin beharreko jarduera izatea.
- Linea elektrikoak egitea.
- Errepideak eta obra publiko handiak egitea.
- Saneamendu eta hornidura sareak egitea.
- Bestelako obra publikoak egitea.
- Erlezaintzako ustiategiak.
- Gasbideak jartzea.
-Debekatuak.
- Parke eolikoak instalatzea.
- Eraikuntzako gainerako jarduerak.
2.3. Balio kulturala duen lurzorua.
a) Eraikuntzaz kanpoko jarduerak.
-Debekatuak.
- Ibilgailu motordunak pista eta bideetatik kanpo ibiltzea.
- Kanpatzea.
- Barbakoak.
- Obretako eta bestelako hondakinak botatzea.
-Baimengarriak.
- Publizitate elementuak jartzea.
- Zuhaitz autoktonoen sail berriak landatzea.
- Jarduera zientifikoak eta didaktikoak.
- Kirol jarduerak.
-Onartuak.
- Helburuen kontra ez dauden gainerako jarduerak.
b) Eraikuntzako jarduerak.
- Ez da eraikuntzako jarduerarik onartuko.
2.4. Natura aldetik ustiatzeko balio handia duen lurzorua.
a) Eraikuntzaz kanpoko jarduerak.
-Debekatuak.
- Ibilgailu motordunak (nekazaritzako makineria izan ezik) pista eta bideetatik kanpo ibiltzea.
- Obretako eta bestelako hondakinak botatzea.
-Baimengarriak.
- Lur mugimendu handiak, zapaldak eta terrazak egitea.
- Meategiak.
- Harrobiak.
- Landaretza erretzea.
- Publizitate elementuak jartzea.
- Ehiza jarduerak.
- Pista eta bideak irekitzea.
- Belar-sastrakak garbitzea.
-Onartuak.
- Helburuen kontra ez dauden gainerako jarduerak.
b) Eraikuntzako jarduerak.
-Baimengarriak.
Bete beharreko baldintza: lurzoru urbanizaezinean egin beharreko jarduera izatea.
- Baratzezaintzarako eraikuntza osagarriak.
- Hesiak.
- Erlezaintzako ustiategiak.
- Linea elektrikoak egitea.
- Errepideak eta obra publiko handiak egitea.
- Beste obra publiko batzuk.
- Saneamendu eta hornidura sareak egitea.
- Gasbideak jartzea.
-Debekatuak.
- Zerritegiak.
- Abeltzaintzako eraikuntzak eta hegaztitegiak.
- Eraikuntzako gainerako jarduerak.
2.5. Natura aldetik ustiatzeko balio ertaina duen lurzorua.
a) Eraikuntzaz kanpoko jarduerak.
-Debekatuak.
- Ibilgailu motordunak (nekazaritzako makineria izan ezik) pista eta bideetatik kanpo ibiltzea.
- Obretako eta bestelako hondakinak botatzea.
-Baimengarriak.
- Lur mugimendu handiak, zapaldak eta terrazak egitea.
- Meategiak.
- Harrobiak.
- Landaretza erretzea.
- Publizitate elementuak jartzea.
- Ehiza jarduerak.
- Zakurrak trebatu eta zaintzeko eremuak.
- Pista eta bideak irekitzea.
- Belar-sastrakak garbitzea.
-Onartuak.
- Helburuen kontra ez dauden gainerako jarduerak.
b) Eraikuntzako jarduerak.
-Baimengarriak.
- Baratzezaintzarako eraikuntza osagarriak.
- Nekazaritzako biltegiak.
- Hesiak.
- Erlategiak.
- Linea elektrikoak egitea.
- Errepideak eta obra publiko handiak egitea.
- Beste obra publiko batzuk.
- Saneamendu eta hornidura sareak egitea.
- Gasbideak jartzea.
-Debekatuak.
- Baratzezaintzarako eraikuntza osagarriak.
- Zerritegiak.
- Eraikuntzako gainerako jarduerak.
52. artikulua. Baimenen araubidea lurzoru urbanizaezinean.
Eraikuntzako eta eraikuntzaz kanpoko jarduera onartuak Udalaren eskumeneko gainerako baimenen esparruan tramitatuko dira.
Nafarroako Gobernuari dagokio lurzoru urbanizaezinean baimengarriak diren eraikuntzako eta eraikuntzaz kanpoko jarduera guztiak baimentzea.
Obretarako lizentziak Udalari eskatuko zaizkio eta hark, obrak Hirigintzako Udal Planean ezarritakoarekin bat datozela irizten badio, espedientea Nafarroako Gobernuko departamentu eskudunari igorriko dio. Departamentuak, 35/2002 Foru Legearen 117. artikuluan eskatzen diren tramiteak egin eta gero, baimena emanen du, eta horretan oinarriturik eginen da lizentziak emateko ohiko tramitea.
III. KAPITULUA
Hirigintzako antolamendua eta bere exekuzioa.
Esparruak
1. ATALA
Espazioaren mugapena
53. artikulua. Lurralde banaketa.
Hirigintzako Udal Plan honetan udal mugape osoko lurraldea zatitu egin da, beharrezkoa delako hirigintzako antolamendu ulergarria eta garatzen erraza ezartzeko eta haren determinazioen araubide juridikoa zehatza izan dadin. Hona hemen zatiketa mailak:
1.-Antolamendua taxutu, zehaztu eta argitzen duten lur-eremuak:
-Hiri lurzoru finkatuan eta finkatu gabean: planeamendu sektoreak.
-Lurzoru urbanizagarri sektorizatuan: planeamendu sektoreak.
-Lurzoru urbanizaezinean: kategoriak.
2.-Hirigintza-kudeaketako esparruak, jarduketa motaren arabera:
Hiri lurzoru finkatuan:
-Lurzatiak eta jarduketa asistematikoak.
Hiri lurzoru finkatu gabean:
-Exekuzio unitateak.
Lurzoru urbanizagarri sektorizatuan:
-Exekuzio unitateak.
Sektorizatu gabeko lurzoru urbanizagarrian:
-Sektoreak eta exekuzio unitateak, sektorizazio planaren eta plan partzialaren edo plan bereziaren bidez mugatzen direnak.
Lurzoru urbanizaezinean:
-Lurzatiak "jarduketa baimenduetan".
3.-Irabazteko aprobetxamendua banatzeko esparru gisa:
Hiri lurzoru finkatuan:
-Lurzatiak jarduketa asistematikoetan.
Hiri lurzoru finkatu gabean:
-Banaketa eremuak.
Lurzoru urbanizagarri sektorizatuan:
-Banaketa eremuak.
54. artikulua. Sektoreak eta kategoriak.
Hiri lurzoru finkatuko, hiri lurzoru finkatu gabeko eta lurzoru urbanizagarri sektorizatuko sektoreak eta lurzoru urbanizaezineko kategoriak hirigintzako esparru homogeneoak dira, planeamenduan lurzoruaren araubideaz eta gainerako baldintza orokorrez ezarritako determinazioei dagokienez.
55. artikulua. Exekuzio unitateak.
Hirigintzako kudeaketak eragiten dien lurralde eremuak dira hiri lurzoru finkatu gabean eta lurzoru urbanizagarri sektorizatuan, hiri bilbea garatu eta azkendu behar den aldeetan, non, lurzoruaren jabetza araubidea eta urbanizatzeko beharra direla-eta, beharrezkoa baita exekuzioari ekitea unitate konplexuetan, zamak eta onurak banatuz.
Antolamendu planoetan eta Hirigintzako Araudi Partikularreko fitxetan bolumenari eta jarduketa sistemari buruzko baldintza orokorrak ezarri dira exekuzio unitateentzat.
Kudeaketarako tresna tramitatu aurretik, haietan banantzeak baimendu ahal izanen dira, gutxienez ere 400 m²-ko azalerarekin. Dokumentazioan ageri den lurzatiketa orientagarria da lurzatien neurriei dagokienez, eta loteslea lurzatien kopuruei dagokienez.
56. artikulua. Jarduketa asistematikoak.
Lurzati batzuk dira, zeinetan besterekin lotu gabeko jarduketak aurreikusten baitira, jarduketa sistemarik gabeak, exekuzio unitateetako jarduketa sistematikoen logikatik aparte haiek kudeatzea ahalbidetzen dutenak.
Antolamendu planoetan eta Hirigintzako Araudi Partikularreko fitxetan bolumenari buruzko baldintzak ezarri dira unitate asistematikoentzat.
Haietan ezin izanen da baimendu lurzoruaren jabetzaren inolako bananketarik, harik eta unitate osoaren exekuzioa burutu arte.
2. ATALA
Hirigintzako antolamendurako tresnak
57. artikulua. Printzipio orokorrak.
Hirigintzako Udal Plan honek xehetasunez ezartzen ditu lurzoruaren araubidea eta bolumenari buruzko baldintza orokorrak hiri lurzoru finkatuko eta hiri lurzoru finkatu gabeko lur guztietarako.
Jarduera ekonomikoetarako lurzoru urbanizagarri sektorizatua ez da zuzenean antolatzen Hirigintzako Udal Plan honetan.
Jarduera ekonomikoetarako lurzoru urbanizagarri sektorizatu gabea ez da zuzenean antolatzen Hirigintzako Udal Plan honetan.
Arau hauetako bigarren kapituluko laugarren atalean aurreikusita dagoen moduan lurzoruaren araubidea aldatzen den kasuetan, xehetasunezko antolamendu tresnak eginen dira.
Hiri lurzoruan eta lurzoru urbanizaezinean plan bereziak eginen dira, aplikatu beharreko legerian aurreikusten diren kasuetan.
58. artikulua. Garapena hiri lurzoru finkatuan.
Hiri lurzoru finkatuko jarduketa asistematikoetan eta lurzatietan aurretiazko planeamendurik gabe eginen dira jarduketak, Hirigintzako Udal Planeko agirietan unitateetarako ezarritako aurreikuspenei jarraituz.
Hiri lurzoru libre pribatua okupatu ahal izanen da. Xehetasun azterlana tramitatzeko eskatu ahal izanen da, arau hauetan ezarritako baldintzekin.
59. artikulua. Garapena hiri lurzoru finkatu gabean.
Hiri lurzoru finkatu gabeko S.1 sektorean ez da beharrezkoa izanen aldez aurretik plan partziala tramitatzea.
60. artikulua. Garapena lurzoru urbanizagarri sektorizatuan.
Lurzoru urbanizagarri sektorizatuko planeamendu sektoreetan beharrezkoa denean bakarrik eginen dira jarduketak plan partzialaren tramitazioaren bitartez. Horietan guztietan jarduketa bat etorriko da Plan honetan ezarritako aurreikuspen eta determinazioekin.
61. artikulua. Garapena lurzoru urbanizaezinean.
Ez da inolako garapen motarik aurreikusten lurzoru urbanizaezinean.
3. ATALA
Exekuziorako tresnak
62. artikulua. Printzipio orokorrak.
Antolamendu berriko elementuen exekuzioa unitateka eginen da, unitate osoak harturik, antolamendu eta kudeaketa planoetako eta Hirigintzako Araudi Partikularreko muga eta determinazioei jarraituz.
63. artikulua. Hirigintzako jarduketa sistemak.
Aplikatu beharreko lege-xedapenetan aurreikusitako jarduketa sistemen bidez eginen da exekuzio unitateen exekuzioa. Sistemetako bakoitza aplikatuko da, kasu bakoitzean legez horretarako eskatzen diren inguruabarrak gertatzen direnean, dagozkien xedapenek ematen dizkioten prozedurarekin, eraginkortasunarekin eta formalitateekin.
Indarra duen legerian (Lurraldearen Antolamenduari eta Hirigintzari buruzko 35/2002 Legea, 2. eta 3. atalak, 159-185 artikuluak) ezarritako jarduketa sistemak honako hauek dira:
-Jarduketa pribatuko sistemak:
- Konpentsazio sistema.
- Borondatezko birzatiketaren sistema.
- Agente urbanizatzailearen sistema.
-Jarduketa publikoko sistemak:
- Lankidetza sistema.
- Nahitaezko exekuzioaren sistema.
- Desjabetze sistema.
Jarduketa sistemak Lurraldearen Antolamenduari eta Hirigintzari buruzko 35/2002 Foru Legearen IV. tituluko II. kapituluan xedatutakoaren bidez arautuko dira.
Hirigintzako Udal Plan honetan mugatutako exekuzio unitateetako bakoitza berari ezarritako jarduketa sistemaren bidez garatuko da, ezertan galarazi gabe jarduketa sistemetan onesten diren aldaketa justifikatuak.
4. ATALA
Urbanizazio eta eraikuntza tresnak
64. artikulua. Printzipio orokorrak.
Urbanizazioa egin aurretik, unitate osoaren urbanizazioaren edo obra arrunten proiektua onetsi beharko da. Proiektu horretan Hirigintzako Udal Planeko determinazioak jaso behar dira.
Proiektuaren edukia eta tramitazioa bat etorriko dira Tramitazioari buruzko Ordenantzetan ezarritakoarekin.
Eraikuntza egin aurretik dagokion proiektua onetsi beharko da. Proiektu horretan obrak zehaztu eta programatu behar dira, kasuan kasuko lurzoruari dagozkion hirigintzako arauei jarraituz.
65. artikulua. Aldez aurreko betebeharrak.
Urbanizazio eta eraikuntza obrak gauzatu aurretik, jarduketa juridikoki erregularizatzeko behar diren ekintza guztiak egin beharko dira.
Urbanizazio proiektuek ezin izanen dituzte Planaren aurreikuspenak aldatu, baina horregatik ez dira galaraziko xehetasunen moldaketak, obrak gauzatzerakoan beharrezkoak badira, lurzoruaren eta zorupearen ezaugarrien ondorioz.
Baldin eta, xehetasunen bat moldatzearen ondorioz, proiektuak ukitzen dituen finketako lurzoruaren edo eraikuntzaren antolamenduari edo araubideari buruzko determinazioak funtsean aldatzen badira, aldez aurretik edo aldi berean Planeko aldaketa onetsi beharko da.
Hiri lurzoruan eraikuntza obrak eta urbanizaziokoak aldi berean egin ahalko dira, aplikatu beharreko legerian ezarritako baldintzak eta betekizunak betetzen badira.
66. artikulua. Lizentziak eta baimenak.
Hirigintzako Diziplinari buruzko Erregelamenduaren 1. artikuluan adierazten diren egintzek beharko dute udal lizentzia.
Udalak birzatiketa proiektua, urbanizaziokoa, eraikitzekoa, eraberritzekoa, jarduera birkalifikatzekoa edo dena delakoa onestea tasak ordaindu aurreko baldintza izanen da, eta bi tramite horiek ezinbestekoak izanen dira lizentzia behin betiko eman dadin.
Jarduketa asistematikoetan harguneak egiteko urbanizazio obrak, eta, era berean jarduketa asistematikoetan, lehendik dauden eraikuntzak eraberritu, handitu edo ordeztekoak, behar adinako zehaztasunarekin definitu behar dira obrak egiteko proiektuetan.
Oin berriko etxebizitzak lehen aldiz okupatzeko lizentziak eta jarduera berriak, eraberrituak edo birkalifikatuak irekitzeko lizentziak eman daitezen, eta, halaber, Udalak urbanizazioak onar ditzan, beharrezkoa izanen da obra amaierako ziurtagiria, obren zuzendaritza fakultatiboak emana.
Obrak hasteko eta amaitzeko gehieneko epeak ezarriko dira obra lizentzietan. Ez lizentziak ez Hirigintzako Araudi Partikularreko fitxak ez badute eperik zehazten, ordezko arau hauek aplikatuko dira:
Lizentziek urtebeteko indarra izanen dute. Epe hori iraganik, lizentziapeko egintza hasi gabe badago, jabeak eskubide guztiak galduko ditu eta berriz ekin beharko zaio prozedura osoari, baimena berriro eskatzen bada. Inguruabar hori interesdunei jakinarazi behar zaie modu sinesgarrian.
Obrak bukatzeko epea hiru urtekoa izanen da. Epea bete ezean, aurreko paragrafoan bezala jokatuko da.
Sei hilabeteko luzapena eman ahalko da, jabeak hala eskatzen badu, arrazoiak azalduz, eta arrazoi horiek sendoak eta egokiak badira.
67. artikulua. Irisgarritasuna.
Hiri garapenerako eremu berrietan oinezkoentzako ibilbideetatik oztopo arkitektonikoak kenduko dira. Debekaturik daude 2 cm-tik gorako mailak edo koskak.
Bide sistemako trazadura berriak urbanizatzean Oztopo fisiko eta zentzumenezkoei buruzko 154/89 Foru Dekretuko irizpideak aplikatuko dira; ahal dela, oinezkoen eta ibilgailuen arteko "bizikidetzarako" bideak eginen dira, zoladura osoa maila berean duten horietakoak, eta zintarririk gabekoak.
5. ATALA
Hirigintzako aprobetxamenduen kontsumoa
68. artikulua. Printzipio orokorrak.
Atal honetako artikuluetan hirigintzako aprobetxamenduaren kontsumoari buruzko irizpideak arautzen dira Hirigintzako Udal Planean aurreikusitako lurzoruaren eta eraikuntzaren erabileretarako.
69. artikulua. Aprobetxamenduaren kontsumoa sotoetan, erdisotoetan eta beheko solairuko gune irekietan, eta goiko solairuetan.
Sotoetako edo erdisotoetako azalera eraikiek hirigintzako aprobetxamendua kontsumitzen dute Hirigintzako Araudi Partikularreko fitxan aurreikusitako moduan.
Beheko solairuko terraza eta ataripeetako azalera eraikiak (funtsean perimetroaren %50 baino gehiago irekia dutenek) espazio libre pribatuko azaleratzat hartuko dira aprobetxamendua neurtzeko orduan.
Aurreko irizpide beraren arabera irekiak diren terraza eta balkoietako azalera eraikiaren %50 hartuko da kontuan aprobetxamendua neurtzeko.
70. artikulua. Aprobetxamenduaren kontsumoa lurzati pribatuan.
Lurzati pribatuan eraikuntzak okupatzen ez duen zatiaren azalera osoak kontsumitzen du hirigintzako aprobetxamendua, lurzoru hori zein erabilerari lotuta dagoen, bai hiri lurzoruan, bai hiri lurzoru finkatu gabean eta urbanizagarrian. Lurzati pribaturik gabeko etxebizitza kolektiboaren kasuan, beraz, ez dago aprobetxamendu kontsumorik atal honetan. Erabilera publikoko lurzoru pribatuaren homogeneotasun koefizientea zero da, jasanarazpen balioa zero baldin bada.
71. artikulua. Aprobetxamenduaren kontsumoa bizitegitarako eraikinetan dentsitate txikikoan.
Bizitegitarako eraikinetan dentsitate txikikoetan (familia bakarreko etxebizitzak), eraikitako azalera osoak kontsumitzen du bizitegitarako-dentsitate txikikoa erabileraren hirigintza-aprobetxamendua, alde batera utzirik horrekin bateragarriak diren erabilerak agertzen ahal direla.
72. artikulua. Aprobetxamendu kontsumoa bizitegi kolektibotarako eraikuntzan.
Erabilera honetako azalera guztiek eta hari lotutako erabilerek, denek kontsumitzen dute hirigintzako aprobetxamendua, Hirigintzako Araudi Partikularreko fitxetan adierazitako xehetasunekin.
73. artikulua. Aprobetxamendu kontsumoa industriarako edo jarduera ekonomikorako erabilera duen bizitegi-eraikuntzan.
Honelakoetan, azalera eraikien aprobetxamendu kontsumoa berdina da beheko eta goiko solairuetan eta kontsumitzen du aurreikusitako lerrokaduretatik kanpo dagoen lurzoru libre pribatuari dagokion lurzoru-aprobetxamendua, burututako eraikuntzan azkenean ateratzen dena kontuan hartu gabe.
74. artikulua. Aprobetxamendu kontsumoa ekipamendu pribatutarako erabileran.
Erabilera mota honek hirigintzako aprobetxamendua kontsumitzen du. Erabilera orokorra eta xehakatua industriakoa duten lurzoruetan, lurzatiaren %100eko okupazioa jota kalkulatu da; beraz, ez dago lurzoru kontsumorik erabilera honetan. Eraikigarritasuna, beraz, 1 m²/m² izanen da, eta muga, PB+2, Plan Partzialaren balizko aldaketetan besterik ezarri ezean.
HIRIGINTZAKO ARAUDI PARTIKULARRA
I. KAPITULUA
Atarikoak
1. Hirigintzako Araudi Partikularraren xedea eta edukia.
Hirigintzako Araudi Partikularraren xedea da esparru bakoitzari eragiten dioten baldintza zehatzak ezartzea, ezertan galarazi gabe arau orokorren eta goragoko legeria indardunaren aplikazioa.
Udal Planean definiturik dauden kudeaketa eta planeamendu esparru guztien hirigintzako fitxak jaso dira agiri honetan. Berariazko beste determinazio batzuk ere jaso dira beste esparru batzuetarako; esate baterako, hiri lurzoru finkatuko lurzatietarako. Intereseko Eraikin eta Elementuen Katalogoan jasotako determinazio berariazko guztiak Hirigintzako Araudi Partikularrean daude.
2. Determinazioen izaera arauemailea.
Araudi honetako determinazioak nahitaez bete behar dituzte bai partikularrek bai ukituak gertatzen diren administrazioek.
Zenbait hirigintza-fitxak, ordea, baldintzen betetzearen justifikazioa edo kalkulu matematikoak dakartzan eranskinen bat ere badute. Eranskinok ez dira arauemaileak, informazioa ematekoak baizik, eta fitxa horiei batu zaizkie Administrazioak eta partikularrek errazago erabili ahal ditzaten.
UE.1, UE.3, UE.8, UE.9, UE.11 eta UE.12 unitateetan, kontuan hartu behar da Hirigintzako Udal Planeko agiri grafikoetan dagoen antolamendu zehaztua azterlan hidrologiko eta hidraulikoaren ondorioen mende egonen dela, unitate horien araudi-fitxetako "5. Proposamenaren izaera" izenburuko atalean aurreikusitako moduan.
UE.13 unitatean (toki sistema den espazio libre publikoa), noizbait eginen den urbanizazio proiektuak goian aipatutako azterlan hidrologiko eta hidraulikoaren ondorioetara egokitu beharko ditu bere aurreikuspenak.
3. Fitxek arautzen dituzten kontzeptuen definizioa.
Hirigintzako Araudi Partikularreko fitxetan erabilitako kontzeptu batzuk definituko dira atal honetan.
Exekuzio unitatea: banaketa proportzionalaren esparrua da. Espazio fisikoa non jardungo baita modu bateratuan eta unitate gisara.
Jarduketa asistematikoa: jarduteko espazio fisikoa, lurzati bakarrekoa eta, horrenbestez, banaketa proportzionaleko mekanismoen beharrik ez duena.
Lurzoru mota: udal mugapeko lur guztiek izan behar duten sailkapeneko ataletako bat: hiri lurzorua, lurzoru urbanizagarri sektorizatua edo lurzoru urbanizaezina.
Aprobetxamendurako eskubidea duen azalera: kudeaketa esparruren batean sarturik dagoen eta legezko jabeei hirigintzako eskubideak sortzen dizkien lur eremua.
Laga beharreko azalera: planaren exekuzioaren ondorioz jabari publikora aldatu behar den lur eremua. Unitateen urbanizazioarekin batera, jarduketa asistematikoetan bideak zabaltzeko laga behar diren lurzati-aurrealdeak ere biltzen ditu.
Lurzati pribatuaren azalera: Planeko determinazioen kudeaketaren ondorioz bere izaera pribatuari eusten dion lurzatiaren azalera da.
Lurzatiaren izena eta sartutako azalera: esparru bakoitzean sartutako lurzatien identifikazio eta kuantifikazioa da, planeamendua egiterakoan eskura dagoen dokumentazioaren arabera. Kontuan hartu behar da gutxi gorabeherakoa dela, eta birzatiketa-agirietan, halakorik egiten bada, egiaztapenak eta doikuntzak egin beharko direla.
Kalifikazio orokorra eta xehakatua: unitateetan sartutako lurrei erabilerak esleitzeko maila desberdinak dira.
Lurzoruaren erabilerak: Planak bere baitako planeamendu esparru guztietako lurretarako ezartzen dituen erabilerak dira.
Irabazteko erabilera xehakatu bakoitzaren gehieneko azalera: unitate edo sektore bakoitzeko erabilera xehakatu bakoitzaren gehieneko azalera da, eraikigarria edo ez, irabazteko higiezin-transakzioen xede izan daitekeena.
Unitateko edo sektoreko gehieneko azalera eraikia: unitate edo sektore bakoitzean eraiki daitezkeen metro karratuen gehieneko kopurua da.
Jarduketa sistema: unitatea kudeatu behar den modua.
Garapen, kudeaketa eta gauzatze figurak: unitatea garatzeko beharrezkoak diren tresnak.
Eskuratzen ahal den aprobetxamendua: planeamenduak ezarritako betebeharrak bete ondoren partikularrek eskuratzen ahal duten hirigintzako aprobetxamendua da.
Banaketa eremuko eredu-aprobetxamendua: zifra bat da, alegia, erabilera eta tipologia bereizgarrien metro karratuak zati banaketa eremuko lurzoruaren metro karratuak, eta AU ere deitzen zaio; banaketa eremuko lur jabe guztien jabetza eskubideak zehazten ditu modu homogeneoan.
Banaketa eremuko erabilera eta tipologia bereizgarria: banaketa eremuko nagusia edo gehiengoduna da, hots, metro karratu eraikigarri gehien dituena. Beti esleitzen zaio bateko ponderazio koefizientea.
Banaketa eremuko ponderazio erlatiboaren koefizienteak: erabilera bakoitzaren irabazteko etekinak banaketa eremuko erabilera eta tipologia bereizgarriarekin erlazionatzen dituzten koefizienteak dira.
II. KAPITULUA
Hirigintzako determinazio partikularrak
Kapitulu honetan jaso dira Hirigintzako Araudi Partikularreko fitxak, ondoko eskemari jarraituz:
-Hirigintzako araudi partikularra hiri lurzoru finkatuan.
- Sektorea.
- Jarduketa asistematikoa.
-Hirigintzako araudi partikularra hiri lurzoru finkatu gabean.
- Banaketa eremua.
- Sektorea.
- Exekuzio unitatea.
- Sistema orokorra.
-Hirigintzako araudia lurzoru urbanizagarri sektorizatuan.
- Banaketa eremua.
- Sektorea.
- Exekuzio unitatea.
Iragarkiaren kodea: L0924777
Sarbidea
Nafarroako Aldizkari Ofiziala
Paseo Pablo Sarasate, 38, 2.º izda.
31001 - Iruña
848 42 12 50
