2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ITUREN
Kontribuzio berezia, hornidura eta saneamendu sareen berrikuntza eta karriketako zoladura lanak egiteko, Iturengo herrigunean
Iturengo Udalak, 2007ko abenduaren 12an egin osoko bilkuran, hasiera batean onetsi zuen kontribuzio bereziak ordenatu eta ezartzeko espedientea, hain zuzen ere honako obra hauetarako: "Hornidura eta saneamendu sareen berrikuntza eta karriketako zoladura lanak Aurtiz auzoan, Iturengo zeharbidean eta Kastinea eta Lopetxenea etxeen ondoko pasabideetan, denak Iturenen (Nafarroa). 2. fasea: Iturengo zeharbidea eta etxeen ondoko pasabideak", zehazki etxebizitzetan propano gasa ezartzeko obra zibila egiteko, betiere bide, ubide eta portuetako ingeniari Santiago Sainz de los Terreros Goñik prestatutako proiektuari jarraikiz.
Erabakia 2008ko 19. Nafarroako Aldizkari Ofizialean argitaratu zen, abuztuaren 19an. Jendaurrean egoteko epean inork erreklamaziorik aurkeztu ez zuenez gero, behin betikoz onetsirik gelditu da Kontribuzio berezia arautzen duen ordenantza, eta haren testu osoa ematen da argitara, Nafarroako Toki Administrazioari buruzko Foru Legearen 325. artikuluan ezarritakoari jarraikiz.
Iturenen, 2009ko irailaren 30ean.-Alkatea, José María Gorosterrazu Elizalde.
ORDENANTZA, ITURENGO HIRIGUNEAN HORNIDURA
ETA SANEAMENDU SAREEN BERRIKUNTZA
ETA KARRIKETAKO ZOLADURA LANAK EGITEKO
KONTRIBUZIO BEREZIA ARAUTZEN DUENA
Oinarria
1. artikulua. Nafarroako Toki Ogasunei buruzko martxoaren 10eko 2/1995 Foru Legearen lehenbiziko tituluko IV. kapituluaren 8. sailak xedatutakoaren babesean ezarri da ordainarazpen hau.
Zergapeko egintza
2. artikulua. Honako hau da kontribuzio berezien zergapeko egintza: subjektu pasiboak onura bat edo bere ondasunen balio gehitze bat erdiestea proiektu honetan jasotzen diren obrak egiteagatik: "Hornidura eta saneamendu sareen berrikuntza eta karriketako zoladura lanak Aurtiz auzoan, Iturengo zeharbidean eta Kastinea eta Lopetxenea etxeen ondoko pasabideetan, denak Iturenen (Nafarroa). 2. fasea: Iturengo zeharbidea eta etxeen ondoko pasabideak", zehazki etxebizitzetan propano gasa ezartzeko obra zibila egiteko.
Salbuespenak
3. artikulua. Nafarroako Toki Ogasunei buruzko martxoaren 10eko 2/1995 Foru Legearen seigarren xedapen gehigarrian erabakitakoaren arabera, kontribuzio berezietatik salbu daude mankomunitateak eta batasunak, baita horien xedeak garatzeko sortzen dituzten entitate juridikoak eta administrazio barrutiak ere.
Subjektu pasiboak
4. artikulua. Pertsona fisikoak eta juridikoak eta unitate ekonomikoa edo ondare bereizia osatzen duten nortasun juridiko gabeko entitateak kontribuzio berezien subjektu pasiboak dira, baldin eta 2. artikuluan aipatu diren obren onura jasotzen badute. Haien zerrenda ordenantza honen eranskinean jasota dago, eta beren etxebizitzetan gas propanoa paratzea onartu duten guztiak dira
Zerga-oinarria
5. artikulua. Kontribuzio bereziaren zerga-oinarria izanen da obrak egiteagatik toki entitate honek jasaten duen kostuaren %60, gutienez.
6. artikulua. Zerga-oinarria finkatzeko, hona zer ulertuko den toki entitateak bere gain hartutako kostuaz: osotarako kostuaren zifrari toki entitateak edozein pertsona publiko edo pribaturengandik erdiesten dituen diru-laguntza edo sorospenk kenduz ateratzen den zenbatekoa. Gisa hartara, zenbatetsi da obra gauzatzeko zerga-oinarriak 147.739,01 euro egiten duela.
Kuotak
7. artikulua. Subjektu pasibo bakoitzari, hurrengo artikuluan bildutako banaketa irizpideei jarraikiz, zerga-oinarriaren atal bat egoztearen ondoriozko kopurua da kontribuzio berezien kuota.
8. artikulua. Kontribuzio berezien zerga-oinarria subjektu pasiboen artean banatuko da, guztiendako kuota berdina izanik, 825,00na euro egiten duena.
Kontribuzio berezitako adierazi den zenbatekoa ere ordaindu beharko du ordenantza honen onespenaren ondoan Iturengo hirigunean gas hargunea eskatzen duen orok.
9. artikulua. Ordaindu beharreko kuota zehaztutakoan, Udalak, subjektu pasiboak eskaturik, kuota horren ordainketa zatitzea edo atzeratzea onar dezake, gehienez era bortz urtetarako.
Sorrarazpena
10. artikulua. 1. Obrak jadanik gauzatu diren unean sorraraziko dira kontribuzio bereziak. Hala ere, ezartzeko eta ordenatzeko erabaki zehatza hartuta, toki entitateak eskatzen ahal du kontribuzio bereziak aitzinetik ordaintzeko, aurreikusitako gastuen zenbatekoaren arabera. Aurrerakin horiek premiamendu bidez eskatzen ahalko dira.
Hartara, lehen ordainketa bat eskatuko da, 525,00 eurokoa, ordenantza honen onespenaren ondotik.
Bigarren ordainketa, 300,00 eurokoa, 2008ko udaberrian eskatuko da, horixe baita biltegiratzeko zentroa paratzeko eta abiarazteko aurreikusi den data.
2. Kontribuzio bereziak sorrarazteko unea kontuan hartuko da ordaintzera nor beharturik dagoen finkatzeko, nahiz eta ordenatzeko erabaki zehatzean bertze subjektu pasibo bat agertu, hura onetsi zen datan hala zena alegia, eta kuoten ordainketa berak aurreratu bazuen ere, artikulu honen 1. zenbakiak xedatzen duenarekin bat. Ordenatzeko erabaki zehatzean subjektu pasibo gisa ageri den pertsonak horren jakinarazpena jaso eta ezarpena eragiten duten ondasun edo ustiapenen gainean dituen eskubideak eskualdatzen baditu, erabaki hori onestetik hasi eta sorrarazpena gertatu arteko epean, egin den eskualdatzearen berri eman beharko dio toki entitateari eskualdatzearen datatik hasi eta hilabeteko epean, eta hala egiten ez badu, entitate horrek zilegi izanen du espedientean subjektu pasibo gisa ageri zenaren kontra jotzea kobratzeko ekintza.
3. Obrak osoki nahiz partez burututakoan, edo zerbitzu egiten hasitakoan, subjektu pasiboak, oinarria eta bakoitzaren behin betiko kuotak zehaztuko dira. Orduan, bidezko likidazioak igorriko dira eta, ordainketa aurreraturik egin baldin bada, konturako entregatzat hartuz berdinduko dira. Kontribuzioa ezartzen duen entitateko organo eskudunei dagokie halakoak zehaztea; horretarako, kasuan kasuko obra edo zerbitzurako tributua ordenatzeko erabaki zehatzaren arauei jarraituko die.
4. Ordainketa aurreratuak tributua sorrarazi zen egunean subjektu pasibo ez diren pertsonek egin badituzte, edo berez tokatzen zaien kuota indibidual behin betikoaz goiti egiten badute, toki entitateak bere kabuz eginen du behar den itzulketa.
Diru-bilketa
11. artikulua. 1. Ordenantza hau aplikatzearen ondoriozko tributu-zorrak kitatzeari dagokionez, toki entitate honen Ordenantza Fiskal Orokorrean xedatutakoa aplikatzen ahal da epeez, errekarguez eta gainerakoez den bezainbatean. Delako Ordenantza fiskal orokorrean jasotzen ez den orotan, Nafarroako Toki Ogasunei buruzko martxoaren 10eko 2/1995 Foru Legea aplikatuko da.
2. Kontribuzio bereziengatik likidatzen diren eskubideak, zer obra edo zerbitzutarako eskatu diren, horiexen gastuak ordaintzeko baizik ez dira erabiliko.
Kudeaketa arauak
12. artikulua. Behin kontribuzio bereziak ordenatzeko erabaki zehatza hartu delarik eta ordaindu beharreko kuotak finkatu, subjektu pasibo bakoitzari emanen zaizkio aditzera kuota horiek, baldin subjektua edo haren helbidea ezaguna bada, eta, bertzenaz, ediktu bidez.
Interesdunek zilegi izanen dute errekurtsoa aurkeztea Nafarroako Toki Administrazioari buruzko uztailaren 2ko 6/1990 Foru Legearen bederatzigarren tituluko II. kapituluak aurreikusitako moduan.
Herritarren lankidetza
13. artikulua. Toki entitateak sustatutako obrak egiteko ukitutako jabe edo titularrek zergadunen elkarte administratiboak eratzen ahal dituzte kontribuzio bereziak ordenatzen dituen erabakiaren jendaurreko aldian, lankidetza bidez obran laguntzeko.
14. artikulua. Zergadunen elkarteen jardunbideaz, eskumenez, estatutuen onespenaz eta kontratazioaz den bezainbatean, Nafarroako Toki Ogasunei buruzko martxoaren 10eko 2/1995 Foru Legean ezarritakoari eginen zaio men.
AZKEN XEDAPENAK
Lehenbizikoa.-Ordenantza honetan jasotzen ez den orotan, Nafarroako Toki Ogasunei buruzko martxoaren 10eko 2/1995 Foru Legea eta toki entitate honek onetsitako Ordenantza fiskal orokorra aplikatuko dira.
Bigarrena.-Ordenantza honek indarra hartuko du eta ondorio juridiko osoak sortuko, bere testu osoa Nafarroako Aldizkari Ofizialean argitaratu ondoan.
ERANSKINA
Subjektu pasiboen eta ordaindu beharreko zenbatekoen zerrenda
IZENA | HELBIDEA | ZENBATEKOA |
Aizcorbe Telletxea, Pedro M.ª | Herriko plaza, 7 (Azenzenea) | 825,00 euro |
Alchu Iparraguirre, Fco. Javier | Jauregiko karrika (Hiruantsonea 1) | 825,00 euro |
Alchu Iparraguirre, Fco. Javier | Jauregiko karrika (Hiruantsonea 2) | 825,00 euro |
Almandoz Iparraguirre, Jose Fco. | Kontzeju karrika, 5 ezk. (Arriberria, behekoa) | 825,00 euro |
Altxu Agesta, Oscar | Kontzeju karrika, 4 -2.a (Arriberria, goikoa 4) | 825,00 euro |
Altxu Juanicorena, Amaia | Kontzeju karrika, 27 (Altxunea) | 825,00 euro |
Altxu Juanicorena, Amaia | Kontzeju karrika, 24 (Lopenea), aparkalekua | 825,00 euro |
Altxu Ochandorena, Marcelino | Kontzeju karrika, 4 -1.a (Arriberria, goikoa) | 825,00 euro |
Altxu Ochandorena, Marcelino | Landa lurzatia | 825,00 euro |
Ariztegui Sansiñena, Ainhoa | Zubiko karrika, 5 (Txostenea 1) | 825,00 euro |
Ariztegui Sansiñena, Fermín | Zubiko karrika, 5 (Txostenea 2) | 825,00 euro |
Ariztoy Echepetelecu, Leticia | Landa, familia bakarrekoa | 825,00 euro |
Arocena Juanena, Mercedes | Jauregiko karrika, 6 (Joanea) | 825,00 euro |
Arrechea Adansa, M.ª Nieves | Zubiko karrika, 1 (Eskinea) | 825,00 euro |
Arrechea Adansa, M.ª Nieves | Zubiko karrika, 2 (Zubialdea) | 825,00 euro |
Ayoroa Ariztegui, Jose Martin | Jauregiko karrika, 2 (Kamioa) | 825,00 euro |
Ayoroa Hualde, Carmelo | Herriko plaza, 6 (Iñarrea) | 825,00 euro |
Ayoroa Hualde, Irene | Kontzeju karrika, 9 (Albinea) | 825,00 euro |
Herriko Etxea-Anbulatorioa | Kontzeju karrika, 36 | 825,00 euro |
Herriko Etxea-Herriko ostatua | Kontzeju karrika, 38 | 825,00 euro |
Herriko Etxea-Herriko ostatua | Kontzeju karrika, 38 | 825,00 euro |
Baleztena Alberro, Josefa | Zubiko karrika, 10 (Errandenea) | 825,00 euro |
Bazterrika Elizalde, Eustaquio | Kontzeju karrika, 3 (Domingenea) | 825,00 euro |
Bazterrika Legarreta, Jose M.ª | Kontzeju karrika, 6 -1.a (Toki eder,1.a) | 825,00 euro |
Bazterrika Legarreta, Juliana | Kontzeju karrika, 12 (Apezenea) | 825,00 euro |
Beraza Iriarte, M.ª Rosario | Kontzeju karrika, 7 (Juantsenea 1) | 825,00 euro |
Bereau Baleztena, M.ª Jose | Kontzeju karrika, 6 (Toki eder, 3.a) | 825,00 euro |
Echeveste Ariztoy, Jose Carlos | Kontzeju karrika, 1 (Pioinea) | 825,00 euro |
Eizaguirre Ochandorena, Ramona | Kontzeju karrika, 22 bis (Arizteginea 1) | 825,00 euro |
Eizaguirre Ochandorena, Ramona | Kontzeju karrika, 22 bis (Arizteginea 2) | 825,00 euro |
Elizalde Elizalde, Eulalia | Karrika Berria, 6 (Lexea) | 825,00 euro |
Elizalde Gorosterrazu, Ignacio | Kontzeju karrika, 22 (Lopetxenea) | 825,00 euro |
Elizalde Gorosterrazu, Jose Luis | Zubiko karrika, 11, 2.a ezk. (Errekaondoa) | 825,00 euro |
Erasun Ariztegui, Mercedes | Kontzeju karrika, 32 (Artzenea 1) | 825,00 euro |
Erasun Ariztegui, Mercedes | Kontzeju karrika, 32 (Artzenea 2) | 825,00 euro |
Erregerena Bera, Enrike | Zubiko karrika, 11, 1.a esk. (Errekaondoa) | 825,00 euro |
Erreguerena Ariztegui, Lazaro | Kontzeju karrika, 5 esk. (Arriberria, goikoa) | 825,00 euro |
Erreguerena Vera, Jose Joaquín | Kontzeju karrika, 35 (Motzenea) | 825,00 euro |
Erreguerena Vera, Juan Jose | Zubiko karrika, 8, 1.a (Apeztegia 1) | 825,00 euro |
Erreguerena Vera, M.ª Milagros | Zubiko karrika, 8, 2.a (Apeztegia 2) | 825,00 euro |
Gereka Zelaia, Mikel | Kontzeju karrika, 16 gibelaldea (Berrotenea) | 825,00 euro |
Gonzalez Aguirreburualde, Elvira | Kontzeju karrika, 17 (Maizenea) | 825,00 euro |
Goñi Barberena, Javier | Kontzeju karrika, 23 (Estebenea) | 825,00 euro |
Goñi Miquelerena, Jose Luis | Karrika Berria, 8 (Maritxoa) | 825,00 euro |
Ilarregi Belarra, Miren | Zubiko karrika, 11, 2.a esk. (Errekaondoa) | 825,00 euro |
Iñigo Ariztegi, Andrés | Kontzeju karrika, 19 (Armaxea) | 825,00 euro |
Iñigo Ariztegui, Carmen | Karrika Berria, 9 (Maistematea) | 825,00 euro |
Iparraguirre Altamira, Felicidad | Kontzeju karrika, 30 (Errekaldea) | 825,00 euro |
Iparraguirre Altamira, José | Karrika Berria, 5 (Migelenea 1) | 825,00 euro |
Iparraguirre Altamira, José | Karrika Berria, 5 (Migelenea 2) | 825,00 euro |
Labiano Azpiroz, Cristina | Kontzeju karrika, 28 (Tresenea-txiki) | 825,00 euro |
Labiano Azpiroz, Cristina | Kontzeju karrika, 31 A (Antsonea) | 825,00 euro |
Legazkue Goñi, Marta | Kontzeju karrika, 21 B (Alberroa 1-ezk) | 825,00 euro |
Legazkue Vidart, Juan | Kontzeju karrika, 21 A (Alberroa 1-esk) | 825,00 euro |
M.ª Iñigo Ariztegui, Jesus M.ª | Zubiko karrika, 6 (Iñigonea 2) | 825,00 euro |
Mindeguia Iñigo, Ramona | Karrika Berria, 7 (Txundinea) | 825,00 euro |
Mindeguia Juanena, Aitziber | Landako Bidea (Iturriondoa) | 825,00 euro |
Munduate Larrea, José Javier | Zubiko karrika, 11, 1.a ezk. (Errekaondoa) | 825,00 euro |
Mutuberria Maiticorena, Tomás | Kontzeju karrika, 15 (Sotilenea) | 825,00 euro |
Ostolaza Egaña, Justa | Kontzeju karrika, 31 B (Ansonea 1) | 825,00 euro |
Ostolaza Egaña, Justa | Kontzeju karrika, 31 B (Ansonea 2) | 825,00 euro |
Ruiz Lopetegi, José Joaquín | Kontzeju karrika, 16 (Berrotenea 1) | 825,00 euro |
Sagardia Armisen, Javier | Jauregiko karrika, 5 (Tolatea) | 825,00 euro |
Sagardia Armisen, Maite | Igerabidea karrika, 17 (Karrikaburu) | 825,00 euro |
Sagardia Navarro, José Carlos | Jauregiko karrika, 7 (Izebenea) | 825,00 euro |
Straat Per Thomas | Kontzeju karrika, 31 -2.a (Ansonea) | 825,00 euro |
Sukia Etxeberria, Larraitz | Kontzeju karrika, 8 (Txisternea) | 825,00 euro |
Urroz Arancibia, José Ramón | Herriko plaza, 8 (Landernea) | 825,00 euro |
Urroz Juanena, José | Vega, familia bakarrekoa | 825,00 euro |
Vera Elizalde, José Ignacio | Karrika Berria, 12 (Sunbillenea) | 825,00 euro |
GUZTIRA | 57.750,00 euro |
Iragarkiaren kodea: L0924145