1. NAFARROAKO FORU KOMUNITATEA
1.7. BESTELAKOAK
1636/2009 EBAZPENA, urriaren 7koa, Lurraldearen Antolamendu eta Etxebizitzako zuzendari nagusiak emana, Gloria Iso Pabolleta andreak Lurraldearen Antolamendu eta Etxebizitzako kontseilariaren uztailaren 1eko 177/2008 Foru Aginduaren aurka jarritako 425/2009 errekurtsoaren espedientea Administrazioarekiko Auzien Salari bidaltzea agindu eta ukitako alderdiak epatzen dituena. Foru agindu horren bidez behin betiko onetsi zen Leozko Udal Plana (2009ko 76. Nafarroako Aldizkari Ofiziala, ekainaren 22koa).
Nafarroako Justizia Epaitegi Nagusiko buruak, 2009ko irailaren 24ko idazkiaren bidez, aditzera eman du Gloria Iso Pabolleta andreak 425/2009 zenbakiko administrazioarekiko errekurtsoa aurkeztu duela Lurraldearen Antolamendu eta Etxebizitzako kontseilariaren uztailaren 1eko 177/2008 Foru Aginduaren aurka. Leozko Udal Plana behin betiko onesten da foru agindu horretan, eta 2009ko 76. Nafarroako Aldizkari Ofizialean argitaratu zen, ekainaren 22an. Administrazioarekiko Auzien Jurisdikzioari buruzko uztailaren 13ko 29/1998 Legearen 48. artikuluko 1., 3. eta 4. ataletan xedatuakoari jarraikiz, espediente hori Administrazioarekiko Auzien Salari igortzeko eskatu du presidenteak, eta epea eman die ukitutako alderdiei epaitegi horretako autoetan agertzeko, ebazpen hau jakinarazten denetik bederatzi egunean.
Horrenbestez, Administrazioarekiko Auzien Jurisdikzioari buruzko 29/1998 Legearen 48. eta 49. artikuluetan xedatutakoari jarraikiz, eta Lurraldearen Antolamendu eta Etxebizitza Departamentuaren egitura organikoa ezarri zuen irailaren 3ko 127/07 Foru Dekretuaren bidez eskuordeturik ditudan ahalmenak erabiliz.
EBATZI DUT:
1. Nafarroako Justizia Auzitegi Nagusiko Administrazioarekiko Auzien Salari igortzea Gloria Iso Pabolleta andreak Lurraldearen Antolamendu eta Etxebizitzako kontseilariaren uztailaren 1eko 177/2008 Foru Aginduaren aurka jarritako 425/2009 administrazioarekiko auzi-errekurtsoaren espedientea. Foru agindu horren bidez behin betiko onetsi zen Leozko Udal Plana (2009ko 76. Nafarroako Aldizkari Ofiziala, ekainaren 22koa).
2. Leozko Udalari eta interesdun guztiei epea ematea autoetan ager daitezen, ebazpen hau argitaratu eta bederatzi egunean.
3. Ebazpen hau Leozko Udalari, Lehendakaritza, Justizia eta Barne Departamentuko Aholkularitza Juridikoari eta Nafarroako Justizia Auzitegi Nagusiari jakinaraztea, behar diren ondorioak izan ditzan.
4. Ebazpen hau Nafarroako Aldizkari Ofizialean argitaratzea.
Iruñean, 2009ko urriaren 7an.-Lurraldearen Antolamendu eta Etxebizitzako zuzendari nagusia, Jesús Javier Ascunce Elizaga.
Iragarkiaren kodea: F0924031
