1. NAFARROAKO FORU KOMUNITATEA
1.7. BESTELAKOAK
JENDAURREKO INFORMAZIOA, Orkoienen instalazio elektrikoa jartzeko administrazio baimenari eta proiektuaren onespenari buruzkoa eta zehazki haren onura publikoa deklaratzekoa. SAT09009-JAA/TB espedientea.
Sektore Elektrikoari buruzko azaroaren 27ko 54/1997 Legearen 52., 53. eta 54. artikuluetan eta Energia elektrikoaren instalazioak baimentzeko prozedurari buruzko abenduaren 1eko 1955/2000 Errege Dekretuaren 144. artikuluan xedatutakoak ondorioak izan ditzan, jendaurrean jarri da Red Eléctrica de España, S.A.U.k egindako eskaera, ondoko ezaugarri nagusiak dituen goi tentsioko instalazioa baimendu, proiektua onetsi eta haren onura publikoa deklaratzeko:
a) Eskatzailea: Red Eléctrica de España, S.A.U.
b) Instalazioa jartzeko tokia: Orkoien.
c) Instalazioaren xedea: eremu horretako hornidura hobetzea, Orkoiengo 220 kV-eko azpiestazioa handituz.
d) Ezaugarri nagusiak: "BTA Orkoien" izeneko 220/66/13,2 kV-eko aire zabaleko azpiestazioa handitzea, MVAko potentzia instalatua (1*125+ 1*75+ 1*112) mantenduz, 220/66/13,2 kV.
220 kV-eko sisteman, aire zabaleko barra bikoitzarekin osatuan, lineako bi posizio berri ezarriko dira, horietako bakoitza osatuta barrak hautatzeko ebakigailuez, intentsitateko hiru transformadorez, SF6 gisako hiru etengailu unipolarrez, lur-konexioko hortza duen lineako isolamenduko ebakigailu batez, tentsioko hiru transformadore kapazitiboz eta fase bateko blokeatze bobina batez; hori horrela, lineako zazpi posizioetatik bertan dauden erreserbako bi lineak okupatuko dira eta "Ezkabarte 1" eta "Ezkabarte 2" deituko dira, eta 220/66/13,2 kV-eko transformazioko hiru posizioak eta barrak lotzeko posizio bat mantendu eginen dira.
66 kV-eko sistemak aire zabaleko barra bikoitzeko konfigurazioa du eta ez da aldatuko. 13,2 kV-eko sistema kontrol eta neurketako eraikinean dago, SF6 gisako gelatxoen moduluekin lotuta, eta hori ere ez da aldatuko; parkeko zerbitzu osagarriak (220 kV), bai korronte alternokoak bai zuzenekoak (125 V c.c.) kontrol gelan daude eta ez dira aldatuko. Hori guztia Orkoiengo udal mugapean.
e) Aurrekontua: 1.000.009,76 euro.
Onura publikoaren deklarazioak berarekin dakar ondasunak okupatu beharra edo ukitutako eskubideak eskuratzea, eta horrek presako okupazioa ekarriko du.
Hori horrela, eskaera egin duen enpresak eskatzen du, halaber, zortasuna ezartzea eta ondoren adieraziko diren finken presako okupazioa.
Aditzera ematen da, aukera izan dadin instalazioaren proiektua Nafarroako Gobernuko Berrikuntza, Enpresa eta Enplegu Departamentuan aztertzeko (Tomás Caballero parkea, 1, Fuerte del Príncipe II. eraikina, 5. solairua) eta egokitzat jotzen diren erreklamazioak aurkezteko, bi aletan, iragarki hau argitaratu eta biharamunetik hogei eguneko epean. Departamentu honetan aurkezten ahal dira eta, halaber, ekainaren 24ko 137/2002 Foru Dekretuan ageri diren Nafarroako Gobernuaren Erregistro Orokorreko bulegoetako edozeinetan (95. Nafarroako Aldizkari Ofiziala, abuztuaren 7koa), edo Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 38.4 artikuluan ageri diren erregistro eta bulegoetan.
Iruñean, 2009ko irailaren 25ean.-Azpiegituren, Instalazioen eta Industria Segurtasunaren Zerbitzuko zuzendaria, José Antonio Ayesa Usabiaga.
Iragarkiaren kodea: F0923275
