Iragarkia

125. ALDIZKARIA - 2009ko urriaren 9a

1. NAFARROAKO FORU KOMUNITATEA

1.7. BESTELAKOAK

JENDAURREKO INFORMAZIOA, Vianan instalazio elektrikoa jartzeko administrazio baimenari eta proiektuaren onespenari buruzkoa, eta zehazki haren onura publikoa deklaratzekoa. SAT07863-JAA/TB espedientea.

Sektore Elektrikoari buruzko azaroaren 27ko 54/1997 Legearen 52., 53. eta 54. artikuluetan eta Energia elektrikoaren instalazioak baimentzeko prozedurari buruzko abenduaren 1eko 1955/2000 Errege Dekretuaren 144. artikuluan xedatutakoak ondorioak izan ditzan, jendaurrean jarri da Iberdrola DESAUk egindako eskaera, ondoko ezaugarri nagusiak dituen goi tentsioko instalazioa baimendu, proiektua onetsi eta haren onura publikoa deklaratzeko:

a) Eskatzailea: Iberdrola DESAU.

b) Instalazioa jartzeko tokia: Viana.

c) Instalazioaren xedea: alde horretako hornidura hobetzea, bi linea hauek batuta: "Viana-mendebaldea BTA" eta "Viana hiria BTA".

d) Ezaugarri nagusiak: "Viana-mendebaldea BTA" aireko linearen (13,2 kV) bariantea, "Salcedo" deribaziorako 38. euskarritik (68 m) 107. euskarri berrira (LA-78); hortik lotura (17 m), 39. euskarriarekin eta lur azpiko tartea 107. euskarritik (416 m); HEPR-Z1/ 150 "El Arenal" TZarekin, eta handik lotura "Viana hiria BTA"rekin, Vianako udal mugapean.

e) Aurrekontua: 16.413,51 euro.

Onura publikoaren deklarazioak berarekin dakar ondasunak okupatu beharra edo ukitutako eskubideak eskuratzea, eta horrek presako okupazioa ekarriko du.

Hori horrela, eskaera egin duen enpresak eskatzen du, halaber, zortasuna ezartzea eta ondoren adieraziko diren finken presako okupazioa.

Aditzera ematen da, aukera izan dadin instalazioaren proiektua Nafarroako Gobernuko Berrikuntza, Enpresa eta Enplegu Departamentuan aztertzeko (Tomás Caballero parkea, 1, Fuerte del Príncipe II. eraikina, 5. solairua) eta egokitzat jotzen diren erreklamazioak aurkezteko, bi aletan, iragarki hau argitaratu eta biharamunetik hogei eguneko epean. Departamentu honetan aurkezten ahal dira eta, halaber, ekainaren 24ko 137/2002 Foru Dekretuan ageri diren Nafarroako Gobernuaren Erregistro Orokorreko bulegoetako edozeinetan (95. Nafarroako Aldizkari Ofiziala, abuztuaren 7koa), edo Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 38.4 artikuluan ageri diren erregistro eta bulegoetan.

Iruñean, 2009ko irailaren 15ean.-Azpiegituren, Instalazioen eta Industria Segurtasunaren Zerbitzuko zuzendaria, José Antonio Ayesa Usabiaga.

Iragarkiaren kodea: F0922739