1. NAFARROAKO FORU KOMUNITATEA
1.7. BESTELAKOAK
LEHENDAKARITZA, JUSTIZIA ETA BARNE DEPARTAMENTUA. Iragarkia.
Nafarroako Foru Komunitateko Administrazioaren eta haren erakunde autonomoen zerbitzuko administrari laguntzaile izateko 164 lanpostu oposizio bidez betetzeko deialdia, Nafarroako Administrazio Publikoaren Institutuko zuzendari kudeatzaileak urriaren 20an emandako 185/2008 Ebazpenaren bidez onetsia (2008ko 133. Nafarroako Aldizkari Ofiziala, urriaren 31koa).
Gora jotzeko errekurtsoak jarri dituzte Yolanda López Vitas, Isidro Ángel Ugarte Prin, Margarita Olza Echeverría, M.ª Belen Tivera Echarri, Edurne Suárez Urrutia, Matías Sagardoy Biones, M.ª Ángeles Díaz Ramos, M.ª Desamparados Joyas Arocena, Begoña Larraz Cuartero, Amaya Delgado Miranda, M.ª Dolores Chamizo Peña, M.ª Pilar Ambustegui López, M.ª Concepción Osacar Olariz, María Onsalo Zapata, M.ª Ángeles Napal del Río, Jesús Ignacio Lazcano Jauruegui, Ana Esain Nicuesa, Olivia Marcos Ansoain, Jose Luis Calvo Regueiro eta Ana Isabel Echarte Lizarraga jaun-andreek, aipatu deialdiko bigarren ariketan epaimahaiak emandako behin betiko emaitzen kontra. Beraz, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 112. eta 59. artikuluei jarraituz, horren berri ematen zaie interesdun guztiei, alegazioak aurkeztu ahal ditzaten, iragarki hau argitaratu eta biharamunetik hasita hamar egun balioduneko epean, Erregistro Orokorrean (Nafarroako Jauregia, Karlos III.aren etorbidea, 2, Iruña).
Jarritako errekurtsoen kopia interesdunen eskura dago, Nafarroako Administrazio Publikoaren Institutuko Sarrerarako Hautapenaren Zerbitzuan (Navarrería kalea, 39, lehenbiziko solairua, Iruña).
Halaber, aditzera ematen da errekurtso hauek ez dituztela hautapen prozesuko hurrengo faseak geraraziko, horixe ezartzen baitu Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 111.1 artikuluak.
Iruñean, 2009ko irailaren 29an.-Nafarroako Administrazio Publikoaren Institutuko (NAPI) idazkari nagusia (Nafarroako Administrazio Publikoaren Institutuko (NAPI) zuzendari kudeatzailearen postua hutsik dagoelako, abenduaren 11ko 135/2007 Ebazpena), Tomás Rodríguez Garraza.
Iragarkiaren kodea: F0923325
