1. NAFARROAKO FORU KOMUNITATEA
1.7. BESTELAKOAK
539/2009 EBAZPENA, irailaren 18koa, Ikuskapenaren eta Zerbitzuen zuzendari nagusiak emana, Murchanteko Udalaren Musika Eskolaren baimena aldatzen duena, helbidea aldatu duelako.
Ikusirik Carlos Villafranca González jaunak, hots, Murchanteko alkateak, aurkeztutako idazkia, herriko Udalaren Musika Eskolaren helbidearen aldaketa eskatzeko.
Ikusirik Obren eta Mantentze-lanen Zerbitzuko zerbitzu teknikoek egiaztatu dutela eskolaren instalazio berriek ezarritako ikasketak emateko legez eskatzen diren gutxieneko baldintzak betetzen dituztela.
Nafarroako Foru Komunitateko Musika eta Dantza Eskolen sorrerari eta funtzionamenduari buruzko oinarrizko arauak ezartzen dituen abenduaren 21eko 421/1992 Foru Dekretuko 29. artikuluak ezarritakoa kontuan harturik (1993ko urtarrilaren 22ko Nafarroako Aldizkari Ofiziala), eta Ikastetxeen eta Ikasketetarako Laguntzen Zerbitzuak proposaturik,
EBATZI DUT:
1. Murchanteko Udalaren Musika Eskolaren baimena aldatzen da (ikastetxearen kodea: 31013240), helbidea aldatu duelako. Hemendik aurrera herriko ikastetxe publikoan izanen du helbidea, herriko Kale Nagusiko 152. zenbakian.
2. Departamentuaren baimena beharko da eskolaren osaera aldatzeko, baldin eta aldaketak 421/1992 Foru Dekretuaren 29. artikuluan araututakoa ukitzen badu.
3. Foru dekretu horren 31. artikuluan aipatutako kasuetan, eskolaren baimena baliorik gabe uzten ahalko da.
4. Ohartarazten da ezen, 421/1992 Foru Dekretuaren 20. artikuluarekin bat, eskolaren titularra den entitateak ordainduko dituela haren gastuak.
5. Administrazioaren ebazpen honen kontra administrazio publiko interesdunak administrazioarekiko auzi-errekurtsoa jartzen ahalko du, Nafarroako Justizia Auzitegi Nagusiaren Administrazioarekiko Auzien Salari zuzendua, ebazpena argitaratu eta biharamunetik hasita bi hilabeteko epean, alde batera utzi gabe aurretik errekerimendua egin ahal izatea, Administrazioarekiko Auzien Jurisdikzioa arautzen duen ekainaren 13ko 29/1998 Legearen 44. artikuluan ezarritako moduan eta epeetan.
6. Ebazpen hau Nafarroako Aldizkari Ofizialean argitaratzea.
7. Ebazpen hau igortzea Murchanteko alkateari, Hezkuntzako Ikuskapen Zerbitzuari, Ikastetxeen, Ikasketetarako Laguntzen Zerbitzuari, Ikastetxeen eta haien Finantzaketaren Atalari, Arte Irakaskuntzaren Atalari, Informazioa Kudeatzeko Bulegoari, Ikastetxe Publikoak Finantzatzeko Bulegoari eta Ikastetxeak Baimendu eta Erregistratzeko Bulegoari.
Iruñean, 2009ko irailaren 18an.-Ikuskapenaren eta Zerbitzuen zuzendari nagusia, Francisco Javier Esparza Sánchez.
Iragarkiaren kodea: F0923158
