Iragarkia

125. ALDIZKARIA - 2009ko urriaren 9a

1. NAFARROAKO FORU KOMUNITATEA

1.4. DIRU-LAGUNTZAK, LAGUNTZAK ETA BEKAK

547/2009 EBAZPENA, irailaren 23koa, Ikuskapenaren eta Zerbitzuen zuzendari nagusiak emana, Lehen Hezkuntzan eta Derrigorrezko Bigarren Hezkuntzan ikasliburuak erosteko 2009-2010 ikasturteko laguntzetarako deialdia onesten duena.

Ikusirik 2009-2010 ikasturtean ikasliburuak erosteko laguntzetarako deialdiari buruz departamentu honetako Ikastetxeen eta Ikasketetarako Laguntzen Zerbitzuko zuzendariak aurkeztutako txostena.

Hori horrela, Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluak ematen dizkidan ahalmenak erabiliz,

EBATZI DUT:

1. 2009-2010 ikasturtean Lehen Hezkuntzan eta Derrigorrezko Bigarren Hezkuntzan ikasliburuak erosteko laguntzetarako deialdia onestea. Haren testua ebazpen honen eranskinean ageri da.

2. Deialdia eta eranskinak Nafarroako Aldizkari Ofizialean argitara daitezela agintzea.

3. Deialdi honen finantzaketa, osotara 1.294.256 euro, 2009. ekitaldirako aurrekontuko "Ikasliburuak eta ikasmateriala erosteko laguntzak" izeneko 410002/41150/4800/322D00 kontu-sailaren kargura eginen da. Kopuru hortatik 235.000 euro Nafarroako Gobernuaren ekarpenari dagozkio, eta 1.059.256 euro Hezkuntza Ministerioaren ekarpenari dagozkio.

4. Ebazpen hau eta eranskina igortzea Ekonomia eta Ogasun Departamentuak Hezkuntza Departamentuan duen kontu-hartzaile delegatuari, Zerbitzuak Ikuskatzeko eta Ikuskapen Teknikorako Zerbitzuari, Ikastetxeen eta Ikasketetarako Laguntzen Zerbitzuari, Ikasketetarako Laguntzen Atalari, Beka Bulegoari eta Kudeaketa Ekonomikoaren Bulegoari, behar diren ondorioak izan ditzaten.

Iruñean, 2009ko irailaren 23an.-Ikuskapenaren eta Zerbitzuen zuzendari nagusia, Francisco Javier Esparza Sánchez.

ERANSKINA

IKASLIBURUAK EROSTEKO LAGUNTZETARAKO DEIALDIA 2009-2010 IKASTURTEA

2009-2010 ikasturtean ikasliburuak erosteko laguntzetarako deia egin da, nahitaez bete beharreko arau hauei jarraikiz.

I. Deialdiaren izaera.

1. araua. 1. Hezkuntza Ministerioaren eta Nafarroako Gobernuko Hezkuntza Departamentuaren arteko lankidetza hitzarmenari jarraikiz, 2009-2010 ikasturtean ikasliburuak erosteko laguntzetarako deialdi bakarra egin da. Hezkuntza Ministerioak finantzatzen du hein batean.

Deialdi honetan araututako laguntzak eman eta ordaintzeko, indarra duen gastuen aurrekontuko "Ikasliburuak eta ikasmateriala erosteko laguntzak" izeneko kontu-saileko dirua erabiliko da. Laguntza guztiak ordaintzeko nahikoa diru ez badago, deialdiko baremoaren araberako lehentasun hurrenkerari jarraikiz ordainduko dira. Kreditu ezagatik ordaintzen ez diren eskaerak ukatutzat hartuko dira.

1. araua. 2. Oro har, deialdiko ikasliburuak erosteko laguntzak bateraezinak dira xede bererako bestelako entitate edo pertsona publiko nahiz pribatuek ematen dituzten laguntzekin.

II. Deialdian sartzen diren ikasketak eta ikastetxeak.

2. araua. 1. Deialdi honetan sartzen diren beka edo laguntzak ondoko ikasketa hauetarako izanen dira:

-Lehen Hezkuntzako lehen eta bigarren kurtsoak.

-Derrigorrezko Bigarren Hezkuntzako bigarren eta hirugarren kurtsoak.

Derrigorrezko hezkuntzako gainerako kurtsoak ikasliburuak doan eskuratzeko 2009-2010 ikasturterako programan sartzen dira.

2. araua. 2. Beka edo laguntza eskatzen duten ikasleak Nafarroako Foru Komunitateko ikastetxe publikokoak izanen dira, edo, bestela, Hezkuntza eta Kultura Departamentuak aitortu eta baimendutako ikastetxe pribatu itunduetakoak.

2. araua. 3. Laguntzak 2.2 arauan sartzen diren ikasleen familiek, 2007-2008 ikasturtean Hezkuntza eta Zientzia Ministerioak liburuak erosteko deitutako laguntzak jaso zituztenek, eskatzen ahalko dituzte, betiere hezkuntza maila aldatzen ez badute.

Hezkuntza mailak kurtso hauek osatuko dituzte:

Lehen Hezkuntzako maila: Lehen Hezkuntzako lehen eta bigarren kurtsoak.

Bigarren Hezkuntzako maila: Derrigorrezko Bigarren Hezkuntzako bigarren eta hirugarren kurtsoak.

(Gainerako kurtsoak doan eskuratzeko programan sarturik daude).

2. araua. 4. Halaber, 2.2 arauan sartzen diren ikasleen familiek eskatzen ahalko dituzte, betiere familia bakoitzaren 2008ko errentaren gaineko aitorpenak gehieneko muga hauek gainditu ez baditu:

Zortzi kide baino gehiagoko familien kasuan, 4.127 euro gehituko dira kide konputagarri bakoitzeko.

Laguntzak eskatzaileei emanen zaizkie, betiere deialdian ezarritako errenta tarteetan badaude, familiaren per capita errentarik txikienetik hasita.

III. Laguntzen zenbatekoa.

3. araua. Deialdiko laguntzen xedea da behar duten familiei, batez ere premia sozio-ekonomiko larriak dituzten horiei, sostengua ematea, ikasturtearen hasieran liburuak eta gainerako ikasmateriala erosteko gastuak ordaintzeko. Laguntzak 114 eurokoak izanen dira Lehen Hezkuntzako ikasleentzat, eta 138 eurokoak Derrigorrezko Bigarren Hezkuntzakoentzat.

IV. Familiaren errenta.

4. araua. 1. Familiaren errenta.

a) Familia unitatea zer den.

Bekarako, familia unitateko kide hauek hartuko dira kontuan: ikaslea, haren aita eta ama edo, bidezko bada, tutorea edo ikasle adingabea zaindu eta babesten duen pertsona, eta senide ezkongabeak, 2008ko abenduaren 31n 30 urte baino gutxiago badituzte eta egun horretan familiaren etxean bizi badira, edo zaharragoak, legez %33ko edo hortik goitiko elbarritasuna badute, bai eta gurasoen aurrekoek ere, familiaren etxean bizi direla frogatzen badute dagokion udal ziurtagiriaren bidez.

Gurasoak bereiziak edo dibortziatuak badaude, beka eskatzen duen ikaslearekin bizi ez dena, aita edo ama, ez da zenbatuko.

Berriz ezkondu diren edo antzeko egoeraren batean dauden alargun edo dibortziatuen kasuan, ezkontide berria edo elkartutako pertsona familia unitateko kidetzat hartuko da ondorio guztietarako.

b) Familia unitateko kide bakoitzaren errenta nola kalkulatu.

Banakako errentatzat hartuko da:

-Zerga oinarriaren zati orokorra.

-Ken ezkontidearen aldeko konpentsazio pentsioak eta elikatzeko urteko sariak, epailearen erabakiz eskatzailearen seme-alaben alde ezartzen direnak izan ezik, eta bikotekide egonkorraren alde ordaindutako kantitate legez galdagarriak.

-Gehi likidazio oinarri berezia, gehi oinarri horri aplikatzen ahal zaizkion murrizketak norberaren gutxienekoagatik, familiari dagokion gutxienekoagatik eta Gizarte Segurantzari aplikatzen ahal zaizkion kotizazioak.

Horretarako, banakako errenta kalkulatuko da 2008ko ekitaldiko pertsona fisikoen errentaren gaineko zergari dagozkion laukiekin egiten diren eragiketa hauen bidez:

507 laukia - 511 laukia + 524 laukia+ 811 laukia+ 812 laukia

-PFEZaren aitorpena egin behar ez duen kiderik baldin badago familia unitatean, banakako errenta 2008an lortutako diru-sarrera gordinek osatuko dute, bertan sartuta errentan utzitako higiezinen errentak eta enpresa, lanbide eta nekazaritzako jardueren etekin garbiak. Ateratzen den zenbatekotik besteren konturako langileen Gizarte Segurantzako kotizazioak kendu beharko dira.

c) Familiaren errenta erabilgarriaren kalkulua.

-Familiaren errenta erabilgarria hauek batuta ateratzen da: eskatzailearen eta ezkontidearen banakako errentak eta familia unitateko gainerakoen banakako errenten %50 (aurreko atalean ezarritakoaren arabera kalkulatutako errentak). Guztira ateratzen den zenbatekoari familia unitateko kideen 2008ko ekitaldiko pertsona fisikoen errentaren gaineko zergako aitorpenetako aurretiazko kuota diferentziala kenduko zaio.

4. araua. 2. Familiaren errenta erabilgarriaren kenkariak.

Bekarako familiaren errenta erabilgarria lehen ezarririkoaren arabera kalkulaturik, 2.754 euro kenduko dira eskatzailea ofizialki aitorturiko familia ugari bateko kidea denean.

4. araua. 3. Eskatzailea ikaslearen familiako burua izanen da eta ondoko baldintza hauek bete beharko ditu:

PFEZaren zergadun izanen dira bai eskatzailea bai familia unitateko gainerako kideak, errenta aitorpena egitera behartuta egonez gero. Zerga arloko betebeharrak eguneratuak izan beharko dituzte denek.

Bekarako eskaera aurkezteak berarekin dakar Hezkuntza Departamentuari baimena ematea ondareari eta errentei buruz behar dituen datuak tributu administrazioen edo eskatzailearen bidez lortzeko, betiere bekaren ondorioetarako.

V. Eskaeren aurkezpena.

5. araua. 1. Eskaerak ebazpen honetako 1. eranskinean ageri diren inprimaki ofizialetan aurkeztu beharko dira. Inprimaki horiek dohainik banatuko zaizkie interesdunei, ikastetxeetako idazkaritzetan.

Eskaerak web orri honen bidez ere egiten ahal dira: www.navarra.es (bekak eta laguntzak). Web orri horretan laguntzako loturak daude (on line tramite guztietarako), ziurtagiri digital baliodunei eta agirien eskaneatzeari buruzkoak.

5. araua. 2. Eskaerak ikasleak 2009-2010 ikasturterako matrikula duen ikastetxean aurkeztuko dira. Halaber www.navarra.es (bekak eta laguntzak) web orriaren bidez egiten ahal dira.

5. araua. 3. Eskaerekin batera ondoko agiri hauek aurkeztuko dira:

-Familia buruaren, ezkontidearen eta ikaslearen NANaren eta IFZren fotokopiak.

-Familia unitateko kideek ez badute PFEZaren aitorpenik egin, ez baitaude beharturik horretan, eskaerari hauxe erantsi beharko diote:

-Besterentzat lanean ari direnen edo pentsiodunen kasuan, 2008. urtean izandako diru-sarreren frogagiria.

-Enpresaburu edo profesional liberalen kasuan, 2008. urtean jasotako diru-sarreren aitorpena.

5. araua. 4. Ikasle eskatzaileen guraso, tutore edo legezko ordezkariek baimena emanen diote ikasle onuraduna matrikulatuta dagoen ikastetxeko zuzendariari ikasleak ikastetxeko kontu korrontearen bidez laguntza jaso dezan.

Baimen hori, laguntzaren onuradunaren guraso-ahalgoa duen pertsonak sinatuko duena, idatziz adieraziko da inprimakian, horretarako utzitako lekuan.

5. araua. 5. Eskaerak aurkezteko epea 10 egunekoa izanen da, deialdia Nafarroako Aldizkari Ofizialean argitaratzen denetik aurrera. Eskaerak hartzen dituzten ikastetxeek, eskabideak ongi beteak eta behar diren agiriekin batera aurkezten direla egiaztatuko dute. Eskabidea ongi bete ondoren, ikastetxeak zigilua eta data paratuko dizkio horretarako utzitako lekuan.

VI. Eman eta ukatzea.

6. araua. 1. Eskaerak hartzen dituen ikastetxe bakoitzeko Eskola Kontseiluko buruak ondoko jarduera hauek eginen ditu:

1. Eskaera ezarritako epean aurkeztu dela egiaztatzea.

2. Ikaslea Lehen Hezkuntzako 1. edo 2. kurtsoan edo Derrigorrezko Bigarren Hezkuntzako 2. edo 3. kurtsoan matrikulaturik dagoela berrestea.

3. Ikastetxeari eta ikaslearen familiaren egoerari buruz eskabidean eskatzen diren datuak betetzea.

4. Eskabidea ongi betea dagoela aztertzea.

5. Ikastetxeko eskola kontseiluari bilera bat egiteko dei egitea, kide anitzeko organo kolegiatu horrek eskaerak aztertu eta baldintza akademikoak betetzen dituzten ikasleen zerrenda onets dezan eskaerak formalizatzeko. (II. eranskina).

6. Eskaerak aurkezteko epea bukatu eta astebeteko epean, aurkezturiko eskaeren eta agirien zerrendak Hezkuntza Departamentuko Beka Bulegora igortzea, laguntza eman edo ukatzeko tramitatzen ahal daitezen.

6. araua. 2. Ikastetxeen eta Ikasketetarako Laguntzen Zerbitzuak eskatzaileei jakinaraziko dizkie beren eskaeretan egin dituzten akatsak, horiek zuzendu ditzaten jakinarazpena jaso eta 10 egun balioduneko epean.

VII. Ebazpena eta erreklamazioak.

7. araua. 1. Ikastetxeek eskaerak igortzeko epea bukatu eta hurrengo 3 hilabetean, Ikuskapenaren eta Zerbitzuen zuzendari nagusiak "Ikasliburuak erosteko laguntzen deialdia" behin-behineko ebatziko du, eta ebazpen hori Nafarroako Aldizkari Ofizialean argitaratuko da.

Ikastetxe bakoitzeko iragarki oholean ikastetxeko ikasleei onartu eta ukaturiko laguntzen behin-behineko zerrendak jarriko dira ikusgai, gutxienez ere 15 egunez. Ebazpenean aipatzen diren administrazioko bulegoetako iragarki oholetan ere paratuko da behin-behineko ebazpen horretako zerrenda osoa, 15 egunez.

Behin-behineko zerrendetan ageri ez diren eskaerak ukatu direla ulertuko da.

7. araua. 2. Behin-behineko ebazpenarekin ados ez dauden eskatzaileek espedienteak berraztertzeko eskaera egiten ahalko diote Ikastetxeen eta Ikasketetarako Laguntzen Zerbitzuari, behin-behineko ebazpena Nafarroako Aldizkari Ofizialean argitaratu eta biharamunetik 15 egun balioduneko epean, bidezkotzat jotzen dituzten arrazoiak azalduz. Zerbitzu horrek, halaberean, ofizioz berrikusten ahalko ditu espedienteak, deialdi honetan ezarritakoaren aurkako arau-hausterik edo akatsik baldin bada.

7. araua. 3. Berraztertzeko eskaerak aurkezteko epea bukatu eta hurrengo bi hilabeteen barruan, Ikastetxeen eta Ikasketetarako Laguntzen Zerbitzuak proposaturik eta aurretik beka batzordeari galdeturik, Ikuskapenaren eta Zerbitzuen zuzendari nagusiak ebazpen bat emanen du, baldin eta ofizio bidezko berrikuspenak, edo interesdunak hala eskatutakoak, behin-behineko ebazpenean aldaketak ekarri baditu. Ebazpen hori Nafarroako Aldizkari Ofizialean argitaratzen denean, laguntzak behin betikoak izanen dira, eta zerrendak jendaurrean jarriko dira, Departamentuko iragarki oholean. Eskaera egin duten ikasleen zerrenda dagokien ikastetxeetan egonen da ikusgai.

Beken batzordeak kide hauek izanen ditu:

Batzordeburua: Ikuskapenaren eta Zerbitzuen zuzendari nagusia.

Batzordeburuordea: Ikastetxeen eta Ikasketetarako Laguntzen Zerbitzuko zuzendaria.

Kontseilukideak: Unibertsitateko Irakaskuntza, Hedapen eta Ikerketa Zerbitzuko zuzendaria edo haren eskuordetza duena.

Nafarroako Foru Komunitateko Hezkuntzako Goi mailako Ikuskatzailetzaren Arloko zuzendaria.

Ikasketetarako Laguntzen Ataleko burua.

Beka Bulegoko burua.

Hezkuntzako ikuskatzaile tekniko bat.

Ekonomia eta Ogasun Departamentuko ikuskatzaile edo kudeatzaile bat.

Unibertsitateaz kanpoko mailetako ikasleen bi aita edo ama.

Unibertsitate mailako bi ikasle, bata Nafarroako Unibertsitate Publikokoa eta bestea Nafarroako Unibertsitatekoa.

Unibertsitateetako bi ordezkari, unibertsitate bakoitzeko bat.

Idazkaria: Hezkuntza Departamentuko letradu bat.

7. araua. 4. Emandako beken behin betiko zerrenda hura onesten duen ebazpenean azaltzen diren administrazio bulegoetako iragarki oholetan jarriko da. Zerrendetan ageri ez diren eskaerak ukatu direla ulertuko da.

7. araua. 5. Laguntzak emateko behin betiko ebazpenaren aurka gora jotzeko errekurtsoa paratzen ahalko da, Hezkuntzako kontseilariari igorria, deialdi honen 7.3 arauan aipatutako ebazpena Nafarroako Aldizkari Ofizialean argitaratu eta biharamunetik hilabeteko epean.

7. araua. 6. Erreklamazioa onartu ahal izateko, ikastetxe hartzailearen beka eskaeraren gordekin zenbakiduna eta zigilatua aurkeztu beharko da.

VIII. Laguntzen ordainketa.

8. araua. 1. Familiako buruak izanen dira beken hartzaileak.

8. araua. 2. Onuradunek 2009-2010 ikasturtean egin beharreko kurtsoko ikasliburuak erosteko erabili beharko dute laguntza. Laguntza kobratu ahal izateko, ikastetxeak egiaztatu beharko du ikasleak egiten ari den irakasgaietako liburuak dituela; hala ez bada, salbuespen gisa, ikastetxeak erosten ahalko dizkio liburuak onuradunari.

8. araua. 3. Laguntza ordaintzeko, transferentzia bat eginen da ikasle onuraduna matrikulatuta dagoen ikastetxearen kontu korrontera.

Laguntzak jaso dituzten ikastetxeetako zuzendariek, hilabeteko epean, laguntzak jaso eta kobratu dituztela ziurtatu beharko dute Ikastetxeen eta Ikasketetarako Laguntzen Zerbitzuko Beka Bulegoan, ebazpen honetan ageri den ereduari jarraikiz (III. eranskina).

IX. Datuak bildu eta uztea.

9. araua. Beka edo laguntzen eskatzaileek inprimaki ofizialetan eskatzen zaizkien datu guztiak eman beharko dituzte. Datu horiek ez emateak eskatutako beka ukatzea ekarriko du.

Inprimaki horretan jarritako datu pertsonalak, eta bekak edo laguntzak emateko eskatzen diren gainerako agiriak, Hezkuntza Departamentuko Ikastetxeen eta Ikasketetarako Laguntzen Zerbitzuaren ardurapeko fitxategi automatizatuan sartuko dira.

Aipatu unitate organikoak edozein unetan erabil ditzake fitxategi horretako datuak, egiazkoak ote diren baieztatzeko.

Hezkuntza Departamentuak familia unitateko kideen datu ekonomiko-finantzarioak eskatzen ahalko dizkie zergen arloan eskumena duten organoei, transmisio elektronikoz, paperean edo euskarri informatikoan, deialdi honen 4. arauan aipatutako betebehar ekonomikoak osatzeko: diru-sarrerak, errentak, inbertsioak, ondareko ondasunak, laguntzak, onurak, pentsio planak eta abar.

X. Errekurtsoak.

Deialdiaren aurka, bai eta deialdiko arau eta egintza administratiboen aurka ere, gora jotzeko errekurtsoa jartzen ahalko da, Hezkuntzako kontseilariari igorria, hilabeteko epean, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Foru Legearen 114. eta 115. artikuluetan ezarritakoarekin bat.

I. ERANSKINA

IKASLIBURUAK EROSTEKO LAGUNTZETARAKO DEIALDIA 2009-2010 IKASTURTEA

Beka edo laguntza eskatzeko inprimakia

1. Eskatzen duen familiako buruaren edo tutorearen datuak.

Lehen deitura, bigarren deitura, izena: ..................... IFZ:

Helbidea eta herria: ............. Kalea edo plaza, zenbakia eta solairua: ............................... Posta kodea: ......................

Telefonoa:

2. Ikaslearen datuak:

Lehen deitura, bigarren deitura, izena:

Sexua: Emakumea ? Gizonezkoa ?

Jaioteguna: ...... /...... /............ IFZ:

Ikaslea ofizialki aitorturiko familia ugari batekoa da.

Bai ? Ez ?

3. Datu akademikoak eta plaza erreserbatu duen ikastetxekoak:

2009-2010 ikasturtean zein ikastetxetan ikasiko duen: ......................

Herria:

Ikastetxe mota: Publikoa ? Itundua ?

2009-2010 ikasturtean eginen duen kurtsoa:

Ikasketa maila:

Eskaeraren gordekina:

Eskatzailearen izen-deiturak:

Ikaslearen izen-deiturak:

Eskaera zein ikastetxetan eman den:

Eguna eta ikastetxearen zigilua:

4. Familiaren datuak, 2008. urteari dagozkionak (familia unitateko kideak izan eta etxe berean bizi diren bestelako pertsonak).

5. Eskatzaile guztiek bete beharrekoa:

...................................... jaunak/andreak, ikaslearen aita/ama edo tutorea denak, baimena ematen dio ikasle hori matrikulatuta dagoen .......................... ikastetxeko zuzendariari, bekaren onuraduna baldin bada, ikastetxe horren kontu korrontearen bidez haren zenbatekoa kobratzeko.

Ikasliburuak erosteko Nafarroako Gobernuak ematen dituen laguntzen deialdian parte hartzeko eskaera egiten dut, haren arauak onartzen ditut, nire erantzukizunpean adierazten dut onuradun izateko debeku batean ere ez nagoela, eskabide honetan aipatutako datu guztiak egiazkoak direla eta jakin badakit datuak egiazkoak edo zehatzak ez badira, beka edo laguntza ukatu edo kenduko dela.

................................... ..............(e)n, 200...ko ..........aren ....(e)an

Eskatzailearen sinadura

6. Familia unitatearen 2008ko datu ekonomikoak.

Familia unitatearen 2008ko diru-sarrerak, PFEZaren aitorpena egitera beharturik egon ezean. ......................... euro.

2008. urtean Nafarroako foru ogasunaren zergadun izan ez diren eskatzaileek, zerga horren aitorpena aurkeztera beharturik badaude, aitorpen horren kopia aurkeztu beharko dute.

Besteek, alegia, PFEZeko aitorpenik aurkeztu beharrik ez daukatenek agirien bidez frogatu beharko dituzte familia unitateko kideen diru-sarrera guztiak.

Garrantzitsua:

Beka edo laguntzen eskatzaileek inprimaki ofizialetan eskatzen zaizkien datu guztiak eman beharko dituzte. Datu horiek eman nahi ez izateak eskatutako beka ukatzea ekar dezake berarekin.

Inprimaki horietan eta laguntza emateko eskatutako gainerako agirietan emandako datu pertsonalak fitxategi informatizatu batean sartuko dira, Hezkuntza Departamentuko Ikastetxeen eta Ikasketetarako Laguntzen Zerbitzuaren erantzukizunpean.

Unitate organiko horrek zilegi izanen du edozein unetan fitxategi horretako datuak egiaztatzea.

Hezkuntza Departamentuak familia unitateko kideen datu ekonomiko-finantzarioak eskatzen ahalko dizkie zergen arloan eskumena duten organoei, transmisio elektronikoz, paperean edo euskarri informatikoan, betebehar ekonomiko hauek osatzeko: diru-sarrerak, errentak, inbertsioak, ondareko ondasunak, subsidioak, onurak, pentsio planak, zerga beharkizunak eta beste.

Hezkuntza Departamentuak onuradunei buruzko identifikazio datuak eta haien ikasketei, laguntzen zenbatekoei eta laguntzak eman edo ukatzeko kontzeptuei buruzkoak ematen ahalko dizkie ikastetxeei, bertan aurkezturiko eskaerei dagokienez.

7. Ikasleak laguntza zein ikasketatarako eskatzen duen.

2009-2010 ikasturtean eginen dituen ikasketak.

Lehen Hezkuntza: 1. 2.

Derrigorrezko Bigarren Hezkuntza 2. 3.

Gogoan izan eskatzen diren datu guztiak bete behar direla.

Ez ahaztu laguntza eskatzeko dokumentazio osoa aurkeztu behar dela:

-Eskatzailearen eta 14 urtetik gorako familiako kide guztien NANaren eta IFZren fotokopia.

-Pertsona Fisikoen Errentaren gaineko Zergari atxiki gabeko diru-sarrerak egiaztatu beharko dira entitate ordaintzailearen ziurtagiriarekin.

-Kenkariak egiten direnean: familia ugariaren titulua.

-Familia unitateko kideen bizikidetza ziurtagiria.

-Familia unitateko kideek ez badute PFEZaren aitorpenik egin, ez baitaude beharturik horretan, eskaerari hauxe erantsi beharko diote:

• PFEZaren aitorpenik egitera beharturik ez dagoela justifikatzeko agiria.
• Besterentzat lanean ari direnen edo pentsiodunen kasuan 2008. urtean izandako diru-sarreren frogagiria.
• Enpresaburu edo profesional liberalen kasuan, 2008. urtean jasotako diru-sarreren aitorpena.

II. ERANSKINA

....................... jaun/andrea

Ikastetxeko Eskola Kontseiluko burua

Herria:

Ikastetxearen IFZ:

Ziurtatzen du:

a) Eskola Kontseiluak, 200..(e)ko ...............aren (e)an.......... egindako bilkura berezian, Nafarroako Gobernuak ikasliburuak erosteko laguntzetarako egin duen deialdian aurkeztutako eskaerak aztertu dituela.

b) ....../..... Ebazpenaren 4.2. araua betez, / ...... Eskola Kontseiluak eskaera zerrenda hau onetsi du:

c) Ondoren aipatzen diren ikasleek ez dituzte deialdian eskatutako baldintzak betetzen:

etab.

Eta hala ager dadin, ziurtagiri hau luzatu dut ...........(e)n, 200..(e)ko ...........aren ..........(e)an. 200 ....

III. ERANSKINA

....................... jaun/andrea

Ikastetxeko zuzendaria

Herria:

Ikastetxearen IFZ:

Ziurtatzen du:

Lehena.-........ banketxean ..................... ikastetxearen izenean irekitako ................. zenbakiko kontu korrontean ...... euro jaso dituela, Hezkuntza Departamentuak igorriak, 2009-2010 ikasturtean ikasliburuak erosteko .......... laguntzarengatik, ondoko ikasle hauentzat:

Bigarrena.-Laguntza horien zenbateko osoa zerrenda horretako ikasleei eman diela, deialdian finkatutako helbururako.

Eta hala ager dadin, ziurtagiri hau luzatu dut ...........(e)n, 200..(e)ko ...........aren ..........(e)an.

Iragarkiaren kodea: F0923295