1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
2477/2009 EBAZPENA, irailaren 7koa, Funtzio Publikoaren zuzendari nagusiak emana, Nafarroako Foru Komunitateko Administrazioaren eta haren erakunde autonomoen zerbitzuko erdi mailako tituludun (Administrazioa) izateko lau lanpostu huts lekualdatze lehiaketa bidez betetzeko deialdian onartu eta baztertu diren izangaien behin-behineko zerrenda onetsi eta Langileen Batzordeak epaimahaian izanen dituen ordezkariak izendatzen dituena.
Funtzio Publikoaren zuzendari nagusiak maiatzaren 25ean emandako 1487/2009 Ebazpenaren bitartez, Nafarroako Foru Komunitateko Administrazioaren eta haren erakunde autonomoen zerbitzuko erdi mailako tituludun (Administrazioa) izateko lau lanpostu huts lekualdatze lehiaketa bidez betetzeko deialdia onetsi zen. Ebazpena 2009ko 78. Nafarroako Aldizkari Ofizialean argitaratu zen, ekainaren 26an.
Eskaerak aurkezteko epea bukaturik, bidezko da deialdian onartu eta baztertu diren izangaien behin-behineko zerrenda onestea.
Bidezkoa da, halaber, Administrazio Erroko Langileen Batzordeak epaimahaia osatzeko proposaturiko kideak izendatzea.
Horrenbestez, otsailaren 21eko 30/2005 Foru Dekretuaren bidez esleiturik ditudan eskudantziak erabiliz,
EBATZI DUT:
1. Nafarroako Foru Komunitateko Administrazioaren eta haren erakunde autonomoen zerbitzuko erdi mailako tituludun (Administrazioa) izateko lau lanpostu huts lekualdatze lehiaketa bidez betetzeko deialdian onartu eta baztertu diren izangaien behin betiko zerrenda onestea. Ebazpen honen eranskinean ageri da.
Izangai baztertuek bost egun naturaleko epea izanen dute, behin-behineko zerrenda Nafarroako Aldizkari Ofizialean argitaratzen denetik, erreklamazioak aurkezteko eta, akatsik egin badute, zuzentzeko.
2. Administrazio Erroko Langileen Batzordeak epaimahaian izateko proposatu dituen ordezkariak izendatzea: Begoña De Frutos Alvarez, mahaikide titular, eta Jerusalén Núñez Rosón, ordezko mahaikide.
3. Ebazpen hau mahaikideei igortzea, eta Nafarroako Aldizkari Ofizialean argitara dadila agintzea, behar diren ondorioak izan ditzan.
Iruñean, 2009ko irailaren 7an.-Funtzio Publikoaren zuzendari nagusia, Gregorio Eguílaz Gogorza.
ERANSKINA
Onartu eta baztertuen behin-behineko betiko zerrenda
Onartuak:
CORTES BUENO, JESUS JAVIER
GOIBURU IMAZ, MARIA JESUS
LABORDA SANCHEZ, LUIS MARIANO
Baztertuak:
Deialdiko 3.1. oinarriko c) letran eskatutako baldintza ez betetzeagatik:
AUZMENDI ALUSTIZA, IÑAKI XABIER
NARBAIZA AMILLATEGI, IDOIA
Iragarkiaren kodea: F0922758
