120. ALDIZKARIA - 2009ko irailaren 30a

1. NAFARROAKO FORU KOMUNITATEA

1.5. ESTATUTUAK ETA LAN HITZARMEN KOLEKTIBOAK

1214/2009 EBAZPENA, irailaren 1ekoa, Arriskuen Prebentziorako eta Lanaren zuzendari nagusiak emana, Lizarrako "BSH Electrodomésticos España. S. A." enpresaren lan hitzarmen kolektiboaren testua erregistratu, gorde eta Nafarroako Aldizkari Ofizialean argitaratzea erabakitzen duena (espediente zenbakia: 49/2009).

2009ko abuztuaren 14an, departamentu honetan sartu zen aipatu enpresaren lan hitzarmen kolektiboaren testua, 13 artikuluz eta 10 eranskinez (2009rako ordainsarien taula) osatua, enpresaren ordezkariek eta Enpresa Batzordearen zati batek (UGT eta CCOO) 2009ko uztailaren 20an izenpetu eta onetsia.

Estatuaren lan arloko eginkizunak Nafarroako Foru Komunitateari eskualdatzeko apirilaren 11ko 937/1986 Errege Dekretuan ezarritakoari jarraikiz, Berrikuntza, Enpresa eta Enplegu Departamentuak du lan hitzarmen kolektiboak erregistratu, gorde eta argitaratzeko eskumena. Eginkizun horiek martxoaren 24ko 1/1995 Legegintzako Errege Dekretuaren 90. artikuluan ezarrita daude. Horiek horrela, kontuan hartu da Lan hitzarmen kolektiboen erregistro eta gordailuei buruzko maiatzaren 22ko 1040/1981 Errege Dekretuan ezarritakoa.

Adierazitakoarekin bat eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluak ematen dizkidan eskudantziak erabiliz,

EBATZI DUT:

1. Lizarrako "BSH Electrodomésticos España. S. A." enpresaren lan hitzarmen kolektiboa (kodea: 3100831) erregistratzea, Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestaturik dagoen liburuan, eta bertako administrazio unitatean testua eta dokumentazioa gordetzea.

2. Ebazpen hau Negoziazio Batzordeari jakinaraztea, eta adieraztea ebazpenak ez duela administrazio bidea amaitzen eta haren aurka gora jotzeko errekurtsoa jartzen ahal dela, Berrikuntza, Enpresa eta Enplegu Departamentuko kontseilariari zuzendua, jakinarazi eta biharamunetik hilabeteko epean.

3. Ebazpen hau Nafarroako Aldizkari Ofizialean argitaratzea, orok jakin dezan.

Iruñean, 2009ko irailaren 1ean.-Arriskuen Prebentziorako eta Lanaren zuzendari nagusia, Imelda Lorea Echavarren.

2009-2011ko LAN HITZARMEN KOLEKTIBOA. BSH ELECTRODOMÉSTICOS ESPAÑA, S.A.

Lizarrako planta

1.-Atarikoa.

Aurreko lan hitzarmenaren atarikoan adierazi bezala, egungo krisi ekonomikoaren ondorioz larriago bilakatu den zalantza handiko ingurune batean bizi irauteko aukera bakarra bi alderdi hauei behar bezala erantzutea da:

-Batetik, lehiakortasunaren galera gelditzea. Horretarako, ezinbestekoa da industria kostu guztiak kontrolatu eta murriztea, kalitatea nabarmen hobetzea, eta bezeroen arreta hobetzea, produktuak behar dituztenean fabrikatuz eta entregatuz (malgutasuna).

-Bestetik, beharrezkoa da produktuen "desberdintasuna" bilatzea, bai eta horiek modu desberdinean entregatu eta aurkeztea ere, lehiakideekiko zuzeneko konparazioari ihes egiteko.

Gure plantaren egoerak okerrera egin du azken hiru urteotan, inguruabar hauek direla medio:

-Produktu tradizionalak eta sartu berriak -berogailuak, aire girotua, hezetasuna kentzeko makina eta lisatzeko robota- desagertzea.

-2010ean plantaren antolaketa, diseinua eta neurriak etorkizuneko produktuetara egokitzeko beharra.

Kontuan hartuta bai langileak bai Zuzendaritza ukitzen dituen helbururik garrantzitsuena dela plantaren industria bideragarritasuna epe labur, ertain eta luzean bermatzea, harreman esparru egoki batean sakondu nahi dute, honako hauek lortzeko:

-Kostuen kontrola eta murrizketa erraztu eta eragitea.

-Kalitatea etengabeki hobetzeko motibatzea.

-Behar den ekoizpen malgutasuna eta ahalmena, merkatuen eta egungo edo etorkizuneko produktuen berezitasunetara egokitutakoa.

-Langile guztien parte-hartzea sustatzea.

-Etorkizuneko arazoei edo erronkei aurrea hartzeko elkarrizketa irekia eta erantzulea sustatzea.

Hori guztia bere produktuek eta merkatuek ematen dioten berezitasuna finkatzeko, haiekin bat datorren ahalik eta kudeaketa eta ekoizpen eredurik malguenaren bidez.

2.-Baldintza orokorrak.

2.1. Xedea.

Lan hitzarmen honen bidez, BSH Electrodomesticos España, S.A. enpresaren (Lizarrako planta) eta bertako langileen arteko harremanak arautuko dituzten baldintzak ezartzen dira. Baldintzok lehentasuna izanen dute lan arloko gainerako arauen aldean.

2.2. Lurralde eremua.

BSH Electrodomesticos España, S.A. enpresako (Lizarrako planta) Langileria Eremuko langileak ukituko ditu.

2.3. Langileria Eremua.

Lan hitzarmen honek plantillako langile guztiei eraginen die, edozein direla norberaren lanbide taldea eta maila ondorio guztietarako, salbu eta baldintza ekonomikoak, banaka itunduko direnak honako hauekin:

-1., 2. eta 3. lanbide taldeetan eta A eta B mailetan sartzen direnak.

-Praktikaldiko kontratatuak, Langileen Estatutuaren 11. artikuluaren babespean kontratatutakoak arau horretan ezarritako gutxieneko lansariari dagokionez.

Zuzenean ukitutako alderdien artean hitzartzen ahal diren bestelako baztertze berariazkoak.

2.4. Denbora eremua.

Erabaki da lan hitzarmen kolektiboak 3 urterako indarraldia izatea, 2009ko urtarrilaren 1etik 2011ko abenduaren 31ra, hain zuzen.

2.5. Luzapena.

Amaiera iragartzen ez bada, hurrengo artikuluan aipatzen diren baldintzei jarraikiz, lan hitzarmena urtetik urtera luzatuko da, baldintza berberetan.

2.6. Amaiera iragartzea.

Edozein alderdik, enpresak zuzendaritza organoen bidez eta langileek beren ordezkarien gehiengoaren erabaki bidez, lan hitzarmenaren amaiera iragartzen ahalko du, indarraldia edo, hala badagokio, kasuko luzapena amaitu baino gutxienez ere hiru hilabete lehenago. Amaiera iragartzen duen idazkia, negoziazioa bultzatzen duena, erakunde eskudunean aurkeztuko da eta beste alderdiari igorriko zaio, negoziazioaren xedeko gaiak zehazki adierazita; hartutako erabakiaren ziurtagiria ere gehituko zaio.

Hitzarmenaren amaiera bere denboran eta behar bezala iragarrita, eta indarraldia bukaturik, behin-behinekoz aplikatuko da harik eta ordezko beste akordio bat egin arte, edo alderdiak behartzen dituen arbitrajea edo ebazpena eman arte.

2.7. Baldintzak aldatzea.

Lan hitzarmen honek indarra hartzearekin batera, egun indarrean diren lan baldintzak lan hitzarmen honetan ezarritakoengatik ordeztuko dira.

2.8. Akordio osagarriak.

Lan hitzarmen hau indarrean den bitartean bi ordezkaritzek formari, aurreikusi gabeko hobekuntzei eta, oro har, itundutako gaiei buruzko akordioak lortzen badituzte, espresuki hitzartzen da akordio horiek lan hitzarmenaren eranskinetan sartuko direla, betiere izapide ofiziala egin eta lan administazioko agintaritzak horren berri izan ondotik.

2.9. Hitzarmenaren batasuna.

Lan hitzarmen hau onesteko, testu osoan hitzartutako guztia, osotasun banezina baita, hartu da kontuan, eta, zuzen aplikatzeko, orokorrean eta banakoei begira jokatuko da, baina, betiere, langile bakoitzari buruz, zein bere mailan eta lanbide taldean.

Baldintza bakoitzaren balio eta aplikagarritasun osoa edo partziala baldintza multzoaren balioaren eta aplikagarritasunaren araberakoa da. Beraz, deuseztasuna, deuseztapena, errebokazioa edo beste edozein arrazoi dela-eta edozein baldintzak erabat edo partzialki eraginkortasunik ez badu, haiek guztiak izanen dira eraginkortasunik gabeak, baita haien ondoriozko jarduketak ere, 2004ko urtarrilaren batetik aitzina.

Edozein kontzeptutan, maila goragoko legezko xedapen baten bidez, itundutakoak baino baldintza hobeak ezarriz gero, orokorrean hartuko dira aintzat eta urte osoko kontuan, eta zein diren hoberenak langilearentzat, haiek aplikatuko dira.

2.10. Konpentsazioa.

Itundutako baldintzak osorik konpentsatzen ahal dira lehendik ezarritako baldintzekin, hauek aginduta: legeak, jurisprudentziak, hitzarmen kolektiboek, era guztietako itun kolektiboek, banakako kontratuek, herri, eskualde, erregio edo erkidegoko usadio eta ohiturek edo bestelako arrazoiek.

Arlo ekonomikoan, hitzarmena kasu bakoitzari aplikatzeko unean, itundutakoari jarraituko zaio, aurreko lansari kontzeptuak, haien zenbatekoa eta arautzea alde batera utzita.

2.11. Irenspena.

Ordainketaren kontzeptu guztietan edo batzuetan aldaketa ekonomikoa dakarten legezko xedapenek edo itunak edo maila goragoko lan hitzarmenak eragin praktikoa izateko, urte osoko kontuan hartu beharko dira aintzat eta lan hitzarmenaren aurretik indarra zutenei gehituta haren maila guztirakoa gainditu beharko dute. Bestela, irentsitzat joko dira.

2.12. Berme pertsonalak (ad personam onartzea).

Dauden bezala errespetatzen dira, lortutako eskubide gisa, lan hitzarmenaren eraginpeko langileek titulu pertsonal bezala "ad personam" dokumentuan dituzten baldintzak, hartan guztientzat ezarritakoak gainditzen badituzte.

Baldintza horiek bermatuta daude; izan ere, ezin dira aldatu langileen ordezkariek aldez aurretik jakin eta onartu gabe.

2.13. Batzorde Paritarioa.

Lan hitzarmenaren aplikazioak edo interpretazioak sortutako tirabirak konpontzeko, lan hitzarmenaren Batzorde Paritarioa ezartzen da, Zuzendaritzaren ordezkaritzak izendatutako hiru kidek eta lan hitzarmena negoziatzen duten sindikatuetako langileen ordezkaritzako beste hiruk osatua.

Bi alderdietako gehiengoaren botoz hartutako erabaki edo ebazpenak lotesleak dira alderdi horientzat.

Batzorde Paritarioak aldez aurretik eta nahitaez hartu beharko du parte edozein alderdik administrazioaren edo justiziaren organo eskudunetara (Nafarroako Lan Gatazkak Konpontzeko Auzitegia, Lan Arloko epaitegiak, Justizia epaitegiak...) jo baino lehen.

2.14. Ordezko zuzenbidea.

"Nafarroako Industria Siderometalurgikoa" sektoreko lan hitzarmen kolektiboa baino ez da aplikatuko, eta ordezko gisa, lan hitzarmen honetan propio aipatzen diren aferetan.

Eta horrek aurreikusten ez duen hartan, Langileen Estatutua aplikatuko da.

2.15. Nafarroako Lan Gatazkak Konpontzeko Auzitegia.

Lan hitzarmena sinatu duten alderdiek Nafarroako Foru Komunitateko Lan Gatazkak Konpontzeko Judizioz Kanpoko Prozedurei buruzko Lanbide arteko Akordioa, 1997ko irailaren 15ean sinatua, onartzea erabaki dute, zeinak Lan Harremanei buruzko Nafarroako Sektore arteko Akordioan, 1995eko ekainaren 21eko Nafarroako Aldizkari Ofizialean argitaratutakoan, baitu jatorria.

Beraz, Nafarroako Lan Gatazkak Konpontzeko Auzitegira eramanen dira lan hitzarmenaren indarraldian sortzen diren lan gatazkak. Horretarako sortutako organo judizioz kanpokoa da, Nafarroako Foru Komunitateko Lan Gatazkak Konpontzeko Judizioz Kanpoko Prozedurei buruzko Lanbide arteko Akordioan, 1997ko irailaren 15ekoan, erregulatu eta arautua.

3.-Mugikortasuna.

3.1. Funtzionala.

Enpresako mugigarritasun funtzionala arautzeko, Langileen Estatutuko arauak daude, 39. artikulua, lan hitzarmenean lanbide taldeen arabera itundutako sailkapenari jarraituz.

3.2. Geografikoa.

3.2.1. Joan-etorriak:

Arrazoi ekonomiko, tekniko edo antolaketakoak direla-eta enpresak gehienez ere urtebetez igortzen ahal ditu langileak ohiko bizilekutik beste herri batera, baina, lansariez gain, joan-etorrien gastuak eta hitzarmenean mantenurako ezarritako diru kopuruak ordainduko dizkie; ostatua ere enpresaren kontura izanen da, une bakoitzean ezartzen diren baldintzetan.

Tokiz aldatzeko aginduaren aurka, bere indar betearazlea ukatu gabe, errekurtsoa jartzen ahal du langileak jurisdikzio eskudunean.

Garaiz eman beharko zaio toki aldaketaren berri langileari, agindua bete behar den eguna baino lehen: lau lanegun lehenago bederen hamabost egunetarako baino gehiagorako igortzen denean, edo bost lanegun lehenago hiru hilabete baino gehiagorako bada.

Dirutan konpentsatu ahal dira Langileen Estatutuaren 40. artikuluan ezarritako egunak, hiru hilabetetik gorako toki aldaketetan.

3.2.2. Lekualdaketak.

Langileen Estatutuaren 40. artikuluan ezarritakoaren arabera, langileak lekualdatze geografikoetan eskubide hauek izanen ditu:

-Lokomozio bide egoki batean berak eta familiakoek egindako bidaiaren %100 ordaintzea.

-Aldaira ordaintzea (faktura aurkeztu ondoren).

-Lansariaren bi hilabeteko, kalte-ordain gisa.

4.-Enplegu politika.

4.1. Kontratazioa.

Zuzendaritzaren eskumena da lanean erabili behar diren bitartekoak zehaztea, besteren baliabideak (outsourcing, langileak lagatzeko kontratuak, etab.) edo bereak aplikatuta; langile sartu berriei, aldi baterakoei zein finkoei, egin beharreko kontratuaren eredua zehaztuko da, une bakoitzeko modalitate legezkoen arabera.

Plantaren barrenean zein kanpoan lanak egiteko edo zerbitzuak emateko besteren baliabideetara joz gero, instalazioen barrenean egin edo ematen badira, ez du eragin negatiborik izanen plantillaren saturazioan, eta gizarte ordezkariei emanen zaie haien berri, baina loteslea izan gabe onartzeko edo ukatzeko.

4.1.1. Obra eta zerbitzu jakin baten kontratua.

LEren 15.1.a artikuluari eta 2720/1998 Errege Dekretuaren 2. artikuluari dagokienez, bi alderdiek erabaki dute obra eta zerbitzu jakin baterako kontratua erabiltzen ahal dela enpresaren ohiko jardueran munta propioa duten lan edo zereginetan eta, denboran mugatuta eta iraupen ezezaguna izanik, zuzenean eta albotik enpresaren ekoizpen prozesuarekin zerikusia badute.

Aipagarri moduan baina besteak kanpoan utzi gabe, atal honetan sartutako zeregin batzuk zehaztu dira:

-Produktuaren berroperazioak, kalitate txarragatik edo osagaiak aldatu behar izateagatik.

-Ekoizpen teoriko galduko berreskuratzeak.

-Zalantzazko programazioko ekoizpenak fabrikatzea, finkatu gabeko merkatuetarako direnak, horiek sendotu bitartean.

-ENSrako ordezko piezak fabrikatzea, eta kanpoan fabrikatutako produktuetarako osagaiak ekoiztea.

-Operazio berezi identifikatuak.

-Gaueko txandetan fabrikatzea, salmenta handiko boladan, sare komertzialak hornitzeko.

Kontratua urtebetetik gorakoa bada, obra edo zerbitzua bukatzean, hura amaitzeko, 7 egun lehendik eman beharko zaio abisua, nahitaez, langileari. Epe hori betetzen ez bada, kalte-ordaina emanen zaio langileari, huts egindako epeari dagozkion lansariekin.

4.1.2. Aldi baterako kontratua, ekoizpenaren inguruabarrengatik.

Gehieneko iraunaldiari eta ekoizpenaren inguruabarrengatik egindako aldi baterako kontratuei eskatzen zaien epealdiari dagokienez (iraupen jakin bateko kontratuen gainean LEren 15. artikulua garatzen duen abenduaren 18ko 2720/1998 Errege Dekretuaren babesean egindako kontratuak), alderdiek erabaki dute sektoreko lan hitzarmenean arautzen den bezala zehaztuko dela, ordezko arautzat baitute kontu honetan.

4.1.3. Bestelakoak.

Aurreko kontratu modalitateek ez dute baztertzen indarra duten beste modalitate batzuk noiznahi erabiltzea.

4.2. Probaldia.

Langileak hartu aitzin, probaldi hauek eginen dira:

-Bi hilabete, 5. lanbide taldekoentzat.

-Sei hilabete, 3. eta 4. lanbide taldeetakoentzat.

-Hamabi hilabete, 1. eta 2. lanbide taldeetakoentzat.

Ez dira honetarako kontuan hartuko ABE egoerak.

Probaldiak dirauen bitartean, edozein alderdik lan harremana etetea eskatzen ahalko du.

4.3. Lana uzteko abisua.

Kontratu mugagabeko langileek, beren borondatez enpresaren zerbitzuan aritzeari utzi nahi badiote, enpresari jakinarazi beharko diote. Epe hauek bete beharko dituzte:

-1. eta 2. lanbide taldeak: 3 hilabete.

-3. lanbide taldea: hilabete.

-4. eta 5. lanbide taldeak: 15 egun.

Langileek aipatu epearekin abisu emateko betebeharra betetzen ez badute, enpresak eskubidea izanen du epeak bete bitarteko egunei dagokien likidazioa kentzeko.

Ezin da kalte-ordainik eskatu aipatu etenduraren truke.

4.4. Eszedentziak.

Langileen Estatutuaren 46. artikuluan arautzen den laneko araudi indardunean xedatutakoari jarraituko zaio.

5.-Lanbide sailkapena.

Oraingo sistemak jarraituko du, talde eta maila berberetan egituratua.

Lanbide taldeak. Bost talde egin dira hainbat jarduera jaso eta sistematizatu eta faktore hauen emaitza zuhurrago aztertu ondoren:

-Ezagutza eta esperientzia.

-Ekimena.

-Autonomia.

-Erantzukizuna.

-Agintea.

-Zailtasuna.

Langileak lanbide taldetan sailkatuko dira, eta mugigarritasun funtzionala izanen da haien eremuan.

Taldeak zenbaki ordinal batez adieraziko dira eta, ondorio ekonomikoetarako, bost mailatan banatuko, letra bat ezaugarri dutela, honela:

-1. lanbide taldea.

Talde honetako langileek zuzeneko erantzukizuna dute enpresaren arlo funtzional batean edo gehiagotan, edo zailtasun eta kualifikazio gehiagoko lan teknikoak egiten dituzte. Erabakiak hartzen dituzte edo haietan partaide dira, baita helburu jakin batzuk zehazten ere. Autonomia, ekimen eta erantzukizun handiz burutzen dituzte beren eginkizunak.

Prestakuntza: goi mailako unibertsitate titulazioa edo pareko ezagupenak, enpresak onartuak, edo esperientzia sendoa bere sektore profesionalean.

-2. lanbide taldea.

Autonomia, ekimen eta erantzukizun handiz lan tekniko zailak egiten dituzten langileak dira, helburu orokor zehaztuak dituztela, edo eduki intelektual edo giza harreman handiko zereginetan dihardute. Orobat, eginkizunak integratu, koordinatu eta gainbegiratzeko zuzeneko ardura dutenak, arlo funtzional berean, lankidetzan.

Prestakuntza: goi edo erdi mailako unibertsitate titulazioa edo pareko ezagupenak, enpresak onartuak, gehi esperientzia zabala bere sektore profesionalean.

-3. lanbide taldea.

Agintzeko erantzukizunarekin edo gabe, tarteko jarduera intelektuala eta giza harremanak eskatzen dituzten zereginak burutzen dituzten langileak dira, zailtasun tekniko ertaineko jarraibide zehatzen esparruan, prozesuan autonomia izanik. Zeregin homogeneoak integratu, koordinatu eta gainbegiratzera behartzen duten eginkizunak dituzte, lankidetzan eta antolaketa txikiarekin.

Prestakuntza: erdi mailako titulazioa, bigarren mailako teknikari espezialista edo esperientzia zabala lanpostuan.

-4. lanbide taldea.

Lan autonomoak egiten dituzten langileak dira, ekimena izatera eta arrazoitzera beharturik, baita erantzukizunez jokatzera ere, beste norbaitek gainbegiratuta.

Prestakuntza: BBB, UBI, Lanbide heziketa edo parekoa, gehi prestakuntza lanpostuan edo lanbidean lortutako ezagupenak.

-5. lanbide taldea.

Enpresaren eskeman, kualifikazio gehiagoko profesionalen mende edo haien aginduz egiten diren lanak, gainbegiratze handiarekin eskuarki eta egokitzapenaldi baten ondotik. Batez ere, ahalegin fisikoa behar izaten da.

Prestakuntza: BBB, UBI, lanbide heziketa, eskola graduatua edo parekoa, edo lanpostuan arituz lortutako ezagupenak.

-Mailak.

1. 2. 3. eta 4. taldeek hiruna maila dituzte ordainsariei dagokienez: A, B eta C.

5. taldeak, aurrekoez gainera, D eta E mailak ditu.

Zuzendaritzari dagokio langileak mailatan eta taldetan kokatzeko irizpideak hartzea, muga hauekin:

A.-5. lanbide taldean C mailara iritsita, Zuzendaritzak ezin du langilea beheragoko mailetan kokatu.

B.-5. taldeko langileak "E" lansari mailan sartuko dira eta hor 6 hilabete eginen dute, gehienez; gero, "D" mailan sartuko dira beste 6 hilabeterako, gehienez. Epe hori iraganik, aipatu 5. taldeko "C" mailan sailkatuko da, gutxienez.

C.-5. lanbide taldeko D eta E mailetan egin beharreko denbora kontatzeko, honako hau adostu da:

1. Kontratazioa iraupen mugagabekoa denean, sartutako egunetik 12 hilabete iragan arteko denbora hartuko da kontuan, etenaldirik gabe.

2. 2. Kontratazioa mugagabea ez denean, urte naturalean izandako kontratazioaldiak batuko dira eta ateratzen diren egunak 30ekin zatituko, hilabeteak kalkultatzeko; hondarra hilabetearen zatikitzat emanen da.

6.-Langileen araubidea.

6.1. Baimenak eta lizentziak.

Lizentzia eta baimen ordaindu hauek ezarri dira:

A) Langilearen ezkontzagatik, 22 egun naturaleko baimena, lehen lanegunetik hasita.

B) Seme-alaben jaiotzagatik, hiru lanegun haurra jaio eta 15 eguneko tartean, langileak aukeratzeko.

C) Eritasun larriagatik edo gutxienez bi eguneko ospitalizazioa behar duen ebakuntza egiaztatuagatik, eriak gurasoak, aita-amaginarrebak, aitona-amonak (norberarenak zein ezkontidearenak), seme-alabak, suhiak, errainak, ezkontidea, bilobak, anai-arrebak eta koinatu-koinatak izanik, 2 egun natural.

Eritasuna frogatzeko, ziurtagiria beharko da aurkeztu, larritasunaren kalifikazioa, kolegiatu zenbakia, data eta sinadura jasoko dituena. Ez bada ziurtagiria aipatu bezala beterik aurkezten, baimena ordaindu beharrik ez dela ulertuko da, baita baimena hartu eta hilabeteko epean aurkezten ez bada ere.

D) Gurasoak, aita-amaginarrebak, seme-alabak, suhiak, errainak, bilobak, anai-arrebak eta koinatu-koinatak hilez gero, 3 egun natural.

E) Koinatu-koinaten ezkontidea hiltzen bada, egun natural bal.

F) Langilearen edo haren ezkontidearen aitona-amona hiltzen badira, egun natural bat. Aitona-amonak langilearen etxean biziz gero, bi egun natural gehituko zaizkio lizentziari.

G) Osaba-izebak, lehengusuak eta iloba propioak edo haien ezkontideak hiltzen badira, egun natural bat.

H) Langilearen ezkontidearen osaba-izebak, lehengusuak eta iloba propioak hiltzen badira, egun natural bat.

I) Ezkontidearen heriotza: 14 egun natural.

B, C, D, E, F, G, H eta I baimenetan, egun horretan lan egin bada, ondoko egun naturalak kontatuko dira.

Heriotza lanaldian dela gertatuz gero, hurrengo lehen lanegunean hartuko dira lan egindako orduak.

J) Gurasoak, aita-amaginarrebak, aitona-amonak, bilobak, anai-arrebak, seme-alabak eta koinatu-koinatak, egun natural bat.

K) Aurreko atalean aipatutakoen erlijio profesioagatik, egun natural bat.

L) Publikoa den betebehar saihestezina betetzeko, behar-beharrezkoa den denbora.

Aipatu eginbeharra betetzeko, ezin bada lanorduen %20an baino gehiagoan lan egin 3 hilabetez, enpresak LEren 46.1 artikuluan araututako eszedentzian jartzen ahal du langilea.

Langile batek, eginbeharra betetzeagatik edo karguan jardun beharragatik, kalte-ordaina kobratzen badu, diru kopuru horixe deskontatuko zaio enpresak ordaindu ohi dion soldatatik.

M) Ohiko bizilekuz aldatzeko: egun natural bat.

N) Beharrezkoa den denbora, langilea Gizarte Segurantzako espezialisten kontsulta medikora joateko (medikuntza orokorreko fakultatiboak aginduta), kontsulta ordua lanekoarekin bat heldu denean; hortaz, aipatutako agindu medikoaren frogagiria aldez aurretik aurkeztu beharko du langileak enpresan.

-Araudia:

Lizentzia horiei egun natural bat edo enpresako Zuzendaritzari bidezkoa iruditzen zaiona gehituko zaie, lizentzia eskatzeko gertaerak, urruntasunagatik edo komunikazio zailtasunagatik, hala eskatzen duenean.

Ahaide baten heriotzagatiko lizentzia ordainduetan, kontuan hartuko dira honako hauek:

-Egun natural bateko lizentziak hileta egunerako izanen dira, laneguna edo jaieguna izan.

-Bi eguneko edo gehiagoko lizentzietan, langilea fabrikan dela heriotza gertatu eta, hori dela-eta kanpora joan behar badu, heriotza egunean lan egindako orduak gehituko zaizkio baimenari hurrengo lanegunean. Laneguna bukatua badu, hurrengo egun naturaletik aitzina kontatuko da lizentzia.

-Langilea kanpoan dela gertatuz gero (oporretan, jaieguna eta abar), lehen egun naturala hartuko da heriotza eguntzat bi eguneko edo gehiagoko baimenetan. Dena dela, egun hori industria lanaldi hasi gabea baina baimendua bada, arduradunaren bidez lortzen ahal da bertan behera uztea, eguna baino lehen eskatuz gero.

Lizentziak, B) atalekoa salbu, egun naturaletarako izanen dira eta gertaera eragiletik aitzina; nahitaez aurkeztu beharko da egiaztagiria, nahiz ondoren aurkeztu.

Aipatu kasuetan, langileak oinarrizko soldata, hitzarmen plusa eta ekoizpen saria jasoko ditu.

6.2. Bertaratze saria.

1. Aurreko urtean egun bakar bat huts egin ez duten langileek, hala eritasunagatik nola istripuagatik, edo beste edozein arrazoirengatik, hitzarmen honen lizentzia ordainduen atalean jasotako baimen ordaingarriak kenduta, 2 eguneko baimen ordaindua izanen dute urte horretan.

Ez da baimen horretarako eskubidea galduko zehapen gabeko puntualtasun hutsegiteengatik, ezta legezko greba baten ondorioz lanik ez egiteagatik ere.

2. Langileek astebete lehenago eskatu beharko diote baimen hori gainetik dutenari.

Horrek, oniritzia emateko, bi inguruabar hauek aztertuko ditu, batez ere:

a) Lanaren beharrek hura emateko aukerarik uzten duten.

b) Bere ataleko absentismoa, arrazoi guztiak kontuan hartuta, %12tik gorakoa ez izatea.

Bi inguruabar horiek gertatuz gero, oniritzia emanda, Langileria Departamentura igorriko du tramitea. Hartu nahi diren egunak baino 24 ordu lehenago, Langileria Departamentuak baimena emanen du, langileak baldintzak betetzen baditu, edo ukatuko, bestela.

7.-Laneko baldintzak eta malgutasuna.

Zuzendaritzaren eskumena da langileen lanpostuak hautatu, baloratu, sustatu eta txandakatzea, baita eraginkortasunari eustea, lanaren antolaketa eta zereginak eta lanpostuak baloratzea ere.

Hitzarmenaren aitzinsolasean adierazitakoaren arabera, eta Lizarrako plantaren ezaugarriak direnak izanik, funtsezkoa eta guztiz ezinbestekoa da ahalik eta malgutasunik zabalenaren ildotik planteatzea lanaren antolaketa, urteko lanaldiaren kontzeptua gainditzen badu ere. Hurrengo puntuetan, kontzeptu horren aplikazioa garatu da.

7.1. Urteko lanaldia.

Lan hitzarmen hau indarrean den bitartean, lanaldiak 1.678,24 ordu izanen ditu, benetan eta egiaz lan egin beharrekoak.

Ogitartekoaren atsedenaldia langilearen kargura izanen da, eta ez da benetako lanaldian sartuko.

Opor banaketaren arabera, aurrerago zehazten baita, fabrikak 220 egun eginen ditu ekoizten (7,75 orduko 219 egun eta 4,24 orduko egun bat) + oporrak.

220 egun horietako orduen eta benetako 1.678,24 orduen arteko aldeari "industria lanaldiko egunak" esaten zaio, eta honela banatzen dira:

-Aurreko puntuaren arabera, urte natural guztian zerbitzua egiten duen langileak egun hauek izan ditzake:

219 egun x 7,75 = 1.697,25; 1.701,49 + 4,24 orduko egun bat = 1.709,49

1701,49 - 1678,24 = 23,25 : 7,75 = 3 egun.

Langileek astebete lehenago eskatu beharko diote industria lanaldiaren baimena beren nagusiari. Horrek, oniritzia emateko, bi inguruabar hauek aztertuko ditu, batez ere:

a) Lanaren beharrek hura emateko aukerarik uzten duten.

b) Bere ataleko absentismoa, arrazoi guztiak kontuan hartuta, %12tik gorakoa ez izatea.

Bi inguruabar horiek gertatuz gero, oniritzia emanda, Langileria Departamentura igorriko du tramitea. Hartu nahi diren egunak baino 24 ordu lehenago, Langileria Departamentuak baimena emanen du, langileak baldintzak betetzen baditu, edo ukatuko, bestela.

Lanaldiko soberakin gisa sartutako orduak lehenago edo geroago denboran konpentsatuz gero, ez dira aparteko ordutzat joko.

7.2. Txanden araubidea eta lan ordutegiak.

Ekoizpenaren eta zerbitzuaren beharrak betetzearren, Zuzendaritzaren eskumena da Lizarrako plantako edozein ataletako langileen zerbitzu txandak ezarri eta aldatzea; hona zehazturik:

-Goizeko txanda: 6:00-14:00.

-Arratsaldeko txanda: 14:00-22:00.

-Gaueko txanda: 22:00-6:00.

Gaueko txanda ezarritakoan, Zuzendaritzak astebete lehenago jakinaraziko dio Enpresa Batzordeari, eta ez da langileei banan-banan jakinarazi beharrik izanen. Beste txanda batzuetara aldatzeko, ez da abisurik beharko, ez Batzordeari ez interesdunei.

Gaueko txanda ezartzerakoan, langileen osasunari eta atsedenaldiei buruzko legezko xedapenak beteko dira beti; ahal dela, boluntarioz osatuko da eta, osasunagatik eta lanbideko esperientziagatik, Zuzendaritzak egokitzat jo beharko ditu.

-Erdiko txanda. Baldintza hauen arabera:

Urtarriletik ekainera eta irailetik abendura: 8:30etik 17:00etara, 45 minutuko etenaldiarekin, gutxienez, bazkaltzeko. Geldialdi hori langilearen kargura izanen da eta ez da benetako lanaldian sartuko.

Uztailetik abuztura: 07:15etik 15:00etara.

-Ordutegi malgua: indarra duten ordutegiak ukatu gabe, erdiko txandan, hau da, 8:30etatik 17:00etara bitarteko ordutegian, malgutasun tarte bat izanen da, bai sarreran, bai bazkalorduan, bai lanaldi bukaeran; enpresaren beharrek aukera ematen duten aldiro eta plantako Zuzendaritzak hala erabakitzen duenean aplikatuko da.

Honela finkatuta gelditu da malgutasun hori:

OFIZIALA

MALGUA

Sarrera

8:30

8:00-9:00

Bazkaria

13:30-14:15

13:00-15:00

Bukaera

17:00

17:00-18:45

Halaber, malgutasun metatua erabiltzen ahal da 16:00etatik aitzina, zerbitzuaren beharrek aukera emanez gero.

Langileria Departamentuak hala eskatuta, eta lana eta familia bateratzeko neurri gisa, lanaldi malgua 9:30 arte luzatzen ahalko da.

Hilabeteka kontatuko da malgutasun orduen kopurua.

-Bazkariaren eta garraioaren plusa:

Lanaldi zatituko urte boladan, enpresak 8 € ordainduko du plantan benetan lan egindako egun bakoitzeko, lanaldi zatituan diharduten langileen bazkarirako eta garraiorako laguntza gisa. Orobat, langileek plantako atseden eremuak erabiltzen ahalko dituzte bazkaltzeko atsedenaldian, erabilera horrek ekoizpen prozesua galarazten ez badu, betiere.

7.3. Malgutasuna.

Arestian azaldutako arrazoien arabera, alderdiek adostu dute malgutasun planteamendu zabala erabakigarria dela fabrikak bizirik irauteko. Ildo horretan, enpresako Zuzendaritzak proposatuko luke malgutasun hori aplikatzea:

-Lan hitzarmenaren denbora eremuan.

-Lan hitzarmenak eragiten dien langile guztientzat.

-Ahal dela, lana eta familia bateratzeko aukera ematea.

Malgutasun eredu horrek kontzeptu hauek hartzen ditu barrenean, besteak beste:

-Egutegiko soberakina.

-Jaiegunen aldaketa.

-Lanaldiaren arautzea.

Puntu horietako bakoitza kapitulu honen hurrengo ataletan garatuko da.

Malgutasun kontzeptu horren arabera, merkatu eskaria gora edo behera egiten ari den kontuan hartuta, plantillak ordu gehiago lan egiten ahalko du (enpresaren zorra), edo gutxiago (langilearen zorra). Halakoetan, lansari berbera jasoko dute, eta konpentsazio osagarririk ez, eta ordu horiek lan hitzarmenak dirauen bitartean berreskuratzeko edo ondoren egiteko konpromisoa hartu beharko dute, lanaldi arruntaren aldean gehiago edo gutxiago kontatzen duten aintzat hartuz.

Hortaz, eskariaren beherakada edo gorakada nabarmenak edota materialik ezak sortutako lan etenaldiek eragindako egoerei barne neurrien bidez aurre egiteko oinarrizko tresna izanen litzateke.

Horrela, ekoizte jarduera eskaseko egoeretan, lanaldia murrizteko honako hauek egin ditzakegu:

a) Banakako atseden egun osagarriak antolatzea.

b) Inaktibitate edo atseden egunak ezartzea, honako hauek sorraraziak:

-Aurreko urte naturaleko eta hurrengo urteko jaiegunak aldatzea.

-Aurreko urte naturaleko eta hurrengo urteko soberako egunak aldatzea.

-Aurreko urte naturalean lan egindako larunbatak edo hurrengo urtean lan egin daitezkeenak konpentsatzea.

Denbora hori orduen poltsan pilatuko da, negatiboan.

Beste alde batetik, ekoizte jarduera handiko egoeretan, oinarrizko lanaldia luzatzen ahalko da, honako hauek ezarriz:

a) Jaiegunak aurreko urte naturalera eta hurrengo urtera aldatzeagatiko lanegunak.

b) Soberako egunak aurreko urte naturalera eta hurrengo urtera aldatzeagatiko lanegunak.

c) Lanegun osagarriak larunbatetan, gehienez ere urte bakoitzeko hamabi.

Orduen poltsan pilatuko dira, positiboan.

Urte natural bakoitzean, egun malguak honela erabiltzen ahalko dira:

-Gorakadetan:

  • Gehienez ere 12 larunbat goizeko txandan.
  • 4 jaiegunetan lan egitea, eta jaiegun horiek beste urte batera aldatzea.
  • Soberako orduak urte batetik bestera aldatzea.

-Beherakadetan:

  • 12 jaiegun hartzea, beste urte batean lan egindako 12 larunbaten truke.
  • 4 egun osagarri hartzea, jaiegunak beste urte batera aldatzearen truke.
  • Aurtengo urteari ez beste bati dagozkion soberako egunak hartzea.

Poltsan ordu positiboen kopuru zehatza pilatuz gero, Zuzendaritzaren erabakiz oporraldiei gehituko zaizkie, ahal dela, plantako ekoizpen premiek horretarako bide ematen badute.

Halaber, poltsan ordu negatiboen kopuru zehatza pilatuz gero, Zuzendaritzak eta gizarte ordezkariek arazoari irtenbidea emateko bilerak egiteko eta beharrezko neurriak hartzeko konpromisoa hartuko dute.

Bi alderdiek adostu dutenez, hiru astean ez dira aldi berean goranzko eta beheranzko neurriak aplikatuko.

7.3.1. Egutegiko soberakina.

Lanaldi itunduaren eta lanegunen arteko aldea, egutegiko soberakina deitua, Zuzendaritzaren esku geldituko da, nahieran erabil dezan.

Ahal dela, egun horiek aurten hartuko dira. Dena dela, gehiago edo gutxiago ekoizteko premien ondorioz, Zuzendaritzak hurrengo urtera atzeratzen ahalko ditu, edo hurrengo urteko soberako orduak aurreratu, ahal dela hamalau egun lehenago, eta betiere gutxienez zazpi egun natural lehenago, jakinarazita.

7.3.2. Jaiegunen aldaketa.

Enpresak, gehiago edo gutxiago ekoizteko premiek bultzatuta, lau jaiegunen data atzeratzen ahalko du. Ahal dela, jaiegunak aldatuko dira, aste horretako larunbatak erabili ordez.

Zuzendaritzak erabakiko du, langileen ordezkariekin bat, zein jaiegun aldatzen ahal den.

Hasiera batean, egun horiek urteko egutegian adieraziko dira. Dena dela, gehiago edo gutxiago ekoizteko premiek bultzatuta, Zuzendaritzak egun horiek hasieran adierazitako datatik beste batera aldatzen ahalko ditu, urte horretara, aurreko urte naturalera edo hurrengo urtera, betiere langileen ordezkariei jakinarazita, ahal dela hamalau egun lehenago eta gutxienez ere zazpi egun natural lehenago.

7.3.3. Lanaldiaren arautzea.

Lan hitzarmen honetan behin eta berriro adierazi dugunez, malgutasuna funtsezko elementua da plantaren lehiakortasunerako; beraz, ohiko lanaldia astelehenetik ostiralera bitartekoa izanen da. Goizeko, arratsaldeko, gaueko eta erdiko txandetan lan eginen da, bai eta hamabi larunbatetan ere, goizeko edo erdiko txandetan.

Larunbatetako txandarengatik ematen den denbora konpentsazioa egun horretako benetako lana baino lehen edo ondoren erabiltzen ahalko da, eta betiere eskubidea sortu zen urtearen, aurreko urte naturalaren edo hurrengo urtearen barruan.

Aurrekoa gorabehera, eta aintzat hartuta plantako lan egutegia behin-behinekoz prestatuko dela une bakoitzeko malgutasun behar errealei begiratu gabe, atal honetan berean adierazitako 220 egun kopuruarekin, astelehenetik ostiralera bitarteko lan asteak zehaztuko dira; aldatzerik izanen da, bi aste aurretik abisu emanez gero.

Enpresak edozein hilabetetan erabiltzen ahalko ditu larunbat horiek, uztailean eta abuztuan, abenduaren 24tik urtarrilaren 7ra arte izan ezik. Ahal dela, konpentsazioa oporraldiekin edo zubiekin batera erabiliko da.

Ezinbesteko kasuetan edo ustekabeak daudenean, ekoizpenaren ohiko jarduera geldiarazten ahal denean instalazioetan matxura dagoelako eta abar, Zuzendaritzak, Enpresa Batzordeari jakinarazi ondotik, ukitutako langileei eskatzen ahalko die egoerak dirauen bitartean lanera ez etortzeko. Galdutako ekoizpen denbora berreskuratu eginen da, konpentsaziorik gabe, Enpresa Batzordeak eta Zuzendaritzak adosten duten egutegiaren arabera; unean uneko ekoizpen premiei malgutasun irizpideari jarraikiz erantzunen zaie. Eragimen saria kalkulatzeko izan dezakeen ondorio negatiboa ez zaie langileei iritsiko.

7.4. Oporrak.

Lan hitzarmen honen xedeko langileek hogeita hamaika egun naturaleko oporrak izanen dituzte urtean.

Lantokiaren urteko egutegian adieraziko dira oporrak eta, haiek zehazteko, lehentasuna izanen dute ekoizpen eta zerbitzu premiek.

Urteko oporrak bi alditan adieraziko dira, modalitate hauetako baten arabera:

-1. aldia: hogeita bi egun natural. Honela antolatzen ahalko dira:

I. Opor txanda bat abuztuan, Lizarrako jaietara egokituz.

II. Bi txanda, uztailean eta abuztuan, ahal dela Lizarrako jaietara egokituz.

III. Hiru txanda uztailean eta abuztuan; egokitzeko, ekaineko eta iraileko egun osagarriren bat erabiliko da. Ahal dela, txandakakoak izanen dira opor txandak.

-2. aldia: gainerako egunak, 31 egun natural egin arte, beste aro batzuetan hartuko dira, ahal dela, Gabonetako edo Aste Santuko jaiegunekin batera. Gutxienez, bi hilabete lehenagotik jakinaraziko da oporren aldaketa.

Hasieran, arau orokor gisa, nork bere borondatez eskatzen ahalko ditu opor txandak, eta enpresako Zuzendaritzak horiek antolatuko ditu, eskatzaile kopuruen artean desoreka sortzen denean edo arazo funtzionalak daudenean; horrela, fabrika, eskaerak behartzen badu, zabalik egoten ahalko da urte osoan ia -halakoetan txandak eginen dira-.

Horretaz gainera, borondatezko opor txanda bat baimenduko da, gutxienez ere 22 egun naturalekoa, urte naturaleko edozein hilabetetan hartzekoa, salbu eta opor txanda orokorrekin bat datozenetan. Txanda hori banaka eskatu beharko da udako lehenengo txandako oporrak hasi baino bi hilabete lehenago. Eskaera onartzeko, Zuzendaritzak kontuan hartuko du onartuz gero desoreka funtzionalak sortuko diren ala ez.

Zerbitzuen ataletako langileei eta ekoizpenaren sostengukoei dagokienez, hala nola mantentze-lanei, ingeniaritzari, espediziokoei eta abarri, eta plantaren itxialdi komunetan zerbitzuak bermatzearren, departamentu horietako arduradunekin bat zehaztuko dira egunak.

Mantentze-lanetako langileek beren egutegia izanen dute. Bertan, oporrak, egutegiko soberakina eta egutegi ofizialeko jaiegunak adieraziko dira, baita legeak ezarritako beste baldintza batzuk ere.

Oporrak hartzeko adierazitako egunean enpresaren plantillan urtebete egin gabe duten langileek zerbitzualdiaren araberako egun kopurua hartuko dute eta beren lanbide taldearen zereginetan ibili behar duten egunetan sartzen ahalko dira.

Oporraldian aldi baterako ezintasun egoerak gertatzen direnean, oporrak eten gabe, horietatik iragandakoak denbora aldetik bakarrik zenbatuko dira Gizarte Segurantzaren prestazioa ordaintzeko, beste ordainketa gehigarri baterako eskubiderik sortu gabe.

7.5. Lan egutegia.

Urtero, lan egutegia prestatuko da, eta lantoki bakoitzean ikusteko moduan jarriko, Langileen Estatutuaren 34.6 artikuluan ezarritakoari jarraikiz.

Egutegi horretan zehaztuko da kapitulu honetan jasotako guztia.

Ikusirik plantako lanaldiaren banaketak dituen gorabehera bereziak, urtean zehar aldatuko da egutegia, 7. kapituluko ataletan ezarritakoa edo alderdien arteko beste edozein akordio aplikatuz.

7.6. Aparteko orduak.

Aparteko orduak murriztekoak eta bereziak direla kontuan hartuta, bi alderdien ustez, ahalik eta gutxien izan behar dute ordu horiek.

Honela sailkatu dira:

-Ezinbestean sartu beharreko aparteko orduak.

-Aparteko ordu arruntak.

Ezinbestean sartu beharreko aparteko orduak. Ezbeharrak eta antzekoak galarazi edo konpontzeko sartzen dira; bestela, begi bistako kalte larria izanen lukete enpresak edo beste batzuek. Nahitaezkoak dira eta ez dute kontatzen gehieneko ordu baimenduetan.

Ordu arruntaren balioaren %140 dute ordain ekonomikoa.

Aparteko ordu arruntak. Gainontzeko aparteko orduak dira, eskuarki behar izaten direnak ustekabeko ekoizpenean edo ohiz kanpoko eragiketa bereziak egiteko; bestela, kalte nabarmena izanen luke jarduerak.

Ordu horiek, borondatezkoak betiere, %140 ordainduko dira edo denboran (%140) konpentsatuko, langilearen nahierara. Denbora konpentsazioa hautatuz gero, langileak eta goragoko arduradunak ados jarri beharko dute, ataleko absentismoa eta ekoizpen premiak kontuan hartuta; dena dela, Langileria Departamentuari jakinarazi beharko diote, behin betiko eman ditzan.

Langileek ezin izanen dituzte inoiz ere legeriak baimentzen dituenak baino aparteko ordu gehiago egin.

8.-Ordainsariak.

8.1. Ordainsariari buruzko printzipio orokorrak.

Lan hitzarmen honetan aipatzen diren lansari kontzeptu guztiak ordainsari gordinak dira eta haien gainean eginen dira Gizarte Segurantzaren kenkariak, pertsona fisikoen errentaren gaineko zergari buruzko konturako atxikipenak eta legez dagokiokeen beste edozein.

8.2. Lansari kontzeptuak.

Oinarrizko lansariak edo soldatak, hitzarmen plusak eta beste osagarri batzuk dira B.S.H. Electrodomésticos España, S.A.-Lizarrako plantako langileen ordainsariak. Lansarien eta osagarrien taulak, lanbide taldeen arabera xehakatuak, I. eta II. eranskinetan jaso dira, hurrenez hurren.

8.2.1. Oinarrizko lansaria edo soldata eta hitzarmen plusa.

Denbora unitate bakoitzerako ezarritako ordainsariaren partea da.

Lansarien tauletan lanbide talde bakoitzeko eta A, B, C, D eta E mailetarako ezarritako balioaren arabera ordaintzen dira, hamabi paga arruntetan edo, bidezkoa bada, 365 egunetan banaturik.

Modu berean ordaintzen dira lan gisa hartzen diren atsedenaldiak:

-Asteko atsedenaldiak eta berreskuratzen ez diren jaiegunak.

-Urteko oporrak.

-Ordaindutako hutsegite justifikatuak.

-Kargu sindikalen absentziak.

-Haurrari esnea emateko denbora.

8.2.2. Hilabetez gorako mugaegun aldikakoa dutenak.

-Aparteko pagak:

Eskersari hauek uztailaren lehen hamabostaldian eta abenduaren bigarrenean ordainduko dira. Lansari taulan jaso da zenbatekoa.

Eskersari horiek lan egindako denboraren proportzioan ordainduko dira, horietako bakoitza urteko seihileko naturalen arabera hainbanatuz.

Hainbanaketan ez dira absentzia hauek kontuan hartuko:

-ABE, eritasunagatik/istripuagatik.

-Ordaintzen diren absentziak.

8.2.3. Lansariaren osagarriak.

Oinarrizko lansariari edo soldatari eta hitzarmen plusari gehitzen zaion kopurua da; nahitaez, kontzeptu hauetako batean sartuko da:

8.2.3.1. Lan kopuruagatik: ekoizpen saria.

Orduko jardueraren eta ekoizpenen arabera ordaintzen da eta zerikusia du, nahitaez, ekoizpen planarekin. Hortaz, plantako zuzeneko zein zeharkako eskulan egunerokoan du eragina; izan ere, denek hartzen dute parte ekoizpen prozesuan, nahiz zeregin desberdinak izan.

Langileek konpromisoa dute oraingo jarduera mailei bederen eusteko; beraz, bada nahitaezko errendimendua, eguneko batez besteko jarduera, gaur egun mundu osoan hedatua. III. eranskinean ezarri da haren sari finko eta bakarra lanbide talde eta maila bakoitzeko.

Ezarrita diren lan metodoen arabera eskatzen da jarduera hau, eta langileak ezin du bere gisa gutxitu.

Langileari ezin egotzi zaizkion arrazoiak direla-eta, hala nola erreminta txarra, lan berria, behin-behinekoa, trokel aldaketa, makina konponketa, neurtu gabeko lana, etab., ezin badu aipatu jarduera burutu, ez zaio saria gutxituko.

Zeharkako eskulanarentzat, fabrikako hilabete horretako batez besteko jarduera hartuko da saria kalkulatzeko.

Jardueraren kronometrajean eta balioztatzean oinarritutako lan metodoak eta ekoizpen denboraren neurketa gaur egun teknikoki gaindituta dagoen sistema da; izan ere, fidagarriagoak eta egokiagoak diren beste batzuk erabiltzen dira, oro har "denbora lehenetsiak" izenekoak.

BSHk talde gisa bultzatzen du sistema horiek ekoizpen plantetan txertatu eta erabiltzera jotzea.

Horregatik, Lizarrako plantak MTM sistema ezarri zuen aurreko lan hitzarmenean.

Dena dela, Lizarrako plantaren berezitasunak direla eta, beharrezkotzat jo da jardueren estimazio eta kronometraje sistema zaharrari eustea, metodo eta denboren teknikari analistaren iritziz teknikoki egokiagoa den kasuetan aplikatzeko.

Denbora Departamentuak denbora berriak ezartzen ahalko ditu, beharrezkoa eta egokia iritziz gero: lanaren izaeran edo lan egiteko metodoan aldaketak daudenean, ezarritako denborak behin-behinekoak direnean, etab.

Langile batek denboren gaineko erreklamazioa egiten duenean, Metodo eta Denboren Departamentuak hura berrikusiko du, edo beste azterlan bat eginen. Erreklamazioa onartuz gero, langileak galdutako sariak konpentsatuko dira.

8.2.3.2. Kalitateari begira: kalitate saria.

Aurreko kalitate saria oinarrizko hiru kontzeptutan oinarritzen zen:

-TCR (aparatua erabiltzen hasi eta lehenengo urtean bezeroek aurkeztutako erreklamazio teknikoen ehunekoa).

-Q auditoretzaren adierazlea.

-Txatarren adierazlea.

Egitura birmoldatuko da, plantako ohiko produktuen arabera. Honela geratuko da:

-PG:

1. Merkatu kalitatea (%40).

2. Txatarren adierazlea (%30).

3. FPY (AEA) (%30).

Oharrak:

-FPY (AEA): hasieratik ongi fabrikatutako tresnen ehunekoa (ukitu osagarririk gabe).

-PW:

1. PPMs' (PL) (%40).

2. Txatarren adierazlea (%30).

3. FPY (He ganbera + karrusela) (%30).

Oharrak:

-PPMs' (PL): gure bezeroarengan (FDW) muntaketan atzemandako akats maila (PPMs?: zati akastunak, fabrikatutako milioiko).

-FPY (He ganbera + karrusela): hasieratik ongi fabrikatutako tresnen ehunekoa (ukitu osagarririk gabe).

Kalitate sari guztien likidazioa hilero eginen da, X. eranskinean adierazitakoari jarraikiz.

8.2.3.3. Eragimen saria.

Kudeatze faktore askoren ondorioa da kostuen lehiakortasuna, produktuak definitu eta diseinatzetik hasi eta bezeroak eskuratu artekoa.

Kostu faktore garrantzitsua da edozein diru xahuketari lotua, hau da, bezeroak baloratu eta ikusten dituen emaitzak sortzen ez dituen edozein baliabide erabiltzea.

Ekoizpen planta batean kostu handiko baliabidea da pertsonen laneko denbora; ezarritako denboran aparatuak kalitate egokiaz egiten direnean, bada eragimena, baina pieza akastunak egiten, konpontzen, operazioak errepikatzen, prestatzen eta abarretan erabiltzen denean, edo matxurak edo material falta dela-eta geldialdiak daudenean, ez dago eragimenik.

Eragimen sariaren bidez, langile guztiak abantaila ekonomikoen partaide egin gogo dira, benetako lan orduak alferrik galtzera daramaten faktore guztiak kontrolatu eta murrizteari esker.

Ehunekotan adierazitako zatidura honi esaten zaio eraginkortasuna:

Ibilbide orrietan ezarritako denboren arabera baloratzen den epean, saltzeko egiten den produkzioak behar dituen orduak zati presentziako ordu guztiak.

Edo beste honi:

Benetan egindako lan orduak / Benetako lanerako egindako presentziako orduak, guztira.

Azalpena: ezarritako denboran aparatu egokiak egiten sartutakoa da benetako lana.

Lortutako eragimenari buruz, txosten bat eginen da hilero eta, ondorioz, dagokion sariaren likidazioa aterako da.

8.2.3.4. Bertaratzeagatiko konpentsazioa:

Langileek, egunero lanera etortzeagatik, sari bat hartuko dute hilean.

Sari hau hartzeko eskubidea galduko dute lanera huts egiten duten langileek, non ez dauden inguruabar hauek:

-Lizentzia ordainduak.

-Aldi baterako ezintasuna, ospitaleratuta.

-Legezko grebarako eskubidea erabiltzea.

-Laneko istripua.

ABE batean ospitaleratu behar bada, ABEa hasiz geroztiko saria jasoko da, ospitaleratzearen jatorria ABEa dela frogatuz gero.

8.2.3.5. Langileria: osagarri pertsonala.

Kontzeptu honetan pertsonaren beraren ezaugarriak sartzen dira, lan hitzarmen honetan ezarritakoa baino gehiagokoak badira.

Langileak "ad personam" agirian zehaztuta duen datan ordainduko da, eta urtero igoko da lan hitzarmenean itundutako igoerari esker.

8.2.3.6. Lanpostukoa.

Lanpostuaren ezaugarriengatik edo lanbide jarduera egiteko moduagatik jasotzen dira; horregatik ez dira finkoak.

-Prestasun plusa:

Mantentze-lanetako Zerbitzuari atxikitako langileek oinarrizko soldataren %3,5 hartuko dute zerbitzua emateko prest egoteagatik, egoera hauetan:

  • Lanaldi luzapenean.
  • Edozein aparteko ordu egitean.

Eta departamentuko arduradunak langile horiek zeregin hauetarako izendatzen dituenean bakarrik:

  • Asteko talde lokalizatua osatzeko, larunbatak, igandeak eta asteburuko jaiegunak barne.
  • Arauzko oporretarako adierazitako epealdia aldatzeko, egutegi berariazkoaren arabera, Langileen Estatutuan ezarritako legezko epea (2 hilabete) betetzeko beharrik gabe, enpresako Zuzendaritzaren ustez beharra dagoenean.

II. eranskinean adierazitako kopuruak jasoko dituzte.

-Gaueko txandaren plusa.

Nahi dutelako edo Zuzendaritzak izendatuta, lanaldia 22:00etatik 06:00etara bitarteko txandan egiten duten langileek II. eranskinean adierazitako konpentsazio ekonomikoa hartuko dute, txanda horretan emandako ordu bakoitzeko.

Gehigarri horretatik kanpo daude eguneko txandan dabiltzan langile guztiak, ezbehar edo hondamendien ondorioz, gauaz lan egitera behartuta daudenean. Gaueko lanari buruz agindu honek aurreikusten ez duen konpentsazioetarako, Langileen Estatutuari buruzko Legearen Testu Bateginaren 36. artikuluan xedatzen denari jarraituko zaio.

-Toxikotasun, nekagarritasun eta arrisku plusa.

Hitzarmena sinatu duten alderdiek, Laneko Osasuna eta Segurtasuna epigrafean jaso denez, osasuna babesteko behar diren ekintza eta neurri guztiak aurrera eramatea erabaki dute, plus horietarako arrazoiak ahalegin guztiekin galaraztearren.

Hala ere, plantako lanposturen bat toxiko, nekagarri edo arriskutsutzat jo ez dadin, osagarri bat emanen zaie hilero langile guztiei, kontzeptu hori dela bide, baita oporretan ere.

Tenperatura altuko boladetako atsedenaldien araubideak indarrean jarraituko du, eduki honekin:

  • 32ºC-raino: atsedenaldien araubide orokorra.
  • 32ºC-35ºC: 10 minutuko bi errelebo gehiago eginen dira kateko lanpostuetan eta 20 minutuko atsedenaldi bat gehituko da bakarkako lanpostuetan.
  • 35ºC-tik gora: 15 minutuko lau atsedenaldi eginen dira lanaldian, lanpostu guztietan.

-Koordinatzaile plusa.

Norberaren kualifikazio eta esperientzia profesionalarengatik, Zuzendaritzak koordinatzaile lanpostuan aritzeko izendatzen dituen langileek plus bat hartuko dute hiru hilabetetik behin. Konpentsazio hori hartzeko, aipatu lanpostuetan jardun beharko dute, eta arduradunek haien eskuetan utzitako zereginak bete. VI. eranskinean arautu dira plusa ordaintzeko eginkizunak eta baldintzak.

-Kalitateko auditoreen plusa.

Norberaren kualifikazio eta esperientzia profesionalarengatik, Zuzendaritzak kalitateko auditore lanpostuan aritzeko izendatzen dituen langileek plus bat hartuko dute hiru hilabetetik behin. Konpentsazio hori hartzeko, aipatu lanpostuetan jardun beharko dute, eta arduradunek haien eskuetan utzitako zereginak bete. IX. eranskinean arautu dira plusa ordaintzeko eginkizunak eta baldintzak.

-Larrialdiko taldeen plusa.

  • Larrialdiko taldeei atxikitako langileek plus bat izanen dute urtean. Gainera, taldeko kide gisa beren zereginetan ematen duten ordu bakoitza ordu arruntaren balioarekin konpentsatuko da.
  • Plantako atalen eta azaleraren arabera, hamaikana kideko bi talde eratu dira; bakoitzak bi langile mota izanen ditu: 8 kide, langile iraunkor gisa, eta 3 kide, txandako langile gisa. VII. eta VIII. eranskinetan arautu dira kide mota bakoitzaren betebeharrak eta taldeei atxikitzeko baldintzak.
  • Enpresak unez une hautatzen duen pertsonak koordinatuko ditu bi taldeak.
  • Horri dagokionez, plusaren zenbateko ekonomikoak salbu, enpresako Segurtasun eta Prebentzio Departamentuak autobabesari buruzko gidaliburuan ezarritakoari jarraituko zaio, baita Larrialdi Planari eta une bakoitzeko segurtasun jarraibideei ere.

8.2.3.7. Malgutasun plusa.

Lan hitzarmen honen malgutasunaren arauketa berria konpentsatzeko (egutegiko soberakina, jaiegunak aldatzea, eta lanaldia arautzea, larunbatak barne), 125 euro gordin ordainduko zaizkio langileari, sei hilean behin, aparteko bi pagekin batean.

8.2.3.8. Kalte-ordainak eta ordejarriak.

Zerbitzuaren beharrak direla eta, langileak bizi den herritik eta lan egin ohi duen tokitik beste batera joan behar duenean, enpresak, joan-etorriez gain, bidaietako arauetan ezarritako dietak ordainduko ditu, zein dauden indarrean, haietxek.

8.3. Soldataren igoera.

Lansari kontzeptuak, kalitate eta eragimen sariak izan ezik, hitzarmenaren indarraldiko urte bakoitzean igoko dira, honela:

-2009. urtea: KPI erreala.

-2010. urtea: KPI erreala + 0,5.

-2011. urtea: KPI erreala + 0,5.

Urtero, gobernuak aurreikusitako KPIa kontura ordainduko da eta, urtea iragan eta lehen hiruhilekoan doituko da, gora edo behera, KPI erreala eta aurreikusitakoa desberdinak izan badira.

Edonola ere, eta KPIak 2009. urtean izan dezakeen portaera ikusita, gutxienez ere %1,5 bermatzen da, eta 2010. eta 2011. urteetan puntu erdia.

Aurreikusitako KPIa jakiterik ez bada, %0,5 aplikatuko da.

9.-Gizarte hobekuntzak.

9.1. Bizi eta istripu aseguru kolektiboa.

Enpresak aseguru kolektibo bat izanen du lan hitzarmenaren aplikazio eremuak hartzen dituen langile guztientzat, berme hauekin:

A) Heriotza edo erabateko baliaezintasun iraunkorra, edozein arrazoirengatik: 10.517,71 euro.

B) Heriotza edo erabateko baliaezintasun iraunkorra, istripuagatik gauaz nahiz egunez: 18.030,36 euro.

9.2. Ezintasun iragankorrerako laguntzaren hobekuntza.

9.2.1. Absentismo medikoa eta osasuna.

Eritasun arrunta edo lanetik kanpoko istripua, lanbideko eritasuna edo laneko istripua eta baimen medikoak direla medio, ezintasun iragankorreko prozesuen ondorioz langileak lanera agertzen ez direnean, absentismo medikoaz hitz egiten da.

Lan hitzarmena sinatu duten alderdien iritziz, absentismo mediko handia kalte larria da lehiakortasunari eta plantaren oraingo eta geroko aukerei begira.

Horregatik, enpresak, Osasun Zerbitzuaren eta Prebentzio Zerbitzuaren bitartez, eta langileen ordezkarien laguntzarekin, langileen osasuna hobetzeko ekimen guztiak bultzatuko ditu, plantaren barrrenean eta kanpoan. Jarduera horietan sartzen dira: prebentzioko kanpaina mediko orokorrak; txerto kanpainak; elikaduraren zabalkunderako kanpaina orokorrak; ariketa fisikoa eta aisia; plantako langileen osasun azterketa banakoak zein orokorrak; azterketa mediko libreak; laneko arriskuei aurrea hartzeko kontzientziazioa, prestakuntza eta informazio jardunaldien bidez; osasun politikak ezartzea; norberaren babeseko ekipamenduak erabiltzea; eta segurtasun araubideak eta antzekoak betetzea.

Modu berean, enpresak lan zehatzagoa eginen du, departamentu eta atal guztien bitartez, absentismo medikoaren indizea murriztu eta ahalik eta txikiena izan dadin, eta kontrolatuz lanbideko arrazoi hutsek eragin dezaketen absentismoa -bere azterlan teknikoak, ergonomikoak, higienikoak eta ingurumenekoak behar dituena-, eta gai honetan izan litekeen iruzurra.

Azkenik, laneko arriskuei aurrea hartzeko eta osasuna zaintzeko kudeaketa sistema bat ezartzen saiatuko da enpresa, ekimen hauek guztiak jaso, gorde eta osatuko dituena.

9.2.2. Ezintasun iragankorra, eritasun arruntagatik edo lanetik kanpoko istripuagatik.

1.-Eritasun arrunta edo lanetik kanpoko istripua dela bide, langileak bermatua izanen du lansariaren zati finkoa (oinarrizko lansaria; hitzarmen plusa; aparteko pagen zati proportzionala; nekagarritasun, toxikotasun eta arrisku plusa...). Zati aldakorra (ekoizpen saria, eta kalitate eta eragimen sarien zati proportzionala) ez da ordainduko lanerako ezintasun iragankorrak iraun bitartean, inguruabar hauetan izan ezik:

a) ABEko prozesua hasten den egunaren aurreko hiru urteetan, eritasunagatik edo istripuagatik, baja prozesurik izan ez duen langileari goian zehaztutako lansari aldakorra ordainduko zaio, bajaren lehen egunetik azkena bitarte.

b) Langileak aurreko baldintza betetzen ez duenean, aipatu lansari aldakorra ABEko prozesuaren lehen egunetik jasotzen jarraitzeko aukera izanen du, ABEko prozesu hori hasi aurreko hilabetean, lan hitzarmenaren baldintzapeko fabrikako langileen absentismo medikoak %5,00 gainditu ez badu. Dena dela, a) atalean adierazitako baldintza betetzen ez duten langileentzat, hamabostean behin ikusiko da absentismo medikoaren indizea, hilaren hasiera eta erdian; horrela, langilearen ABEko prozesuak dirauen bitartean, lansari aldakorra jasotzen ahalko du hamabostaldiko puskatan, baldin eta aurreko hamabostaldian absentismoaren indizeak %5,00etik gora egin ez badu.

2.-Lanerako ezintasun iragankorrean ez dira inoiz gainerako lansari osagarri ohikoak ordainduko, gaur egungoak edo ituntzen ahal direnak izan, lanpostukoa eta lansari aldakorraren zati diren osagarri pertsonalak; honako hauek, gaur egun: gaueko lanaren plusa, larrialdiko taldeen plusa, koordinatzaile plusa, auditore plusa, erreten plusa eta oporretako joan-etorria.

Aparteko pagei dagokienez -ABEko laguntzaren zenbatekoan sartzen baita haren zati proportzionala-, ordaintzen den unean kenduko da ezintasun iragankorreko epealdiei dagokien zati proportzionala.

Ad personam osagarrian ez du eraginik agindu honek.

3.-Soldata aldakorra kentzea:

a) Eria behartua dago bere etxean medikuen bisita edo ikuskapena hartzera, baita enpresako zerbitzu medikoak edo haren ordezkoak eritasunari edo istripuari jarraipena egiteko astero egin ditzakeen errekerimenduak ere. Langileak azterketa horiei uko eginez gero, egoera horietan enpresaburuaren karguko eskubide ekonomikorik gabe gelditzen ahal da.

b) Arauzko baja gorabehera, langilea behartua dago, telefonoz edo idatzita, Langileriaren Departamentuari jakinaraztera, eritasunak edo istripuak lanera agertzea galarazi dion lanaldian, ezinbesteko kasuetan izan ezik. Arau hori betetzen ez bada, aipatu mozkinak galduko dira.

9.2.3. Ezintasun iragankorra, laneko istripuengatik edo lanbide eritasunagatik.

Laneko istripua edo lanbide eritasuna dela eta, ezintasun iragankorreko kasuetan, enpresak egiazko soldata, finkoa eta aldakorra, ordainduko du bajaren lehen egunetik eta 12 hilabetez, gehienez ere, nahiz beste 6 hilabete luzatu, langileak kontzeptu guztien arabera jaso behar duen ordainsaria osatu arte.

Segurtasun eta Osasun Batzordeak lansari aldakorra ordaintzea edo ez erabaki dezake, kontuan hartuta langilearen inguruabarrak, hala nola enpresako prebentzio eta segurtasun neurriak bete ohi dituen, eta haren istripuen historiala.

9.2.4. Soldata aldakorra berreskuratzeko aukerak eta aBSHentia poltsa.

1.-Lansari aldakorra berreskuratzeko aukerak:

a) ABEko boladetan lansari aldakorra izan ez duen langileak urtea iragan ondoren berreskuratzen ahal du, bere urteko absentismo medikoa ez bada lanorduetako %5,00 baino handiagoa.

b) Langilearen ABEko prozesua erabateko ezintasun iraunkorreko ebazpen irmo batekin bukatuz gero, ezintasun iragankorrean jaso gabeko lansari aldakorra ordainduko da.

c) Ez da inoiz lansari iragankorra berreskuratuko, agindu honen B.3 atalean adierazitako arrazoiengatik kendu bada.

2.-aBSHentia poltsa. ABE egoeretan langileek urte naturalean jaso gabeko soldata aldakorra aBSHentia izeneko poltsan metatuko da.

Absentismo medikoa erantzukizuna izanik, bai enpresarentzat, bai langileentzat, bai haien ordezkarientzat, urtea iraganda eta agindu honen 1.a) eta 1.b) ataletako berreskurapenak kitaturik, aBSHentia poltsako diru kopurua Segurtasun eta Osasun Batzordearen esku utziko da xede horretarako.

Enpresak aBSHentia poltsatik hartuko ditu 1.a) eta 1.b) ataletako egoerengatik berreskuratu eta langileei ordaindutako kopuruak.

9.3. Ohiko lanbiderako ezintasun osoa duten langileak.

Ohiko lanbiderako ezintasun iraunkor osoa aitortua duten langileek honako hau jasoko dute beren lan kontratua iraungitzeagatik:

-Kalte-ordaina, urtebete eta erdiko lansaria gehienez ere, zein den ezgaituaren adina, eskala honen arabera

47 urte arte

Urte eta erdiko lansariaren %100,0

48 urte

Urte eta erdiko lansariaren %87,5

49 urte

Urte eta erdiko lansariaren %75

50 urte

Urte eta erdiko lansariaren %62,5

51 urte

Urte eta erdiko lansariaren %50,0

52 urte edo gehiago

Urte eta erdiko lansariaren %37,5

-Edo enpresara itzultzea, haren moduko lanposturik bada Zerbitzu Medikoaren arabera eta Zuzendaritzak, lana antolatzeko ahalmena baitu, harentzat egokitzen duena; era horretan, zeregin osagarri bat izanen du, lanaldi partzial bat lansariaren %100 jasotzeko adinakoa, enpresak ordaintzen dionari eta Gizarte Segurantzaren pentsioari gehiturik.

9.4. Katalogoko aparatuen salmenta.

BSH taldeak Espainiako bere enpresa guztientzat uneoro argitaratzen duen arau orokorrari jarraituko zaio.

10.-Eskubide sindikalak.

Lan hitzarmena sinatu duten aldeek Askatasun Sindikalari buruzko Lege Organikoa eta Langileen Estatutuaren xedapenak, eskubide sindikalak osatzen baitituzte, errespetatzen dituztela adierazten dute.

Batzordeko kideen orduak hilabeteka zenbatuko dira, kide batek edo gehiagok ordu horiek hartuta.

10.1. Laneko segurtasuna eta osasuna.

Lan hitzarmen kolektibo hau sinatzen duten ordezkariek laneko segurtasuna eta osasuna bermatzeko ekintza eta neurriak bideratuko dituzte.

Laneko Arriskuei Aurrea hartzeko Legea, LANEren hitzarmen eta gomendioak, 89/391/EEE esparru-zuzentaraua, EEren zuzentarau berariazkoak eta horien ondoriozko araudia, enpresari dagokiona, aplikatuko dira, zein bere eremuan eta behartzeko indarrarekin, dagokien moduan.

Lan hitzarmenak ukitutako langile guztiak dira laneko segurtasun eta osasunaren xede eta subjektu; hortaz, bakoitzari dagokion heinean, haren eskubide eta betebeharrez jabetu beharko dute, eta ulertu, zuzendu baino areago prebenitu egiten duela.

Langileen segurtasuna eta osasuna plantaren kudeaketaren parte da, produkzioa, kalitatea edo kostuak kudeatzen diren neurri berean.

Lantoki bakoitzeko zuzendaritzari dagokio langileen segurtasuna eta osasuna bermatzeko erantzukizuna eta enpresa guztia segurtasunaren eta osasunaren prebentzioan engaiatzea; orobat, langileen eta haien lankidetza eta parte-hartzearekin, prebentzioaren politika eratu eta kide guztiei aplikatzea, lehentasuna duen helburu estrategikoa baita.

Ardura berezia emanen zaio laneko legerian, oro har, eta arriskuen prebentzioari buruzkoan, bereziki, ezarritako aurreikuspenak errespetatu eta aplikatzeari, mugatutako langileak prest dauden lanpostuetan egokitzeari dagokionez.

10.2. Prebentzioko delegatuak.

Laneko arriskuei aurrea hartzeko gaietan zeregin berariazkoez jabetutako ordezkariak dira prebentzio ordezkariak.

Langileen ordezkariek beren artean izendatuko dituzte prebentzio ordezkariak enpresaren eremuan.

Laneko Arriskuei Aurrea hartzeko Legearen 35.2 artikuluaren arabera zehaztuko da prebentzio ordezkarien kopurua.

Laneko Arriskuei Aurrea hartzeko Legearen 36. artikuluan emandako eskumen eta ahalmenak izanen dituzte prebentzio ordezkariek.

Prebentzio ordezkariek Laneko Arriskuei Aurrea hartzeko Legearen 37. artikuluan xedatutakoa beteko dute bermeen eta lanbideko isiltasunaren gaietan.

10.3. Segurtasun eta Osasun Batzordea.

Segurtasun eta Osasun Batzordea parte hartzeko organo paritario eta kide anitzekoa da; enpresako Zuzendaritzaren jarduera aldian behin aztertzen du, arriskuen prebentzioaren arloan.

Segurtasun eta Osasun Batzordea Lizarrako lantokian eratuko da.

Prebentzioko hiru delegatuk, langileen ordezkariek beren artean izendatutakoek, eta enpresaren Zuzendaritzako beste hiru ordezkarik osatzen dute lantoki bakoitzeko segurtasun eta osasun batzordea.

Segurtasun eta Osasun Batzordearen bileretan parte hartuko dute, hizpidea dutela baina botorik ez, aurreko lerroaldean aipatu osaeratik kanpo diren ordezkari sindikalek eta enpresaren prebentzioko arduradun teknikoek. Baldintza beretan parte hartzen ahal dute arazo jakin batzuetan kualifikazio edo informazio berezia duten enpresako langileek, arazo horiek Batzordean eztabaidatzekoak direnean, baita enpresatik kanpoko prebentzioko teknikariek ere, Batzordeko ordezkaritzaren batek hala eskatuz gero.

Laneko Arriskuei Aurrea hartzeko Legearen 39. artikuluan emandako eskumen eta ahalmenak izanen ditu Segurtasun eta Osasun Batzordeak.

11.-Ingurumena.

Gure ingurumen politikan jasotzen denez, ingurumena babestea BSHren funtsezko helburua da, ingurumen duina babestu eta zaintzeko arduraduntzat baitauka bere burua. Produktu eta prozeduren berrikuntzek eta aurrerapen teknikoak bateragarriak izan behar dute ingurumenarekin.

12.-Diziplina araubidea.

Kapitulu honetan enpresako harremanen diziplina araubideko arauak bildu dira, eta hutsegite eta zehapenak ezarri.

12.1. Hutsegiteen larritasuna.

Langileak eginiko hutsegiteak arinak, larriak edo oso larriak izanen dira, haien garrantzia, ondorioa eta asmoa ikusita.

-Hutsegite arinak.

Hauek joko dira hutsegite arintzat:

a) Bidezko arrazoirik gabe hilabete baten barnean behin, bitan edo hirutan berandu iristea. Puntualtasunari begira, lanaldiaren hasiera eta bukaera lanpostuan egin beharko dira, lanean aritzeko moduan dela.

b) Lanera ez agertzeko arrazoia aurretik ez jakinaraztea edo, bestela, hutsegitea gertatu eta ondoko 24 orduan, ezinbestekoetan salbu, hartarako ezintasuna frogatu ezean.

c) Bidezko arrazoirik gabe zerbitzua bertan behera uztea, nahiz denbora laburrean izan. Horren ondorioz, enpresari nolabaiteko kalterik sortzen bazaio edo lankideren batek istripuren bat izaten badu, hutsegitea larritzat edo oso larritzat har daiteke, kasua nolakoa den.

d) Arreta gabezia txikiak materiala zaintzean.

e) Norberaren garbitasun eta txukuntasunik eza.

f) Jendea behar den adeitasunez eta arretaz ez artatzea.

g) Enpresari bizilekua edo helbidea aldatu izanaren berri ez ematea.

h) Lankideekin eztabaida sutsua izatea lanaldi barrenean.

i) Hilabete batean egun batez lanera ez agertzea, bidezko arrazoirik gabe.

j) Tabakoa erabiltzeko politika ez betetzea.

-Hutsegite larriak.

Hutsegite larriak honako hauek dira:

a) Lanera berandu iristea hiru aldiz baino gehiagotan 30 eguneko epean, bidezko arrazoirik gabe.

b) 30 eguneko aldian egun batean, bitan edo hirutan lanera ez agertzea, bidezko arrazoirik gabe. Hutsegite bakar bat nahikoa izanen da lankide bati erreleboa hartu behar dionean edo enpresari kalte nabaria egiten zaionean.

c) Familian izandako aldaketak, Gizarte Segurantzan ondorioak izan ditzaketenak, behar den garaian ez jakinaraztea. Datu horietan faltsutasun edo ez egitez asmo gaiztoz jokatzen bada, hutsegite oso larritzat joko da.

d) Lanaldian jostetan ibiltzea.

e) Nagusiei edozein lanetan desobeditzea, lana arrazionalizatzeko metodo berriei gogor egitea eta trabak jartzea barne. Diziplina hautsi dela nabarmen ikusten denean edota jokabide horrek enpresari kalte nabaria sortzen dionean, hutsegite oso larritzat jotzen ahal da. Tabakoa erabiltzeko politika behin eta berriz ez betetzea ere hemen sartzen da.

f) Beste baten itxurak egitea lantokian, haren ordez sinatuz edo fitxatuz, edo beste batek norberaren ordez egin dezala onartzea.

g) Zabarkeriaz edo utzikeriaz aritzea lanean, zerbitzuaren kaltetan.

h) Lanean zuhurtziarik gabe jokatzea. Langileari edo lankideei istripu izateko arriskua ekartzen badie, edo instalazioak matxuratzeko arriskua, oso larritzat jo daiteke. Nolanahi ere, zuhurtziarik gabe jokatzea izanen da segurtasuneko arropa eta tresnak ez erabiltzea, aginduta dagoen bezala.

i) Lanaldian lan partikularrak egitea, baita enpresaren erremintak norberarentzat erabiltzea ere.

j) Hiruhileko berean beste hutsegite arin bat egitea (puntualtasuna salbu), nahiz desberdina izan, eta langileari hitzezko kargu hartzea ez den zigorra jarri izan bazaio.

k) Alkohola edo langileen gaitasun mental eta motoreei eragiten ahal dieten substantziak kontsumitzea. Substantziok espezialista batek errezetatu badizkio, enpresako Osasun Zerbitzuari jakinarazi beharko dio.

-Hutsegite oso larriak.

Honako hauek hutsegite oso larriak dira:

a) Bidezko arrazoirik gabe sei hilabeteko aldian hamar aldiz baino gehiagotan berandu iristea.

b) Lanera hiru egun jarraian huts egitea edo bost egun tartekatutan hilabete batean, bidezko arrazoirik eman gabe.

c) Agindutako kudeaketan iruzur, leialtasun eza edo konfiantza-abusu egitea eta beste lankideei, enpresari edo edozein pertsonari ebastea edo lapurtzea enpresaren lantokietan edo, lanean ari dela, beste edozein lekutan.

d) Enpresatik kanpo egindako lapurreta, maula edo bidegabeko erabilera egiteagatik zigorra jasotzea edo beste edozein delitu arrunt, egilearenganako konfiantza galarazten duena.

e) Eritasunaren edo istripuaren itxurak egitea, edo larrialdiarenak. Hutsegitea dela ulertuko da langilea, arrazoi horiengatik bajan egonik, bere gain edo besteren kontura edozein lanetan dabilenean. Istripuaren edo eritasunaren ondoriozko baja luzatzeko egiten den trikimailu oro ere atal honetan sartzen da.

f) Jarraian eta ohitura gisa, garbitasun eta txukuntasunik ez izatea, lankideengan arrazoizko arrengura sorrarazten duenean.

g) Mozkortuta eta drogak hartuta maiz egotea, baldin eta lanean ondorio makurrak badakartza. Inoiz mozkortzea, horren ondorioz kalte larria egiten bazaie pertsonei edo instalazioei.

h) Enpresaren korrespondentzia edo isilpeko dokumentuen sekretua haustea edo enpresakoa ez den bati isilpean eduki beharreko datuak ezagutaraztea.

i) Enpresarentzat bidegabeko lehia diren jarduerak egitea, edo bateraezinak direnak enpresaren jarduerarekin.

j) Hitzezko eta egitezko tratu txarrak ematea, agintekeria edo errespetu falta larria nagusiei edo haien ahaideei, baita lankide eta menpekoei ere.

k) Istripu larriak sorraraztea zuhurtasunik ezaz edo zabarkeriaz.

l) Erantzukizun berezia izanik, lanpostua uztea abisurik eman gabe.

m) Laneko errendimendua nahita gutxitzen jarraitzea.

n) Hiruhileko berean hutsegite larri gehiago egitea, nahiz desberdinak izan, zehapena jaso badute eta zehapena irmoa bada.

12.2. Zehapenen araubidea.

Zuzendaritzari dagokio zehapenak jartzeko ahalmena, hitzarmen honetan ezarritakoari jarraikiz.

Hutsegite larri eta oso larriengatik zehapena jartzeko, idatziz jakinaraziko zaio langileari, data eta zehapena jartzeko arrazoiak adierazita.

Zuzendaritzak hutsegite oso larriengatik ezartzen dituen zehapen ororen berri emanen die langileen legezko ordezkariei.

Zehapena ezarririk, haren datatik gehienez sei hilabete igaro ahal dira bete gabe.

-Zehapenak.

Hauek dira hutsegiteengatik jartzen ahal diren gehieneko zehapenak:

a) Hutsegite arinengatik:

  • Hitzezko kargu-hartzea.
  • Idatzizko kargu-hartzea.

b) Hutsegite larriengatik:

  • Idatzizko kargu-hartzea.
  • 2 egunetik 20ra arteko enplegu-soldaten etenaldia.

c) Hutsegite oso larriengatik:

  • Idatzizko kargu-hartzea.
  • 20 egunetik 60ra arteko enplegu-soldaten etenaldia.
  • Kaleratzea.

-Preskripzioa.

  • Hutsegite arinak: 10 egun.
  • Hutsegite larriak: 20 egun.
  • Hutsegite oso larriak: 60 egun.

Horiek guztiak Zuzendaritzak gertaeren berri izaten duenetik eta, betiere, gertatu eta handik sei hilabetera.

13.-Berdintasunerako Planaren Jarraipen Batzordea.

Arlo honetan legez ezarritakoa betetzeko, batzorde bat eratuko da, Lizarrako langileen ordezkarien artetik hautatua, BSHko Zuzendaritzarekin enpresarentzako "berdintasunerako plan" orokor bat negoziatze aldera enpresako beste zentro batzuekin batera.

I. ERANSKINA LANSARIEN TAULAK ETA EKOIZPEN SARIA

MAILA

ENPLEGATUAK

LANGILEAK

OINARRIZKO SOLDATA

HILEAN

HITZARMEN PLUSA

HILEAN

ZENBATEKOA

APARTEKO PAGA

OINARRIZKO LANSARIA

EGUNEAN

HITZARMEN PLUSA

EGUNEAN

ZENBATEKOA

APARTEKO PAGA

ORDUKO SARIA

135. JARD.

1. TALDEA

A

LAN HITZARMENETIK KANPOKO LANGILEAK

2. TALDEA

A

LAN HITZARMENETIK KANPOKO LANGILEAK

B

LAN HITZARMENETIK KANPOKO LANGILEAK

C

LAN HITZARMENETIK KANPOKO LANGILEAK

3. TALDEA

A

LAN HITZARMENETIK KANPOKO LANGILEAK

B

LAN HITZARMENETIK KANPOKO LANGILEAK

C

1.631,03

407,76

2.038,78

4. TALDEA

A

1.631,03

407,76

2.038,78

50,65

12,66

1.899,27

0,68624

B

1.541,84

385,46

1.927,30

48,43

12,11

1.815,98

0,64255

C

1.449,93

362,48

1.812,41

46,04

11,51

1.726,61

0,62392

5. TALDEA

A

1.449,93

362,48

1.812,41

46,04

11,51

1.726,61

0,62392

B

1.386,09

346,52

1.732,61

43,81

10,95

1.643,02

0,58762

C

1.323,49

330,87

1.654,36

41,71

10,43

1.564,16

0,54229

D

1.124,97

281,24

1.406,21

35,45

8,86

1.329,54

0,46095

E

1.058,79

264,70

1.323,49

33,37

8,34

1.251,33

0,43384

II. ERANSKINA PLUSAK ETA OSAGARRIAK

MAILA

TOXIKOTASUN,

NEKAGARRITASUN

ETA ARRISKU PLUSA

BERTARATZEAGATIKO KONPENTSAZIOA

GAUEKO

LANAREN

PLUSA

LARRIALDIETARAKO TALDEEN PLUSA

KOORDINATZAILE PLUSA

AUDITORE PLUSA

ERRETENA

OPORRETAKO JOAN-ETORRIEN PLUSA

HILEAN

HILEAN

ORDUAN

URTEAN

EGUNEAN

EGUNEAN

ASTEAN

EGUNEAN

1. TALDEA

A

LAN HITZARMENETIK KANPOKO LANGILEAK

2. TALDEA

A

LAN HITZARMENETIK KANPOKO LANGILEAK

B

LAN HITZARMENETIK KANPOKO LANGILEAK

C

LAN HITZARMENETIK KANPOKO LANGILEAK

3. TALDEA

A

LAN HITZARMENETIK KANPOKO LANGILEAK

B

LAN HITZARMENETIK KANPOKO LANGILEAK

C

73,59

45,83

2,70

95,44

6,00

3,00

61,59

17,59

4. TALDEA

A

73,59

45,83

2,70

95,44

6,00

3,00

61,59

17,59

B

73,59

45,83

2,70

95,44

6,00

3,00

61,59

17,59

C

73,59

45,83

2,70

95,44

6,00

3,00

61,59

17,59

5. TALDEA

A

73,59

45,83

2,70

95,44

6,00

3,00

61,59

17,59

B

73,59

45,83

2,70

95,44

6,00

3,00

61,59

17,59

C

73,59

45,83

2,70

95,44

6,00

3,00

61,59

17,59

D

62,55

38,96

2,30

81,12

5,10

2,55

52,35

14,95

E

58,87

36,66

2,16

76,35

4,80

2,40

49,27

14,07

III. ERANSKINA: ERRENDIMENDU/EKOIZPEN TAULA, LANBIDE TALDE ETA MAILAREN ARABERA

IRAKASLE TAL.

4. TALDEA

5. TALDEA

MAILA

B

C

A

B

C

D

E

JARDUERA

ZENBATEKOA EURO ORDUKO

Prestakuntza, ikaskuntza eta egokitzapena.

0,550756

0,534788

0,534788

0,503676

0,464824

0,395100

0,371859

135. jard. (batez besteko jarduera itundua)

0,642548

0,623920

0,623920

0,587622

0,542295

0,460950

0,433836

140. jard. (zenbait atal eta lanpostutarako: txapa, pintura)

0,734341

0,713051

0,713051

0,671568

0,619765

0,526800

0,495812

IV. ERANSKINA: LANSARIEN TAULAK ETA EKOIZPEN SARIA

MAILA

ENPLEGATUAK

LANGILEAK

OINARRIZKO SOLDATA

URTEAN

HITZARMEN PLUSA

URTEAN

ZENBATEKOA

APARTEKO PAGAK

GUZTIRA

URTEAN

OINARRIZKO LANSARIA

URTEAN

HITZARMEN PLUSA

URTEAN

ZENBATEKOA

APARTEKO PAGAK

URTEKO

EKOIZPEN SARIA

(135. jard.)

GUZTIRA

URTEAN

1. TALDEA

A

LAN HITZARMENETIK KANPOKO LANGILEAK

2. TALDEA

A

LAN HITZARMENETIK KANPOKO LANGILEAK

B

LAN HITZARMENETIK KANPOKO LANGILEAK

C

LAN HITZARMENETIK KANPOKO LANGILEAK

3. TALDEA

A

LAN HITZARMENETIK KANPOKO LANGILEAK

B

LAN HITZARMENETIK KANPOKO LANGILEAK

C

19.572,31

4.893,08

4.077,57

28.542,96

4. TALDEA

A

19.572,31

4.893,08

4.077,57

28.542,96

18.486,26

4.621,57

3.798,55

1.268,68

28.175,06

B

18.502,06

4.625,51

3.854,60

26.982,17

17.675,54

4.418,88

3.631,96

1.187,91

26.914,29

C

17.399,13

4.349,78

3.624,82

25.373,73

16.805,69

4.201,42

3.453,22

1.153,47

25.613,81

5. TALDEA

A

17.399,13

4.349,78

3.624,82

25.373,73

16.805,69

4.201,42

3.453,22

1.153,47

25.613,81

B

16.633,06

4.158,27

3.465,22

24.256,55

15.992,08

3.998,02

3.286,04

1.086,37

24.362,51

C

15.881,89

3.970,47

3.308,73

23.161,09

15.224,53

3.806,13

3.128,33

1.002,56

23.161,55

D

13.499,61

3.374,90

2.812,42

19.686,93

12.940,85

3.235,21

2.659,08

852,18

19.687,32

E

12.705,51

3.176,38

2.646,98

18.528,87

12.179,63

3.044,91

2.502,66

802,06

18.529,25

VI. ERANSKINA

Koordinatzaile plusaren erregulazioa

Norberaren kualifikazio eta esperientzia profesionalarengatik, Zuzendaritzak koordinatzaile lanpostuan aritzeko izendatzen dituen langileek plus bat hartuko dute hiru hilabetetik behin: 6 euro, lan egindako egun bakoitzeko. Konpentsazio hori eskuratzeko, lanpostu horietan egon beharko dute eta haien arduradunek agindutako eginkizunak beharko dituzte bete; aipatzearren bakarrik, honako hauek bederen, besteak beste:

-Eguneko ekoizpen planak betetzen diren egiaztatzea, aurreikusitako epe eta kostuaren barnean:

  • Behar diren materialak erabilgarri dauden egiaztatuz.
  • Instalazioak eskatutako baldintzetan daudela bermatuz.
  • Atal bakoitzean behar diren langileak behar denean prest daudela egiaztatuz.

-Atalean ezarritako estandarrak betetzen direla ziurtatzea:

  • Eragin eremuan arriskuei aurrea hartzeko baldintza guztiak betetzen direla bermatuz (barneko eta kanpoko langileak, eta taldeak).
  • Prozesuak ibilbide orriei jarraikiz gauzatzen direla ziurtatuz.
  • Kalitate, produktu, ingeniaritza, fabrikazio eta ingurumen jarraibideak zorrozki betetzen direla egiaztatuz.
  • Ekoizpen mantentze osoa betetzen dela bermatuz.
  • 5S estandarrak (txukuntasuna, garbiketa, markatzea...) betetzen direla ziurtatuz.
  • Kalitate, EMO, 5S eta abarren beharrezko erregistroak betez.
  • Bere mailan konpon ezin ditzakeen estandarren desbiderapenen berri emanez lineako arduradunari.

-Berreskuratze eta berroperazio prozesuen kontrola eta koordinazioa.

-Absentismo pikoetan absentziak betetzeko balioaniztasuna.

-Muntatze lineetako aldaketak eta prentsetako lanak kontrolatu eta koordinatzea.

-Kalitate eta fabrikazio emaitzak taldeko kideei jakinaraztea.

-Estandarren etengabeko hobekuntzan (egunean hobekuntza bat egiteko proposamena, gutxienez) laguntzea, egunero, eta hobekuntza taldeetan, behar denean.

-Langile berrien prestakuntza.

VII. ERANSKINA

Kide finko gisa larrialdietarako taldeei atxikitzeko dokumentua

Kide finko gisa larrialdietarako taldeari borondatez atxikitzea

Lizarran, 20..... (e)ko ................ aren ........ (e)an

Honen bitartez, ............................................... jaunak (zenbakia ...................) bere borondatez onartzen du txandakako kide gisa atxikitzea Lizarrako plantako larrialdietarako taldeei, besterik adierazi bitarte. Atxikipenagatik ............................. jaunak baldintza hauek beteten dituela ondorioztatu behar da:

-Plantillako langile finko izatea.

-Berak nahita aurkeztea.

-Lana produkzio postuetan egitea.

-Enpresak nahi duenean eta nahi den moduan emanen dio prestakuntza teorikoa eta praktikoa; plus hau da haren konpentsazioa.

Gainera, Autobabesaren eskuliburuko, Larrialdi Planeko eta uneoro indarrean dauden plantako Segurtasun jarraibideetako erantzukizun eta eginkizunak beteko dituela onartzen du (ebakuazio bide eta irteerak oztoporik gabe edukitzea; instalazio edo ekipamenduak larrialdi egoeran daudela ikusiz gero, horren berri ematea Prebentzio Departamentuari; ezarritako jarraibideen arabera jokatzea alarma eta ebakuazio aldietan; ebakuazio eta suteen simulakroetan parte hartu eta laguntzea, hala esaten zaionean; etab.); hori guztia bere taldeko arduradunak gainbegiratua eta txandak eta oporrak egokituz Autobabesaren eskuliburuko larrialdi planak prest egon daitezen.

Aipatu baldintza eta eginkizunak ez betetzera, taldeetatik kanpo geldituko da, besterik gabe. Dena dela, enpresak badu ahalmena taldeetako jendea nahi duenean baztertu eta beste norbait sartzeko.

Taldeei atxikitzearen ordainetan, ........................... jaunak 82,59 euro urtean hartuko ditu, atxikipen horrek dirauen bitartean eta agintzen zaizkion eginkizunak betez gero. Gainera, taldeko kide gisa beren zereginetan ematen duten ordu bakoitza ordu arruntaren balioarekin konpentsatuko da. Kanpoan egoteagatik edo ABEren edo istripu baten ondoriozko bajagatik, non ez den taldeko kide gisa zerbitzuak ematean gertatu, erreserbara igaroko da eta beste kide batek ordeztuko du; egoera horretan dagoen bitartean ez du aipatu ordain ekonomikoa eskuratuko.

Langilea, Zuzendaritza,

VIII. ERANSKINA

Txandakako kide gisa larrialdietarako taldeei atxikitzeko dokumentua

Txandakako kide gisa larrialdietarako taldeei borondatez atxikitzea

Lizarran, 20..... (e)ko ................ aren ........ (e)an

Honen bitartez, ............................................... jaunak (zenbakia ...................) bere borondatez onartzen du txandakako kide gisa atxikitzea Lizarrako plantako larrialdietarako taldeei, besterik adierazi bitarte. Atxikipenagatik ............................. jaunak baldintza hauek beteten dituela ondorioztatu behar da:

-Plantillako langile finko izatea.

-Berak nahita aurkeztea.

-Lana produkzio postuetan egitea.

-Enpresak nahi duenean eta nahi den moduan emanen dio prestakuntza teorikoa eta praktikoa; plus hau da haren konpentsazioa.

Gainera, Autobabesaren eskuliburuko, Larrialdi Planeko eta uneoro indarrean dauden plantako Segurtasun jarraibideetako erantzukizun eta eginkizunak beteko dituela onartzen du (ebakuazio bide eta irteerak oztoporik gabe edukitzea; instalazio edo ekipamenduak larrialdi egoeran daudela ikusiz gero, horren berri ematea Prebentzio Departamentuari; ezarritako jarraibideen arabera jokatzea alarma eta ebakuazio aldietan; ebakuazio eta suteen simulakroetan parte hartu eta laguntzea, hala esaten zaionean; etab.); hori guztia bere taldeko arduradunak gainbegiratua eta txandak eta oporrak egokituz Autobabesaren eskuliburuko larrialdi planak prest egon daitezen.

Aipatu baldintza eta eginkizunak ez betetzera, taldeetatik kanpo geldituko da, besterik gabe. Dena dela, enpresak badu ahalmena taldeetako jendea nahi duenean baztertu eta beste norbait sartzeko.

Taldeei atxikitzearen ordainetan, ........................... jaunak 82,59 euro urtean hartuko ditu, atxikipen horrek dirauen bitartean eta agintzen zaizkion eginkizunak betez gero. Gainera, taldeko kide gisa beren zereginetan ematen duten ordu bakoitza ordu arruntaren balioarekin konpentsatuko da. Kanpoan egoteagatik edo ABEren edo istripu baten ondoriozko bajagatik, non ez den taldeko kide gisa zerbitzuak ematean gertatu, erreserbara igaroko da eta beste kide batek ordeztuko du; egoera horretan dagoen bitartean ez du aipatu ordain ekonomikoa eskuratuko.

Dena dela, taldearekiko atxikipena ez da urtebetetik gorakoa izanen jendea itxaronzerrendan badago.

Langilea, Zuzendaritza,

IX. ERANSKINA

Kalitateko auditoreen plusa arautzea

Norberaren kualifikazio eta esperientzia profesionalarengatik, Zuzendaritzak kalitateko auditore lanpostuan aritzeko izendatzen dituen langileek plus bat hartuko dute hiru hilabetetik behin: 3 euro, lan egindako egun bakoitzeko. Konpentsazio hori eskuratzeko, lanpostu horietan egon beharko dute eta haien arduradunek agindutako eginkizunak beharko dituzte bete; aipatzearren bakarrik, honako hauek bederen, besteak beste:

-Segurtasun elektrikoa/loturak.

-Osagaiak egiaztatzea (oinarrizko zerrenda).

-Elektronikei programa testa.

-Egiaztapen estetikoa.

-Funtzionamendua egiaztatu lineetan/grafiketan.

-Produktuak izan ditzakeen desbideratzeak atzeman, akatsak baloratu (A, B eta C).

  • Penalizazioa sisteman / SAP-QM.
  • Berehala jakinarazi lineako arduradunari, bai eta dagokion prozesuko kalitatekoari ere.

-Fabrikazio lineen arteko auditoretza.

X. ERANSKINA

Kalitate saria

Kalitate saria kalkulatzeko egitura aldatu da, plantako egungo produktuak kontuan hartuta.

-PG:

1. Sarien egitura (%40)

Kalitate kostuak * 100

--------------------

(Production Output (urte mugaeguneratua)/12)

KALITATE KOSTUAK / (FACTORY OUTPUT/12)

3,5

%50

2,5

%100

1,5

%150

2. Txatarren adierazlea (%30)

TXATARRAK (€/ap.)

%81

%50

%85

%100

%89

%150

3. FPY (AEA) (%30).

FPY (AEA):

%81

%50

%85

%100

%89

%150

OHARRAK:

-Kalitate kostuak: gure produktuak lehenengo urtean erabiltzean izandako arazoek sortutako merkatuko esku-hartzeen ondoriozko hileko kostuak.

-Production Output: aparatu amaituak saltzearen ondoriozko diru sarrera.

-FPY (AEA): hauxe izanen da GV550 lineak automatikoan emanen duen balioa hiru puntu ezberdinetatik.

. Ikusmen artifiziala.

. Proba funtzionalak.

. Azken proba.

FPYren azken balioa hiru posizioen batura gisa emanen da eta guztiz automatikoa izanen da.

-PW:

Sarien egitura:

1. PPMs' (PL) (%40).

PPMs' (PL):

4.000

%50

2.000

%100

400

%150

2. Txatarren adierazlea (%30)

TXATARRAK (€/ap.)

0,25

%50

0,15

%100

0,05

%150

3. FPY (He ganbera + karrusela) (%30)

FPY (He ganbera + karrusela)

%85

%50

%90

%100

%95

%150

KALITATE KOSTUA / PPM (PL)

TXATARRA

FPY

BALIOA

%40

%30

%30

%50-350 euro

140

105

105

%100-640 euro

320

160

160

%150-1.000 euro

500

250

250

Erabateko kalitatearen saria kalkulatzeko formula izanen da dibisioek aurten beren gain hartzen duten kostu finkoaren pisuaren araberakoa. 2009ko urteari hau egokituko zaio: PGrako kalitate sariaren balioaren %60 gehi PWrako kalitate sariaren balioaren %40.

Lan hitzarmenak indarra duen bitartean, bermatuta dago 350 euroko tartea, eta horien zati proportzionala hilean behin eskuratuko da.

Sari honen 2009ko lehenengo sei hilabeteetako likidazioa aurreko lan hitzarmeneko sari sistemaren arabera eginen da.

XI. ERANSKINA

MOD eragimen sariaren taula

URTEKO SARIA

(EUROAK)

G %

950

F %

800

E %

690

D %

600

C %

530

B %

480

A %

440

Az azpitik %

250

Bermatuta daude lehen 250 euroak, eta haien zatia hilean behin ordainduko da.

Lan hitzarmenaren indarraldiaren azken urtea amaitzean, 440 euro bermatuko dira, hitzarmenaren indarraldiko azken hiru urteetan %89ko eragimena sendotu bada, betiere.

Egungo kontzeptuaz bestelako ibilbide orria duten produktu berriak sartzearen ondorioz, sarien likidaziorako taulak langileen eta Zuzendaritzaren artean adostuko dira, plantaren egoeraren arabera, produktu berriak sartu eta lehenengo lau hilabeteak igaro ondotik.

Sari honen 2009ko lehenengo sei hilabeteetako likidazioa aurreko lan hitzarmeneko sari sistemaren arabera eginen da.

Iragarkiaren kodea: F0921850