2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ERRONKARI
6. aldaketa (egiturazkoa eta xehakatua)
Erronkariko hirigintzako udal planean
Ekainaren 18ko 103/2009 Foru Aginduaren bidez (Lurraldearen Antolamendu eta Hirigintzako kontseilariak emana eta 2009ko 97. Nafarroako Aldizkari Ofizialean, abuztuaren 7an, argitaratua) behin betiko onetsi dira Erronkariko Hirigintzako Udal Planeko 6. aldaketa (hirigintzako antolamenduaren egiturazko determinazio xehakatuak), San Juan auzoko AR-4 banaketa eremuko UE-16, UE-17 eta UE-20 unitateei dagokiena (7. poligonoko 77 eta 78. lurzatiak), Javier Viscarret Idoate jaunak sustatua. Horrenbestez, eduki arauemailea aditzera ematen da, Toki Araubideko Oinarriak arautzen dituen apirilaren 2ko 7/1985 Legearen 70. artikuluak eta Lurraldearen Antolamenduari eta Hirigintzari buruzko abenduaren 20ko 35/2002 Foru Legearen 81.ak xedatzen dutenari jarraituz.
Erronkarin, 2009ko irailaren 3an.-Alkatea, Agapito Boj Garate.
6. ALDAKETA ERRONKARIKO HIRIGINTZAKO UDAL PLANEAN
1.-Hirigintzako egiturazko determinazioak.
1.1. Lurzoruaren sailkapena.
Exekuzio unitate berriko lursailak AR-4 banaketa eremuaren barruan daude, eta bizitegirako dentsitate apaleko zoru urbanizagarriko sailkapenari eutsita, UE 20 unitatea izena hartu dute ondoren.
1.2. Sektorizazioa.
Unitate berriko lursailek exekuzio unitate bakarra osatuko dute. Haien jarduketa eremuaren azalera osoa 3.018 m²koa izanen da eta ondoriozko UE-17 exekuzio unitatearen azalera 4.572 m²koa.
1.3. Bide publikoak eta sistema orokorrak.
UE-17 exekuzio unitatearentzat, eta, hortaz, bertatik banandu denarentzat ere, Udal Planeko determinazioetan zehaztuarekin bat, proposatutako unitate berriak parte hartuko du inguruko eta bertara iristeko bideak egokitzerakoan.
1.4. Erabilpenak, aprobetxamenduak, lagapenak eta kargak.
Parametro guztien kalkulua, zoru eraikigarri, eraikigarritasun, lagapen eta abarrena, azalerak zorrotz konpentsatuz eginen da, Erronkariko Udal Planeko banaketa eremu eta exekuzio unitate desberdinen artean onuren eta kargen orekari euts dakion. Orobat Planean zeuden azalerak zehaztuko dira, benetako neurketak egin baitira, eta Plan horretako dokumentazioan antzemandako zenbait akats zuzendu eta konponduko dira.
1.5. Eredu-aprobetxamendua eta homogeneotasun koefizienteak.
Bai eredu-aprobetxamendua bai homogeneotasun koefizienteak Erronkariko indarreko Udal Planean ezarritakoak dira. Alde horretatik ez da aldaketarik proposatzen, antzemandako akats materialak izan ezik.
1.6. Udal Planeko araudi partikularra eta aldatutako fitxak.
40. artikulua.
AR-4 |
Banaketa eremuaren azalera | 26.514 m² | |
Irabazizko azalera | 14.756 m² |
Eraikigarritasuna, guztira | 7654 m²c |
Erabilera bereizgarria | bizitegitarako |
Erabilerak homogeneizatzeko koefizienteak: |
Erabilera xehakatuak | Erabilera | Homog. koef. |
| Herrigunea handi. | 0,7 |
Lurzatia | 0,1 |
Dentsitate baxua | 1 |
D. baxuko lurzatia. | 0,2 |
Irabazizko aprobetxamendua, guztira | 8.538.10 a.u. | |
Eredu-aprobetxamendua | 0,3220 |
Etxebizitzen gehieneko kopurua | 54 | |
LAGAPENAK (guztira, bideak + ekipamenduak) | 11758 |
Bideak | 5410 | |
Ekipamenduak (guztira) | 6348 | |
Eremu libreak eta berdeguneak | 5.633 m² | |
Jolastokiak | 165 m² | |
Balio anitzeko ekipamendua | 550 m² | |
Aparkalekuak | 108 | |
Kudeaketa: | Plan Partzialaren determinazioek antolatzen dituzte zoruak. Kasuan kasuko exekuzio unitateen birzatiketa eta urbanizazio proiektuen bidez garatuko da. |
43. artikulua.
UE 16 |
Unitatearen azalera (m²) | 7.207 m² |
Lagapenak ekipamenduetarako (m²) | 1.499m²ko eremu libreak |
Lagapenak bideetarako (m²) | 1.929 m² |
Irabazizko azalera (m²) | 3.779 m² |
Aplikatzen den ordenantza | Herrigunea handitzea eta eremu libreak |
Eraikigarritasuna (m²c) | 2.456 m²c |
Etxebizitzen gehieneko kopurua | 21 |
A. U.en irabazizko aprobetxamendua, guztira | 2097 |
Aparkalekuak | 42 |
Kudeaketa: | Konpentsazioa. II. fasea |
44. artikulua.
UE 17 |
Unitatearen azalera (m²) | 4.572 m² |
Lagapenak ekipamenduetarako (m²) | 1.011 m²ko eremu libreak eta jolastokiak; 153 balio anitzeko ekipamendua |
Lagapenak bideetarako (m²) | 849 m² |
Irabazizko azalera (m²) | 2.559 m² |
Aplikatzen den ordenantza | Dentsitate apala eta ekipamenduak |
Eraikigarritasuna (m²c) | 1.024 m²c |
Etxebizitzen gehieneko kopurua | 5 |
A. U.en irabazizko aprobetxamendua, guztira | 1535,4 |
Aparkalekuak | 10 |
Kudeaketa: | Konpentsazioa. Inguruko eta bertara iristeko bideak egokitzerakoan parte hartuko du. Xehetasun azterlana behar du. I. fasea |
44.bis artikulua.
UE 20 |
Unitatearen azalera (m²) | 3.018 m² |
Lagapenak ekipamenduetarako (m²) | 397 m² balio anitzeko ekipamendurako |
Lagapenak bideetarako (m²) | 932 m² |
Irabazizko azalera (m²) | 1.689 m² |
Aplikatzen den ordenantza | Dentsitate apala eta ekipamenduak |
Eraikigarritasuna (m²c) | 676 m²c |
Etxebizitzen gehieneko kopurua | 3 |
A. U.en irabazizko aprobetxamendua, guztira | 1.013 |
Aparkalekuak | 6 |
Kudeaketa: | Borondatezko birzatiketa. Urbanizazio proiektua |
2.-UE 20 unitate berriko hirigintzako determinazio xehakatuak. Baldintzak, morfologia, tipologia eta eraikinen erabilerak.
2.1. Aplikatzen den ordenantza: Eraikuntza berria 4. (Dentsitate apaleko bizitegia) eta 6. (Ekipamenduak) ordenantzetara egokituko da. Eraikuntzari buruzko araudia hurrengo ataletan zehaztuko da.
2.2. Lerrokadurak eta sestrak.
Erantsitako grafikoetan ageri dira. Sestrak bere horretan utzi dira, oraingo sarbidea erreferentziatako harturik, eta lurzatiaren barrenean ezarritako lerrokadurak gehienekoak izanen dira, M6 planoko arauei jarraituz.
2.3. Gehieneko garaiera: 4. (Dentsitate apaleko bizitegia) eta 6. (Ekipamenduak) ordenantzetan zehaztua: 6,50msS hegalpean.
2.4. Solairu kopurua, gehienez: 2 solairu gehienez.
2.5. Irabazizko azalera, gehienez: (irabazizko) lurzati pribatuaren gehieneko azalera 1.689 m²koa izanen da.
2.6. Gehieneko azalera eraikigarria: gehieneko azalera eraikigarria 1.689 m²koa izanen da, 0,4 m²/m²koari dagokiona.
2.7. Lurzatiaren gehieneko okupazioa: lurzatiaren gehieneko okupazioa %30ekoa izanen da.
2.8. Erabilerak: 4. ordenantzan (Dentsitate apaleko bizitegia) ezarriak.
2.9. Tipologia: 4. ordenantza (Dentsitate apaleko bizitegia).
2.10. Baldintza estetikoak: araudi orokorrean eta 4. ordenantzan (Dentsitate apaleko bizitegia) zehaztuak.
2.11. Lurrei eusteko sistema: kontuan harturik Udalak berak egungo bidea UE-20 unitate berriaren kota baino baxuago egin duela, 2 eta 2,5 metro bitartean baitago, beharrezkoa izanen da indusketak egitea lurzatietara kaletik bide lauan iristen ahal izateko. Hala ere, ezpondak sortuko dira ezinbestean. Lurzatien topografiara egokitzeko, ezponda edo harri-lubeten bitartez eutsiko zaie lurrei, betiere berriro landareez estaltzen badira, begietarako kalteak saihesteko, eta maldak 45º baino pikoagoak ez badira.
2.12. Zuhaitzen aberastasuna mantentzea: UE 20 unitate berriko lurzatiek apenas daukate zuhaitzik, zuhaixkak eta tamaina txikiko zuhaitz bakan batzuk baino ez dago eta. Ahalik eta hobekien mantentzen saiatuko da, eta eremu libreetan zuhaitzak eta lorategiak paratuko dira.
2.13. Lurzatien itxiturak: lurzatiak itxiz gero, aplikatu beharreko 4. ordenantzaren 100. artikuluaren aginduei jarraituko zaie.
2.14. Jarduketa sistema: lurzatia jabe bakarrekoa izanik, borondatezko birzatiketa sistema ezartzen da.
2.15. Lurzatiketak: agirian UE 20 unitate berrirako proposatzen den lurzatiketa idatzizkoa eta grafikoa da (M4 planoa).
2.16. Urbanizazioa: kontuan harturik unitateak hirigintzako zerbitzu guztiak lurzatian bertan edo ondoan dauzkala, egin beharreko urbanizazio lana da zerbitzu horiek guztiak lurzatietara eramatea, baita unitatearen hegoaldeko frontean doan bidea bukaeraino luzatzea ere.
Obra hauek urbanizazio proiektu bat idatzitakoan zehaztuko dira.
2.17. Aprobetxamendurako lagapenak: Nafarroako Lurraldearen Antolamenduari eta Hirigintzari buruzko 35/2002 Foru Legearen 98. artikluaren c) puntuan xedatuarekin bat, Administrazioari doan lagako zaio eremu horretako aprobetxamenduaren %10ri dagokion zorua. Zorua laga ordez, haren balio ekonomikoa ematen ahalko da.
2.18. Birzatiketa proiektua-kudeaketa. Borondatezko birzatiketa. Urbanizatzeko proiektua. Hirigintzako hitzarmena hirigintzako aprobetxamenduaren %10eko lagapena diruz emateko.
Iragarkiaren kodea: L0921894