1. NAFARROAKO FORU KOMUNITATEA
1.7. BESTELAKOAK
377/2009 EBAZPENA, uztailaren 23koa, Antolamenduaren, Kalitatearen eta Berrikuntzaren zuzendari nagusiak emana, Altsasuko "San Miguel de Aralar I-Aralarko Mikel Donea I" Bigarren Hezkuntzako Institutuari baimena ematen diona Frantsesa irakasteko, bateratuz Bigarren Hezkuntzako atzerriko hizkuntzen curriculuma eta Hizkuntzen Urrutiko Irakaskuntza Ofizialaren curriculuma, betiere NUHEO-Nafarroako Urrutiko Hizkuntza Eskola Ofizialaren koordinaziopean.
Ikasketak Antolatzeko Zerbitzuko zuzendariak aldeko txostena eman du, Altsasuko "San Miguel de Aralar I-Aralarko Mikel Donea I" Bigarren Hezkuntzako Institutuari baimena eman dakion Frantsesa irakasteko, bateratuz Bigarren Hezkuntzako atzerriko hizkuntzen curriculuma eta Hizkuntzen Urrutiko Irakaskuntza Ofizialaren curriculuma, betiere NUHEO-Nafarroako Urrutiko Hizkuntza Eskola Ofizialaren koordinaziopean.
Kontuan izanik Hezkuntzari buruzko maiatzaren 3ko 2/2006 Lege Organikoaren 60.3 artikulua, martxoaren 19ko 22/2007 Foru Dekretua eta azaroaren 15eko 339/1993 Foru Dekretua.
Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1. d) artikuluak ematen dizkidan ahalmenak erabiliz,
EBATZI DUT:
1. Altsasuko "San Miguel de Aralar I-Aralarko Mikel Donea I" Bigarren Hezkuntzako Institutuari baimena ematea, 2009-2010 ikasturterako, Frantsesa irakasteko, bateratuz atzerriko hizkuntza horren curriculuma eta hizkuntzen urrutiko irakaskuntzaren curriculuma, NUHEOren lankidetza programarekin bat.
2. Beraz, ulertuko da Altsasuko "San Miguel de Aralar I-Aralarko Mikel Donea I" Bigarren Hezkuntzako Institutuari baimena eman zaiola Frantsesa irakasteko, bateratuz Bigarren Hezkuntzako atzerriko hizkuntza horren curriculuma eta hizkuntzen urrutiko irakaskuntza ofizialaren curriculuma, Nafarroako Urrutiko Hizkuntza Eskola Ofizialak koordinaturik, betiere Nafarroako Urrutiko Hizkuntza Eskola Ofizialaren antolaketa eta jarduna arautzeko Jarraibideetan ikasturte bakoitzerako onesten diren arauetan finkatzen diren mailen arabera.
3. Altsasuko "San Miguel de Aralar I-Aralarko Mikel Donea I" Bigarren Hezkuntzako Institutuko Ikasleak borondatez sartuko dira Programan, eta matrikula egin beharko dute bai institutuan bai Nafarroako Urrutiko Hizkuntza Eskola Ofizialean. Ikasleen ebaluazioa desberdina izanen da ikasketen balio akademikoaren arabera: alde batetik, atzerriko hizkuntza gainditzea Bigarren Hezkuntzako irakaskuntzan (bere ebaluazio prozesua izanen du), eta beste aldetik, hala badagokio, Frantseserako NUHEOren ziurtagiria lortzea.
4. Programa honetan hasten diren ikasleei Altsasuko "San Miguel de Aralar I-Aralarko Mikel Donea I" Bigarren Hezkuntzako Institutuak bermatuko die bertan segituko dutela, harik eta Araubide Bereziko Hizkuntzen Irakaskuntzen ikasketak burutu arte, gai horri buruz indarra duen araudia kontuan harturik.
5. Hezkuntza Departamentuak bukatutzat eman dezake ebazpen honetan aipatzen den baimena, ondoko kasu hauetan:
-Institutuak arrazoibidez eskatuz gero. Horretarako, Hezkuntzako Ikuskapen Zerbitzuaren eta NUHEOren txostenak beharko dira.
-Baimena bukatutzat emateko moduko gorabeherak azalduz gero. Horretarako, NUHEOk egindako ebaluazioa hartuko da kontuan.
6. Ebazpen honen kontra gora jotzeko errekurtsoa aurkezten ahal da, Hezkuntza Departamentuko kontseilariari zuzendua, hilabeteko epean, argitaratu eta biharamunetik aitzina.
7. Ebazpen hau igortzea Ikasketak Antolatzeko Zerbitzuari, Eskolako Hizkuntza Plangintzaren Zerbitzuari, Giza Baliabideen Zerbitzuari, Ikastetxeen eta Ikasketetarako Laguntzen Zerbitzuari, Antolamenduaren eta Tituluen Atalari, Atzerriko Hizkuntzen Atalari eta Altsasuko "San Miguel de Aralar I-Aralarko Mikel Donea I" Bigarren Hezkuntzako Institutuari, behar diren ondorioak izan ditzan.
8. Ebazpen hau Nafarroako Aldizkari Ofizialean argitaratzea.
Iruñean, 2009ko uztailaren 23an.-Antolamenduaren, Kalitatearen eta Berrikuntzaren zuzendari nagusia, Teresa Aranaz Jiménez.
Iragarkiaren kodea: F0920095