I. NAFARROAKO FORU KOMUNITATEA
1.3. BESTELAKO XEDAPENAK
1.3.1. Lurraldearen antolamendua eta hirigintza
163/2008 FORU AGINDUA, ekainaren 19koa, Lurraldearen Antolamendu eta Etxebizitza kontseilariak emana, behin betiko onesten duena San Martin Unxeko Udal Plana, AR-8 (lehen AR-7) banaketa eremuan, San Salvador parajean, aldatzeko espedientea. Sustatzailea Servicios Inmobiliarios Ecociudad de Sarriguren, S.L. da.
San Martin Unxeko Udalak idazpuruan azaltzen den espedientea aurkeztu du Lurraldearen Antolamendu eta Etxebizitza Departamentuan, behin betiko onets dadin.
Ikusirik aurkezturiko agiriak eta Lurraldearen Antolamendu eta Hirigintza Zerbitzuaren txostena, bidezko da behin betiko onestea.
Lurraldearen Antolamendu eta Etxebizitza Departamentuaren egitura organikoa ezarri zuen irailaren 3ko 127/2007 Foru Dekretuaren bidez eskuratu ditudan ahalmenak erabiliz,
AGINDU DUT:
1. Behin betiko onestea San Martin Unxeko Udal Plana, AR-8 (lehen AR-7) banaketa eremuan, San Salvador parajean, aldatzeko espedientea, jarraian adierazten diren zehaztapenekin. Sustatzailea Servicios Inmobiliarios Ecociudad de Sarriguren, S.L. da.
a) Udalak zainduko du eremu berriaren eta herrigunearen arteko bideen eta oinezkoentzako bideen lotura bermatzea, dagokion urbanizazio proiektuko neurriak zehaztea eskatuz, eta berdegunean sartu ahal izatea, Oztopo fisikoei buruzko 4/1988 Foru Legean eta hori garatzen duen 154/1989 Foru Dekretuan ezarritako baldintzak betetzen direla ziurtatuz.
b) Ingurumen eta iraunkortasun irizpideak direla eta, proiektuan planteatzen diren hondeaketak eta betelanak esparruan bertan eginen dira, bertako baliabideak optimizatze aldera. Gainera, urbanizazioaren azken kotak behar bezala aztertu beharko dira, eta altuera handiko hormak, harri lubetak eta abar saihestuko dira.
c) Ingurumenaren eta Uraren zuzendari nagusiaren maiatzaren 29ko 1069/2008 Ebazpenean egindako Ingurumen ondorioen adierazpenean ezarritako baldintzak bete beharko dira.
-Paisaiarekin bat egitea ahalbideratu eta lursailaren topografia naturalera egokituko diren konponbide teknikoak aplikatu beharko dira.
-Neurri hauek aurreikusiko dira: malda 3H:2V baino txikiagoa duten ezpondak, birlandaketak, bertako espezieak erabilita (Quercus rotundifolia, Quercus coccifera, Pistacia lentiscus) eta pantaila linealak zuhaitz eta zuhaixkekin.
2. Foru agindu honek ez duela administrazio bidea amaitzen adieraztea. Interesdunek, administrazio publikoek izan ezik, legezkotasuna kontrolatzea helburu duen egintza honen kontra gora jotzeko errekurtsoa jartzen ahalko dute, Nafarroako Gobernuari zuzendua, hilabeteko epean. Onetsitako hirigintza araudiaren kontra administrazioarekiko auzi-errekurtsoa jartzen ahalko da, Nafarroako Auzitegi Nagusiko Administrazioarekiko Auzien Salari zuzendua, araudia Nafarroako ALDIZKARI OFIZIALean argitaratzen denetik bi hilabeteko epean.
Administrazio publikoek zilegi dute administrazioarekiko auzi-errekurtsoa jartzea, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du alde batera uzten Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.
Epe horiek foru agindu honen jakinarazpena egin edo, bestela, Nafarroako ALDIZKARI OFIZIALean argitaratu eta biharamunetik aurrera hasiko dira kontatzen.
3. Foru agindu San Martin Unxeko Udalari eta Servicios Inmobiliarios Ecociudad de Sarriguren, S.L.ri jakinaraztea eta Nafarroako ALDIZKARI OFIZIALean argitaratzea, behar diren ondorioak izan ditzan.
Iruñean, 2008ko ekainaren 19an.-Lurraldearen Antolamendu eta Etxebizitza kontseilaria, José Carlos Esparza Sáez.
Iragarkiaren kodea: F0810034
