I. NAFARROAKO FORU KOMUNITATEA
1.3. BESTELAKO XEDAPENAK
1.3.4. Dirulaguntzak eta bekak
341/2008 FORU AGINDUA, ekainaren 24koa, Landa Garapeneko eta Ingurumeneko kontseilariak emana, apirilaren 21eko 166/2008 Foru Agindua aldatzen duena. Foru agindu horrek Nekazaritzako Aseguru Konbinatuen Planeko nekazaritzako zenbait aseguru sinatzeko diru-laguntzen oinarri arautzaileak eta deialdia onesten ditu, 2008. urterako.
Apirilaren 21eko 166/2008 Foru Aginduak Nekazaritzako Aseguru Konbinatuen Planeko nekazaritzako zenbait aseguru sinatzeko diru-laguntzen oinarri arautzaileak eta deialdia onesten ditu, 2008. urterako. Bertan zehazten dira nekazaritzako aseguru konbinatuen eta abeltzaintzako aseguruen lerroak. Nafarroako Foru Komunitateak abeltzaintzako aseguruentzako diru-laguntza osagarria ematen du, Nekazaritzako Aseguruen Estatuko Entitateak (ENESA) horretarako ematen duen diru-laguntzaz gain.
Berriki sortu da txerri-aziendaren ustiapen asegurua, eta Landa Garapeneko eta Ingurumeneko Departamentuak aurreikusi du lerro hori diruz laguntzea 2008an. Ondorioz, apirilaren 21eko 166/2008 Foru Agindua aldatu behar da, eta txerri-aziendaren ustiapen asegurua sartu.
Horrenbestez, Nafarroako Gobernuari eta lehendakariari buruzko abenduaren 3ko 14/2004 Foru Legearen 41. artikuluak ematen dizkidan eskumenak erabiliz,
AGINDU DUT:
1. Apirilaren 21eko 166/2008 Foru Agindua aldatzea. Foru agindu horrek Nekazaritzako Aseguru Konbinatuen Planeko nekazaritzako zenbait aseguru sinatzeko diru-laguntzen oinarri arautzaileak eta deialdia onesten ditu, 2008. urterako.
Apirilaren 21eko 166/2008 Foru Aginduaren eranskina aldatzea. Foru agindu horrek Nekazaritzako Aseguru Konbinatuen Planeko nekazaritzako zenbait aseguru sinatzeko diru-laguntzen oinarri arautzaileak eta deialdia onesten ditu, 2008. urterako. Honela geratuko da aipatutako eranskina:
1. Lehenengo oinarriaren 2.b) atalari beste aseguru lerro bat gehituko zaio:
"Txerri-aziendaren ustiapen asegurua".
2. Bigarren oinarriari txerri-aziendaren ustiapen aseguruaren lerroari dagokion diru-laguntzaren zenbatekoa gehituko zaio:
Kodea: 196. Lerroa: txerri-aziendaren ustiapen asegurua. Taldea: IV.a. Landa Garapeneko eta Ingurumeneko Departamentuaren diru-laguntza: %41. Gehieneko diru-laguntza (kostu garbiaren gainean) ENESA + Landa Garapeneko eta Ingurumeneko Departamentua: %65,00.
2. Oinarri arautzaileen aurka gora jotzeko errekurtsoa paratzen ahal da, Nafarroako Gobernuari zuzendua, argitaratu eta biharamunetik hilabeteko epean.
3. Foru agindu honek Nafarroako ALDIZKARI OFIZIALean argitaratu eta biharamunean hartuko du indarra eta 2008ko urtarrilaren lehenaz aurrera izanen ditu ondorioak, aseguru lerro horren polizei dagokienez.
Iruñean, 2008ko ekainaren 24an.-Landa Garapeneko eta Ingurumeneko kontseilaria, Begoña Sanzberro Iturriria.
Iragarkiaren kodea: F0810110
