I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
2036/2008 EBAZPENA, ekainaren 18koa, Nafarroako Enplegu Zerbitzuko zuzendari kudeatzaileak emana, María Begoña Urdiain Díaz andrea Nafarroako Enplegu Zerbitzuko Tuterako Enplegu Agentziako arduradun izendatzen duena, bitarte baterako.
Nafarroako Foru Komunitateko Administrazioari buruzko abenduaren 3ko 15/2004 Foru Legeak 27.3 artikuluan ezartzen duenez, Foru Komunitateko funtzio publikoari buruzko legedian ezartzen denari jarraikiz izendatuko eta kargutik kenduko dira atalburuak, bulegoburuak eta ataletik beherako unitateetako buruak.
Nafarroako Foru Komunitateko Administrazioaren eta haren erakunde autonomoen organoetako langileen arloko eskurantzak zehazten dituen otsailaren 21eko 30/2005 Foru Dekretuaren 8. artikuluaren eta Nafarroako Enplegu Zerbitzuaren estatutuak onesten dituen maiatzaren 21eko 47/2007 Foru Dekretuaren bidez esleitutako eskurantzez baliatuz,
EBATZI DUT:
1. María Begoña Urdiain Díaz andrea Nafarroako Enplegu Zerbitzuko Tuterako Enplegu Agentziako arduradun izendatzea, bitarte baterako.
2. Ebazpen hau igortzea Funtzio Publikoaren Zuzendaritza Nagusira, Nominen eta Gizarte Segurantzaren Atalera eta Enplegurako Prestakuntza eta Bitartekaritza Zerbitzura.
3. Ebazpen hau interesdunari jakinaraztea, eta adieraztea 10 egun naturaleko epean jabetu beharko duela lanpostuaz, jakinarazi eta biharamunetik zenbatzen hasita, Nafarroako Enplegu Zerbitzuko Laguntza Tekniko eta Administratiboaren Zerbitzuan.
4. Ebazpen hau Nafarroako ALDIZKARI OFIZIALean argitaratzea, behar diren ondorioak izan ditzan.
Iruñean, 2008ko ekainaren 18an.-Nafarroako Enplegu Zerbitzuko zuzendari kudeatzailea, José Luis Ruiz Ciruelos.
Iragarkiaren kodea: F0810598
