I. NAFARROAKO FORU KOMUNITATEA
1.3. BESTELAKO XEDAPENAK
1.3.6. Beste batzuk
420/2007 EBAZPENA, abenduaren 14koa, Ikuskapenaren eta Zerbitzuen zuzendari nagusiak emana, Lakuntzako Udalaren "San Saastin" Musika Eskolaren baimena aldatzen duena, espezialitate gehiago eskaintzeko.
José Ramón Garin jaunak, Lakuntzako Udaleko alkate-udalburuak, herri horretako "San Saastian" Musika Eskolaren titularrak, baimena eskatu du bertan "Bateria" musika-tresnaren espezialitatea irakatsi ahal izateko.
Ikusirik Zerbitzuak Ikuskatzeko eta Ikuskapen Teknikorako Zerbitzuak emandako adostasun txostena.
Nafarroako Foru Komunitateko Musika eta Dantza Eskolen sorrerari eta funtzionamenduari buruzko oinarrizko arauak ezartzen dituen abenduaren 21eko 421/1992 Foru Dekretuaren 29. artikuluak ezarritakoa kontuan hartuz (1993ko urtarrilaren 22ko Nafarroako ALDIZKARI OFIZIALa).
Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluak eman dizkidan ahalmenak erabiliz, eta Ikastetxeen, Ikasketetarako Laguntzen eta Azterlan Ekonomikoen Zerbitzuak proposaturik,
EBATZI DUT:
1. Baimena ematen zaio Lakuntzako Udalaren "San Saastin" Musika Eskolari (ikastetxearen kodea: 31008657) bateria musika-tresnaren espezialitateko ikasketak emateko, 2007/2008 ikasturtearen hasieratik aurrera.
2. Hemendik aurrera, eskolak ondoko ikasketak emateko baimena izanen du:
a) 421/1992 Foru Dekretuaren 9. artikuluko 1. idatz-zatian aipatzen den oinarrizko eskaintzari dagozkionak, espezialitate hauetan: akordeoia, bateria, gaita, gitarra, pianoa, tronpeta eta txistua.
b) "Musika eta Mugimendua" ikasketak 3 urtetik 6 urte bitarteko ikasleentzat.
3. Departamentu honen baimena beharko da eskolaren osaera aldatzeko, baldin eta aldaketak 421/1992 Foru Dekretuaren 29. artikuluan arautua ukitzen badu.
4. Foru dekretu horren 31. artikuluan aipatutako kasuetan, eskolaren baimena baliorik gabe uzten ahalko da.
5. Ohartarazten da ezen, 421/1992 Foru Dekretuaren 20. artikuluarekin bat, eskolaren titularra den entitateak ordainduko dituela ebazpen honen bidez baimendutako ikasketen gastuak.
6. Administrazioaren ebazpen honen kontra administrazio publiko interesdunak administrazioarekiko auzi-errekurtsoa jartzen ahalko du, Nafarroako Auzitegi Nagusiaren Administrazioarekiko Auzien Salari zuzendua, ebazpena argitaratu eta biharamunetik hasita bi hilabeteko epean, alde batera utzi gabe aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen ekainaren 13ko 29/1998 Legearen 44. artikuluan aurreikusitako moduan eta epeetan.
7. Ebazpen hau Nafarroako ALDIZKARI OFIZIALean argitaratuko da.
8. Ebazpen hau Lakuntzako Udaleko alkate-udalburuari, Zerbitzuak Ikuskatzeko eta Ikuskapen Teknikorako Zerbitzuari, Ikastetxeen, Ikasketetarako Laguntzen eta Azterlan Ekonomikoen Zerbitzuari, Ikastetxeen eta haien Finantzaketaren Atalari, Arte Ikasketen Atalari, Informazioa Kudeatzeko Bulegoari, eta Ikastetxeak Baimendu eta Erregistratzeko Bulegoari igorriko zaie.
Iruñean, 2007ko abenduaren 14an.-Ikuskapenaren eta Zerbitzuen zuzendari nagusia, Francisco Javier Esparza Sánchez.
Iragarkiaren kodea: F0719518
