II. NAFARROAKO TOKI ADMINISTRAZIOA
2.3. BESTELAKO XEDAPENAK
2.3.5. Beste batzuk
LIZARRA
Hirigintza hitzarmena, "Ipar kaleko pasealekua" sektoreko U.E. 1 exekuzio unitatea garatu eta gauzatzeko. Hasierako onespena
Tokiko Gobernu Batzarrak, 2008ko apirilaren 30an egin bilkuran, erabaki zuen hasiera batean onestea kudeaketarako hirigintza hitzarmena, Lizarrako Hiri Antolamendurako Plan Orokorreko "Ipar kaleko pasealekua" sektoreko U.E. 1 exekuzio unitatea garatu eta gauzatzeko.
Abenduaren 20ko 35/2002 Foru Legeko 23. artikuluan eta ondorengoetan xedatuarekin bat, hogei eguneko jendaurreko aldia hasiko da, Nafarroako ALDIZKARI OFIZIALean argitaratu eta biharamunetik aitzina, interesdunek espedientea aztertu eta bidezko juzgatzen dituzten alegazioak aurkez ditzaten.
Halaber, iragarkia hemengo prentsan eta Herriko Etxeko iragarki oholean argitaratzea, eta ohartaraztea egintza honen aurka, ez baita behin betikoa administrazio bidean, ezin dela errekurtsorik jarri, tramiteko egintza delako. Horrek ez du ukatzen, baina, interesdunek bidezkoak iruditzen zaizkien alegazioak aurkeztea, prozedurari bukaera emanen dion ebazpenean kontuan har daitezen; betiere, Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 107.1 artikuluaren bukaeran ezarritakoari jarraituz.
Lizarran, 2008ko maiatzaren 12an.-Alkatea, María Begoña Ganuza Bernaola.
Iragarkiaren kodea: L0807539
