I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
1917/2007 EBAZPENA, abenduaren 19koa, Nafarroako Unibertsitate Publikoko errektoreak emana, Mario García Sanz jauna unibertsitateko katedradun izendatzen duena "Sistemen Ingeniaritza eta Automatika" jakintza-arloan.
Ikusirik urriaren 19ko 1501/2007 ebazpena (azaroaren 7ko E.A.O.), unibertsitate irakaskidegoetako lanpostuak betetzeko lehiaketarako deia egin zuena.
Ikusirik lehiaketa epaitu duen batzordeak 2007ko abenduaren 18an egindako proposamena, "Sistemen Ingeniaritza eta Automatika" jakintza-arloko unibertsitateko katedradunaren lanpostua, 3345 kodeduna eta Automatika eta Konputazio Sailari atxikia, betetzeari buruz, eta interesdunak aurkeztu duenez deialdiaren hamargarren oinarriak aipatzen duen dokumentazioa.
Aurreko guztiagatik, eta apirilaren 12ko 4/2007 Lege Organikoak aldatutako Unibertsitateei buruzko abenduaren 21eko 6/2001 Lege Organikoaren 65. artikuluan, eta Estatutuen 40. artikuluan esleituta dauzkadan eskumenak betez,
EBATZI DUT:
Lehena.-Mario García Sanz jauna Nafarroako Unibertsitate Publikoko unibertsitate katedradun izendatzea. Lanpostua "Sistemen Ingeniaritza eta Automatika" jakintza-arlokoa da, 3345 kodea du, eta Automatika eta Konputazio Sailari atxikitzen zaio.
Bigarrena.-Gehienez ere 20 egun baliodunen epean, izendapena "Estatuko Aldizkari Ofizialean" argitaratzen den egunaren biharamunetik kontatzen hasita, hartu beharko du lanpostuaren jabetza proposaturiko izangaiak, eta orduan ere hartuko du dagokion unibertsitate-irakaskidegoko funtzionarioaren izaera, horrek dakartzan eskubide eta betebeharrekin.
Hirugarrena.-Ebazpen honek administrazio bidea agortzen du, Unibertsitateei buruzko Lege Organikoaren 6.4 artikuluan ezarritakoaren arabera, eta bere aurka, aukeran, berraztertzeko errekurtsoa aurkez daiteke errektorearen aurrean, edo, bestela, zuzenean administrazioarekiko auzi-errekurtsoa Nafarroako Administrazioarekiko Auzietako epaitegietan, hilabeteko epean lehenengo kasuan, eta bi hilabeteko epean bigarrenean, biak ere ebazpena argitaratu eta biharamunetik kontatzen hasita.
Iruñean, 2007ko abenduaren 19an.-Errektorea, Julio Lafuente López.
Iragarkiaren kodea: F0719741
