69. ALDIZKARIA - 2008ko ekainaren 4a

I. NAFARROAKO FORU KOMUNITATEA

1.3. BESTELAKO XEDAPENAK

1.3.4. Dirulaguntzak eta bekak

207/2008 EBAZPENA, apirilaren 30ekoa, Antolamenduaren, Kalitatearen eta Berrikuntzaren zuzendari nagusiak emana, Nafarroako Foru Komunitateko ikastetxe itunduetan kultura arteko hezkuntzako esperientziak eta proiektuak garatzeko 2008-2009 ikasturterako dirulaguntzen deialdia onesten duena.

Kultur aniztasuna gero eta handiagoa da Nafarroako Foru Komunitatean; horrek bultzatu du Hezkuntza Sistemari buruzko neurri zehatzak hartzeko gogoeta, eta aitortu da eskolan bizitzen eta transmititzen den kultura aldatzeko premia dagoela. Testuinguru horretan, bereziki garrantzitsua da kultur aniztasunean bizitzeko balioetan oinarrituriko heziketa sustatzea hezkuntza komunitate osoan.

Horregatik, beharrezkoa izanen da hezkuntza lanetan zuzenean edo zeharka parte hartzen duten agente guztiengan kultura arteko gaitasunak bultzatzea, gure eta besteen jarrera baldintzatzen duten estereotipo eta aurreiritziak baztertzeko. Gauzak horrela, komenigarria litzateke arauen, balioen, sinesmenen eta estiloen trukaketarako eta elkarreraginerako jarrera eta gaitasunak garatzea, bizikidetza harmoniatsua izan dezagun, denok konpartitzen ditugun funtsezko balio batzuen esparruan.

Kultura arteko hezkuntza ikasleak kultur aniztasuna ulertu eta onartzeko bidea izan dadin, pertsonen, taldeen eta komunitateen prestakuntzaren oinarrizko elementu gisa hartu behar da.

Ikastetxeetan kultura arteko hezkuntza errazteko esperientziak sustatzeko asmoz, bidezkoa da deialdi honen xede diren hezkuntza esperientziak ikastetxeetan garatzeko dirulaguntzak emateko irizpideak, baldintzak eta betebeharrak ezartzea.

Aniztasunaren, Orientazioaren eta Kultura-aniztasunaren Zerbitzuko zuzendariak aldeko txostena aurkeztu du, ikastetxe itunduetan kultura arteko hezkuntzako esperientziak eta proiektuak garatzeko 2008-2009 ikasturterako dirulaguntzen deialdia onets dadin.

Hori horrela, Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluak ematen dizkidan ahalmenak erabiliz,

EBATZI DUT:

1. 2008-2009 ikasturtean ikastetxe itunduetan kultura arteko hezkuntzako eskola proiektuak garatzeko dirulaguntzen deialdia eta eranskinak onestea, horretarako aurrekontuan dauden mugen barrenean.

2. Deialdiaren xede diren proiektuak diruz laguntzeko 6.150 euroko kreditua ematea. Horietarik 3.075 euro 2008ko aurrekontuko "Ikastetxe pribatu itunduentzako laguntzak, kultura arteko proiektuetarako" izeneko 423003 42230 4811 322004 kontusailetik emanen dira.

Gainerakoa, 3.075 euro, 2009ko gastuen aurrekontuan izen horrekin prestatzen diren kontusailen kontura.

3. Deialdia ebazpen honen eranskinean azaltzen diren oinarriek arautuko dute.

4. Ebazpen hau jakinaraztea Aniztasunaren, Orientazioaren eta Kultura-aniztasunaren Zerbitzuari, Zerbitzuak Ikuskatzeko eta Ikuskapen Teknikorako Zerbitzuari, Kultura-aniztasunaren Atalari, Kudeaketa Ekonomikoaren Bulegoari eta Ekonomia eta Ogasun Departamentuak Hezkuntza Departamentuan duen kontu-hartzaile delegatuari, eta ebazpena eta eranskinak Nafarroako ALDIZKARI OFIZIALean argitara daitezela agintzea.

Iruñean, 2008ko apirilaren 30ean.-Antolamenduaren, Kalitatearen eta Berrikuntzaren zuzendari nagusia, Teresa Aranaz Jiménez.

NAFARROAKO FORU KOMUNITATEKO IKASTETXE ITUNDUETAN KULTURA ARTEKO HEZKUNTZAKO PROIEKTUAK ETA ESPERIENTZIAK GARATZEKO DIRULAGUNTZEN DEIALDIA

Oinarriak

Lehena.-Deialdiaren xedea.

Deialdi honen xedea da ikastetxe itunduei dirulaguntzak ematea, kultura arteko hezkuntza erraztu eta sustatzeko proiektuak presta ditzaten, honako hauek landuz:

1. Kultura arteko hezkuntzaren balioak garatzea, hezkuntza esperientzien bitartez.

2. Ikasleak sistematikoki prestatzea, gizartearen kultur aniztasunaz jabe daitezen.

3. Kultura ezberdinetako gizarte harremanetarako onuragarriak diren jarrerak bultzatzea.

4. Irakasleei eta hezkuntza komunitateko gainerako partaideei prestakuntza ematea.

Bigarrena.-Onuradunen betekizunak.

Onuradunek Dirulaguntzei buruzko azaroaren 9ko 11/2005 Foru Legearen 13. artikuluan ezarritako betebehar orokorrak bete beharko dituzte.

Hirugarrena.-Proiektuaren ezaugarriak.

1. Ikastetxe batek edo eskualde bereko ikastetxe multzo batek kultura arteko hezkuntza eta kultur aniztasuna onartu eta ulertzeko asmoz ikasleentzat eta hezkuntza komunitatearentzat 2007-2008 ikasturtean egiten dituen programak, proiektuak eta esperientziak sartzen dira deialdian. Ikastetxeko edo ikastetxeetako Aniztasunari Arreta Emateko Planean aipatuko dira.

2. Proiektu edo esperientziak arlo hauek landu beharko ditu:

a) Curriculumeko arlo bakoitzean, kultura arteko hezkuntzari loturiko curriculum-materialak prestatzea, biltzea eta erabiltzea.

b) Ikasle atzerritarren irakas-hizkuntzaren irakaskuntza eta ikaskuntza: esparru horretan egiten diren aurrerapausoak erakusten dituzten materialak prestatzea, curriculumak bereiziz.

c) Hezkuntza Sisteman berandu sartu diren ikasleak hartzeko prozesuak, curriculumak egokitzeko ahalegin bereziak eginez: edukiak, horien ikuspuntuak, metodologia eta antolaketa, erreferentziako curriculum-materialak, etab.

d) Ohiko irakaskuntza eskolaz kanpoko jardueren bidez indartu eta orientatzea, hala nola ikaskuntza bideratuaren bidez, arlo instrumentalak sendotuz, gurasoak heziz, etab.

e) Ikastetxea beste entitate eta elkarte batzuekin elkarlanean aritzea, ikasle horiek gizarteratu eta hezkuntzaren aldetik indartzeko programak bultzatzearren.

f) Elkarreragina eta lankidetza bultzatzen duten metodologiak ikasgelan lantzea eta horien ebaluazioa egitea.

Laugarrena.-Agiriak.

Deialdi honetan parte hartu nahi duten ikastetxeek agiri hauek aurkeztu beharko dituzte:

a) Eskabidea, 1. eranskinaren araberakoa.

b) Ikastetxearen datuak, 2. eranskinaren arabera.

c) Ikastetxeko zuzendaritza taldearen oniritzia edo Koordinazio Pedagogikorako Batzordearen adostasuna. Proiektua ikastetxe batzuek egiten badute batera, eskabidea ikastetxe guztietako zuzendariek sinatu beharko dute.

Bosgarrena.-Aurkezteko epea.

Dirulaguntza eskaera eta laugarren oinarrian aipatzen diren agiriak 2008ko urriaren 15 baino lehen aurkeztuko dira Hezkuntza Departamentuko Erregistro Orokorraren bidez, Iruñeko Santo Domingo aldapan, zk.g., 31001 posta kodean, edo azaroaren 26ko 30/1992 Legeko 38. artikuluko 4. idatz-zatian aipatzen diren tokietan, Kultura-Aniztasunaren Atalera igorririk.

Eskaerak aurkezteko epea bukatuta, ikastetxeek zazpi egun naturaleko epea izanen dute dokumentazioan egindako akatsak zuzentzeko.

Seigarrena.-Organo eskudunak.

Laguntzak emateko prozedura instruituko duen organoa Aniztasunaren, Orientazioaren eta Kultura-aniztasunaren Zerbitzuko zuzendaria edo hark eskuordetzen duen pertsona izanen da.

Honako hauek osatutako batzordeak baloratuko ditu aurkezten diren eskaerak:

-Zerbitzuak Ikuskatzeko eta Ikuskapen Teknikorako Zerbitzuko zuzendaria edo hark eskuordetzen duena.

-Kultura-aniztasunaren Ataleko burua.

-Kultura-aniztasunaren Ataleko bi teknikari.

Zazpigarrena.-Dirulaguntzak emateko irizpideak.

Batzordeak irizpide eta baremo hauek kontuan hartuz baloratuko ditu proiektuak eta esperientziak:

1. %30, proiektuaren eragin onuragarria ikastetxean eta gizarte ingurunean.

2. %20, proiektu edo esperientziaren originaltasuna eta sormena eta hezkuntzaren testuinguruan aplikatzeko aukera.

3. %20, proiektuaren edo esperientziaren edukien eta hezkuntza eta curriculum proiektuaren arteko harremana, arlo guztietan gauzatua.

4. %20, proiektuaren erreferentzia, ikastetxeko ikasle etorkinei edo gizarte eta kulturaren aldetik egoera behartsuan dauden ikasleei dagokienez.

5. %10, aurrekontuaren eta proiektuaren helburuen arteko erlazioa.

Batzordeak dirulaguntzaren xede diren proiektuen puntuazio ordena ezarri eta gero, laguntzak banatuko ditu, lortutako puntuazioaren arabera eta justifikatutako gastuen arabera.

Balorazio prozesua bukatuta, Aniztasunaren, Orientazioaren eta Kultura-aniztasunaren Zerbitzuko zuzendariak ebazpen-proposamena igorriko dio Antolamenduaren, Kalitatearen eta Berrikuntzaren zuzendari nagusiari. Azken horrek hilabeteko epean emanen du ebazpena. Gero, ebazpena ikastetxeetara igorriko da eta dirulaguntza emanen ote zaien adieraziko.

Ebazpena eman eta jakinarazteko epea hiru hilabetekoa izanen da, gehienez. Epe horretan jakinarazpen espresurik ez bada, eskaera ezetsi egin dela ulertuko da.

Zortzigarrena.-Gastuaren justifikazioa eta ordainketa.

Hautatzen diren proiektuetako edo esperientzietako egileek, ikastetxearen bidez, hauexek igorri beharko dituzte Hezkuntza Departamentuko Kultura-Aniztasunaren Atalera, 2009ko ekainaren 10a baino lehen: bukaerako memoria, 3. eranskinaren araberakoa, paperean eta euskarri informatikoan (word, arial letra mota, 12 tamaina, lerroarte bikoitza), eta prestaturiko materialak, halakorik bada.

Horrekin batera, proiektuan edo esperientzian izandako gastu lagungarrien fakturak erantsiko dituzte.

Hezkuntza Departamentuak beretzat gordetzen du proiektuak eta esperientziak argitara emateko eskubidea, baina parte-hartzaileak nortzuk izan diren aipatzen du beti.

Bederatzigarrena.-Dirulaguntzaren zenbatekoa.

Ikastetxe itunduetako kultura arteko hezkuntzako proiektu eta esperientzietarako laguntzek, deialdi honen xede direnek, 2008-2009 ikasturterako 6.150 euroko diru kopurua izanen dute aurrekontuetan. Horietarik 3.075 euro 2008ko aurrekontuetako "Ikastetxe pribatu itunduentzako laguntzak, kultura arteko proiektuetarako" izeneko 423003 42230 4811 322004 kontusailaren kargura emanen dira.

Gainerakoa, 3.075 euro, 2009ko gastuen aurrekontuan izen horrekin prestatzen diren kontusailen kontura.

Hamargarrena.-Dirulaguntzaren ordainketa.

Batzorde ebaluatzaileak erabakitako dirulaguntza bitan pagatuko zaizkie ikastetxe itunduei: esleitzen den diruaren erdia, deialdia ebatzi eta gero. Diru hori aurrerakintzat hartuko da, Dirulaguntzei buruzko Foru Legearen 33. artikuluan ezarritako ondorioetarako. Aurrerakina ordaintzeko, dena dela, Ekonomia eta Ogasun Departamentuaren baimen berariazkoa beharko da.

Beste erdia, dirulaguntzaren xede den proiektua egin dela frogatu, bukaerako memoria baloratu eta gastuen fakturak jaso ondoren pagatuko da. Agiriak Kultura-Aniztasunaren Atalera igorriko dira, Hezkuntza Departamentuko Erregistro Orokorrean, Iruñeko Santo Domingo aldapan, zk.g., 31001 posta kodean, edo azaroaren 26ko 30/1992 Legeko 38. artikuluko 4. idatz-zatian zehazten diren tokietan aurkezturik, 2009ko ekainaren 10a baino lehen.

Hamaikagarrena.-Dirulaguntza jasoko duten kontzeptuak.

Kontzeptu hauek izanen dira laguntzaren xede: beharrezkoa den bibliografia, materialen prestatzea, proiektuari loturiko material osagarria eta berariazkoa, prestakuntza jarduerak eta hizlarien sariak.

Hamabigarrena.-Jarraipena eta laguntza.

Hezkuntza Departamentuko Kultura-aniztasunaren Ataleko teknikariek begiratu eta egiaztatuko dituzte proiektu eta esperientzia guztiak.

Hamahirugarrena.-Onuradunen betebeharrak.

Dirulaguntza jasotzen duten ikastetxeek baldintza hauek bete beharko dituzte:

a) Proposatzen den esperientzia Kultura arteko hezkuntza proiektuan ezarri bezala egitea 2008-2009 ikasturtean. Aldaketaren bat egin nahi izanez gero, Kultura-Aniztasunaren Atalaren baimen berariazkoa beharko da, baina aurrekontua ezin izanen da inola ere gainditu.

b) Bukaerako memoria aurkeztea, 3. eranskina abiapuntu harturik, eta, orobat, diruz laguntzen ahal diren gastuen zerrenda.

Hamahirugarrena.-Itzulketa.

Onuradunak bere betebeharrak betetzen ez baditu edo gastuak justifikatzen ez baditu, jasotako dirua itzuli beharko du, 34. artikulutik 37.era bitarte azalduta dagoen bezala.

Hamabosgarrena.-Aplika daitekeen legeria eta errekurtsoak.

Deialdi hau Dirulaguntzei buruzko azaroaren 9ko 11/2005 Foru Legeak arautuko du.

Ebazpen honen aurka gora jotzeko errekurtsoa jar daiteke, Hezkuntza Departamentuko kontseilariari zuzendua, argitaratu eta, biharamunetik, hilabeteko epean.

Hamaseigarrena.-Arau-hausteak eta zehapenak.

Arau-hauste eta zehapenei dagokienez, aipatutako foru legearen 42. artikuluan eta ondokoetan adierazitakoari segituko zaio, eta zehapen prozedura Nafarroako Foru Komunitateko Administrazioari buruzko abenduaren 3ko 15/2004 Legearen V. tituluan ezarritakoa izanen da.

I. ERANSKINA

Eskabide eredua

Izena:......................, herria: ..............., helbidea: ............, telefonoa: ....... , NAN zk.: ................, ........................ikastetxe itunduaren izenean.

Zuen aurrean,

Honako hau azaltzen dut:

2008ko ...... zenbakiko Nafarroako ALDIZKARI OFIZIALean, ....aren .......... (e)koan, kultura arteko hezkuntzako proiektuetarako deialdia ikusirik eta baldintza guztiak betetzen ditudalarik, deialdi horren oinarri guzti-guztiak onartzen ditut eta eskatutako agiri guztiak aurkeztu ditut.

Halaber, adierazten dut ez dudala debekaturik dirulaguntzen onuradun izatea, Dirulaguntzei buruzko azaroaren 9ko 11/2005 Foru Legearen 13. artikuluaren arabera.

Horregatik,

AITORTZEN DUT:

Lehena.-Beste laguntza batzuk direla eta.

f Ez dudala Espainiako edo nazioarteko ezein administrazio edo entitate publiko edo pribatutatik helburu eta xede berbererako inolako laguntzarik jasotzen.

f Laguntza eskaera honetaz gainera, gaur arte, ondotik aipatzen diren erakunde pribatu eta publikoetan ere laguntza eskatu eta/edo jaso dudala helburu berberetarako eta hitz ematen dudala proiektu honetarako aurkezten ditudan gainerako laguntza eskaeren berri ere emanen dudala:

ESKAER. EGUNA ERAKUNDEA PROGRAMA ESKATUTAKO ZENBAT. EMANDAKO LAGUNTZA

Bigarrena.-Betebeharren betetzea dela eta.

Dirulaguntzei buruzko azaroaren 9ko 11/2005 Foru Legearen 13. artikuluan aipatzen diren egoeretako bakar batean ere ez nagoela, hots:

-Epai irmo baten bidez diru-laguntzak edo laguntza publikoak jasotzeko aukera galtzera kondenatua ez izana.

-Lehiaketa baten deklarazioa eskatu ez izana eta/edo ezein prozeduratan kaudimengabe deklaratu ez izana eta/edo lehiaketa bateko partaide gisa deklaratu ez eta/edo kontu-hartze judizialaren mende ez egotea eta/edo ezgaitua ez izana, Lehiaketei buruzko Legearen arabera, lehiaketa kalifikatzen duen epaian finkatutako ezgaitasunaldia bukatu gabe.

-Errudun deklaratua izatearen ondorioz, Administrazioarekin sinatutako ezein kontraturen suntsiarazpen irmorik ez izatea.

-Pertsona fisikoek, merkataritza-sozietateen administratzaileek edo beste pertsona juridiko batzuen legezko ordezkariek indarra duen araudian ezarritako bateraezintasunik ez izatea.

-Egoitza fiskala erregelamenduz paradisu fiskaltzat kalifikatutako herrialde edo lurralde batean ez izatea.

-Epai irmo baten bidez diru-laguntzak jasotzeko aukera galtzea ekarri duen zehapenik jaso ez izana, Dirulaguntzei buruzko Foru Legean ezarritakoaren edo tributuei buruzko legeria orokorraren arabera.

-Nafarroako Foru Administrazioak edo haren erakunde autonomoek emandako izaera bereko beste diru-laguntza edo laguntza bat dela kausa irekitako diru-itzulketa edo zehapen prozedura batean ez egotea.

-Gizarte Segurantzarekiko zerga arloko betebehar guztiak eta Nafarroako Foru Komunitateko Administrazioaren edo haren erakunde autonomoen aldeko zorrak ordaintzeko betebeharrak eguneratuak ez izatea.

Hirugarrena.-Datuen egiazkotasuna.

Aitortzen dut eskaera honetan emandako datuak benetakoak direla eta, faltsuak edo desegokiak izanez gero, etor daitezkeen erantzukizun guztiak onartzen ditut, ezjakintasuna alegatzeko bidea baztertzen dudala.

Laugarrena.-Datuak eguneratzea.

Hitz ematen dut aitorpen honetan zehazten diren laguntzen gainean gertatzen den edozein aldaketa departamentu honi jakinaraziko diodala idatziz, jakinarazten denetik 15 eguneko epean gehienez ere. Halaber, hori gertatuz gero, hitz ematen dut helburu bererako laguntza eskatu diedan gainerako entitate publikoei ere jakinaraziko diedala.

Bosgarrena: Informazioa jasotzeari buruz.

Aitortzen dut badakidala deialdia egin duen administrazio unitateak ahalmena duela zerga betebeharrak eta Gizarte Segurantzarekiko betebeharrak betetzeari buruzko datuak baliabide telematikoen bitartez eskatzeko, Datu Pertsonalak Babesteari buruzko abenduaren 13ko 15/1999 Lege Organikoaren 6. artikuluan (298. zenbakiko Estatuko Aldizkari Ofiziala, abenduaren 14koa) eta otsailaren 21eko 209/2003 Errege Dekretuan ezarritakoari jarraikiz (horren bidez erregistro eta jakinarazpen telematikoak arautu ziren), eta, orobat, herritarrek eskubidea dutela ziurtagiriak ekarri beharrean baliabide telematikoak erabiltzeko (51. zenbakiko Estatuko Aldizkari Ofiziala, otsailaren 28koa).

Adierazten dut badakidala inprimaki honetatik ateratzen diren datuak fitxategi automatizatu batean erregistratzen ahal direla, horien kudeaketa eta tratamendu estatistikoa hobeki egiteko.

Nahi izanez gero, datuak ikusteko, zuzentzeko, deuseztatzeko eta aurka egiteko eskubideak erabil daitezke legedian aitortutakoaren arabera, Hezkuntza Departamentuko Idazkaritza Teknikora Nagusira joz (Santo Domingo kalea, zk.g., 31001 Iruña).

...............(e)n, 200...(e)ko ..................aren ......(e)an.

Aitortzailearen sinadura:

Zigilua, enpresen kasuan:

II. ERANSKINA

1.-Proiektuaren deskribapena:

-Proiektuaren izena eta titulua.

-Justifikazioa eta testuinguruaren azterketa:

.Abiapuntuko egoera.

.Landu beharreko maila eta arloak.

.Lanerako proiektuaren xede diren gizarte taldeak.

.Hezkuntza arloan gizarteratzeko neurri zuzentzaileak.

.Kultur aniztasuna hobeki tratatzeko eskolan berean edo eskolatik kanpo egin beharreko lanak.

.Bestelakoak...

-Proiektuaren helburuak.

.Lortu nahi diren helburuen arabera garatu beharreko ekintzak.

-Metodologia: egutegia eta erabiliko diren giza baliabideak eta baliabide materialak.

-Ebaluazioa.

-Aurrekontua eta aurreikusitako gastuen kontzeptuak.

2.-Partaideak:

-Deiturak eta izena.

-Parte-hartzaileek proiektua edo esperientzia prestatu nahiz garatzeko bere gain hartzen dituzten eginkizunak.

1.-Proiektuaren deskribapena:

-Proiektuaren izena eta titulua.

-Justifikazioa eta testuinguruaren azterketa:

-Abiapuntuko egoera.

-Landu beharreko maila eta arloak.

-Lanerako proiektuaren xede diren gizarte taldeak.

-Hezkuntza arloan gizarteratzeko neurri zuzentzaileak.

-Kultur arteko hezkuntza hobeki tratatzeko eskolan berean edo eskolatik kanpo egin beharreko jarduerak.

-Bestelakoak...

-Proiektuaren helburuak:

-Lortu nahi diren helburuen arabera garatu beharreko ekintzak.

-Metodologia: egutegia eta erabiliko diren giza baliabideak eta baliabide materialak.

-Ebaluazioa.

-Aurrekontua eta aurreikusitako gastuen kontzeptuak.

2.-Partaideak:

-Deiturak eta izena.

-Partaideek proiektua edo esperientzia prestatu nahiz garatzeko beren gain hartzen dituzten eginkizunak.

-Proiektuaren koordinatzailea.

III. ERANSKINA

Memoria

-Proiektuaren deskribapena.

-Helburuak zenbateraino bete diren.

-Emaitzen ebaluazioa.

-Esperientziaren ebaluazioa, hezkuntzari, gizarteratzeari, partaideen eta ikastetxeen esku-hartzeari eta abarri dagokienez...

-Gelan eta ikastetxean abian jartzeko aukerak.

-Proiektuarekin jarraitzeko aukera ikastetxeko hezkuntza komunitatean.

-Hobetzeko proposamenak.

-Gastuen justifikazioa.

Iragarkiaren kodea: F0807270