I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Plantilla Organikoa, Lan Publikoaren Eskaintza, oposizioak eta lehiaketak
56/2008 EBAZPENA, maiatzaren 12koa, Nafarroako Administrazio Publikoaren Institutuko zuzendari kudeatzaileak emana, Nafarroako Foru Komunitateko Administrazioaren eta haren erakunde autonomoen zerbitzuko Kiroleko goi mailako teknikari izateko lanpostu bat oposizio bidez betetzeko deialdian onartu eta baztertu direnen behin betiko zerrenda onesten duena, epaimahaia osatuko duten langileen ordezkariak izendatzen dituena eta oposizioaren lehenbiziko ariketarako eguna finkatzen duena.
Nafarroako Administrazio Publikoaren Institutuko zuzendari kudeatzaileak, otsailaren 6ko 11/2008 Ebazpenaren bitartez, Nafarroako Foru Komunitateko Administrazioaren eta haren erakunde autonomoen zerbitzuko kiroleko goi mailako teknikari izateko lanpostu bat oposizio bidez betetzeko deialdia onetsi zuen. Deialdia 2008ko 26. Nafarroako ALDIZKARI OFIZIALean argitaratu zen, otsailaren 27koan.
Nafarroako Administrazio Publikoaren Institutuko zuzendari kudeatzaileak apirilaren 9an eman 36/2008 Ebazpenaren bitartez, Nafarroako Foru Komunitateko Administrazioaren eta haren erakunde autonomoen zerbitzuko kiroleko goi mailako teknikari izateko lanpostu bat oposizio bidez betetzeko deialdian onartu eta baztertu direnen behin-behineko zerrenda onetsi zen. Deialdia 2008ko 51. Nafarroako ALDIZKARI OFIZIALean argitaratu zen, apirilaren 23koan.
Erreklamazioen epea bukatuta, bidezko da izangai onartuen eta baztertuen behin betiko zerrenda onestea.
Langile Batzordeak epaimahaian langileak ordezkatuko dituzten bi kideak proposatu ondoren, bidezko da horiek izendatzea.
Bidezkoa da, azkenik, oposizioaren lehenbiziko ariketa noiz izanen den adieraztea.
Hori horrela, eta Nafarroako Foru Komunitateko Administrazioaren eta haren erakunde autonomoen organoetako langileen arloko eskurantzak zehazten dituen otsailaren 21eko 30/2005 Foru Dekretuaren bidez esleituak ditudan eskurantzak erabiliz, azaroaren 5eko 235/2007 Foru Dekretuaren bidez eman zaion idazketaren arabera,
EBATZI DUT:
1. Nafarroako Foru Komunitateko Administrazioaren eta haren erakunde autonomoen zerbitzuko kiroleko goi mailako teknikari izateko lanpostu bat oposizio bidez betetzeko deialdian onartu eta baztertu diren izangaien behin betiko zerrenda onestea. Zerrenda eranskinean ageri da.
2. Langile Batzordeak epaimahaian langileak ordezkatzeko proposatutako bi kideak izendatzea: mahaikide gisa, Iñaki Moreno Suescun jauna, eta honen ordezko gisa, Javier Elizalde Esteban jauna.
3. Oposizioko lehenbiziko ariketa 2008ko ekainaren 6an izanen da, ostiralarekin, 9:00etan, Kirolaren Azterlan, Ikerketa eta Medikuntzako Zentroan (Iruñeko Zangoza kalea, 34). Ariketarako deialdi bakarra egingo da eta izangaiek Nortasun Agiri Nazionala, pasaportea edo gidabaimena aldean dutela agertu beharko dute. Azterketara agertzen ez direnak edo arestian aipatutako agirietako baten bidez beren nortasuna frogatzen ez dutenak oposiziotik baztertuko dira.
4. Ebazpen hau mahaikideei jakinaraztea eta Nafarroako ALDIZKARI OFIZIALean argitara dadila agintzea, behar diren ondorioak izan ditzan.
Iruñean, 2008ko maiatzaren 12an.-Nafarroako Administrazio Publikoaren Institutuko zuzendari kudeatzailea, Ignacio Bandrés Urriza.
ERANSKINA
Onartuen eta baztertuen behin betiko zerrenda
-Txanda irekia
Onartuak:
ANDRES ALBIASU, JOSE MIGUEL
AZPIROZ ECHECOLENEA, AMAIA
BARRETO ANDRADE, JOSE ANTONIO
BONASTRE PIAZUELO, ISAAC
CALLEJA ROMERO, ALBERTO
CELAYETA BEUNZA, JON
ECHEVERRI CELAYA, YOLANDA
EGUILLOR URTIAGA, RAQUEL
GARCIA AMORES, MIKEL
GIL RESANO, MAITE
HUGET PEREZ, MARTA
IRIBERRI BERROSTEGIETA, JON
IZQUIERDO REDIN, MIGUEL
LOPEZ BUENO, RUBEN
MURIEL OTEGUI, XABIER
OSABA MONGE, DANIEL
URDAMPILLETA OTEGUI, ARITZ
YANCI IRIGOYEN, JAVIER
Baztertuak:
-Eskabidea epez kanpo aurkezteagatik:
LOPEZ IÑIGUEZ, IRENE
Iragarkiaren kodea: F0807489