I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Plantilla Organikoa, Lan Publikoaren Eskaintza, oposizioak eta lehiaketak
106/2008 EBAZPENA, apirilaren 25ekoa, Nafarroako Justizia zuzendari nagusiak emana, Nafarroako Foru Komunitateko esparruari dagozkion lanpostuen zerrenda jendaurrean jartzen duena. Lanpostu horiek eskaintzen zaizkie Justizia Administrazioko Laguntza Judizialeko kidegoan sartzeko probak gainditu dituztenei. Lanpostuak, txanda irekikoak, Justizia zuzendari nagusiak deitu zituen, irailaren 29ko 305/2006 Ebazpenaren bidez.
Justizia Administrazioko funtzionario kidego eta eskaletan sartzeko hautaprobetarako orotariko arauak ezartzen dituen uztailaren 28ko (2006ko abuztuaren 3ko Estatuko Aldizkari Ofizialean argitaratua) JUS/2544/2006 Aginduko hamabosgarren arauan xedatutakoarekin bat,
EBATZI DA:
Lehena.-Nafarroako Foru Komunitateko esparruari dagozkion lanpostuen zerrenda jendaurrean jartzea. Lanpostu horiek eskaintzen zaizkie Justizia Administrazioko Laguntza Judizialeko kidegoan sartzeko probak gainditu dituztenei. Lanpostuak, txanda irekikoak, Justizia zuzendari nagusiak deitu zituen, irailaren 29ko 305/2006 Ebazpenaren bidez.
Bigarrena.-Eremu honetako izangaien destino eskabideak Nafarroako Justizia Zuzendaritza Nagusira zuzenduko dira. Zerbitzu juridiko administratiboa. Iratxeko Monasterio kalea, 22, 31011 Iruñea. Izangaiak agiri hauek aurkeztu beharko ditu, ebazpen hau Nafarroako ALDIZKARI OFIZIALean argitaratu eta biharamunetik hamar egun balioduneko epean.
Hirugarrena.-Eskabideak ebazpen honen II. eranskinean ageri den ereduaren arabera eginen dira, honako jarraibideei jarraikiz:
Eskabide ereduko zerrendan gehienez ere 8 lanpostu jar daitezke, organoa eta herria zehaztuta.
Destinoak hurrenkera honetan esleituko dira:
1.-Justizia Auzitegi Nagusiak.
2.-Probintzia Auzitegiak.
3.-Fiskaltzak.
4.-Auzitegiko medikuntzaren institutuak.
5.-Dekanotzak eta guztiendako zerbitzuak.
6.-Instrukzioko epaitegiak.
7.-Zigor-arloko epaitegiak.
8.-Indarkeriaren-arloko epaitegiak.
9.-Lehen auzialdiko epaitegiak.
10.-Merkataritza arloko epaitegiak.
11.-Administrazioarekiko auzien epaitegiak.
12.-Lan-arloko epaitegiak.
13.-Lehen auzialdiko eta instrukzioko epaitegiak.
14.-Adingabeen epaitegiak.
15.-Bake epaitegiak.
Laugarrena.-Hautaketa ikastaroa eta praktikaldia bukatu eta oposizio lehiaketa faseko puntuazioak batu ondoren, esleipena eginen da, hautaketa prozesu guztian lortutako hurrenkeraren arabera.
Bosgarrena.-Eskabideak aurkezteko epea behin bukatuta, izangaiek ezin izanen dute hura aldatu edo baliogabetu.
Seigarren.-Lanpostuaren eskabiderik egin ezean edo eskatutako lanposturik egokitu ezean, esleitu gabeko lanpostuetako baten destinoa emanen zaio, nahitaez onartu beharrekoa.
Zazpigarrena.-Esleitutako destinoa nahitaez onartu behar da, betiere Nafarroako esparruko hautaprobetan lortutako puntuazioaren araberako zerrendari kasu eginez.
Zortzigarrena.-Esleitutako destinoek behin betiko izaera izanen dute, lehiaketa bidez lortutakoekin baliokidea dena ondorio guztietarako. Lehiaketan ezin izanen dute parte hartu behin betiko destinoaren esleipenaren ebazpenaren datatik bi urte pasatu arte. Bi urte horiek zenbatzeko uztailaren 1eko Botere Judizialaren 6/1985 Lege Organikoaren 529.3 artikuluaren 2. idatz-zatian xedatutakoa hartuko da kontuan.
Ebazpen honen kontra gora jotzeko errekurtsoa jar daiteke, Lehendakaritza, Justizia eta Barne kontseilariari zuzendua, hilabeteko epean, Nafarroako ALDIZKARI OFIZIALean argitaratu eta biharamunetik aurrera.
Iruñean, 2008ko apirilaren 25ean.-Justiziaren zuzendari nagusia ez egoteagatik (urriaren 4ko 444/2007 Foru Agindua), Justiziako Zerbitzu Juridiko Administratiboko zuzendaria, Javier Lacarra Albizu.
I. ERANSKINA
Nafarroako Foru Komunitatea
Laguntza Judiziala
LANPOSTUA HERRIA PROBINTZIA LANPOSTU KOPURUA
Nafarroako Justizia Auzitegi Nagusia-Gobernuko Idazkaritza Iruña Nafarroa 1
Probintzia Auzitegia-Bigarren atala Iruña Nafarroa 1
Fiskaltza Iruña Nafarroa 1
Agoizko Lehen Auzialdiko eta Instrukzioko 1. Epaitegia Agoitz Nafarroa 1
Lizarrako Lehen Auzialdiko eta Instrukzioko 2. Epaitegia Lizarra Nafarroa 1
Zarrakazteluko Bake Epaitegietako Idazkaritzen Elkartea Zarrakaztelu Nafarroa 1
Noaingo Bake Epaitegietako Idazkaritzen Elkartea Noain. Nafarroa 1
Zizur Nagusiko Bake Epaitegietako Idazkaritzen Elkartea Zizur Nagusia Nafarroa 1
II. ERANSKINA
Destino eskabidea, Justizia Administrazioko Laguntza Judizialaren kidegoan sartzeko hautaprobak gainditu dituztenen izangaientzako
Txanda irekia
IFZ: ......................... lehen deitura: ....................... Bigarren deitura: ............... Izena: ....................
Hautaketa prozesuko hurrenkera zenbakia .................. harremanetarako telefonoa: ................
Hautaprobak zer lurralde esparrutan egin zituen
Destinoa, lehenespen ordenaren arabera (lanpostu deialdia ikusi).
Lantokia
1
2
3
4
5
6
7
8
9
10
11
12
13
14
15
.................., 2008ko ............aren ........(e)an.
Iragarkiaren kodea: F0806891
