Iragarkia

58. ALDIZKARIA - 2008ko maiatzaren 9a

I. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Plantilla Organikoa, Lan Publikoaren Eskaintza, oposizioak eta lehiaketak

DEIALDIA, Nafarroako Administrazio Publikoaren Institutuko zuzendari kudeatzaileak apirilaren 25ean emandako 50/2008 Ebazpenaren bidez onetsia, Nafarroako Foru Komunitateko Administrazioaren eta haren erakunde autonomoen zerbitzuko industria ingeniari tekniko izateko bi lanpostu oposizio bidez betetzeko.

Funtzio Publikoaren zuzendari nagusiak, apirilaren 25ean emandako 50/2008 Ebazpenaren bidez, Nafarroako Foru Komunitateko Administrazioaren eta haren erakunde autonomoen zerbitzuko industria ingeniari tekniko izateko bi lanpostu oposizio bidez betetzeko deialdia onetsi zuen.

Hautapen prozesua honako hauetan xedatutakoari jarraikiz eginen da: Nafarroako administrazio publikoen zerbitzuko langileen Estatutuaren testu bategina, abuztuaren 30eko 251/1993 Legegintzako Foru Dekretuaren bidez onetsi zena, aipatu estatutua garatu eta gauzatzeko Sarrera Erregelamendua, gainerako aplikazio arauak eta deialdi honetako arauak.

1.-Deialdiaren xedea.

1.1. Deialdi honen xedea da oposizio bidez industria ingeniari tekniko izateko bi lanpostu, B mailakoak, funtzionario araubidekoak, betetzea. Txandak hauek izanen dira:

-Lanpostu bat, txanda irekian.

-Lanpostu bat, txanda murriztuan, %33ko edo hortik gorako ezgaitasuna duten pertsonentzat.

1.2. Hauek dira eskaintzen diren lanpostu hutsak:

-1, Herri Lan, Garraio eta Komunikazio Departamentuan. Lanpostu zenbakia: 7290. Iruñean aritzekoa.

-1, Lehendakaritza, Justizia eta Barne Departamentuan. Lanpostu zenbakia: 3780. Cordovillan aritzekoa.

1.3. Ezgaitasuna duten pertsonentzat gordetako lanpostuak hutsik geldituz gero, izangaiek hautaprobak gainditzeko behar den gutxieneko puntuazioa atera ez dutelako, dagokien txandakoei gehituko zaizkie.

Bestaldetik, ezgaitasuna duten pertsonentzat gordetako hutsik dauden lanpostuak baino izangai gehiagok gainditzen badute, txanda horretan lanpostuak eskuratzen ez dituztenek aukera izanen dute txanda irekiko lanpostu hutsak eskuratzeko, txanda horretako izangaiekin lehian eta eskuratutako azken puntuazioaren arabera.

1.4. Lanpostuek B mailako ordainsariak izanen dituzte, uztailaren 4ko 158/1984 Foru Dekretuaren bidez onetsitako Ordainsarien Behin-behineko Erregelamenduan eta, kasuan kasu, aplikatu beharreko gainerako xedapenetan ezarritakoari jarraikiz.

1.5. Halaber, deialdi honen bidez hautaprobak gainditu bai, baina lanposturik lortzen ez duten izangaiekin aldi baterako kontratatuak izateko izangaien zerrenda bat osatuko da, deialdi honetako 10. arauan xedaturikoarekin bat.

2.-Izangaiek bete beharreko baldintzak.

2.1. Oposizio honetan onartuak izateko, izangaiek, eskaerak aurkezteko epea amaitzen den egunean eta agiriak aurkezteko epea amaitzen denetik (deialdiaren 7.2 atalean adierazia) lanpostuaren jabetza hartu arte, baldintza hauek bete beharko dituzte:

2.1.1. Izangai guztiek bete beharreko baldintzak.

a) Espainiarra izatea, edo Europar Batasuneko beste estaturen batekoa, edo, Europar Batasunak sinatu eta Espainiak berretsitako nazioarteko itunak direla medio, langileen zirkulazio librea aplikatzen den eremuko estaturen batekoa.

Orobat, espainiarren eta Europar Batasuneko beste estatuetako edo aipatu nazioarteko itunek ukitutako estatuetako herritarren ezkontideek parte hartzen ahal dute, zuzenbidez bereizita ez badaude; halaber, haien ondorengoek eta ezkontidearenek, zuzenbidez bereizita ez badaude, 21 urtetik beherakoak badira, edo gorakoak, haien kontura biziz gero.

b) Hamasei urte beteak izatea eta erretiroa nahitaez hartzeko ezarritako gehieneko adina ez gainditzea.

c) Industria ingeniari teknikoaren titulua edo baliokidea izatea, edo eskaerak aurkezteko epea bukatzen den egunean titulu hori eskuratzeko moduan egotea.

Atzerrian lorturiko tituluak badira, homologazioa egiaztatzen duen kredentziala eduki beharko da.

d) Bete behar dituen eginkizunetan aritzeko adinako gaitasun fisiko eta psikikoa izatea.

e) Eginkizun publikoetan aritzeko ezgaitu edo gabetua ez egotea eta administrazio publikoren baten zerbitzutik bereizia ez izatea.

Espainiako nazionalitatea ez duten izangaiek frogatu beharko dute beren estatuko funtzio publikoan sartzea eragozten dien diziplina zehapenik edo zigor penalik ez dutela.

2.1.2. Ezgaitasunak dituzten pertsonentzako txandako izangaiek bete beharreko berariazko baldintza.

Ezgaitasuna duten lagunentzako txandako izangaiek, 2.1.1 atalean aipatzen diren baldintzez gain, ofizialki aitorturik eduki beharko dute %33ko edo hortik goitiko ezgaitasuna.

2.2. Betebehar horiek izendatua izateko proposatzen den hautagaiak egiaztatu beharko ditu, deialdiaren 7.2 arauan ezarritako epean eta moduan.

3.-Eskaerak.

3.1. Deialdian parte hartzeko eskaerak Nafarroako Gobernuko Erregistro Orokorrean (Karlos III.aren etorbidea, 2, 31002 Iruña) edo Nafarroako Gobernuaren gainerako erregistro bulegoetako edozeinetan (zerrenda 2008ko 14. Nafarroako ALDIZKARI OFIZIALean argitaratu zen, urtarrilaren 30ean) aurkeztu beharko dira, edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 38.4 artikuluan adierazitako bideren bat erabiliz, deialdia Nafarroako ALDIZKARI OFIZIALean argitaratu eta biharamunetik hogeita hamar egun naturaleko epean.

Eskaera posta bulego batean aurkeztuz gero, gutun-azal irekian eginen da, postako langileek, ziurtatu aurretik, data eta zigilua jar ditzaten.

Eskabideak deialdi honen eranskinean dagoen ereduari lotu behar zaizkio eta, haietan, izangaiek adierazi beharko dute eskatutako baldintza guztiak betetzen dituztela. Eredu hori Nafarroako Gobernuaren edozein erregistro bulegotan dago eskuragarri. Internet bidez ere lortzen ahal da, www.navarra.es helbidean, bai argitaratzen deneko aldizkari ofizialetik abiatuta bai aipu honetatik abiatuta: "Zerbitzuak", "Enplegu publikoa".

3.2. Ezgaitasun aitortua duten lehiatzaileek, ariketak egin ahal izateko denbora edo baliabideetan egokitzapenik behar badute, zilegi izanen dute eskabidean eskatzea, eta hartarako, aparteko orri batean adierazi beharko dute nolako ezgaitasuna duten eta zer egokitzapen eskatzen duten. Horrekin batera, legeen arabera ezgaitasunen bat dutela frogatzeko agiriaren kopia konpultsatua ere aurkeztu beharko dute, organo eskudunak emana.

3.3. Hautapen prozesuko ariketa guztiak gainditzen ez dituzten hautagaiekin zerrenda batzuk osatuko dira, ondoren aldi baterako kontratazioak egiteko. Horretarako, parte hartzaileek eskabidean adierazi beharko dute zein kontratazio zerrendatan sartu nahi duten.

Xede horrekin, parte hartzaileek eskabidean agertzen diren kudeaketa esparruetako bakarra hautatu beharko dute, Osasunbidea-Nafarroako Osasun Zerbitzuko zerrendetan edo Nafarroako Foru Komunitateko Administrazioaren gainerako departamentu (Administrazio erroa) eta erakunde autonomokoetan sartzeko. Kudeaketa esparru bat baino gehiago hautatuz gero, edo parte hartzeko eskabidean atal hori betetzen ez bada, Administrazio erroko zerrendetan besterik ez dutela parte hartu nahi ulertuko da.

3.4. Eskabideari, behar bezala bete ondoren, agiri hauek erantsiko zaizkio:

Bat.-Nortasun Agiri Nazionalaren fotokopia, edo izangaiaren hiritartasuna eta nortasuna egiaztatzen dituen beste agiri baliokideren batena.

Bi.-Espedientea formalizatzeko eta azterketa eskubideetarako 18 euro ordaindu izanaren frogagiria. Azterketa eskubideen tasa ordaintzen ez bada, izangaia baztertu eginen da.

Sistema hauetakoren bat erabiliz ordaintzen ahalko da tasa hori:

-Behar bezala betetako ordainketa gutunaren bitartez. Sistema horrek Nafarroako Foru Komunitateko banku entitateetan ordaintzeko balio du. Arestian aipatutako webgunean, deialdiaren iragarkian, ordainketa gutunaren eredua dago.

-Banestoko (Banco Español de Crédito) 0030 8124 87 0870002271 kontuan eskudirutan edo bankuko transferentzia bidez ordainduz; horrelakoetan ordainagirian datu hauek jarri beharko dira nahitaez:

-Izangaiaren izen-deiturak.

-NANa/IFZ.

-Ordainketa zein kontutan egiten den, haren zenbakia.

-Kontzeptua: oposizioak.

-Deialdiaren xede den lanpostua.

Honako hauek ez dute tasarik ordaindu beharko:

a) %33ko edo gehiagoko ezgaitasun aitortua dutela frogatzen duten pertsonek, organo eskudunak luzaturiko jatorrizko agiriaren edo behar bezala konpultsaturiko fotokopiaren bidez.

b) Hautaproben deialdia egin aurretik hilabete batez edo luzaroago lan-eskatzaile gisa inskribaturik egon diren pertsonak. Salbuespen hori aplikatzeko baldintza izanen da inskribaturik egon diren bitartean eskainitako inolako lan egokiri uko egin ez izana eta lanbide sustapen, prestakuntza edo aldaketarako ekintzetan parte hartzeari uko egin ez izana, justifikaturiko kasuetan izan ezik, eta, horrez gainera, lanbide arteko gutxieneko soldatatik gorakoa den diru-sarrerarik ez izatea hilabetero.

Lan-eskatzailea dela frogatzeko, Enplegu Bulegoak emandako agiria aurkeztu beharko da. Bertan, lan-eskatzaile gisa inskribatu zeneko data agertuko da eta, orobat, adieraziko da inskribaturik egon den bitartean ez diola uko egin handik eskainitako inolako lan egokiri, ez eta lanbide sustapen, prestakuntza edo aldaketarako ekintzetan parte hartzeari ere, justifikaturiko kasuetan izan ezik.

Hilabetero lanbide arteko gutxieneko soldatatik gorako diru-sarrerarik ez duela interesdunaren adierazpenaren bidez frogatuko da. Adierazpen eredua Nafarroako Gobernuko Informazio Bulegoan eskuratzen ahalko da, edo bestela Internet bidez, arestian emandako helbidean.

3.5. Eskaerak aurkezteko epea ezin izanen da luzatu.

3.6. Eskaeran atzematen diren akats materialak edo egitezkoak ofizioz edo interesdunak eskaturik zuzentzen ahalko dira, noiznahi ere.

4.-Izangaien onarpena eta erreklamazioak.

4.1. Eskaerak aurkezteko epea bukaturik, Nafarroako Administrazio Publikoaren Institutuko zuzendari kudeatzaileak ebazpena emanen du, izangai onartuen eta baztertuen behin-behineko zerrenda onesteko, eta Nafarroako ALDIZKARI OFIZIALean argitara dadila aginduko du.

4.2. Izangai baztertuek hamar egun balioduneko epea izanen dute, behin-behineko zerrenda Nafarroako ALDIZKARI OFIZIALean argitaratzen denetik, erreklamazioak aurkezteko eta, akatsik egin badute, zuzentzeko.

4.3. Erreklamazioetarako epea bukatutakoan eta horiek ebatzita, Nafarroako Administrazio Publikoaren Institutuko zuzendari kudeatzaileak onartu eta baztertuen behin betiko zerrenda onesten duen ebazpena emanen du, eta Nafarroako ALDIZKARI OFIZIALean argitara dadila aginduko.

4.4. Izangaiei egotziriko arrazoiengatik baztertzen direnei ez zaizkie azterketa egiteko eskubideak itzuliko.

5.-Epaimahaia.

5.1. Epaimahaiak kide hauek izanen ditu:

-Mahaiburua: Jesús Posadas Martínez jauna, Herri Lan, Garraio eta Komunikazio Departamentuko Garraioen Antolamendu eta Kudeaketaren Zerbitzuko zuzendaria.

-Ordezkoa: Luis Rivas Sánchez jauna, Herri Lan, Garraio eta Komunikazio Departamentuko Zainketa Zerbitzuko zuzendaria.

-Mahaikidea: Maravillas Alemán Diez de Ulzurrun andrea, Berrikuntza, Enpresa eta Enplegu Departamentuko Azpiegitura Teknologikoen Bulegoko burua.

-Ordezkoa: Jesús Armendáriz Mateo jauna, Herri Lan, Garraio eta Komunikazio Departamentuko Garraioen Ustiapenerako Ataleko burua.

-Mahaikidea: David Carabantes Bernal jauna, Lehendakaritza, Justizia eta Barne Departamentuko industria ingeniari teknikoa.

-Ordezkoa: Juan Carlos Lázaro López jauna, Lehendakaritza, Justizia eta Barne Departamentuko Ibilgailu Parkearen Ataleko burua.

-Mahaikidea: langileen ordezkari bat, Nafarroako Foru Komunitateko Administrazioko Langile Batzordeak proposatua.

-Ordezkoa: langileen ordezkari bat, Nafarroako Foru Komunitateko Administrazioko Langile Batzordeak proposatua.

-Mahaikide idazkaria: Mª Rosario Loitegui Biurrun andrea, Herri Lan, Garraio eta Komunikazio Departamentuko Garraioen Araubide Juridikoaren Ataleko burua.

-Ordezkoa: María Jesús González Muñoz andrea, Lehendakaritza, Justizia eta Barne Departamentuko Zehapen Prozeduraren Ataleko burua.

Epaimahaia hautaprobak hasi baino lehen eratuko da.

5.2. Epaimahaia ezin izanen da eratu, ezta aritu ere, kideen gehiengo osoa bertan izan gabe.

Organo kolegiatuaren eraketak eta jardunak balio izateko, mahaiburuak eta mahaikide idazkariak edo haien ordezkoek bertan egon beharko dute.

5.3. Epaimahaiko kideek ez dute parte hartuko, eta organo dei egileari horren berri emanen diote, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legean parte ez hartzeko aipatzen diren egoeretakoren batean baldin badaude.

Izangaiek, halaber, zilegi dute mahaikideak errefusatzea, egoera horietakoren bat gertatzen denean.

5.4. Epaimahaiak gehiengoz erabakiko ditu deialdiaren oinarriak ulertu eta aplikatzeko moduaren gainean sortzen diren arazo guztiak.

5.5. Epaimahaiak aholkulari adituen laguntza izan dezake proba batzuetan nahiz guztietan. Aholkulari horiek beren espezialitate teknikoetan baizik ez dira ariko eta horietan bakarrik emanen diote laguntza epaimahaiari.

6.-Oposizioa nola eginen den.

6.1. Oposizioa 2008ko urrian hasiko da. Onartu eta baztertuen behin betiko zerrenda onesten duen ebazpenean berean finkatuko dira probak hasteko tokia, eguna eta ordua.

Ondoren, epaimahaiak gainerako probak egiteko iragarkiak jakinaraziko ditu, arauz egin behar den moduan.

6.2. Oposizioak ariketa hauek izanen ditu:

Lehenengo ariketa: ariketa teorikoa; deialdi honetako II. eranskinean agertzen den gai-zerrendatik zozketaz aukeratzen diren bi gairen gainean idaztea, gehienez ere 5 orduz.

Bigarren ariketa: teorikoa, zozketa bidez aterako diren bi gai idatziz azaldu beharko dira, gehienez ere 4 orduz; bata deialdi honetako II. eranskineko lehenengo zatikoa eta bestea hirugarren zatikoa.

Hirugarren ariketa: praktikoa, II. eranskineko gai-zerrendako afera bat edo bi ebatzi beharko dira ikasgelan. Ariketaren gehieneko iraupena epaimahaiak finkatuko du azterketa hasi aurretik. Ariketa hori egin baino lehen, izangaiei hura garatzeko erabiltzen ahalko duten dokumentazioaren berri emanen zaie.

6.3. Oposizioko ariketen balorazioan 100 puntu eman daitezke gehienez ere, honela banatuak:

Lehenengo ariketa: gehienez 40 puntu. Gai bakoitzean gehienez 20 puntuko balorazioa ematen ahal da.

Bigarren ariketa: gehienez 20 puntu. Gai bakoitzean gehienez 10 puntuko balorazioa ematen ahal da.

Hirugarren ariketa: gehienez 40 puntu.

6.4. Oposizioko ariketak baztergarriak izanen dira. Kanporaturik geldituko dira ariketa horietakoren batean gehieneko puntuazioaren erdia gutxienez lortzen ez duten izangaiak. Halaber, baztertu eginen dira lehenengo edo bigarren ariketan edota hirugarren arkietako aferetan 0 puntu lortzen duten izangaiak.

6.5. Hiru ariketak plika sistemaren bidez eginen dira.

6.6. Ariketa bakoitza amaitutakoan, epaimahaiak jendaurrean jarriko du, ariketa egin den lekuan eta Nafarroako Gobernuaren iragarki oholean, probak gainditu dituzten izangaien zerrenda, bakoitzaren kalifikazioekin. Horrez gainera, oposizioko hurrengo proba non, zein egunetan eta zer ordutan eginen den adierazten duen oharra argitaratuko du, gutxienez hura hasi baino 48 ordu lehenago. Zerrenda Internet bidez ere kontsultatzen ahalko da, www.navarra.es helbidean, Zerbitzuen Katalogoan, Enplegu Publikoaren atalean, deialdiari buruz dagoen aiputik abiatuta.

6.7. Ariketa bakoitzerako dei bakarra eginen da. Hartara, nortasun agiri nazionala edo baliokidea, pasaportea, gidabaimena edo epaimahaiak baliozkotzat jotzen duen beste nortasun agiri bat aldean dutela agertu beharko dute izangaiek. Azterketara agertzen ez direnak edo nor diren adierazitako moduan frogatzen ez dutenak oposiziotik baztertuko dira.

6.8. Hautaprobak egiteko, ezgaitasun aitorturen bat dutenentzat bidezkoak diren denbora eta baliabide egokitzapenak eginen dira, eskabidean azaldutakoaren arabera.

7.-Probak gainditu dituztenen zerrenda, izendapen proposamena eta agirien aurkezpena.

7.1. Hautaprobak bukaturik, epaimahaiak jendaurrean jarriko du probak gainditu dituztenen zerrenda, oposizioan lortutako kalifikazioekin, Nafarroako Gobernuaren iragarki oholean. Gero, zerrenda hori Nafarroako Administrazio Publikoaren zuzendari nagusiari igorriko dio, probak puntuazio altuenekin gainditu dituzten izangaiak izendatzeko proposamenarekin (deialdiko lanpostuak adina izangai) eta espediente osoarekin batera. Proposamen hori Nafarroako ALDIZKARI OFIZIALean argitaratuko da. Zerrenda Internet bidez ere kontsultatzen ahalko da, www.navarra.es helbidean, Zerbitzuen Katalogoan, Enplegu Publikoaren atalean, deialdiari buruz dagoen aiputik abiatuta.

Berdinketarik gertatuz gero, hirugarren ariketan puntu gehien lortu dutenen alde ebatziko da. Eta hala ere berdinduta segitzen badute, lehenengo ariketan lortutako puntuazioa hartuko da kontuan.

7.2. Izendapen proposamena Nafarroako ALDIZKARI OFIZIALean argitaratu ondoko 30 egun naturaleko epean, proposatutako izangaiak inprimaki berariazko batzuk jaso, eta honako agiri hauek aurkeztu beharko ditu Nafarroako Administrazio Publikoaren Institutuko Sarrerarako Hautapenaren Zerbitzuan:

7.2.1. Nafarroako Foru Komunitateko Administrazioaren eta haren erakunde autonomoen zerbitzuko langile finko ez diren izangaiak:

a) Nortasun Agiri Nazionalaren bi fotokopia konpultsatu, edo izangaiaren nazionalitatea eta nortasuna frogatzen dituen beste agiri baliokideren batenak.

b) Deialdiaren 2.1.1.c) arauan eskatzen den tituluaren fotokopia konpultsatua edo lortzeko eskubideak pagatu direla frogatzen duen gordekinarena; bestela, eskaerak aurkezteko epean titulua eskuratzeko moduan dagoela frogatzen duen ziurtagiria.

c) Laneko Arriskuen Prebentziorako Atalak emandako txostena, interesdunak karguan aritzea eragotziko liokeen eritasun edo akats fisiko edo psikikorik ez duela frogatzeko.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

d) Eginkizun publikoetarako ezgaitua edo gabetua ez izatearen eta inongo administrazio publikoren zerbitzutik bereizia ez izanaren zinpeko aitorpena.

Izangaiek Espainiako nazionalitatea ez badute, agiria aurkeztu beharko dute, beren estatuko funtzio publikoan sartzea eragozten dien diziplina zehapenik edo zigor penalik ez dutela adierazteko.

e) Zin egin edo hitz ematea, Nafarroako Foru Eraentza errespetatu, Konstituzioari eta legeei men egin eta karguari dagozkion eginkizunak zuzen beteko dituela.

f) %33ko edo hortik gorako minusbaliotasuna aitortzen duen agiriaren fotokopia konpultsatua izatea, baldin eta ezgaitasuna dutenentzako txanda murriztuan parte hartu nahi bada.

Deialdi hau egin ez duen Nafarroako beste administrazio publikoren bateko langile finko, edo Nafarroako Foru Komunitateari eskualdatutako Justizia Administrazioko zerbitzuei atxikitako langile finko diren izangaiek, gainera, aurreko administrazioko espediente pertsonalean ageri diren inguruabar eta aurrekari guztiak frogatzen dituen ziurtagiria aurkeztu beharko dute, hots, sarrerari, antzinatasunari, mailari, egoera administratiboari eta abarrei buruzkoa.

7.2.2. Nafarroako Foru Komunitateko Administrazioaren edo haren erakunde autonomoen zerbitzuko langile finkoak diren izangaiak:

a) Deialdiaren 2.1.1.c) arauan eskatzen den tituluaren fotokopia konpultsatua edo lortzeko eskubideak pagatu direla frogatzen duen gordekinarena; bestela, eskaerak aurkezteko epean titulua eskuratzeko moduan dagoela frogatzen duen ziurtagiria.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

7.3. Aipatu epearen barrenean, eta aski justifikaturik dauden ezinbesteko kasuak salbuetsiz, arestiko agiriak aurkezten ez dituztenak ezin izanen dira izendatu, eta ordura arteko egintza guztiak baliorik gabe geldituko dira, euren eskabidearen faltsukeria dela eta, legokiekeen erantzunbeharra galarazi gabe.

7.4. Aurreko atalean aurreikusitakoa gertatuz gero, Nafarroako Administrazio Publikoaren Institutuko zuzendari nagusiak probak gainditu dituztenen zerrendan, 7.1 atalean aipatutakoan, hurrengoa den izangaiarekin beteko du baja, eta horrekin ere aurreko ataletan adierazitako moduan jokatuko da.

7.5. Deialdi honen xede diren lanpostuetarako izendatzeko baldintzak eta betebeharrak frogatzeko agiriez gainera, Funtzio Publikoaren Zuzendaritza Nagusiak besteren bat eskatu nahi izanez gero, proposatzen den izangaiari eskatu beharko dio, eta horrek 7.2 arauan ezarritako moduan ekarri beharko du.

8.-Lanpostu hutsak hautatzea.

8.1. Aurreko arauan xedatu dena betetzen duten izangaiek Nafarroako Administrazio Publikoaren Institutuak hartarako jartzen dien epean aditzera eman beharko dute eskaintzen zaizkien lanpostuetatik zein hautatzen duten. Aukeratu beharreko lanpostuak hasieran deitutakoak izanen dira, edo beste batzuk, zerbitzuaren beharrei jarraikiz horiek aldatzea erabakitzen bada.

8.2. Lanpostu hutsak aukeratzeko orduan, %33ko ezgaitasun aitortua edo handiagoa duten izangaiek lehentasuna izanen dute txanda irekiko izangaien aurretik.

Ezgaitasuna duen izangairik bada, eta horrek eragina badu lanpostu bat edo bestea hautatzeko, aukeratzen hasi aurretik, ezgaitasunarekin hobekien egokitzen direnak esleituko zaizkie, horren gainean balorazio eta orientazio talde eskudunek egindako txostenaren arabera.

9.-Izendapena, lanpostuen esleipena eta jabetza hartzea.

9.1. Funtzio Publikoaren zuzendari nagusiak, ebazpen baten bitartez, aurreko arauetan ezarritakoa betetzen duten izangaiak Nafarroako Foru Komunitatearen Administrazioko funtzionario izendatuko ditu, industria ingeniari tekniko lanetan aritzeko. Ebazpen horren bidez lanpostuen esleipena ere eginen da.

9.2. Izendapenak eta lanpostuaren jabetza hartzeak nomina eta plantillako funtzionario bilakatuko dituzte izendatuak, indarra duten xedapenek ezartzen dituzten eskubide eta betebehar guztiak dituztela. Gizarte Segurantzako araubide orokorrean inskribatu eta kidetuko dira, araubide horretan ezarritakoaren babesean.

Aurrekoa gorabehera, Nafarroako administrazio publikoen zerbitzuko langileen Estatutua onetsi zuen abuztuaren 30eko 251/1993 Legegintzako Foru Dekretuaren bederatzigarren xedapen gehigarriaren 3. puntuan xedatutakoa aplikatzearen ondorioz, Nafarroako administrazio publikoen edozein mutualitatetako eskubide pasiboen araubidekoak direnen kasuan, bi aukera izanen dituzte: Nafarroako Foru Komunitateko Administrazioko mutualitatean segitzea, martxoaren 5eko 10/2003 Foru Legearen bidez arauturiko eskubide pasiboen araubideak babesturik, edo Gizarte Segurantzaren Araubide Orokorrean sartzea.

9.3. Izendatzen diren izangaiek destinoko herrian bizi beharra dute eta, horretarako, udalerri horretan finkatuko dute bizilekua. Administrazio organo eskudunek destinoa aldatzen ahalko dute, aplikatzekoa den araudian ezarritakoarekin bat.

9.4. Lanaldia zerbitzuaren beharretara egokituko da eta noiznahi aldatzen ahalko dute administrazio organo eskudunek, aplikatzekoa den araudian ezarritakoarekin bat.

9.5. Izendapena Nafarroako ALDIZKARI OFIZIALean argitaratuko da eta izangai izendatuak hilabeteko epean jabetu beharko du bere lanpostuaz, izendapenaren jakinarazpenetik kontatzen hasita.

Aipatu epean eta behar bezain ongi arrazoitutako kasuetan izan ezik, izangairen batek ez baldin badu lanpostua bere egiten, Foru Komunitateko Administrazioaren funtzionario izateko eskubide guztiak galduko ditu. Hala bada, 7.4 atalean ezarritakoari jarraikiko zaio.

9.6. Izangai bat funtzionario bihurtu eta lanpostuan batere aritu gabe zuzenean eta berak eskatuta borondatezko eszedentzia ematen bazaio jabetza hartzearen egunetik bertatik, data horretan beste administrazio publikoren batean ari delako, kasuko lanpostu hutsa ere beteko da deialdiko 7.4 atalak agintzen duen moduan.

9.7. Aurreko bi ataletan aipatutako kasuetan, izendapena egin aurretik hautaturiko lanpostua ez da aldatuko. Beraz, funtzionario berriei, zuzenean, egoera horien ondoriozko lanpostuak esleituko zaizkie.

10.-Aldi baterako kontratuetarako izangaien zerrenda.

10.1. Nafarroako Administrazio Publikoan sartzeko Erregelamenduaren 42. artikuluan, lanpostuak aldi baterako betetzeko kudeaketa arauak onetsi zituen Lehendakaritza, Justizia eta Barne kontseilariaren azaroaren 14ko 146/2005 Foru Aginduan eta arau honexetan ezarritako prozedurari jarraikiz, aldi baterako kontrataziorako izangaien zerrenda hauek sortuko dira:

a) Probak gainditu bai, baina lanposturik lortu ez duten izangaien zerrenda, bat bera Foru Komunitateko Administrazioko departamentu eta erakunde autonomo guztientzat.

b) Hautapen prozesuko ariketa guztiak gainditu ez dituzten izangaien zerrenda, parte hartzeko eskabidean aukeratutako esparruaren arabera.

10.2. Probak gainditu bai, baina lanposturik lortu ez duten izangaien zerrendak.

Probak gainditu arren lanposturik lortu ez duten izangaiekin Funtzio Publikoaren Zuzendaritza Nagusiak zerrenda bat osatuko du, ondoren aldi baterako kontratazioak egiteko, deialdi honetako 11. arauan ezarritako prozedurari jarraikiz. Lehendakaritza, Justizia eta Barne kontseilariaren azaroaren 14ko 146/2005 Foru Aginduan xedatutako arauen arabera kudeatuko du.

Halaber, zerrenda hori Osasunbidea-Nafarroako Osasun Zerbitzuko eta Nafarroako Mendekotasun Agentziako organo eskudunei igorriko die, esparru bakoitzeko arauei jarraikiz kudea dezaten.

10.3. Hautapen prozesuko ariketa guztiak gainditzen ez dituzten izangaiak.

Deialdiko 11. arauan ezarritako prozedurarekin bat, Funtzio Publikoaren Zuzendaritza Nagusiak aldi baterako kontratazioak egiteko izangaien zerrenda bat osatuko du, deialdiko azken-aurreko ariketa gainditu eta Administrazio Erroko zerrenda hautatu duten izangaiekin.

Era berean, Nafarroako Administrazio Publikoaren Institutuko Sarrerarako Hautapenaren Zerbitzuak Osasunbidea-Nafarroako Osasun Zerbitzuko organo eskudunei igorriko die hautapen prozesuko ariketa guztiak gainditu ez eta esparru horretako kontratazio zerrendak aukeratu dituztenen zerrenda, aldi baterako kontratazioetarako, deialdi honetako 12. arauan ezarritako prozedurari jarraikiz.

11.-Administrazio Erroan aldi baterako kontratatzeko izangaien zerrendak osatzeko prozedura.

11.1. Epaimahaiaren espedientea jasota, Funtzio Publikoaren zuzendari nagusiaren ebazpen baten bidez, hautaprobak gaindituta ere lanposturik gabe gelditu diren izangaiei eta deialdian ezarritako azken-aurreko ariketa gainditu eta Administrazio Erroko kontratazio zerrenda aukeratu dutenei hamar egun balioduneko epea emanen zaie, ebazpena argitaratu eta biharamunetik hasita, honako dokumentazio hau aurkezteko:

-Deialdiaren 2.1.1.c) arauan eskatzen den tituluaren fotokopia konpultsatua, titulua lortzeko eskubideak pagatu direla frogatzen duen gordekinarena edo sarrera prozesurako eskaerak aurkezteko epean titulua eskuratzeko moduan dagoela frogatzen duen ziurtagiria.

Ebazpen hau Nafarroako ALDIZKARI OFIZIALean argitaratuko da, eta langileen zerrendak Nafarroako Gobernuko iragarki-oholean (Karlos III.aren etorbidea, 2, atalondoa, Iruña).

Eskatzen diren agiriak aipatu epean aurkezten ez dituztenak (aski justifikatutako ezinbesteko kasuetan izan ezik) eta eskatutako baldintzak betetzen ez dituztenak ez dira sartuko aldi baterako kontratuetarako izangaien zerrendan, eta deialdian parte hartzeagatiko eskubide guztiak galduko dituzte, betiere, parte hartzeko eskabidea faltsutzeagatik legokiekeen erantzukizuna deusetan ukatu gabe.

11.2. Sarrera prozedurako eskaerak aurkezteko epea bukatzen den egunerako bete beharko dira baldintzak, eta hautaprobek dirauteino eta kontratazioaldiak iraun bitarte bete beharko dira.

11.3. Dokumentazioa aurkezteko epea bukaturik, Funtzio Publikoaren zuzendari nagusiaren ebazpen baten bidez, aldi baterako kontratuetarako izangaien zerrenda hauek onetsiko dira eta Nafarroako Gobernuaren iragarki oholean argitaratuko (Karlos III.aren etorbidea, 2, atalondoa, Iruña):

a) Probak gainditu bai, baina lanposturik lortu ez duten izangaien zerrenda.

b) Deialdiaren azken-aurreko ariketa gainditu bai, baina lanposturik gabeko gaindituen artean ez daudenen eta Administrazio Erroko kontratazio zerrendak hautatu dituztenen zerrenda.

11.4. Hauxe izanen da aldi baterako kontratazioen zerrendaren ordena: oposizioa gainditu bai, baina lanposturik lortu ez dutenen kasuan, hautapen prozesuan lortutako puntuazioaren arabera; gainerako izangaien kasuan, gainditutako ariketetan lortutako puntuazioen batura. Berdinketarik dagoenean nor nagusitzen den erabakitzeko, deialdi honetan kasu horietarako ezarritako irizpideak hartuko dira kontuan.

12.-Osasunbidea-Nafarroako Osasun Zerbitzuan aldi baterako kontratatzeko izangaien zerrendak osatzeko prozedura.

Funtzio Publikoaren Zuzendaritza Nagusiak probak gainditu bai, baina lanposturik lortu ez dutenen zerrendak eta hautapen prozesuko ariketa guztiak gainditu ez eta esparru horretako kontratazio zerrendak aukeratu dituztenenak igorri ondoren, Osasunbidea-Nafarroako Osasun Zerbitzuko organo eskudunek beren kudeaketa esparruko aldi baterako kontratazioetarako izangaien zerrendak onetsiko dituzte, 2001eko urtarrilaren 9ko Akordioan erakunde autonomo horretako osasun zentro eta establezimenduetan aldi baterako langileak hautatzeko ezarritakoarekin bat. Akordio hori 2001eko 101. Nafarroako ALDIZKARI OFIZIALean argitaratu zen, abuztuaren 20an.

Horretarako, Osasunbidea-Nafarroako Osasun Zerbitzuak hamar egun balioduneko epea emanen die interesdunei, zentroa hautatu, iraunaldi laburreko zerrendetan egon nahi dutela adierazi eta aipatu erakunde autonomoak zehazten dituen gainerako inguruabarrak betetzeko.

Arau horren arabera osatzen diren zerrendak Osasunbidea-Nafarroako Osasun Zerbitzuak kudeatuko ditu, langileak hautatzeko 2001eko urtarrilaren 9ko Akordioan ezarritakoari jarraikiz.

13.-Errekurtsoak.

Epaimahaiak ematen dituen egintza eta ebazpenen kontra gora jotzeko errekurtsoa paratzen ahalko da, Nafarroako Administrazio Publikoaren Institutuko zuzendari kudeatzaileari zuzendua, errekurtsoaren xede den egintza argitaratu edo jakinarazi eta biharamunetik hilabeteko epean.

Deialdi honen eta bere arauen kontra eta arauak aplikatzeko egintzen kontra, epaimahaiak hartutakoen kontra izan ezik, zilegi izanen da gora jotzeko errekurtsoa jartzea, Lehendakaritza, Justizia eta Barne kontseilariari zuzendua, hilabeteko epean, errekurritu nahi den egintza argitaratu edo jakinarazi eta biharamunetik kontatuta.

Hori guztia Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluarekin bat, eta urtarrilaren 13ko 4/1999 Legeak aldatutako Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluei jarraikiz.

Iruñean, 2008ko apirilaren 25ean.-Nafarroako Administrazio Publikoaren Institutuko zuzendari kudeatzailea, Ignacio Bandrés Urriza.

I. ERANSKINA

Eskabidea

Nafarroako Gobernua. Lehendakaritza, Justizia eta Barne Departamentua. Nafarroako Administrazio Publikoaren Institutua.

Izena: ........................, adinez nagusia. Nortasun Agiri Nazionala (edo balio bereko beste agiriren bat): ...................... Sorteguna: ...................... Sorterria: ....................... (.....................). Nazionalitatea: ..................... Helbidea: ............. (kalea, zenbakia), ............. herria, ............. probintzia, ............... posta kodea, eta ........ telefonoa (........... laneko telefonoa) duena,

AZALTZEN DU:

Nafarroako Foru Komunitateko Administrazioaren zerbitzuko ........... izateko ...............lanpostu .................bidez betetzeko deialdian txanda honetan parte hartzeko onar dezatela eskatzen duela (deialdia ...... Nafarroako ALDIZKARI OFIZIALean argitaratu zen, .........(e)an):

f Txanda irekia

f Igoera txanda*

f Ezgaitasunen bat dutenentzako txanda*

Hautaprobak gainditzen ez baditu, lanpostuak behin-behinekoz betetzeko aukeraz baliatu nahi duela, esparru hauetakoren batean:

f Administrazio erroa *

f Osasunbidea-Nafarroako Osasun Zerbitzua *

f Nafarroako Mendekotasun Agentzia *

(Esparruetako bakar bat aukeratu daiteke).

Ez duela karguan aritzea galarazten dion eritasunik edo akats fisikorik nahiz psikikorik.

Ez duela indarra duten xedapenetan ezarritako ezintasunik.

Ez dela diziplinako espediente bidez ezein administrazio publikoren zerbitzutik kanpo utzia izan eta ez dutela eginkizun publikoak betetzeko gaitasunik gabe utzi.

Deialdian eskatzen den titulazioaren jabe dela.

Azterketa eskubideak ordaindu dituela deialdian ezarritako moduan eta horren gordekina erantsi duela, edo erantsitako agirien bidez frogatzen duela tasa ordaintzetik salbuetsita dagoela.

Eskaerak aurkezteko epearen azken egunean beharkizun guztiak betetzen dituela.

f Ezgaitua delako, orri bereizi batean adierazten dituen denbora eta baliabide egokitzapenak eskatzen dituela.

f Ezgaitasuna frogatzen duen agiria aurkezten duela, erakunde eskudun batek emana.

f Euskararen gaitasunaren agiria edo ofizialki baliokidea den beste titulu bat aurkezten duela*.

f Euskara maila neurtzeko proba egitea eskatzen duela*.

f Frantses eta ingeles maila neurtzeko frogak egitea eskatzen duela*.

Horrenbestez,

Eskabide hau ontzat hartu eta aipatu deialdian onartua izatea eskatzen du.

Iruñean,........(e)ko ...............aren ...............(e)an.

(Sinadura)

(*) Bidezkoa bada.

II. ERANSKINA

Gai zerrenda

Lehen zatia.

1. gaia.-Espainiako 1978ko Konstituzioa: estatuko aginteak. Koroa. Gorte Nagusiak. Gobernua eta Administrazioa. Botere judiziala Konstituzioan.

2. gaia.-Zuzenbide Publikoaren iturburuak: legeak eta lege motak. Lege-dekretuak. Legegintzako foru dekretuak. Nazioarteko itunak.

3. gaia.-Administrazio Zuzenbidearen iturburuak: erregelamendua eta erregelamendu ahalmena. Erregelamendu motak. Erregelamendu ahalmenaren mugak eta haren kontrola.

4. gaia.-Administrazio egintza (I): kontzeptua, motak eta osagaiak.

5. gaia.-Administrazio egintza (II): administrazio egintzen baldintzak, eraginkortasuna, deuseztasuna eta deuseztagarritasuna.

6. gaia.-Administrazio prozedura erkidea (I): kontzeptua eta izaera. Hasiera, antolamendua, instrukzioa eta bukaera.

7 gaia.-Administrazio prozedura erkidea (II): Administrazioarekiko errekurtsoak: printzipio orokorrak eta motak.

8. gaia.-Nafarroako Parlamentua edo Gorteak: osaera, antolakuntza eta eginkizunak.

9. gaia.-Nafarroako Gobernuari eta lehendakariari buruzko Foru Legea.

10. gaia.-Nafarroako Foru Komunitateko Administrazioari buruzko Foru Legea.

11. gaia.-Nafarroako Foru Komunitateko arartekoa. Comptos Ganbera. Nafarroako Kontseilua.

12. gaia.-Nafarroako administrazio publikoen zerbitzuko langileen Estatutua (I): langile motak. Funtzionario publikoen hautapena. Funtzionario izaera eskuratzea eta galtzea.

13. gaia.-Nafarroako administrazio publikoen zerbitzuko langileen Estatutua (II): administrazio karrera. Administrazio egoerak. Lanpostuak betetzea. Ordainsariak.

14. gaia.-Nafarroako Ogasun Publikoa: Nafarroako Ogasun Publikoaren eskubide eta betebeharrak. Nafarroako aurrekontu orokorrak: edukia eta onespena; gastuen sailkapen ekonomikoa; betearaztea eta likidazioa.

15. gaia.-Ekainaren 9ko 6/2006 Foru Legea, Kontratu publikoei buruzkoa: aplikazio esparrua. 6/2006 Foru Legearen mendeko kontratuen definizioa. Administrazio publikoen kontratuen sailkapena. Araubide juridikoa. Kontratuak esleitzeko, hobetzeko, sinatzeko, betetzeko, aldatzeko, amaitzeko eta baliogabetzeko arau orokorrak.

16. gaia.-Datu pertsonalen babesa Europan eta Espainian. Printzipioak. Pertsonen eskubideak. Datuen babesari buruzko agentzia. Datuen nazioarteko mugimenduak.

17. gaia.-Apirilaren 4ko 11/2007 Foru Legea, Nafarroako Foru Komunitateko Administrazioan administrazio elektronikoa ezartzeari buruzkoa.

Bigarren zatia.

1. gaia.-Uztailaren 30eko 16/1987 Legea, Lurreko garraioaren antolamenduari buruzkoa (LGAB). Irailaren 28ko 1211/1990 Errege Dekretua, Lurreko garraioaren antolamenduari buruzko Legearen Erregelamendua onesten duena (LGAE): aplikazio eremua. Printzipio orokorrak. Eskumenen araubidea. Lurreko garraioaren zerbitzu eta jardueren araubide ekonomiko-finantzarioa.

2. gaia.-LGAB eta LGAE: garraioaren eta haren jarduera laguntzaile eta osagarrien baldintzak.

3. gaia.-LGAB eta LGAE: errepideko garrioaren sailkapena. Denon erabilerarako bidaiarien garraio publikoa. Ezarpena. Esleipena. Ustiapena. Bateratzea eta iraungitzea.

4. gaia.-LGAB eta LGAE: prestazioko baldintza bereziak dituzten denon erabilerarako zerbitzu erregular finkoak. Aldi baterako eta erabilera bereziko garraio publiko erregularra.

5. gaia.-LGAB eta LGAE: bidaiarien eta salgaien garraio publiko berezia. Baimenak eta araubide juridikoa.

6. gaia.-LGAB eta LGAE: turismo ibilgailuz eginiko garraio publikoa. Garraio turistikoa eta banaka kontratatzen den garraioa.

7. gaia.-LGAB eta LGAE: garraio pribatua. Garraio agentziak. Trantsitarioak. Biltegizain-banatzaileak.

8. gaia.-Lurreko osasun garraioa: Otsailaren 10eko 29/1997 Foru Dekretua, Nafarroako lurreko osasun garraioa arautzen duena.

9. gaia.-Ibilgailu gidarigabeen errentamendua. 1995eko uztailaren 20ko Agindua, Lurreko garraioaren antolamenduari buruzko Legearen Erregelamendua garatzen duena, ibilgailu gidarigabeen errentamenduari dagokionez.

10. gaia.-Ibilgailu gidaridunen errentamendua. FOM/36/2008 Agindua, urtarrilaren 9koa.

11. gaia.-Garraioaren arbitraje batzordeak. Eskumena, antolaketa, eginkizunak eta jarduteko prozedura.

12. gaia.-Errepideko garraioaren eta haren jarduera laguntzaile eta osagarrien zehapen araubidea.

13. gaia.-Salgaien garraioa: 2007ko martxoaren 20ko FOM/734/2007 Agindua, Lurreko garraioaren antolamenduari buruzko Legearen Erregelamendua garatzen duena, salgaien errepideko garraioaren baimenei dagokienez.

14. gaia.-Bidaiarien garraioa: 1997ko uztailaren 23ko Agindua, LGAEa garatzen duena, bidaiarien autobus bidezko garraio berezi pribatu osagarriaren baimenei dagokienez.

15. gaia.-Garraio agentziak: 2000ko uztailaren 21eko Agindua, LGAEa garatzen duena, salgaien garraiorako agentziei, trantsitarioei eta biltegizain-banatzaileei dagokienez.

16. gaia.-Garraio kooperatibak: 1997ko uztailaren 23ko Agindua, Lurreko garraioaren antolamenduari buruzko Legearen Erregelamendua garatzen duena, garraio kooperatibei eta merkaturatze sozietateei dagokienez. Garraioaren lan elkartuko kooperatibak.

17. gaia.-Uztailaren 6ko 9/2005 Foru Legea, Taxiari buruzkoa.

18. gaia.-Ikasleen eta adingabeen garraioa. Apirilaren 27ko 443/2001 Errege Dekretua, ikasleen eta adingabeen garraioaren segurtasun baldintzei buruzkoa.

19. gaia.-Salgaien nazioarteko garraioa. 2000ko apirilaren 4ko Agindua, LGAEa garatzen duena, salgaien errepideko garraio nazioartekoaren baimenei dagokienez.

20. gaia.-Salgai arriskutsuen errepideko garraio nazioartekoari buruzko Europako Akordioa. ADR 2007. ADRaren erabilera: salgai arriskutsuak garraiatzeko baldintzak zehazteko metodoa. ADR taulen erabilera.

21. gaia.-Salgai arriskutsuen sailkapena: disoluzioak eta nahasketak sailkatzeko prozedura. Gaien zerrendapenaren egitura. Salgai arriskutsu motak eta horiek sailkatzeko printzipioak. Garraiatzen diren gai eta objektu arriskutsuen izaera. Ezaugarri fisiko-kimikoak eta toxikologikoak.

22. gaia.-Salgai arriskutsuak. Enbalajearen baldintza orokorrak, zisternak eta edukiontzi-zisternak barne. Enbalaje motak, kodetzea eta markajea. Enbalajeei buruzko betebeharrak eta enbalajeekin egin beharreko probei buruzko arauak. Enbalajearen egoera eta aldizkako kontrola.

23. gaia.-Salgai arriskutsuak. Arrisku adierazleak eta etiketak. Inskripzioak arrisku etiketetan. Arrisku etiketak jartzea eta kentzea. Seinalizazioa eta etiketatua.

24. gaia.-Salgai arriskutsuak. Bidaltzeko modua eta murriztapenak igorpenean: zama osoa. Sueltoko gaien garraioa. Garraioa sueltoko gaietarako ontzi handietan. Garraioa edukiontzietan. Garraioa zisterna finko edo desmuntagarrietan.

25. gaia.-Salgai arriskutsuak. ADR 2007: garraiatzen diren gaiei eta garraioari buruzko xedapenak.

26. gaia.-Salgai arriskutsuak. ADR 2007: eraikuntzari eta ibilgailuen onespenari buruzko xedapenak.

27. gaia.-Salgai arriskutsuak. Urriaren 8ko 1566/1999 Errege Dekretua, Errepide, trenbide edo nabigazio bidezko salgai arriskutsuen garraiorako segurtasun kontseilariei buruzkoa.

28. gaia.-Salgai arriskutsuak. 2000ko apirilaren 24ko Agindua, Errepide, trenbide edo nabigazio bidezko salgai arriskutsuen garraiorako istripu partea arautzen duena.

29. gaia.-Salgai arriskutsuak. Maiatzaren 5eko 551/2006 Errege Dekretua, Espainian salgai arriskutsuen errepideko garraioaren eragiketak arautzen dituena. Xedapen orokorrak eta definizioak. Garraioaren eragiketei buruzko arauak.

30. gaia.-Salgai arriskutsuak. Maiatzaren 5eko 551/2006 Errege Dekretua, Espainian salgai arriskutsuen errepideko garraioaren eragiketak arautzen dituena. Garraiorako ibilgailuei, ontzi eta enbalajeei eta sueltoko edukiontziei buruzko arau teknikoak.

31. gaia.-Salgai arriskutsuak. Maiatzaren 5eko 551/2006 Errege Dekretua, Espainian salgai arriskutsuen errepideko garraioaren eragiketak arautzen dituena. Matxura edo istripu kasuan jarduteko arauak. Zama-lanak.

32. gaia.-Salgai arriskutsuak. Maiatzaren 5eko 551/2006 Errege Dekretua, Espainian salgai arriskutsuen errepideko garraioaren eragiketak arautzen dituena.

33. gaia.-Salgai arriskutsuak. Irailaren 19ko FOM/2924/2006 Agindua, Errepide, trenbide edo nabigazio bidezko salgai arriskutsuen garraiorako urteko txostenaren gutxieneko edukia arautzen duena.

34. gaia.-Salgai arriskutsuak. 2005eko azaroaren 21eko Ebazpena, Errepideko Garraioen Zuzendaritza Nagusiak emana, Errepideko salgai arriskutsuen garraioarekin lotutako arriskuengatiko ikuskaritzari eta kontrolari buruzkoa.

35. gaia.-Bidaiarien errepideko garraio publikoa kontrolatzeko arauak: abenduaren 20ko FOM/3398/2002 Agindua, bidaiarien errepideko garraio publikoa kontrolatzeko arauak ezartzen dituena.

36. gaia.-Hirugarren herrialdeetako gidariek garraio jarduera egiteko gidari ziurtagiria: abenduaren 20ko FOM/3399/2002 Agindua, hirugarren herrialdeetako gidariek garraio jarduera egiteko gidari ziurtagiria ezartzen duena.

37. gaia.-Salgaien errepideko garraio publikoa kontrolatzeko arauak. Urtarrilaren 31ko FOM/238/2003 Agindua, Salgaien errepideko garraio publikoa kontrolatzeko arauak ezartzen dituena.

38. gaia.-Gasolio profesionala. Kontzeptuak. Abenduaren 21eko EHA/3929/2006 Agindua, Hidrokarburoen gaineko Zerga eta gasolio profesionalaren kontsumoaren ondoriozko zenbait hidrokarburoren txikikazko salmenten gaineko zergaren tasa autonomikoaren aplikazioari dagozkion kuotak hein batean itzultzeko prozedura ezartzen duena.

39. gaia.-Takografo digitala. Apirilaren 25eko FOM/1190/2005 Agindua, Takografo digitalaren ezarpena arautzen duena.

40. gaia.-Abiadura mugatzailea. Azaroaren 25eko 1417/2005 Errege Dekretua, Ibilgailu mota zehatzen abiadura mugatzaileen gailuak erabiltzea, instalatzea eta haien funtzionamendua egiaztatzea arautzen duena.

41. gaia.-Salgaien errepideko garraioaren kontratuen baldintza orokorrak. 1997ko apirilaren 25eko Agindua, Salgaien errepideko garraioaren kontratuen baldintza orokorrak ezartzen dituena.

42. gaia.-Gidarien hasierako gaitasuna eta etengabeko prestakuntza. Uztailaren 20ko 1032/2007 Errege Dekretua.

43. gaia.-Ezgaitasuna duten pertsonentzako errepideko garraioaren eskuragarritasun baldintza oinarrizkoak eta horietan sartu nahiz horiek erabiltzeko diskriminaziorik eza. Azaroaren 23ko 1544/2007 Errege Dekretua.

44. gaia.-Ibilgailuetan baimendutako gehieneko pisuak eta neurriak. Baimendutako gehieneko pisuak eta neurriak gainditzen dituzten ibilgaluekin garraiatzeko baimen bereziak, haiek lortzeko beharkizunak eta garraio mota horren ezaugarriak.

45. gaia.-Ibilgailu arinen eta astunen bereizketa. Egituraren eta funtzionamenduaren ezaugarri nagusiak, eta ibilgailu mota hauek zein garraio motatan erabili beharko liratekeen: zurrunak; traktore-buruak eta erdiatoiak osaturiko multzoak; atoiak eta errepide-trenak. Ibilgailuen erabilgarritasuna eta ezaugarriak: furgoia, plataforma, kutxa irekia, kutxa itxia, gondola, isotermoa, hozkarria, hozkailuduna, zisterna, ibilgailu-eramailea, edukiontzi-eramailea, kaiola, kapitonea eta ibilgailu bereziak.

46. gaia.-Salgaien garraiorako ibilgailuak homologatzeko eta matrikulatzeko eskatzen diren beharkizunak eta egin behar diren tramiteak. Ibilgailuen Azterketa Teknikoa: aldian aldiko azterketak eta aparteko azterketak; nahitaez egin beharra; beharkizunak; ibilgailuen azterketa teknikoari buruzko baldintzak ez betetzeak dakartzan ondorioak.

47. gaia.-Espainiako eta Europar Batasuneko arauek ibilgailuek sor ditzaketen ke kaltegarriei eta zaratei ezarritako mugak. Ibilgailuaren kutsadura atmosferikoa gutxitzen duten elementuak. Ibilgailuak sortzen duen kutsadura akustikoan eragina duten faktoreak.

48. gaia.-Ibilgailuen aldian aldiko mantentze-lanetarako planak egiteko kontuan hartu beharreko oinarrizko arauak: eguneko planak, astekoak, hilekoak eta urtekoak. Mantentze-lanetako planak, kilometroko eta ibilgailuko. Ibilgailuen azterketa arruntak eta apartekoak. Ibilgailuaren sistema elektrikoaren, hozte-sistemaren eta labainketa sistemaren mantentze-lanen arauak. Ibilgailua kanpotik eta barrutik garbitzeko aintzat eduki beharreko irizpideak. Mantentze-lanetako tailerren oinarrizko ekipamendua, elementuak eta horien erabilera: konpresoreak, bateria-kargatzaileak, labainketako ekipoak, pneumatikoen orekatzaileak eta lerrokatzaileak, katuak eta garbiketako makinak.

49. gaia.-Garraio intermodala, kontzeptua. Bereziki, edukiontzia: kontzeptua, edukiontzi motak, maizenik erabili ohi diren edukiontzien pisuak eta neurriak; edukiontziak nola homologatu eta matrikulatu; edukiontzien sailkapena. Kutxa mugikorra, kontzeptua, eta edukiontziaren aldean dituen alde on eta txarrak. Garraioan errepideak eta itsasoa konbinatzeko beste teknika batzuk: ferryak, ezaugarriak, alde onak eta txarrak; "transroulagea" edo lurgaineko ibilgailuak "roll-on-roll-off" itsasontzietan garraiatzea, ezaugarriak, alde onak eta txarrak.

Hirugarren zatia.

1. gaia.-Lan arriskuen prebentzioa (I). Europako araudia. Laneko Arriskuen Prebentzioari buruzko 31/1995 Legea. 39/1997 Errege Dekretua: prebentzio zerbitzuen erregelamendua. 135/1998 Foru Dekretua, araudi hori Foru Komunitateko Administrazioaren eta haren erakunde autonomoen esparrura egokitzen duena. Laneko arriskuen prebentzioari buruzko politika: administrazio publikoen ekintzak. Langileen eskubide eta betebeharrak.

2. gaia.-Laneko arriskuen prebentzioa (II). Arriskuen prebentziorako zerbitzu propioa. Arriskuen prebentziorako beste norbaitek emaniko zerbitzua. Arriskuak neurtzea. Segurtasun eta osasun arloko erregelamendua lantokietan. Lantokiko seinaleei eta laneko osasunari buruzko Erregelamendua. Makinen segurtasunari buruzko Erregelamendua. Norbera babesteko ekipamenduak erabiltzeari buruzko Erregelamendua: tipologia eta ezaugarriak. Langile bereziak.

3. gaia.-Oztopo fisikoak. Ekainaren 29ko 154/1989 Foru Dekretua, uztailaren 11ko 4/1988 Foru Legea garatu eta aplikatzeko erregelamendua onesten duena. Xedea. Aplikazio eremua. Ibilbide motak, eskakizun mailak. Sinbologia. Erreserbak.

4. gaia.-Segurtasuna makinetan. Irizpide orokorrak. Araudia.

5. gaia.-Suteak. Sutearen kimika. Suteen sailkapena. Erregaien ezaugarriak: sukoitasun mugak, ahalmen kalorifikoa, su hartzeko tenperatura eta berez su hartzekoa. Su hartzeko fokuak. Sua hedatzea. Ondorioak. Suteei aurrea hartzeko neurriak.

6. gaia.-Suteen kontra babesteko instalazioak. Babes aktiboa eta pasiboa. Eraikuntza arloko material eta elementuek suaren aurrean duten portaera. Materialen ezaugarriak. Sailkapena. Suarekiko erreakzioa eta erresistentzia. Materialak eta tratamenduak. CE markak jartzea eta suteen aurkako segurtasuna. Suaren aurkako saio-laborategiak. Suteak atzemateko baliabideak. Ezaugarriak. Alarma-zentralak. Su-itzaltzea.

7. gaia.-Kudeaketa eremu baten antolaketa Administrazioan. Organigrama ohikoak. Eremu funtzionalak. Eginkizunak. Ingeniari tekniko baten balizko enkoadratzeak. Mantentze-lanetako arduraduna. Zuzeneko erantzukizunak: langileak, segurtasuna, ekonomia. Mantentze-lanetako arduradunaren aholkulari funtzioa.

8. gaia.-Eraikuntzaren kalitatea. Produktuen ziurtagiriak. AENOR marka. Saio-laborategiak eta horiek duten zerikusia kalitatea egiaztatzeko prozesuetan. Eraikuntza-produktuei buruzko zuzentaraua: CE marka. ISO arauak, CEN arauak eta UNE arauak. Ikuskapena eta kontrola.

9. gaia.-Eraikuntzako segurtasuna. Istripuen prebentzioa eraikuntzan. Segurtasun proiektua. Prebentzio neurriak. Langilearen eskubide eta betebeharrak. Enpresaburuaren betebeharrak. Zuzendaritza fakultatiboaren erantzukizuna. Babes neurriak. Aplikatzekoak diren arauak.

10. gaia.-Energia alternatiboak edo berriztagarriak. Motak. Alderdi onak eta txarrak. Instalazioen dimentsioak. Kogenerazioa. Berokuntza punpak. Xurgagailuak.

11. gaia.-Europako normalizazioa. Ikuspuntu berriko zuzentarauak.

12. gaia.-Arkitektura bioklimatikoa. Oinarriak, eraikuntzako konponbideak, sistema pasiboak eta aktiboak.

13. gaia.-Babes zibileko planak. Eduki orokorrak, eskumenak eta tipologia.

14. gaia.-Europar Batasunaren energiaren arloko politika. Europan barnako energia sareak. Espainiaren egoera energetikoa. Bilakaera historikoa eta gaurko arazoak.

15. gaia.-Proiektuen plangintza. Obren programazioa. Metodoak eta teknikak, denboren eta kostuen analisiak.

16. gaia.-Proiektu teknikoak prestatzea. Lanaren faseak. Agiriak. Tramitazio administratiboa. Klausula administratiboen agiria eta balidintzen agiria.

17. gaia.-Mantentze-tailerreko antolaketa. Mantentze Zerbitzuaren eginkizunak. Mantentze prebentiboa eta zuzentzailea. Azken horren programazioa. Zerbitzuaz baliatzeko eskaerak bideratzea, dokumentuen zirkuitua, tailerraren jardunaren txostenak eta adierazleak. Horniduraren kudeaketa, biltegiaren funtzionamendua. Lan programatuen kontrola. Kontraten kontrola.

18. gaia.-Eraikuntzako instalazio ingeniaritzaren oinarriak. Oinarriak, alderdi teknikoak eta legezkoak.

19. gaia.-Industria hondakinen kudeaketa. 10/1998 Legea. Sailkapena. Motak. Kudeatzeko eta kentzeko moduak. Aplikatu beharreko arauak.

20. gaia.-Ingurumen kudeaketako ISO 14001 arauaren ziurtagiria.

21. gaia.-Produktu kimikoak eta arriskugarriak biltegiratzeko erregelamendua eta horren jarraibideak.

22. gaia.-Ibilgailuen homologazioa. Prozedura eta salbuespenak. 2140/1985 Errege Dekretua, urriaren 9koa. Uztailaren 9ko 1204/1999 Errege Dekretua.

Oharra: arlo guztietako gaiek deialdi hau Nafarroako ALDIZKARI OFIZIALean argitaratu zen egunean indarra zuen legediari jarraituko diote.

Iragarkiaren kodea: F0806568