Iragarkia

41. ALDIZKARIA - 2008ko martxoaren 31

I. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Plantilla Organikoa, Lan Publikoaren Eskaintza, oposizioak eta lehiaketak

DEIALDIA, Nafarroako Administrazio Publikoaren Institutuko zuzendari nagusiak martxoaren 14an emandako 29/2008 Ebazpenaren bidez onetsia, Nafarroako Foru Komunitateko Administrazioaren eta haren erakunde autonomoen zerbitzuko biologo izateko 2 lanpostu oposizio bidez betetzekoa.

Nafarroako Administrazio Publikoaren Institutuko zuzendari nagusiak martxoaren 14an emandako 29/2008 Ebazpenaren bidez, Nafarroako Foru Komunitateko Administrazioaren eta haren erakunde autonomoen zerbitzuko biologo izateko 2 lanpostu oposizio bidez betetzeko deialdia onetsi zen.

Hautapen prozesua ondoko hauetan xedatutakoari jarraikiz eginen da: Nafarroako Administrazio Publikoen zerbitzuko Langileen Estatutuaren Testu Bategina, abuztuaren 30eko 251/1993 Legegintzako Foru Dekretuaren bidez onetsi zena, aipatu estatutua garatu eta burutzeko Sarrera Erregelamendua, gainerako aplikazio arauak eta deialdi honetako arauak.

1.-Deialdiaren xedea.

1.1. Deialdi honen xedea da bilogo izateko 2 lanpostu oposizio bidez betetzea, funtzionarioen araubidekoak eta A mailakoak, Iruñean aritzekoak, ondorengo txandetan banatutakoak:

-lanpostu bat txanda irekian.

-lanpostu bat igoera txandan.

1.2. Hauek dira eskaintzen diren lanpostu hutsak:

-2 Landa Garapeneko eta Ingurumeneko Departamentuan, plantilla organikoan 6860 eta 66929 zenbakia dutenak.

1.3. Igoera txandako lanpostua hutsik geldituz gero, izangaiek hautaprobak gainditzeko behar den gutxieneko puntuazioa atera ez dutelako, txanda irekikoei gehituko zaie.

Bestaldetik, igoera txandan hutsik dauden lanpostuak baino izangai gehiagok gainditzen badute, txanda horretan lanpostuak eskuratzen ez dituztenek aukera izanen dute txanda irekiko lanpostu hutsa eskuratzeko, txanda horretako izangaiekin lehian eta eskuratutako azken puntuazioaren arabera.

Era berean, txanda irekiko lanpostua eskuratzeko aukera izanen dute, aurreko lerroaldean adierazitako moduan, deialdiko 7.2 arauan agiriak aurkezteko ezartzen den epea bukatzen denean deialdiko 2.1.2 arauko eskakizun berariazkoak betetzen ez dituzten igoera txandako izangaiek.

1.4. Lanpostuek A mailako lansariak izanen dituzte, uztailaren 4ko 158/1984 Foru Dekretuaren bidez onetsitako Lansarien Behin-behineko Erregelamenduan eta, kasuan kasu, aplikatu beharreko gainerako xedapenetan ezarritakoari jarraikiz.

1.5. Halaber, deialdi honen bidez hautaprobak gainditu bai baina lanposturik lortzen ez duten izangaiekin aldi baterako kontratatuak izateko izangaien zerrenda bat osatuko da, deialdi honetako 10. arauan xedaturikoarekin bat.

2.-Betebeharrak.

2.1. Oposizio honetan onartuak izateko, izangaiek, eskaerak aurkezteko epea amaitzen den egunean eta agiriak aurkezteko epea amaitzen denetik (deialdiaren 7.2 atalean adierazia) lanpostuaren jabetza hartu arte, baldintza hauek bete beharko dituzte:

2.1.1. Izangai guztiek bete beharreko baldintzak:

a) Espainiarra izatea, edo Europar Batasuneko beste estaturen batekoa, edo, Europar Batasunak izenpetu eta Espainiak berretsitako nazioarteko itunak direla medio, langileen zirkulazio librea aplikatzen den eremuko estaturen batekoa.

Orobat, espainiarren eta Europar Batasuneko beste estatuetako edo aipatu nazioarteko itunek ukitutako estatuetako herritarren ezkontideek parte hartzen ahal dute, zuzenbidez bereizita ez badaude; halaber, haien ondorengoek eta ezkontidearenek, zuzenbidez bereizita ez badaude, 21 urtetik beherakoak badira, edo gorakoak, haien kontura biziz gero.

b) Hamasei urte beteta izatea eta erretiroa nahitaez hartzeko gehieneko adina gainditua ez izatea.

c) Biologo titulua edo baliokidea izatea, edo eskaerak aurkezteko epea bukatzen den egunean titulu hori eskuratzeko moduan egotea.

Atzerrian lorturiko tituluak badira, homologazioaren egiaztagiria eduki beharko da.

d) B motako ibilgailuak gidatzeko baimena izatea.

e) Bete behar dituen eginkizunetan aritzeko adinako gaitasun fisiko eta psikikoa izatea.

f) Eginkizun publikoetan aritzeko ezgaitu edo gabetua ez egotea eta administrazio publikoren baten zerbitzutik bereizia ez izatea.

Espainiako nazionalitatea ez duten izangaiek frogatu beharko dute beren estatuko funtzio publikoan sartzea eragozten dien diziplina zehapenik edo zigor penalik ez dutela.

2.1.2. Igoera txandako izangaiek bete beharreko baldintza berariazkoak.

Igoera txandako izangaiek, aurreko atalean adierazitako betebeharrez gain, hauek bete beharko dituzte:

a) Nafarroako edozein Administrazio Publikotako langile finkoa izatea, edo Nafarroako Foru Komunitateko Administrazioari transferitutako Justizia Administrazioaren zerbitzuei atxikitako langile finkoa, eta jatorrizko lanpostuan borondatezko edo nahitaezko eszedentzian ez egotea.

b) Deialdiko lanpostu hutsen maila berekoa edo apalagokoa izatea.

c) Administrazio Publikoetan bost urteko antzinatasun onartua izatea, Nafarroako Polizia Kidegoetako kideen kasuan izan ezik, horiek frogatu beharko baitute zortzi urtez eman dituztela zerbitzuak kidego horietan.

Nafarroako Administrazio Publikoetan lan egiten duten langileen Estatutuaren zortzigarren xedapen gehigarrian ezarri dena aplikatuz, igoera txandan esku hartzeko baldintzak betetzen dituzten Nafarroako Parlamentuko funtzionarioek ere txanda horretan parte hartzen ahalko dute.

2.2. Deialdiko 3.3 arauaren hirugarren puntuan aipatzen den salbuespena salbuespen, izendatuak izateko proposatzen diren izangaiek deialdiko 7.2 atalean ezarritako epean eta moduan frogatu beharko dituzte betebehar horiek.

3.-Eskaerak.

3.1. Deialdian parte hartzeko eskaerak Nafarroako Gobernuko Erregistro Orokorrean (Karlos III.aren etorbidea, 2, 31002 Iruña) edo Nafarroako Gobernuaren gainerako erregistro bulegoetako edozeinetan (zerrenda 2008ko 14. Nafarroako ALDIZKARI OFIZIALean argitaratu zen, urtarrilaren 30ean) aurkeztu beharko dira, edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 20ko 30/2008 Legeko 38.4 artikuluan adierazi diren bideetakoren bat erabiliz, deialdia Nafarroako ALDIZKARI OFIZIALean argitaratu eta biharamunetik hogeita hamar egun naturaleko epean.

Eskaera posta bulego batean aurkeztuz gero, gutun-azal irekian eginen da, postako langileek, ziurtatu aurretik, data eta zigilua jar ditzaten.

Eskaerak deialdi honen eranskinean dagoen ereduari lotu behar zaizkio eta, haietan, izangaiek adierazi beharko dute eskatutako baldintza guztiak betetzen dituztela. Eredu hori Nafarroako Gobernuaren edozein erregistro bulegotan dago eskuragarri. Interneten bidez ere lortzen ahal da, www.navarra.es helbidean, bai argitaratzen deneko Aldizkari Ofizialetik abiatuta, bai Zerbitzuen Katalogoko Enplegu Publikoan dagoen deialdiaren aiputik abiatuta.

3.2. Ezgaitasun aitortua duten lehiatzaileek, ariketak egin ahal izateko denbora edo baliabideetan egokitzapenik behar badute, zilegi izanen dute eskaeran eskatzea, eta hartarako, aparteko orri batean adierazi beharko dute nolako ezgaitasuna duten eta zer egokitzapen eskatzen duten. Horrekin batera, legeen arabera ezgaitasunen bat dutela frogatzeko agiriaren kopia konpultsatua ere aurkeztu beharko dute, organo eskudunak emana.

3.3. Eskaerari, behar bezala bete ondoren, agiri hauek erantsiko zaizkio:

Bat.-Nortasun Agiri Nazionalaren fotokopia, edo izangaiaren nazionalitatea eta nortasuna egiaztatzen dituen beste agiri baliokideren batena.

Bi.-Espedientea formalizatzeko eta azterketa eskubideetarako 25 euro ordaindu izanaren ziurtagiria. Azterketa eskubideen tasa ordaintzen ez bada, izangaia baztertu eginen da.

Sistema hauetako bat erabiliz ordaintzen ahalko da tasa hori:

-Behar den bezala betetako ordain-gutunaren bidez, Nafarroako Foru Komunitateko banku entitateetan ordaintzeko. Arestian aipatutako webgunean, deialdiaren iragarkian, ordainketa gutunaren eredua dago.

-Sarrera eskudirutan edo bankuko transferentzia bidez eginez, Banestoko (Banco Español de Crédito) 0030 8124 87 0870002271 kontuan; horrelakoetan ordainagirian datu hauek jarri beharko dira nahitaez:

-Izangaiaren izen-deiturak.

-NANa/IFZ.

-Ordainketa zein kontutan egiten den, haren zenbakia.

-Kontzeptua: oposizioak.

-Deialdiaren xede den lanpostua.

Honako hauek ez dute tasarik ordaindu beharko:

a) %33ko edo gehiagoko ezgaitasun aitortua dutela frogatzen duten pertsonek, organo eskudunak luzaturiko jatorrizko agiriaren edo behar bezala konpultsaturiko fotokopiaren bidez.

b) Hautaproben deialdia egin aurretik hilabete batez edo luzaroago lan-eskatzaile gisa inskribaturik egon diren pertsonak. Salbuespen hori aplikatzeko baldintza izanen da inskribaturik egon diren bitartean eskainitako inolako lan egokiri uko egin ez izana eta lanbide sustapen, prestakuntza edo aldaketarako ekintzetan parte hartzeari uko egin ez izana, justifikaturiko kasuetan izan ezik, eta, horrez gainera, lanbide arteko gutxieneko soldatatik gorakoa den dirusarrerarik ez izatea hilabetero.

Lan-eskatzailea dela frogatzeko, Enplegu Bulegoak emandako agiria aurkeztu beharko da. Bertan, lan-eskatzaile gisa inskribatu zeneko data agertuko da eta, orobat, adieraziko da inskribaturik egon den bitartean ez diola uko egin handik eskainitako inolako lan egokiri, ez eta lanbide sustapen, prestakuntza edo aldaketarako ekintzetan parte hartzeari ere, justifikaturiko kasuetan izan ezik.

Hilabetero lanbide arteko gutxieneko soldatatik gorako dirusarrerarik ez duela interesdunaren adierazpenaren bidez frogatuko da. Adierazpen eredua Nafarroako Gobernuko Informazio Bulegoan eskuratzen ahalko da, edo bestela Internet bidez, arestian emandako helbidean.

Hiru.-Deialdian igoera txandan parte hartu nahi duten izangaiek, Nafarroako Foru Komunitateko Administrazioa ez den Nafarroako beste Administrazio Publiko bateko langile finkoak badira, edo Nafarroako Foru Komunitateari eskualdatutako Justizia Administrazioko zerbitzuei atxikitako langile finkoak, lehengoaz gainera, deialdi honetako 2.1.2 arauan jasotzen diren eskakizunak betetzen dituztela frogatzen duen agiria gehitu beharko diote eskabideari.

3.4. Eskaerak aurkezteko epea ezin izanen da luzatu.

3.5. Eskaeran atzematen diren akats materialak edo egitezkoak ofizioz edo interesdunak eskaturik zuzentzen ahalko dira, noiznahi ere.

4.-Izangaien onarpena eta erreklamazioak.

4.1. Eskaerak aurkezteko epea bukatuta, Administrazio Publikoaren Institutuko zuzendari nagusiak ebazpena emanen du izangai onartuen eta baztertuen behin-behineko zerrenda onesteko, eta Nafarroako ALDIZKARI OFIZIALean argitara dadila aginduko du.

4.2. Izangai baztertuek hamar egun balioduneko epea izanen dute, behin-behineko zerrenda Nafarroako ALDIZKARI OFIZIALean argitaratzen denetik, erreklamazioak aurkezteko eta, akatsik egin badute, zuzentzeko.

4.3. Erreklamazioetarako epea bukatutakoan eta horiek ebatzita, Nafarroako Administrazioaren Institutuko zuzendari kudeatzaileak onartu eta baztertuen behin betiko zerrenda onesten duen ebazpena emanen du, eta Nafarroako ALDIZKARI OFIZIALean argitara dadila aginduko.

4.4. Izangaiei egotziriko arrazoiengatik baztertzen direnei ez zaizkie azterketa egiteko eskubideak itzuliko.

5.-Epaimahaia.

5.1. Epaimahaiak kide hauek izanen ditu:

-Burua: Enrique Eraso Centelles jauna, Ingurumenaren eta Uraren Zuzendaritza Nagusiko Biodibertsitatea Zaintzeko Zerbitzuko zuzendaria.

-Ordezkoa: Pedro Zuazo jauna, Ingurumenaren eta Uraren Zuzendaritza Nagusiko Ingurumenaren Integrazioko Zerbitzuko zuzendaria.

-Mahaikidea: Jokin Larumbe Arricibita jauna, biologoa, Ingurumenaren eta Uraren Zuzendaritza Nagusiko Habitaten Ataleko burua.

-Ordezkoa: Gloria Giralda Carrera andrea, Ingurumenaren eta Uraren Zuzendaritza Nagusiko biologoa.

-Mahaikidea: Enrique Castién Arriazu, biologoa, Ingurumenaren eta Uraren Zuzendaritza Nagusiko Ehiza Kudeatzeko Bulegoko burua.

-Ordezkoa: Ana Palacios Arellano andrea, Ingurumenaren eta Uraren Zuzendaritza Nagusiko biologoa.

-Mahaikidea: Nafarroako Foru Komunitateko Administrazioko Langileen Batzordearen ordezkari bat, batzordeak berak proposatua.

-Ordezkoa: Nafarroako Foru Komunitateko Administrazioko Langileen Batzordearen ordezkari bat, batzordeak berak proposatua.

-Mahaikide idazkaria: Félix Armendáriz Martínez jauna, Landa Garapeneko eta Ingurumeneko Departamentuko Ingurumeneko Araubide Juridikoaren Ataleko burua.

-Ordezkoa: Marta Beamonte Arejula andrea, Landa Garapeneko eta Ingurumeneko Departamentuko Nekazaritza eta Landa Garapeneko Araubide Juridikoaren Ataleko burua.

Epaimahaia hautaprobak hasi baino lehen eratuko da.

5.2. Epaimahaia ezin izanen da eratu, ezta aritu ere, kideen gehiengo osoa bertan izan gabe.

Organo kolegiatuaren eraketak eta jardunak balio izateko, mahaiburuak eta mahaikide idazkariak edo haien ordezkoek bertan egon beharko dute.

5.3. Epaimahaiko kideek ez dute parte hartuko, eta organo dei egileari horren berri emanen diote, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legean parte ez hartzeko aipatzen diren egoeretakoaren batean baldin badaude.

Izangaiek, halaber, zilegi dute mahaikideak errefusatzea, egoera horietako bat gertatzen denean.

5.4. Epaimahaiak gehiengoz erabakiko ditu deialdiaren oinarriak ulertu eta aplikatzeko moduaren inguruan sortzen diren arazo guztiak.

5.5. Epaimahaiak aholkulari adituen laguntza izan dezake proba batzuetan nahiz guztietan. Aholkulari horiek beren espezialitate teknikoetan baizik ez dira ariko eta horietan bakarrik emanen diote laguntza epaimahaiari.

6.-Oposizioa nola eginen den.

6.1. Oposizioa 2008ko irailean hasiko da. Onartu eta baztertuen behin betiko zerrenda onesten duen ebazpenean berean finkatuko dira probak hasteko tokia, eguna eta ordua.

Ondoren, epaimahaiak gainerako probak egiteko iragarkiak jakinaraziko ditu, arauz egin behar den moduan.

6.2. Oposizioak ariketa hauek izanen ditu:

Lehen ariketa: teorikoa, idatziz gai zerrendako gaiei buruzko test moduko 80 galdera erantzun beharko dira. Gehienez ere 2 ordu izanen dira hori egiteko.

Bigarren ariketa: teorikoa, idatziz gai zerrendako bigarren zatiko gaiei buruzko 30 galdera erantzun beharko dira. Gehienez ere 2 ordu izanen dira hori egiteko.

Hirugarren ariketa: teorikoa, bi gai idatziz garatu beharko dira, ausaz aukeratutakoak: bat gai zerrendako hirugarren zatikoa eta bestea laugarren zatikoa. Gehienez ere 5 ordu izanen dira hori egiteko.

Laugarren ariketa: praktikoa, gai zerrendako gaiei buruz Epaimahaiak proposatutako kasu bat ebatzi beharko dute, kanpoan edo gelan. Epaimahaiak ariketa hori egiteko gehienezko denbora ariketa egin aurretik finkatuko du.

6.3. Oposizioko ariketen balorazioan 100 puntu eman daitezke gehienez ere, honela banatuak:

Lehen ariketa: gehienez ere 20 puntu.

Bigarren ariketa: gehienez ere 30 puntu.

Hirugarren ariketa: gehienez 30 puntu. Gai bakoitzean gehienez ere 15 puntu lortzen ahalko dira.

Laugarren ariketa: gehienez ere 20 puntu.

6.4. Oposizioko ariketak baztergarriak izanen dira. Baztertuta geldituko dira lehenbiziko, bigarren eta laugarren ariketetan gutxienez gehieneko puntuazioaren erdia lortzen ez duten izangaiak. Halaber, baztertuko dira hirugarren ariketako gai bakoitzean gutxienez gehieneko puntuazioaren erdia lortzen ez duten izangaiak.

6.5. Hirugarren ariketa jendaurreko ekitaldian irakurriko diote izangaiek kalifikazio-epaimahaiari.

6.6. Ariketak zuzendu ondoren, epaimahaiak jendaurrean jarriko du, Nafarroako Gobernuaren iragarki oholean eta ariketa egin den tokian, gainditu duten izangaien zerrenda, lortutako kalifikazioekin eta, halaber, oposizioaren hurrengo proba edo ariketa egiteko tokia, eguna eta ordua, gutxienez 48 ordu lehenago. Orobat, zerrenda internet bidez kontsultatzen ahalko da, www.navarra.es helbidean, Zerbitzuen Katalogoko Enplegu Publikoan dagoen deialdiaren aiputik abiatuta.

6.7. Ariketa bakoitzerako dei bakarra eginen da. Izangaiek nortasun agiri nazionala, pasaportea edo gida-baimena eraman beharko dute. Azterketara agertzen ez direnak edo arestian aipatutako agirietako baten bidez beren nortasuna egiaztatzen ez dutenak oposiziotik baztertuko dira.

6.8. Hautapen probak egiteko, eskaera egin duten ezgaitasun aitortua dutenendako bidezkoak diren denbora eta baliabide egokitzapenak eginen dira, eskabidean azaldutakoaren arabera.

7.-Probak gainditu dituztenen zerrenda, izendapen proposamena eta agirien aurkezpena.

7.1. Hautaprobak amaituta, epaimahaiak jendaurrean jarriko du probak gainditu dituztenen zerrenda, oposizioan lortutako kalifikazioekin, Nafarroako Gobernuaren iragarki oholean. Gero, zerrenda hori Nafarroako Administrazio Publikoaren Institutuko zuzendari kudeatzaileari igorriko dio, deialdiko lanpostuen kopuruaren barruan sartzen diren eta probak puntuazio altuenekin gainditu dituzten izangaiak izendatzeko proposamenarekin eta espediente osoarekin batera. Proposamen hori Nafarroako ALDIZKARI OFIZIALean argitaratuko da. Orobat, zerrenda internet bidez kontsultatzen ahalko da, www.navarra.es helbidean, Zerbitzuen Katalogoko Enplegu Publikoan dagoen deialdiaren aiputik abiatuta.

Gertatzen diren berdinketetan, bigarren ariketan puntu gehien lortzen dituztenen alde joko da eta berdinketak badirau, lehen, hirugarren eta laugarren ariketetan lortutako puntuak hartuko dira aintzakotzat, elkarren segidan eta hurrenkera horretan.

7.2. Izendapen proposamena Nafarroako ALDIZKARI OFIZIALean argitaratu ondoko 30 egun naturaleko epean, proposatutako izangaiek inprimaki berariazko batzuk jaso eta honako agiri hauek aurkeztu behar dituzte Nafarroako Administrazio Publikoaren Institutuko Sarrerarako Hautapenaren Zerbitzuan:

7.2.1. Nafarroako Foru Komunitateko Administrazioaren eta haren erakunde autonomoen zerbitzuko langile finko ez diren izangaiak:

a) Nortasun Agiri Nazionalaren bi fotokopia konpultsatu, edo izangaiaren nazionalitatea eta nortasuna frogatzen dituen beste agiri baliokideren batenak.

b) Deialdiko 2.1.1.c) arauan eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, eskaerak aurkezteko epean titulua eskuratzeko moduan dagoela frogatzen duen ziurtagiria.

c) B motako ibilgailuak gidatzeko baimenaren fotokopia konpultsatua.

d) Laneko Arriskuei Aurrea hartzeko Atalak emandako txostena, interesdunak karguan aritzea eragotziko liokeen eritasun edo akats fisiko edo psikikorik ez duela frogatzeko.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

e) Eginkizun publikoetarako ezgaitua edo gabetua ez izatearen eta inongo administrazio publikoren zerbitzutik bereizia ez izanaren zinpeko aitorpena.

Izangaiek Espainiako nazionalitatea ez badute, agiria aurkeztu beharko dute, beren Estatuko Funtzio Publikoan sartzea eragozten dien diziplina zehapenik edo zigor penalik ez dutela adierazteko.

f) Zin egin edo hitz ematea, Nafarroako Foru Eraentza errespetatu, Konstituzioari eta legeei men egin eta karguari dagozkion eginkizunak zuzen beteko dituela.

Deialdi hau egin ez duen Nafarroako beste Administrazio Publikoren bateko langile finko, edo Nafarroako Foru Komunitateari eskualdatutako Justizia Administrazioko zerbitzuei atxikitako langile finko diren izangaiek, gainera, aurreko administrazioko espediente pertsonalean ageri diren inguruabar eta aurrekari guztiak frogatzen dituen ziurtagiria aurkeztu beharko dute, hots, sarrerari, antzinatasunari, mailari, egoera administratiboari eta abarrei buruzkoa.

7.2.2. Nafarroako Foru Komunitateko Administrazioaren edo haren erakunde autonomoen zerbitzuko langile finkoak diren izangaiak:

a) Deialdiko 2.1.1.c) arauan eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, eskaerak aurkezteko epean titulua eskuratzeko moduan dagoela frogatzen duen ziurtagiria.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

b) B motako ibilgailuak gidatzeko baimenaren fotokopia konpultsatua.

7.3. Aipatu epearen barrenean, eta aski justifikaturik dauden ezinbesteko kasuak salbuetsiz, arestiko agiriak aurkezten ez dituztenak ezin izanen dira izendatu, eta ordura arteko egintza guztiak baliorik gabe geldituko dira, euren eskabidearen faltsukeria dela eta, legokiekeen erantzunbeharra galarazi gabe.

7.4. Aurreko atalean aurreikusitakoa gertatuz gero, Nafarroako Administrazio Publikoaren Institutuko zuzendari kudeatzaileak probak gainditu dituztenen zerrendan, 7.1 atalean aipatutakoan, hurrengoa den izangaiarekin beteko du baja, eta horrekin ere aurreko ataletan adierazitako moduan jokatuko da.

7.5. Deialdiaren xede den lanposturako izendatua izateko beharrezko betebehar eta baldintzez gain, Funtzio Publikoaren Zuzendaritza Nagusiak, bere eskurantzak erabiltzeko, beste edozein agiri eskatu diezaioke izangaiari, eta honek aurkeztu beharko ditu deialdi honen 7.2. arauan ezarritako moduan.

8.-Lanpostu hutsak hautatzea.

8.1. Aurreko arauan xedatu dena betetzen duten lehiatzaileek Nafarroako Administrazio Publikoaren Institutuak (NAPI) hartarako jartzen dien epean aditzera eman beharko dute eskaintzen zaizkien lanpostuetatik zein hautatzen duten. Aukeratu beharreko lanpostuak hasieran deitutakoak izanen dira, edo beste batzuk, zerbitzuaren beharrei jarraikiz horiek aldatzea erabakitzen bada.

8.2. Hautaprobak igoera txandaren bidez gainditzen dituzten izangaiek, 8.3 ataleko bigarren lerroaldean aipatutako kasuan izan ezik, lehentasuna izanen dute deialdiko lanpostu hutsak aukeratzerakoan, txanda horretakoak ez diren izangaien aurretik.

8.3. Lanpostu hutsak aukeratzeko orduan, %33ko ezgaitasun aitortua edo handiagoa duten izangaiek lehentasuna izanen dute txanda irekiko izangaien aurretik.

Ezgaitasuna duen izangairik bada, eta horrek eragina badu lanpostu bat edo bestea hautatzeko, aukeratzen hasi aurretik, ezgaitasunarekin hobekien egokitzen direnak esleituko zaizkie, horren gainean balorazio eta orientazio talde eskudunek egindako txostenaren arabera.

9.-Izendapena, lanpostuen esleipena eta jabetza hartzea.

9.1. Funtzio Publikoaren zuzendari nagusiak, ebazpen baten bitartez, aurreko arauetan ezarritakoa betetzen duten izangaiak Nafarroako Foru Komunitatearen Administrazioko funtzionario izendatuko ditu, biologo lanetan aritzeko. Ebazpen horren bidez lanpostuen esleipena ere eginen da.

9.2. Izendapenak eta lanpostuaren jabetza hartzeak nomina eta plantillako funtzionario bilakatuko dituzte izendatuak, indarra duten xedapenek ezartzen dituzten eskubide eta betebehar guztiak dituztela. Gizarte Segurantzako araubide orokorrean inskribatu eta kidetuko dira, araubide horretan aurreikusitakoaren babesean.

Aurrekoa gorabehera, Nafarroako Administrazio Publikoen Zerbitzuko Langileen Estatutua onetsi zuen abuztuaren 30eko 251/1993 Legegintzako Foru Dekretuaren bederatzigarren xedapen gehigarriaren 3. puntuan xedatutakoa aplikatzearen ondorioz, Nafarroako administrazio publikoen edozein mutualitatetako eskubide pasiboen araubidekoak direnen kasuan, bi aukera izanen dituzte: Nafarroako Foru Komunitateko Administrazioko mutualitatean segitzea, martxoaren 5eko 10/2003 Foru Legearen bidez arauturiko eskubide pasiboen araubideak babesturik, edo Gizarte Segurantzaren Araubide Orokorrean sartzea.

9.3. Izendatzen diren izangaiek destinoko herrian bizi beharra dute eta, horretarako, udalerri horretan finkatuko dute bizilekua. Administrazio organo eskudunek destinoa aldatzen ahalko dute, aplikatzekoa den arautegian ezarritakoarekin bat.

9.4. Lanaldia zerbitzuaren beharretara egokituko da eta noiznahi aldatzen ahalko dute administrazio organo eskudunek, aplikatzekoa den araudian ezarritakoarekin bat.

9.5. Izendapena Nafarroako ALDIZKARI OFIZIALean argitaratuko da eta izangai izendatuak hilabeteko epean jabetu beharko du bere lanpostuaz, izendapenaren jakinarazpenetik kontatzen hasita.

Aipatu epean eta behar bezain ongi arrazoitutako kasuetan izan ezik, izangairen batek ez baldin badu lanpostua bere egiten, Foru Komunitateko Administrazioaren funtzionario izateko eskubide guztiak galduko ditu. Hala bada, 7.4 atalean ezarritakoari jarraikiko zaio.

9.6. Izangai bat funtzionario bihurtu eta lanpostuan batere aritu gabe zuzenean eta berak eskatuta borondatezko eszedentzia ematen bazaio jabetza hartzearen egunetik bertatik, data horretan beste Administrazio Publiko batean ari delako, kasuko lanpostu hutsa ere beteko da deialdiko 7.4 atalak agintzen duen moduan.

9.7. Aurreko bi ataletan aipatutako kasuetan, izendapena egin aurretik hautaturiko lanpostua ez da aldatuko. Beraz, funtzionario berriei, zuzenean, egoera horien ondoriozko lanpostuak esleituko zaizkie.

10.-Aldi baterako kontratuetarako izangaien zerrenda.

10.1. Nafarroako Administrazio Publikoan sartzeko Erregelamenduaren 42. artikuluan, lanpostuak aldi baterako betetzeko kudeaketa arauak onetsi zituen Lehendakaritza, Justizia eta Barne kontseilariaren azaroaren 14ko 146/2005 Foru Aginduan eta arau honexetan ezarritako prozedurari jarraikiz, aldi baterako kontrataziorako izangaien zerrenda hauek sortuko dira:

a) Probak gainditu bai baina lanposturik lortu ez duten izangaien zerrenda.

b) Hautapen prozesuaren ariketa guztiak gainditu ez dituzten izangaien zerrenda.

10.2. Epaimahaiaren espedientea jasota, Funtzio Publikoaren zuzendari nagusiaren ebazpen baten bidez, hautapen prozesua gaindituta ere lanposturik gabe gelditu diren izangaiei eta deialdian ezarritako azkenaurreko ariketa gainditu dutenei hamar egun balioduneko epea emanen zaie, ebazpena argitaratu eta biharamunetik hasita, ondoko dokumentazio hau aurkezteko:

-Deialdiaren 2.1.1.c) arauan eskatzen den tituluaren fotokopia konpultsatua, titulua lortzeko eskubideak pagatu direla frogatzen duen gordekinarena edo sarrera prozesurako eskabideak aurkezteko epean titulua eskuratzeko moduan dagoela frogatzen duen ziurtagiria.

-B motako ibilgailuak gidatzeko baimenaren fotokopia konpultsatua.

Ebazpen hau Nafarroako ALDIZKARI OFIZIALean argitaratuko da, eta langileen zerrendak Nafarroako Gobernuko iragarki-oholean (Karlos III.aren etorbidea, 2, atalondoa, Iruña).

Eskatzen diren agiriak aipatu epean aurkezten ez dituztenak (aski justifikatutako ezinbesteko kasuetan izan ezik) eta eskatutako baldintzak betetzen ez dituztenak ez dira sartuko aldi baterako kontratuetarako izangaien zerrendan, eta deialdian parte hartzeagatiko eskubide guztiak galduko dituzte, betiere, parte hartzeko eskaera faltsutzeagatik legokiekeen erantzukizuna deusetan ukatu gabe.

10.3. Sarrera prozedurako eskaerak aurkezteko epea bukatzen den egunerako bete beharko dira baldintzak, eta hautaprobek dirauteino eta kontratazioaldiak iraun bitarte bete beharko dira.

10.4. Dokumentazioa aurkezteko epea bukaturik, Funtzio Publikoaren zuzendari nagusiaren ebazpen baten bidez, aldi baterako kontratuetarako izangaien zerrenda hauek onetsiko dira eta Nafarroako Gobernuaren iragarki oholean argitaratuko (Karlos III.aren etorbidea, 2, atalondoa, Iruña):

a) Probak gainditu bai baina lanposturik lortu ez duten izangaien zerrenda.

b) Deialdiaren azkenaurreko ariketa gainditu bai baina lanposturik gabeko gaindituen artean ez daudenen zerrenda.

10.5. Hauxe izanen da aldi baterako kontratazioen zerrendaren ordena: oposizioa gainditu bai baina lanposturik lortu ez dutenen kasuan, hautapen prozesuan lortutako puntuazioaren arabera; gainerako izangaien kasuan, gainditutako ariketetan lortutako puntuazioen batura. Berdinketarik dagoenean nor nagusitzen den erabakitzeko, deialdi honetan kasu horietarako ezarritako irizpideak hartuko dira kontuan.

11.-Errekurtsoak.

Epaimahaiak ematen dituen egintza eta ebazpenen kontra gora jotzeko errekurtsoa paratzen ahal da Nafarroako Administrazio Publikoaren Institutuko zuzendari kudeatzaileari zuzenduta, errekurtsoaren xede den egintza argitaratu edo jakinarazi eta biharamunetik hilabeteko epean.

Deialdi honen eta bere arauen kontra eta arauak aplikatzeko egintzen kontra, epaimahaiak hartutakoen kontra izan ezik, zilegi izanen da gora jotzeko errekurtsoa jartzea, Lehendakaritza, Justizia eta Barne kontseilariari zuzendua, hilabeteko epean, errekurritu nahi den egintza argitaratu edo jakinarazi eta biharamunetik kontatuta.

Hori guztia Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluarekin bat, eta urtarrilaren 13ko 4/1999 Legeak aldatutako Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluei jarraikiz.

Iruñean, 2008ko martxoaren 14an.-Nafarroako Administrazio Publikoaren Institutuko zuzendari kudeatzailea, Ignacio Bandrés Urriza.

I. ERANSKINA

Eskaera

Izena: ....................................... adinez nagusia. Nortasun Agiri Nazionala (edo nortasun agiri baliokidea) sorteguna: ............................... sorterria: ................................ (....................................) nazionalitatea: .............................. helbidea: (...................), karrika: ......................, posta kodea: ......................, telefonoa: ................., laneko telefonoa: ....................

Honako hau azaltzen dut:

Nafarroako Foru Komunitateko Administrazioaren zerbitzuko .............. izateko ...............lanpostu ....................bidez betetzeko deialdian parte hartzeko onar nazatela eskatzen dudala, ondoko txandan (deialdia ...... zenbakiko Nafarroako ALDIZKARI OFIZIALean argitaratu zen, .........(e)an).

f Txanda irekia

f Igoera txanda.*

f Ezgaitasunen bat dutenendako txanda*

Hautapen probak gainditzen ez baditut, lanpostuak behin-behinekoz betetzeko aukeraz baliatu nahi dudala, honako esparruotako batean:

f Administrazio erroa *

f Osasunbidea-Nafarroako Osasun Zerbitzua *

f Nafarroako Mendekotasun Agentzia *

(Esparruetako bakar bat aukeratu daiteke)

Ez dudala karguan aritzea galarazten didan eritasunik edo akats fisikorik nahiz psikikorik.

Indarra duten xedapenetan ezarritako ezintasunik ez dudala.

Ez naizela diziplinako espediente bidez ezein administrazio publikoren zerbitzutik kanpo utzia izan eta ez nautela eginkizun publikoak betetzeko gaitasunik gabe utzi.

Deialdian eskatzen den titulazioaren jabe naizela.

Azterketa eskubideak ordaindu ditudala deialdian ezarritako moduan eta horren gordekina erantsi dudala, edo erantsitako agirien bidez frogatzen dudala tasa ordaintzetik salbuetsita nagoela.

Eskaerak aurkezteko epearen azken egunean beharkizun guztiak betetzen ditudala.

f Ezgaitua naizelakoz, orri bereizi batean adierazten ditudan denbora eta baliabide egokitzapenak eskatzen ditudala.

f Ezgaitasuna frogatzen duen agiria aurkezten dudala, erakunde eskudun batek emana.

f Euskararen gaitasunaren agiria edo ofizialki baliokidea den beste titulu bat aurkezten dudala.*

f Euskara maila jakiteko proba egitea eskatzen dudala.*

f Frantseseko eta ingeleseko nahikotasun frogak egitea eskatzen dudala.*

Horrenbestez,

Eskabide hau ontzat hartu eta aipatu deialdian onartua izatea eskatzen dut.

Iruñean, 200........(e)ko ....................aren ............(e)an.

(Sinadura)

(*) Bidezkoa bada.

NAFARROAKO GOBERNUA. LEHENDAKARITZA, JUSTIZIA ETA BARNE DEPARTAMENTUA. NAFARROAKO ADMINISTRAZIO PUBLIKOAREN INSTITUTUA.

II. ERANSKINA

Gai zerrenda

Lehen zatia

1.-Espainiako 1978ko Konstituzioa: Estatuko aginteak. Koroa. Gorte Nagusiak. Gobernua eta Administrazioa. Botere judiziala Konstituzioan.

2.-Zuzenbide Publikoaren iturburuak: legeak eta lege motak. Dekretu legeak. Legegintzako foru dekretua. Nazioarteko hitzarmenak.

3.-Zuzenbide Administratiboaren iturburuak: erregelamendua eta erregelamendu-ahalmena. Erregelamendu motak. Erregelamendu-ahalmenaren mugak eta haren kontrola.

4.-Administrazio egintza (I): kontzeptua, motak eta elementuak.

5.-Administrazio egintza (II): administrazio egintzen baldintzak, eraginkortasuna, deuseztasuna eta deuseztagarritasuna.

6.-Administrazio prozedura erkidea (I): kontzeptua eta izaera. Hasiera, antolamendua, instrukzioa eta bukaera.

7.-Administrazio prozedura erkidea (II): Administrazioarekiko errekurtsoak: printzipio orokorrak eta motak.

8. Nafarroako Foru Eraentza Birrezarri eta Hobetzeari buruzko abuztuaren 10eko 13/1982 Lege Organikoa. prestakuntza prozesua. Izaera eta esanahia. egitura eta sistematika. Atariko titulua.

9.-Nafarroako Parlamentua edo Gorteak: osaera, antolaketa eta eginkizunak.

10.-Nafarroako Gobernuari eta Lehendakariari buruzko Foru Legea.

11.-Nafarroako Foru Komunitateko Administrazioari buruzko Foru Legea.

12.-Nafarroako Foru Komunitateko Arartekoa. Comptos Ganbera. Nafarroako Kontseilua.

13.-Nafarroako Administrazio Publikoen zerbitzuko Langileen Estatutua (I): langile motak. Funtzionario publikoen hautapena. Funtzionario izaera eskuratu eta galtzea.

14.-Nafarroako Administrazio Publikoen zerbitzuko Langileen Estatutua (II): karrera administratiboa. Egoera administratiboak. Lanpostuak betetzea. Ordainsariak.

15.-Nafarroako Ogasun Publikoa: Nafarroako Ogasun Publikoaren eskubide eta betebeharrak. Nafarroako aurrekontu orokorrak: edukia eta onespena; gastuen sailkapen ekonomikoa; betearaztea eta likidazioa.

16. -Nafarroako Administrazio Publikoen kontratuak: Araubide juridikoa. Administrazio kontratu ohikoenak: kontzeptua eta motak. Kontratuak esleitu, hobetu, sinatu, bete, aldatu eta iraungitzeko arau orokorrak.

17.-Datu pertsonalen babesa Europa eta Espainian. Printzipioak. Pertsonen eskubideak. Datuak Babesteko Agentzia. Datuen nazioarteko mugimendua.

18.-Dirulaguntzei buruzko azaroaren 9ko 11/2005 Foru Legea: Xedapen orokorrak eta kontzesio eta kudeaketa prozedurak.

19.-Nafarroako Foru Komunitatearen eskumenak ingurumen gaietan. Landa Garapeneko eta Ingurumeneko Departamentua: Ingurumenaren eta Uraren Zuzendaritza Nagusiaren antolaketa, egitura eta funtzioak.

20.-11/2007 Foru Legea, apirilaren 4koa, Nafarroako Foru Komunitateko administrazioan administrazio elektronikoa ezartzekoa.

21.-4/2005 Foru Legea, martxoaren 22koa, Ingurumena babesteko esku-hartzeari buruzkoa.

22.-Nafarroako ehizari eta arrantzari buruzko abenduaren 22ko 17/2005 Foru Legea.

23.-13/1990 Foru Legea, abenduaren 31koa, Nafarroako oihan ondarea babestu eta garatzeari buruzkoa.

24.-2/1993 Foru Legea, martxoaren 5ekoa, basa fauna eta haren habitatak babestu eta kudeatzeari buruzkoa.

25.-9/1996 Foru Legea, ekainaren 17koa, Nafarroako naturguneei buruzkoa.

26.-1/2001 Legegintzako Errege Dekretua, uztailaren 20koa, Uren Legearen Testu Bategina onesten duena: Estatuko Ur Jabari Publikoa. Uraren Administrazio Publikoa. Plangintza Hidrologikoa. Ur Jabari Publikoaren erabilera.

27.-42/2007 Legea, abenduaren 13koa, Natura Ondarea eta Biodibertsitateari buruzkoa.

28.-2000ko urriaren 23ko Europar Legebiltzarraren eta Kontseiluaren 2000/60/CE Zuzentaraua, uren politiken arloan Batasunaren esparruan jarduketa ezartzen duena.

29.-9/2006 Legea, apirilaren 28koa, zenbait plan eta programek ingurumenean duten eraginaren ebaluazioari buruzkoa.

30.-FEADER-Landa Garapeneko Nekazaritzako Europako Funtsaren bidez landa garapenerako laguntzari buruz Kontseiluak 2005eko irailaren 20ean eman zuen 1698/2005 EE Erregelamendua.

31.-27/2006 Legea, uztailaren 18koa, ingurumen arloan informazioa eskuratu, herritarrek parte hartu eta justizia lortzeko eskubideak arautzen dituena.

32.-Kontseiluaren 92/43/EEE Zuzentaraua, 1992ko maiatzaren 21ekoa, natur habitatak eta basa fauna eta flora zaintzeari buruzkoa.

33.-Kontseiluaren 79/409/EEE Zuzentaraua, 1979ko apirilaren 2koa, basa hegaztiak zaintzeari buruzkoa.

34.-Basaguneen eta basa espezieen gainean Espainiak sinatutako nazioarteko hitzarmenak.

Bigarren zatia

1.-Nafarroako natur inguruneen laburpena. Geografia fisikoa. Geologia. Edafologia. Klimatologia. Biogeografia.

2.-Nafarroan ageri izan diren landare sail nagusiak. Deskripzioa, kokapena eta gaur egungo landarediarekiko konparazioa.

3.-Nafarroako eremu alpetarrak: 92/43/CEE Zuzentarauaren eta beste batzuen habitatak. Habitatan egitura: ezaugarriak, banaketa, flora eta zaintzeko irizpideak. Faunari buruzko aipamena.

4.-Nafarroako ekosistema ibaitarrak: 92/43/CEE Zuzentarauaren eta beste batzuen habitatak. Habitatan egitura: ezaugarriak, banaketa, flora eta zaintzeko irizpideak. Faunari buruzko aipamena.

5.-Nafarroako pagadiak: 92/43/CEE Zuzentarauaren eta beste batzuen habitatak. Habitatan egitura: ezaugarriak, banaketa, flora eta zaintzeko irizpideak. Faunari buruzko aipamena.

6.-Nafarroako harizti hezeak: 92/43/CEE Zuzentarauaren eta beste batzuen habitatak. Habitatan egitura: ezaugarriak, banaketa, flora eta zaintzeko irizpideak. Faunari buruzko aipamena.

7.-Nafarroako erkameztiak: 92/43/CEE Zuzentarauaren eta beste batzuen habitatak. Habitatan egitura: ezaugarriak, banaketa, flora eta zaintzeko irizpideak. Faunari buruzko aipamena.

8.-Nafarroako artadiak: 92/43/CEE Zuzentarauaren eta beste batzuen habitatak. Habitatan egitura: ezaugarriak, banaketa, flora eta zaintzeko irizpideak. Faunari buruzko aipamena.

9.-Nafarroako Pinus sylvestris pinudi naturalak eta Pinus nigra pinu-sailak: Habitatan egitura: ezaugarriak, banaketa, flora eta zaintzeko irizpideak. Faunari buruzko aipamena.

10.-Nafarroako aleppo pinuaren pinudiak: 92/43/CEE Zuzentarauaren eta beste batzuen habitatak. Habitatan egitura: ezaugarriak, banaketa, flora eta zaintzeko irizpideak. Faunari buruzko aipamena.

11.-Nafarroako mediterraneoko sastrakadiak: 92/43/CEE Zuzentarauaren eta beste batzuen habitatak. Habitatan egitura: ezaugarriak, banaketa, flora eta zaintzeko irizpideak. Faunari buruzko aipamena.

12.-Larre ez-esteparioak natural eta ez-naturalak eta txilardiak Nafarroan: 92/43/CEE Zuzentarauaren eta beste batzuen habitatak. Nekazaritza eta abeltzaintzako paisaiak. Habitatan egitura: ezaugarriak, banaketa, flora eta zaintzeko irizpideak. Faunari buruzko aipamena.

13.-Haitzak Nafarroan: 92/43/CEE Zuzentarauaren eta beste batzuen habitatak. Habitatan egitura: ezaugarriak, banaketa, flora eta zaintzeko irizpideak. Faunari buruzko aipamena.

14.-Estepak Nafarroan: 92/43/CEE Zuzentarauaren eta beste batzuen habitatak. Habitatan egitura: ezaugarriak, banaketa, flora eta zaintzeko irizpideak. Faunari buruzko aipamena.

15.-Nafarroako baltsa, aintzira eta ur gaziak: 92/43/CEE Zuzentarauaren eta beste batzuen habitatak. Habitatan egitura: ezaugarriak, banaketa, flora eta zaintzeko irizpideak. Faunari buruzko aipamena.

16.-Nafarroako zohikaztegiak: 92/43/CEE Zuzentarauaren eta beste batzuen habitatak. Habitatan egitura: ezaugarriak, banaketa, flora eta fauna eta zaintzeko irizpideak. Faunari buruzko aipamena.

17.-Nekazaritza sistemak: Habitataren egitura. Hesiak. Ekotonoak. Ezaugarriak, banaketa, flora eta zaintzeko irizpideak. Faunari buruzko aipamena.

18.-Habitataren aldaketen aurrean ahulak diren landare espezie katalogatuak Nafarroan: banaketa, estatusa, zaintzeko dauden arazoak.

19.-Ahulak diren landare espezie katalogatuak Nafarroan: banaketa, estatusa, zaintzeko dauden arazoak.

20.-Mehatxupeko gisa katalogatutako faunako espezieak Nafarroan. banaketa, estatusa, zaintzeko dauden arazoak.

21.-Habitataren aldaketen aurrean ahulak diren animali espezie katalogatuak Nafarroan: banaketa, estatusa, zaintzeko dauden arazoak.

22.-Ahulak diren animalien espezie katalogatuak Nafarroan: banaketa, estatusa, zaintzeko dauden arazoak.

23.-2000 natur sarea Nafarroan: bioeskualde atlantikoa eta alpetarra.

24.-2000 natur sarea Nafarroan: bioeskualde mediterraneoa.

Hirugarren zatia

1.-Aniztasunaren kontzeptua. Aniztasunaren neurketak. Aniztasuna antolatzeko neurria den aldetik. Biodibertsitate mailak. Dibertsitate genetikoa. Dibertsitate intraespezifikoa, espezie aberastasuna: alfa, beta eta gamma dibertsitatea, ekosistema eta habitat dibertsitatea.

2.-Paisaiaren dinamika. Printzipioak. Paisaiaren ekologiari buruzko teoria eta ereduak. Eskala patroiak.

3.-Habitata zatikatzea. Konektibitatea. Korridore ekologikoak. Diseinua.

4.-Informazio geografikoaren sistemak paisaiaren ekologiaren azterketetan aplikatzea.

5.-Espezien banaketa. Banaketa mugatzen duten alderdiak: sakabanaketa, portaerak, beste organismo batzuekin dauden harremanak, tenperatura, hezetasuna, bestelako faktoreak.

6.-Metapopulazioak. Ereduak. Metapopulazioen kontserbazioa. Bideragarria den populazio kopururik txikiena.

7.-Desagertzeko arrisku handiena daukaten espezieak. Arrarotasunaren kontzeptua, arrarotasunaren eta biziraupenaren probabilitatearen arteko erlazioa.

8.-Populazioak kontserbatzeko alderdi genetikoak:: Aldagarritasuna, itoguneak, populazioaren benetako kopurua, endogamia.

9.-Harrapakaritza. Teoriak: harrapakarien eta harrapakinen arteko oszilazioak, harrapakaritza zuhurra eta errendimenturik onena. Basa populazioengan eta ehiza baliabideengan duen eragina.

10.-Populazioaren demografia: dentsitatea, jaiotze tasa, hiltze tasa, immigrazioa eta emigrazioa. Bizitza taulak, ugalketaran balioa, adin banaketa. Dentsitatearekiko lotura.

11.-Landare egitura baten tamainen egiturak, adinak eta fenofaseak. Bizitza horizontalaren eta bertikalaren taulak. Biziraupenaren kurbak.

12.-Populazioaren demografia. populazio oportunistak eta populazio orekatuak, populazio zikloak: arrazoiak eta ondorioak. Ugalketa taktikaren eboluzioa: ugalketarako eginahalak, kumeen gastua.

13.-Sexua, sexuen proportzioa, sexu aukeraketa eta estalketa sistemak. Eraginkortasun biologikoa eta elementu bakoitzaren estatusa populazioan. Aldakortasuna mantentzea. Portaera soziala eta ahaideen aukeraketa.

14.-Landareen demografia. Bizitza zikloak. ugalketarako eginahalak. Heriotza tasa. Erreklutamendu eta erregenerazio prozesuak. Populazioa hazteko oinarrizko ereduak.

15.-Fitosoziologia, landareen komunitatearen egitura, landarediaren sailkapen fisionomikoak, komunitateen sailkapena osaeraren arabera, sistema sigmatistikoa, ekosistemen sailkapena.

16.-Populazioa kalkulatzeko bideen plangintza: helburua, zehaztasuna eta doitasuna, laginketa motak, laginketa estratifikatua, laginketaren tamainaren kalkulua.

17.-Basa populazioaren zentsuak eta dentsitate absolutua kalkulatzeko bideak. Transektu linealak, harrapaketa-markajea-berrarrapaketa, hurrengo harrapaketak, behatokiak, ehizaldiak.

18.-Dentsitate erlatiboa kalkulatzeko bideak, basa populazioen ugaritasun indizeak. Harrapaketa-esfortzua, oinatzak eta gorozkinak, noizero agertzen diren, ehiza taulak, ugaritasunaren indize kilometrikoa.

19.-Landareen ugaritasuna kalkulatzeko bideak: Frekuentzia eta frekuentzia erlatiboa. Dentsitatea, biomasa eta sidad, biomasa, hedadura indizea. Plot sistemen eta transektuen bidezko zentsuak. Dentsitate linearraren indizea. Gradienteen azterketa.

20.-Arrantza elektrikoaren diseinu esperimentala. Arrain populazio baten tamaina kalkulatzeko metodoak.

21.-Irrati bidezko jarraipena. Helburuak. Nola aplikatu. Ekipamendua. Transmisore motak. Nola paratu. Jarraipenerako eta azterketarako teknikak.

22.-Birlandareztapenerako teknikak paisaia lehengoratzean. Linea elektrikoak eta komunikazio azpiegiturak nola integratu ingurumenean.

23.-Ingurumenaren gaineko Eragina Neurtzeari buruzko azterketak nola egin. Screening-a. Ingurumenaren gaineko eragina neurtzeko bideak: txekeo-zerrendak. Zergati/ondorio matrizeak. Metodo kartografikoak. Metodo kuantitatiboak.

24.-Nekazaritza proiektuen, komunikaziorako eta energia eramateko azpiegituren eta erauzketen ingurumenaren gaineko eraginaren ebaluazioa.

Laugarren zatia

1.-Nafarroako salmonidoen antolaketa eta kudeaketa.

2.-Nafarroako ziprinidoen antolaketa eta kudeaketa.

3.-Ugaldeetako karramarroa: biologia, ekologia, kontserbazioa. Karramarro aloktonoak Nafarroan: espeziak, biologia, especies, biología, elkareraginak bertako espeziearekin.

4.-Arrainen mugimenduak. Migraziorako trabak. Trabak iragazkor bilakatzeko sistemak. Ur-emari ekologikoak.

5.-Ehiza larriko espezieen kudeaketa: oreina. Biologia, ekologia, polulazioen zenbaketa. Produktibitatea. Habitataren edukiera kalkulatzea. Kalteak. Ehizaren kudeaketa.

6.-Ehiza larriko espezieen kudeaketa: orkatza eta basurdea. Biologia, ekologia, polulazioen zenbaketa. Produktibitatea. Habitataren edukiera kalkulatzea. Kalteak. Ehizaren kudeaketa.

7.-Ehiza txikiko espezieen kudeaketa: erbia eta untxia. Biologia, ekologia, polulazioen zenbaketa. Produktibitatea. Habitataren edukiera kalkulatzea. Hibridoak sortzea. Kalteak. Ehizaren kudeaketa.

8.-Ehiza txikiko espezieen kudeaketa: eperra. Biologia, ekologia, polulazioen zenbaketa. Produktibitatea. Habitataren edukiera kalkulatzea. Hibridoak sortzea. Ehizaren kudeaketa.

9.-Espezie migratzaileen kudeaketa: usoa eta usapala. Biologia, ekologia, estatusa. Populazioen egoeraren eta joeren ebaluazioa. Produktibitatea. Migrazioa. Ehizaren kudeaketa.

10.-Espezie migratzaileen kudeaketa: oilagorra eta galeperra. Biologia, ekologia, estatusa. Populazioen egoeraren eta joeren ebaluazioa. Produktibitatea. Migrazioa. Ehizaren kudeaketa.

11.-Espezie migratzaileen kudeaketa: birigarroak. Biologia, ekologia, estatusa. Populazioen egoeraren eta joeren ebaluazioa. Produktibitatea. Migrazioa. Ehizaren kudeaketa.

12.-Ehiza antolatzeko planak. Planen edukia. Ehizako inbentarioa. Zentsu motak. Plangintza. Aprobetxamendurako plana eta hobekuntzak.

13.-Nafarroako hegazti harrapari harkaiztarrak. Kokapen nagusiak. Egungo egoera. Haien kontserbaziorako funtsezko alderdiak.

14.-Nafarroako hegazti piziforme habiagileak. Kokapen nagusiak. Egungo egoera. Haien kontserbaziorako funtsezko alderdiak.

15.-Nafarroako estepako hegazti habiagileak. Kokapen nagusiak. Egungo egoera. Haien kontserbaziorako funtsezko alderdiak.

16.-Nafarroako hezeguneetako hegazti habiagileak. Kokapen nagusiak. Egungo egoera. Haien kontserbaziorako funtsezko alderdiak.

17.-Nafarroako goi-mendietako hegaztiak. Kokapen nagusiak. Egungo egoera. Haien kontserbaziorako funtsezko alderdiak.

18.-Gau enarak eta mikrougaztunak Nafarroan. Kokapen nagusiak. Egungo egoera. Haien kontserbaziorako funtsezko alderdiak.

19.-Nafarroako mustelidoak, felidoak eta biberridoak. Kokapen nagusiak. Egungo egoera, haien kontserbaziorako funtsezko alderdiak.

20.-Nafarroako anfibioak. Kokapen nagusiak. Egungo egoera. Haien kontserbaziorako funtsezko alderdiak.

21.-Nafarroako narrastien komunitatea. Kokapen nagusiak. Egungo egoera. Haien kontserbaziorako funtsezko alderdiak.

22.-Nafarroako arrainak: Petromyzonidae, Clupeidae, Cobitidae, Balitoridae, Cottidae, Bleniidae, Percidae eta Centrarchidae.

23.-Eskualde babestuak hautatzeko irizpideak: Hautaketarako lehentasunak. Babesgune sareen diseinua. Naturgune babestuen sailkapena. Babespen kategoriak.

24.-Basa animaliak harrapatu eta menderatzea. Basa faunaren eritasunen kudeaketa eta profilaxia.

25.-Nafarroan izurri diren espezieak. Kontzeptua. Biodibertsitatearen gaineko eragina. Amerikar bisoia, landa-lursagua, Guenther lursagua, sator arrunta: ondorio ekonomikoak, kontrolatzeko sistemak, eraginkortasuna, arriskuak.

Oharra: Arlo guztietako gaiek deialdia hau Nafarroako ALDIZKARI OFIZIALean argitaratu egunean zegoen legedi indardunari jarraituko diote.

Iragarkiaren kodea: F0804336