I. NAFARROAKO FORU KOMUNITATEA
1.3. BESTELAKO XEDAPENAK
1.3.5. Estatutuak eta lan hitzarmen kolektiboak
189/2008 EBAZPENA, otsailaren 18koa, Arriskuen Prebentziorako eta Lanaren zuzendari nagusiak emana, Nafarroako "Ezgaitasunak dituztenei laguntzeko zentro publiko itunduak" sektorearen lan hitzarmen kolektiboko 2008ko soldaten berrikuspenari buruzko akordioa erregistratu, gorde eta Nafarroako ALDIZKARI OFIZIALean argitaratzea erabakitzen duena (espediente zenbakia: 31/2008).
Departamentu honetan 2008ko otsailaren 12an sartu da "Ezgaitasunak dituztenei laguntzeko zentro publiko itunduak" sektorearen lan hitzarmen kolektiboko 2008ko soldaten berrikuspenari buruzko akordioa, negoziazio batzordeak hitzarmen hartan xedaturikoa betez izenpetu eta onetsia (hasierako espedientearen zenbakia: 54/2005).
Estatuaren lan arloko eginkizunak Nafarroako Foru Komunitateari eskualdatzeko apirilaren 11ko 937/1986 Errege Dekretuan ezarritakoaren arabera, Berrikuntza, Enpresa eta Enplegu Departamentua da lan hitzarmen kolektiboak erregistratu, gorde eta argitaratzeko eskumena duena. Eginkizun horiek martxoaren 24ko 1/1995 Legegintzako Errege Dekretuaren 90. artikuluan ezarrita daude. Horiek horrela, kontuan harturik Hitzarmen kolektiboen erregistro eta gordailuei buruzko maiatzaren 22ko 1040/1981 Errege Dekretuan ezarritakoa.
Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluak ematen dizkidan eskurantzak erabiliz,
EBATZI DUT:
1. Nafarroako "Ezgaitasunak dituztenei laguntzeko zentro publiko itunduak" sektorearen lan hitzarmen kolektiboko soldaten berrikuspenari buruzko akordioa erregistratzea (hitzarmenaren kodea: 3108485) Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestaturik dagoen liburuan, eta bertako administrazio unitatean testua eta dokumentazioa gordetzea.
2. Ebazpen honen berri ematea negoziazio batzordeari eta adieraztea ebazpenak ez duela administrazio bidea agortzen eta haren aurka gora jotzeko errekurtsoa jartzen ahal duela Berrikuntza, Enpresa eta Enplegu Departamentuko kontseilariari zuzendua, jakinarazi eta biharamunetik hilabeteko epean.
3. Ebazpen hau Nafarroako ALDIZKARI OFIZIALean argitaratzea, orok jakin dezan.
Iruñean, 2008ko otsailaren 18an.-Arriskuen Prebentziorako eta Lanaren zuzendari nagusia, Imelda Lorea Echavarren.
EZGAITASUNAK DITUZTENEI LAGUNTZEKO NAFARROAKO ZENTRO PUBLIKO ITUNDUEN SEKTOREAREN I. LAN HITZARMEN KOLEKTIBOAREN BATZORDE PARITARIOA
Iruñean, 2008ko urtarrilaren 25ean.
Ezgaitasunak dituztenei laguntzeko Nafarroako Gobernuarekin itundutako zentro publikoen sektorearen 2005-2008 aldirako I. hitzarmen kolektiboaren batzorde paritarioa bildurik Nafarroako Lan Auzitegian, akordio hartan ezarritakoarekin bat, 2008. urteko soldaten taulak onetsi ditu (eranskinean heldu dira). Lan hitzarmen hura 2005eko 76. Nafarroako ALDIZKARI OFIZIALean argitaratu zen, ekainaren 27an.
2008. urterako ezarri den igoera Nafarroako 2007ko KPIa adinakoa izanen da. KPI hori %4,2an finkatu du Nafarroako Gobernuak. Indize hori oinarrizko soldatan, hitzarmeneko osagarrian eta trebakuntza osagarrian aplikatu ondoren ateratzen diren kopuruak eranskineko soldata-tauletan jaso dira. Era berean, ordu bakoitzaren prezioa jaso da kategoriaz kategoria, dedikazioaren osagarria kalkulatu ahal izateko (24.6 artikulua).
Indize hori osagarri pertsonalari eta antzinatasunaren osagarri pertsonalari ere aplikatuko zaie, hitzarmenaren 24.8 eta 24.9 artikuluetan ezarrita dagoen bezala, hala nola jaieguneko osagarriaren ordukako prezioari, hitzarmenaren hasierako soldata-taulan ezarritakoa aplikatzeko.
2008ko joan-etorrietako gastuen ordainak eta dietak hitzarmenaren hasierako tauletan ezarri ziren; beraz, ez zaie Nafarroako 2007ko KPIa aplikatuko.
26. artikuluan ezarritakoarekin bat, soldaten eguneratze hori ordainduko da Nafarroako Gobernuak kudeaketa entitateei ordaindu ondoren kudeaketa hitzarmenengatik dagokien Nafarroako 2007ko KPIaren diferentzia.
Avanvida: sinadura ulertezina. Fundación Aspace Navarra Residencial Centro Infanta Elena: Sara San Emeterio Garciandía. Servisar: Iñaki Asensio Olaso.
CC.OO.: Eduardo Aizcorbe Zabalza. E.L.A.: Arantxa Lapuerta Iturre. U.G.T. Elena Firvida Medeiros.
I. HITZARMEN SEKTORIALA - 2008KO SOLDATEN TAULAK
I. TALDEA: TEKNIKARIAK ETA BULEGARIAK
1.1. Zuzendari teknikoa 2.225,92 329,66 93,91 2.555,58 35.778,12 21,49
1.2. Goi mailako tituluduna 1.855,15 274,76 93,91 2.129,91 29.818,72 17,91
1.3. Erdi mailako tituluduna 1.530,64 226,70 82,51 1.757,34 24.602,82 14,78
1.4. Administrazioko langileak
1. mailako administrari-ofiziala 1.206,71 257,74 82,51 1.464,45 20.502,35 12,31
2. mailako administrari-ofiziala 1.028,09 257,74 71,11 1.285,84 18.001,70 10,81
Administrari-laguntzailea/Harreragilea 940,62 277,80 71,11 1.218,43 17.057,96 10,25
1.5. Hezitzailea 1.277,00 187,45 71,11 1.464,45 20.502,35 12,31
II. TALDEA: ZUZENEKO LAGUNTZARAKO LANGILEAK
2.1. Zaintzailea (1) 940,62 277,80 71,11 1.218,43 17.057,96 -
2.2. Prestakuntzaldiko zaintzailea 846,56 250,03 - 1.096,59 15.352,19 -
2.3. Begiralea 1.277,00 187,45 71,11 1.464,45 20.502,35 12,31
2.4. Etxebizitza funtzionalaren zaintzailea 969,31 286,27 71,11 1.255,58 17.578,10 -
(1) Atal horretan zaintzailea, gaueko zaintzailea, laguntzailea eta goiz-arrats-gaueko txandetako zaintzailea sartzen dira.
III. TALDEA: ZERBITZUETAKO LANGILEAK
3.1. Gobernanta. Zerbitzu orokorretako burua 1.028,09 277,80 71,11 1.305,89 18.282,51 10,98
3.2. Zerbitzu anitzetako langileak
Mantentze-lanetako eta zerb. anitz. ofiziala 1.028,09 316,70 71,11 1.344,79 18.827,06 11,31
Zerbitzu anitzetako laguntzailea 856,41 139,41 71,11 995,83 13.941,60 8,37
3.3. Ostalaritzako langileak
Sukaldeko burua 1.028,09 277,80 71,11 1.305,89 18.282,51 11,46
Sukaldaria 940,62 277,80 71,11 1.218,43 17.057,96 10,69
Ostalaritza zerbitzuetako langileak 856,41 139,41 71,11 995,83 13.941,60 8,74
BESTELAKO SOLDATA KONTZEPTUAK 2005 2006 2007 2008
Jaieguna (euroak orduko) 4,00 4,50 5,00 5,21
Dieta osoa 37,00 38,00 39,00 40,00
Dieta erdia 13,00 14,00 15,00 16,00
Kilometrajea (euroak kilometroko) 0,21 0,22 0,23 0,24
Ez da prestakuntza sartzen, hori 2009ko urtarriletik aurrera kobratuko baita, ez eta osagarri pertsonalak ere.
Iragarkiaren kodea: F0802935
