I. NAFARROAKO FORU KOMUNITATEA
1.3. BESTELAKO XEDAPENAK
1.3.5. Estatutuak eta lan hitzarmen kolektiboak
202/2008 EBAZPENA, otsailaren 25ekoa, Arriskuen Prebentziorako eta Lanaren zuzendari nagusiak emana, Berriozarko "Fundación Bidean Laboral" sektorearen lan hitzarmen kolektiboko 2008ko soldaten berrikuspenari buruzko akordioa erregistratu, gorde eta Nafarroako ALDIZKARI OFIZIALean argitaratzea erabakitzen duena (espediente zenbakia: 33/2008).
Departamentu honetan 2008ko otsailaren 14an sartu da 2008ko soldaten berrikuspenari buruzko akordioa, negoziazio batzordeak hitzarmen hartan xedaturikoa betez izenpetu eta onetsia (hasierako espedientearen zenbakia: 40/2007).
Estatuaren lan arloko eginkizunak Nafarroako Foru Komunitateari eskualdatzeko apirilaren 11ko 937/1986 Errege Dekretuan ezarritakoaren arabera, Berrikuntza, Enpresa eta Enplegu Departamentua da lan hitzarmen kolektiboak erregistratu, gorde eta argitaratzeko eskumena duena. Eginkizun horiek martxoaren 24ko 1/1995 Legegintzako Errege Dekretuaren 90. artikuluan ezarrita daude. Horiek horrela, kontuan harturik Hitzarmen kolektiboen erregistro eta gordailuei buruzko maiatzaren 22ko 1040/1981 Errege Dekretuan ezarritakoa.
Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluak ematen dizkidan eskurantzak erabiliz,
EBATZI DUT:
1. Berriozarko "Fundación bidean Laboral" fundazioaren lan hitzarmen kolektiboko soldaten berrikuspenari buruzko akordioa erregistratzea, Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestaturik dagoen liburuan (hitzarmenaren kodea: 3108612), eta bertako administrazio unitatean testua eta dokumentazioa gordetzea.
2. Ebazpen honen berri ematea negoziazio batzordeari eta adieraztea ebazpenak ez duela administrazio bidea agortzen eta haren aurka gora jotzeko errekurtsoa jartzen ahal duela Berrikuntza, Enpresa eta Enplegu Departamentuko kontseilariari zuzendua, jakinarazi eta biharamunetik hilabeteko epean.
3. Ebazpen hau Nafarroako ALDIZKARI OFIZIALean argitaratzea, orok jakin dezan.
Iruñean, 2008ko otsailaren 25ean.-Arriskuen Prebentziorako eta Lanaren zuzendari nagusia, Imelda Lorea Echavarren.
AKTA
Berriozarren, 2008ko otsailaren 5eko 09:30ean,
Bildurik:
Batetik, Antonio Montes Calvo jauna, 15.838.178X NANa duena, Bidean Laboral fundazioaren ordez, hango zuzendari kudeatzailea baita.
Bestetik, Yoana Rodrigo Gil andrea, 44.613.537T NANa duena, Juan Carlos Lanz Iriarte jauna, 29.144.227F NANa duena, eta Manuel Romero Ibáñez jauna, 72.695.573W NANa duena, langileen ordezkariak baitira.
Jorratu beharreko gaiak:
1.-2008ko soldaten berrikuspena negoziatu da (soldaten taulak), eta zuzendaritzak jakinarazten du taula horiek argitaratu beharrak direla. Bertaraturiko guztiak ados daude horrekin.
2.-Hitzarmen kolektiboaren lehenengo xedapen gehigarria aldatu dela jakinarazten da, soldaten taulen oharretan adierazten den bezala. Akordio hori bi alderdiek sinatu dute.
Eta horrela ager dadien, ondoko hau sinatzen dute, adierazten diren egunean eta tokian.
Zuzendaria: Antonio Montes.
Ordezkari sindikalak:
Yoana Rodrigo, Juan Carlos Lanz eta Manuel Romero.
ERANSKINA. 2008KO SOLDATEN TAULAK
A B C D E F G H I J
K O N T Z E P T U A KLGS B kat. C kat. D kat. E kat. Sekz. nag. Sekz. ard. Auto-gidaria Tailerreko nag. Tailerreko ard.
Oinarrizko soldata 600,00 600,00 600,00 600,00 600,00 600,00 600,00 600,00 600,00 600,00
Jardueraren plusa - 4,94 24,63 44,87 55,26 106,31 141,81 239,08 311,40 494,12
600,00 604,94 624,63 644,87 655,26 706,31 741,81 839,08 911,40 1.094,12
Igoera %, 2007arekin alderatuta 5,15 4,70 4,70 4,70 4,70 4,70 4,70 4,70 4,70 4,70
Urteko lansari gordinak 8.400,00 8.469,10 8.744,82 9.028,16 9.173,71 9.888,29 10.385,34 11.747,07 12.759,64 15.317,61
"Urteko lansari gordinak lan hitzarmen kolektiboaren lehenengo xedapen gehigarrian ezarritakoaren arabera igoko dira, izan ere, aurreko urteko KPIak abenduaren 31n izaten duen aldaketaren portzentajea gehi %0,5 aldatuko dira.
Lansari gordina LGSa adinakoa duten langileen kasuan, LGSaren aldaketa KPI + %0,5etik gorakoa bada, hein berean aldatuko da haien lansaria ere, gutxienez urtean urteko LGSa adinako lansari gordina bermatzeko.
LGSaren igoera aurreko urteko KPIa + %0,5etik beherakoa bada, igoera hori bera aplikatuko zaie (KPIa + %0,5)."
Berriozarren, 2008ko otsailaren 5ean.
Iragarkiaren kodea: F0803284
