I. NAFARROAKO FORU KOMUNITATEA
1.3. BESTELAKO XEDAPENAK
1.3.5. Estatutuak eta lan hitzarmen kolektiboak
200/2008 EBAZPENA, otsailaren 25ekoa, Arriskuen Prebentziorako eta Lanaren zuzendari nagusiak emana, Nafarroako "Metalaren merkataritza" sektorearen lan hitzarmen kolektiboko 2008ko soldaten berrikuspenari buruzko akordioa erregistratu, gorde eta Nafarroako ALDIZKARI OFIZIALean argitaratzea erabakitzen duena (espediente zenbakia: 34/2008).
Departamentu honetan 2008ko otsailaren 15ean sartu da Nafarroako "Metalaren merkataritza" sektorearen lan hitzarmen kolektiboko 2008ko soldaten berrikuspenari buruzko akordioa, negoziazio batzordeak hitzarmen hartan xedatutakoa betez izenpetu eta onetsia (hasierako espedientearen zenbakia: 96/2006).
Estatuaren lan arloko eginkizunak Nafarroako Foru Komunitateari eskualdatzeko apirilaren 11ko 937/1986 Errege Dekretuan ezarritakoaren arabera, Berrikuntza, Enpresa eta Enplegu Departamentua da lan hitzarmen kolektiboak erregistratu, gorde eta argitaratzeko eskumena duena. Eginkizun horiek martxoaren 24ko 1/1995 Legegintzako Errege Dekretuaren 90. artikuluan ezarrita daude. Horiek horrela, kontuan harturik Hitzarmen kolektiboen erregistro eta gordailuei buruzko maiatzaren 22ko 1040/1981 Errege Dekretuan ezarritakoa.
Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluak ematen dizkidan eskurantzak erabiliz,
EBATZI DUT:
1. Nafarroako "Metalaren merkataritza" sektorearen lan hitzarmen kolektiboko soldaten berrikuspenari buruzko akordioa erregistratzea Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestatuta dagoen liburuan (hitzarmenaren kodea: 3102005), eta bertako administrazio unitatean testua eta dokumentazioa gordetzea.
2. Ebazpen honen berri ematea negoziazio batzordeari eta adieraztea ebazpenak ez duela administrazio bidea agortzen eta haren aurka gora jotzeko errekurtsoa jartzen ahal duela Berrikuntza, Enpresa eta Enplegu Departamentuko kontseilariari zuzendua, jakinarazi eta biharamunetik hilabeteko epean.
3. Ebazpen hau Nafarroako ALDIZKARI OFIZIALean argitaratzea, orok jakin dezan.
Iruñean, 2008ko otsailaren 28an.-Arriskuen Prebentziorako eta Lanaren zuzendari nagusia, Imelda Lorea Echavarren.
NAFARROAKO FORU KOMUNITATEKO METALAREN MERKATARITZA SEKTOREAREN HITZARMENA
2008KO SOLDATA IGOERAREN AKTA
Iruñean, 2008ko otsailaren 13an.
Bertaratuak:
UGTren aldetik: Alicia Sanz Pascal.
ELAren aldetik: Oscar Rodríguez Caparros.
CC.OO.ren aldetik: Juan Antonio Vidal Canabal.
Asociación de Comerciantes de Electrodomésticos de Navarra elkartearen aldetik: Dario Ortega Núñez.
Asociación de Empresarios de Ferretería de Navarra elkartearen aldetik: Dario Ortega Núñez.
Asociación de Comerciantes de Recambios y Accesorios de Automóvil elkartearen aldetik: Dario Ortega Núñez.
Asociación de Almacenistas de Hierros de Navarra elkartearen aldetik: Pilar Ochoa-Lácar Monterde, Ana Teresa Aldaz Ponte eta José Manuel Ayesa Villar.
Asociación de Empresarios Almacenistas de Alimentación de Navarra elkartearen aldetik: José Manuel Ayesa Villar.
ADIERAZTEN DUTE:
Lehena.-Nafarroako Foru Komunitateko metalaren merkataritza sektorearen hitzarmen probintzialak, 7. artikuluan, 2008. urterako soldata igoeraren klausula ezartzen duela.
Bigarrena.-Aipatu igoera klausulak ondoko hau ezartzen duela, hitzez hitz:
"2008. urteko soldata igoera Nafarroako 2007ko KPI erreala gehi puntu bat izanen da, 2007ko abenduaren 31n indarrean zeuden soldata taulak oinarritzat hartuta."
Hirugarrena.-Nafarroako Kontsumorako Prezioen Indizea, 2007. urtean, %4,2koa izan dela behin betiko.
Aurreko horretan oinarriturik, aldeek
ERABAKI DUTE:
Lehena.-Nafarroako Foru Komunitateko metalaren merkataritza sektorearen lan hitzarmen probintzialaren 7. artikuluaren arabera, bidezkoa da 2007ko abenduaren 31n indarrean zeuden hitzarmenaren soldata taulak %5,2 igotzea. Taulok 2008ko urtarrilaren 1etik aurrera izanen dute indarra.
Beraz, soldata taula berriak akta honen 1. eranskinean daudenak dira. Ondorioak 2008ko urtarrilaren 1etik aurrera izanen dituzte eta haien indarraldia 2008ko abenduaren 31n bukatuko da.
12. artikuluari dagokionez, 2008. urtean 0,27 euro ordainduko da kilometro bakoitzeko.
Bigarrena.-Aurreko egokitzapenek aldarazten ez duten guztian, hitzarmenaren edukiak aldatu gabe jarraituko du.
Hirugarrena.-Aktaren testuaren bi ale Nafarroako Gobernuko Industria eta Teknologia, Merkataritza eta Lan Departamentura igortzea, erregistratu, gorde eta Nafarroako ALDIZKARI OFIZIALean argitaratzeko beharrezkoa dena egin dezan, Langileen Estatutuaren 90. artikuluko 2. eta 3. idatz-zatietan agindutakoari jarraikiz.
Aztertzeko beste gairik ez dagoenez, bilerari bukaera eman zaio eta, adostasunaren adierazgarri, bertaraturikoek honako akta hau sinatu dute goian aipatu toki eta egunean.
I. ERANSKINA
2008ko soldaten taulak
INGENIARIAK ETA LIZENTZIADUNAK 1.792,68
URGAZLE TEKNIKOAK 1.560,82
PRAKTIKANTEAK 1.482,24
BIGARREN MULTZOA
LANGILERIAREN ETA SALEROSKETEN BURUA 1.728,47
KUDEATZAILEA EDO ZUZENDARI KOMERTZIALA 1.781,31
SUKURTSALEKO BURUA 1.728,47
ARDURADUN NAGUSIA 1.728,47
SALTOKIAREN ARDURADUNA, SALTZAILEA EROSLEA 1.603,53
BILTEGIKO BURUA 1.603,52
TALDEKO BURUA 1.603,52
ATALEKO BURUA 1.517,89
SALTZAILE BIDAIARIA 1.351,96
PLAZA-ARTEKARIA 1.351,96
DENDAKO SALTZAILEA, 25 URTETIK GORAKOA 1.351,96
DENDAKO SALTZAILEA, 22-25 URTEKOA 1.154,47
URGAZLEA 1.048,44
DENDAKO SAL. HELDUA, 25 URTEKOAK BAINO %10 GEHIAGO 1.487,15
BIGARREN URTEKO IKASTUNA 825,63
LEHENENGO URTEKO IKASTUNA 707,88
HIRUGARREN MULTZOA
ADMINISTRAZIOKO BURUA 1.728,47
ADMINISTRAZIO ATALEKO BURUA 1.603,52
KONTULARIA 1.482,24
ADMINISTRARI-OFIZIALA 1.351,96
ADMINISTRARI LAGUNTZAILEA, 25 URTETIK GORAKOA 1.218,26
ADMINISTRARI LAGUNTZAILEA, 25 URTETIK BEHERAKOA 1.096,19
BIGARREN URTEKO IZANGAIA 825,63
LEHENENGO URTEKO IZANGAIA 707,88
KUTXAKO LAGUNTZAILEA, 20 URTETIK GORAKOA 1.037,76
KUTXAKO LAGUNTZAILEA, 24-25 URTEKOA 1.120,00
KUTXAKO LAGUNTZAILEA, 25 URTETIK GORAKOA 1.261,38
LAUGARREN MULTZOA
MARRAZKILARIAK 1.647,11
ERAKUSLEIHO-APAINTZAILEAK 1.396,61
OFIZIOKO PROFESIONALA
ZERBITZU TEKNIKOETAKO BURUA 1.517,89
TAILERREKO BURUA 1.373,38
1. MAILAKO OFIZIOKO PROFESIONALA 1.351,96
2. MAILAKO OFIZIOKO PROFESIONALA 1.219,48
URGAZLEA 1.134,79
LANGILEZAINA 1.371,54
MORROI ESPEZIALIZATUA 1.219,48
MORROIA 1.159,82
TELEFONISTA 1.123,95
ONTZIRATZAILEA EDO PAKETATZAILEA 1.133,09
EBAKITZAILEA 1.351,94
EBAKITZAILEAREN URGAZLEA 1.143,95
BIGARREN URTEKO IKASTUNA 825,63
LEHENENGO URTEKO IKASTUNA 707,88
BANAKETAKO LAGUNTZAILEA, 18-19 URTEKOA 825,63
BANAKETAKO LAGUNTZAILEA, 16-17 URTEKOA 707,88
BOSGARREN TALDEA
ETXEZAINA, ZAINDARIA, GAUZAINA, MANDATARIA 1.123,95
ATEZAINA 1.123,95
KOBRATZAILEA 1.186,15
GARBITZAILEAK (ORDUKO) 5,75
Iragarkiaren kodea: F0803231
