I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Plantilla Organikoa, Lan Publikoaren Eskaintza, oposizioak eta lehiaketak
632/2008 EBAZPENA, otsailaren 25ekoa, Funtzio Publikoaren zuzendari nagusiak emana, Nafarroako Foru Komunitateko Administrazioaren eta haren erakunde autonomoen 107 atal, bulego eta unitate parekaturen burutza merezimendu lehiaketa bidez betetzeko deialdiari dagokionez, Nafarroako Zerga Ogasuneko Berriztapenaren eta Prozedura Berrien Bulegorako lehiaketa indarrik gabe uzten duena.
Funtzio Publikoaren zuzendari nagusiak urriaren 23an emandako 2574/2006 Ebazpenaren bidez, Nafarroako Foru Komunitateko Administrazioaren eta haren erakunde autonomoen 107 atal, bulego eta unitate parekaturen burutza merezimendu lehiaketa bidez betetzeko deialdia onetsi zen. Aipatu deialdia 2006ko 135. Nafarroako ALDIZKARI OFIZIALean argitaratu zen, azaroaren 10ean.
Deialdiko 1. arauan xedatutakoa kontuan hartuta, bidezko da Nafarroako Zerga Ogasuneko Berriztapenaren eta Prozedura Berrien Bulegorako lehiaketa indarrik gabe uztea, azaroaren 15eko 383/2007 Foru Aginduaren (2007ko 149. Nafarroako ALDIZKARI OFIZIALa, azaroaren 30ekoa).bidez onetsitako egitura organikotik kendu baita.
Horrenbestez, otsailaren 21eko 30/2005 Foru Dekretuaren bidez esleituta ditudan eskurantzak erabiliz,
EBATZI DUT:
1. Nafarroako Foru Komunitateko Administrazioaren eta haren erakunde autonomoen 107 atal, bulego eta unitate parekaturen burutza merezimendu lehiaketa bidez betetzeko deialdiari dagokionez, Nafarroako Zerga Ogasuneko Berriztapenaren eta Prozedura Berrien Bulegorako lehiaketa indarrik gabe uztea, azaroaren 15eko 383/2007 Foru Aginduaren (2007ko 149. Nafarroako ALDIZKARI OFIZIALa, azaroaren 30ekoa).bidez onetsitako egitura organikotik kendu baita. Deialdia urriaren 23ko 2574/2006 Ebazpenaren bidez onetsi zen.
2. Ebazpen hau mahaikideei jakinaraztea eta Nafarroako ALDIZKARI OFIZIALean argitara dadila agintzea, behar diren ondorioak izan ditzan.
Iruñean, 2008ko otsailaren 25ean.-Funtzio Publikoaren zuzendari nagusia, Gregorio Eguílaz Gogorza.
Iragarkiaren kodea: F0803933
