I. NAFARROAKO FORU KOMUNITATEA
1.3. BESTELAKO XEDAPENAK
1.3.5. Estatutuak eta lan hitzarmen kolektiboak
145/2008 EBAZPENA, otsailaren 7koa, Arriskuen Prebentziorako eta Lanaren zuzendari nagusiak emana, Nafarroako "Zuraren eta kortxoaren merkataritza" sektorerako hitzarmen kolektiboko soldaten berrikuspenari buruzko 2007ko akordioa erregistratu, gorde eta Nafarroako ALDIZKARI OFIZIALean argitaratzea erabakitzen duena (espediente zenbakia: 14/2008).
Departamentu honetan 2008ko urtarrilaren 29an sartu da "Zuraren eta kortxoaren merkataritza" sektorerako lan hitzarmen kolektiboko soldaten berrikuspenari buruzko 2007ko akordioa, negoziazio batzordeak hitzarmen hartan xedatutakoa betez izenpetu eta onetsia (hasierako espedientearen zenbakia: 84/2005).
Berrikuntza, Enpresa eta Enplegu Departamentua da Lan Hitzarmen Kolektiboaren testua erregistratu, gorde eta argitaratzeko eskumena duena. Eginkizun horiek martxoaren 24ko 1/1995 Legegintzako Errege Dekretuaren 90. artikuluan ezarrita daude, Estatuaren lan arloko eginkizunak Nafarroako Foru Komunitateari eskualdatzeko arauak ezartzen dituen apirilaren 11ko 937/1986 Errege Dekretuan ezarritakoaren arabera, eta kontuan hartuta Hitzarmen kolektiboen erregistro eta gordailuei buruzko maiatzaren 22ko 1040/1981 Errege Dekretuan ezarritakoa.
Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legeko 22.1 artikuluak ematen dizkidan eskurantzak erabiliz.
EBATZI DUT:
1. Nafarroako "Zuraren eta kortxoaren merkataritza" sektorerako (kodea: 3101955) lan hitzarmen kolektiboko soldaten berrikuspenari buruzko akordioa erregistratzea, Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestatuta dagoen liburuan, eta bertako administrazio unitatean testua eta dokumentazioa gordetzea. Hori guztia negoziazio batzordeari jakinaraziko zaio.
2. Ebazpen honen berri ematea negoziazio batzordeari eta adieraztea ebazpenak ez duela administrazio bidea agortzen eta haren aurka gora jotzeko errekurtsoa jartzen ahal duela Berrikuntza, Enpresa eta Enplegu Departamentuko kontseilariari zuzendua, jakinarazi eta biharamunetik hilabeteko epean.
3. Ebazpen hau Nafarroako ALDIZKARI OFIZIALean argitaratzea, orok jakin dezan.
Iruñean, 2008ko otsailaren 7an.-Arriskuen Prebentziorako eta Lanaren zuzendari nagusia, Imelda Lorea Echavarren.
NAFARROAKO "ZURAREN ETA KORTXOAREN MERKATARITZA" SEKTORERAKO LAN HITZARMEN KOLEKTIBOKO 2007KO SOLDATEN BERRIKUSPENARI BURUZKO AKORDIOA
Iruñean, 2008ko urtarrilaren 23an, Nafarroako Zuraren Merkataritza sektorerako hitzarmen kolektiboa sinatu duten aldeak bildu dira, honako ordezkari hauek, hain zuzen ere:
-Asociación de Empresarios de la Madera de Navarra (ADEMAN) elkartearen aldetik Alvaro Valgañón Villanueva jauna.
-Unión General de Trabajadores (UGT) sindikatuaren aldetik Alicia Sanz Pascal andrea.
Ekitaldiari hasiera eman ondotik, honako hau erabaki dute:
1.-2007ko soldata taulen berrikuspena onestea, %4,7ko igoerarekin (2007ko KPI erreala %4,2 + hitzarmenean ezarritako %0,5). 2007. urteko soldaten taula 1. eranskinean ageri da.
Eta aztertzeko beste gairik ez izanik, bilerari bukaera eman zaio eta akta hau prestatu da, bertaratuek sinatu dutena, idazpuruan aipatu tokian eta egunean.
Sinatua, ADEMAN. Sinatua, UGT,
2007KO BEHIN BETIKO SOLDATA TAULAK
2007an igoera hauxe izan zen: aurreikusitako KPIa (%2) + puntu 1. Hitzarmenak Estatuko KPI erreala (%4,2) + %0,5 bermatzen zuen; hots, %4,7ko igoera esan nahi du horrek. %3ko igoera izan zenez, %1,7ko atzerakinak sortu dira.
2007ko behin betiko taula
OINARRIZKO PLUSA
LANBIDE KATEGORIA SOLDATA EGUNEAN ANTZINATASUNA
HILEAN PIZG./GAB.
ARDURADUN NAGUSIA 1078,55 9,67 39,85
BILTEGIKO BURUA 1078,55 9,67 39,85
ADMINISTRAZIOKO BURUA 1078,55 9,67 39,85
DEKORATZAILEA 1057,46 9.53 38,70
25 URTEKO SALTZAILEA 919,21 8,30 33,64
22-25 URTEKO SALTZAILEA 882,32 7,85 32,16
ADMINISTRARI LAGUNTZAILEA 882,32 7,85 32,16
SALTZAILE NAGUSIA 983,90 8,70 36,18
URGAZLEA 766,92 6,90 27,64
LANB. PREST. 1. URTEA 552,86 4,10 0,00
LANB. PREST. 2. URTEA 634,99 4,75 0,00
16-18 URTEKO IZANGAIA 634.99 4,75 0,00
ADMINISTRARI-OFIZIALA 969,88 9,46 35,74
LANBIDEKO PROFESION. 1. M. 963,39 8,50 35,39
LANBIDEKO PROFESION. 2. M. 894,70 7,74 32,50
MORROI ESPEZIALIZATUA 832,89 7,12 30,25
MORROIA, GARBIKETA 816,47 7,02 29,48
Iragarkiaren kodea: F0802439
