I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
96/2008 FORU AGINDUA, otsailaren 25ekoa, Lehendakaritza, Justizia eta Barne kontseilariak emana, José Antonio Larrasoaña Zunzarren jaunari, Ikerkuntza Kriminalaren Arloko Osasunaren kontrako Delituen Brigadako inspektore buruari, Foruzaingoaren Zerbitzu Goraipagarrien Domina ematen diona.
Nafarroako Polizia Kidegoetako Langileen Erregelamenduak ezartzen duenez, Nafarroako Polizia Kidegoetako kideek sariak jaso ahal izanen dituzte ausardia, arriskuak, leialtasuna, adiskidetasuna, gizalegea eta elkartasuna erakutsitako egoeren ondorioz.
Ikerkuntza Kriminalaren Arloko Osasunaren kontrako Delituen Brigadaren eginkizun nagusia de pertsonen osasunarekin lotutako delituak ikertzea eta, bereziki, drogen laborantzan eta trafikoan aritzen diren gaizkileen atzetik joan eta harrapatzea. Sentiberatasun eta dedikazio berezia erakutsi du bere eginkizunetan Jose Antonio Larrasoaña Zunzarren jaunak. Horri esker, unitatearen izen ona sendotu du, delitu mota horrekiko arretarako bide-erakusgarri bihurtu da, eta Zerbitzu Gorapiagarrien Domina merezi du horregatik.
Horrenbestez, Barne zuzendari nagusiak proposaturik, eta abenduaren 29ko 718/2003 Foru Dekretuak onetsitako Nafarroako Polizia Kidegoetako Langileen Erregelamenduaren 89. artikuluan eta hurrengoetan xedatutakoari jarraikiz,
AGINDU DUT:
1. José Antonio Larrasoaña Zunzarren jaunari, Ikerkuntza Kriminalaren Arloko Osasunaren kontrako Delituen Brigadako inspektore buruari, Foruzaingoaren Zerbitzu Goraipagarrien Domina ematea.
2. Foru agindu hau interesdunari eta Foruzaingoari jakinaraziko zaie eta Nafarroako ALDIZKARI OFIZIALean argitaratuko da, orok jakin dezan.
Iruñean, 2007ko otsailaren 25ean.-Lehendakaritza, Justizia eta Barne kontseilaria, Javier Caballero Martínez.
Iragarkiaren kodea: F0803342
