I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
95/2008 FORU AGINDUA, otsailaren 25ekoa, Lehendakaritza, Justizia eta Barne kontseilariak emana, Manuel Hernández Martínez jaunari, Herritarren Segurtasunerako Arloko Herritarrak Babesteko Dibisioko inspektore buruari, Foruzaingoaren Zerbitzu Goraipagarrien Domina ematen diona.
Nafarroako Polizia Kidegoetako Langileen Erregelamenduak ezartzen duenez, Nafarroako Polizia Kidegoetako kideek sariak jaso ahal izanen dituzte ausardia, arriskuak, leialtasuna, adiskidetasuna, gizalegea eta elkartasuna erakutsitako egoeren ondorioz.
Manuel Hernández Martínez Foruzaingoan sartu zenetik nabarmendu da bere betebehar profesionalak betetzean, bai aurreko destinoan, Ingurumena Babesteko Dibisioan, bai oraingoan, Herritarrak Babesteko Dibisioan alegia; jarduera poliziala bultzatu du Foruzaingoak Nafarroako Foru Komunitate osoan hedatzeko prozesuan. Hedapen horretan sentiberatasun berezia erakutsi du herritarrek Nafarroako udalerrietan dituzten segurtasun arazoen aurrean. Era berean, herritarren eskaerei gertutik erantzuteko kezka eta berezkoa duen lidergo gaitasuna direla eta, Foruzaingoaren Zerbitzu Goraipagarrien Domina merezi du dudarik gabe.
Horrenbestez, Barne zuzendari nagusiak proposaturik, eta abenduaren 29ko 718/2003 Foru Dekretuak onetsitako Nafarroako Polizia Kidegoetako Langileen Erregelamenduaren 89. artikuluan eta hurrengoetan xedatutakoari jarraikiz,
AGINDU DUT:
1. Manuel Hernández Martínez jaunari, Herritarren Segurtasunerako Arloko Herritarrak Babesteko Dibisioko inspektore buruari, Foruzaingoaren Zerbitzu Goraipagarrien Domina ematea.
2. Foru agindu hau interesdunari eta Foruzaingoari jakinaraziko zaie eta Nafarroako ALDIZKARI OFIZIALean argitaratuko da, orok jakin dezan.
Iruñean, 2007ko otsailaren 25ean.-Lehendakaritza, Justizia eta Barne kontseilaria, Javier Caballero Martínez.
Iragarkiaren kodea: F0803341
