Iragarkia

21. ALDIZKARIA - 2008ko otsailaren 15a

I. NAFARROAKO FORU KOMUNITATEA

1.3. BESTELAKO XEDAPENAK

1.3.4. Dirulaguntzak eta bekak

38/2008 FORU AGINDUA, otsailaren 1ekoa, Landa Garapeneko eta Ingurumeneko kontseilariak emana, 2008ko kanpainako ordainketa bakarreko erregimenean sartzeko eskaera bakarra onesten duena ondokoetarako: nekazaritzako zenbait produkturi azaleragatik ordaindu beharrekoak, abeltzaintzako primak, Nafarroako eskualdeen kalte-ordainak, nekazaritza eta ingurumen arloetako laguntzak, bai eta ordainketa bakarreko eskubideak lagatzeko komunikazioak aurkezteko eta erreserba nazionalerako eskubideak eskatzeko arauak ere.

Kontseiluak, 2003ko irailaren 29ko 1782/2003 EE Erregelamenduaren bidez, Europar Batasunaren Nekazaritza Politikaren barruan zuzeneko laguntzarako araubideei buruzko orotariko xedapenak ezarri eta nekazariei laguntzeko zenbait araubide sortu zituen. Batzordeak, 2004ko apirilaren 21eko 795/2004 EE Erregelamenudaren bidez, 1782/2003 EE Erregelamenduan aurreikusten den ordainketa bakarra aplikatzeko xedapenak ezarri zituen. Batzordeak, 2004ko apirilaren 21eko 796/2004 EE Erregelamenduaren bidez, 1782/2003 Erregelamenduan aurreikusiriko baldintzak, moduluak eta kudeaketa eta kontrol sistema integratua aplikatzeko xedapenak ezarri zituen. Batzordeak, 2004ko urriaren 29ko 1973/2004 EE Erregelamenduaren bidez, 1782/2002 EE Erregelamendua aplikatzeko xedapenak ezarri zituen, erregelamendu horretako IV eta IV bis tituluetan aurreikusiriko laguntza araubideari eta lehengaiak lortzeko ekoizpenetik kendu ziren lurren erabilerari buruz.

Azaroaren 2ko 1470/2007 Errege Dekretuak, nekazaritza eta abeltzaintzari zuzeneko ordainketak aplikatzeari buruzkoak, Estatuaren araudi oinarrizkoa ezartzen du, Kontseiluaren (EK) 1782/2003 Erregelamenduan ezarritako laguntzei aplikagarri zaiona

Kontseiluak, 2005eko irailaren 20ko 1698/2005 EE Erregelamenduaren bidez, Europar Batasunak landa garapenerako nekazaritzarako FEADERen bidez finantzaturiko laguntzari buruzko arauak ezarri zituen. Batzordeak, 2006ko abenduaren 15eko 1974/2006 (EE) Erregelamenduaren bidez, Batzordearen 1698/2005 (EE) Erregelamendua aplikatzeko xedapenak ezarri zituen, eta Batzordearen 1975/2005 (EE) Erregelamenduak 2007ko abenduaren 7ko1698/2005 (EE) Erregelamendua aplikatzeko xedapenak ezarri zituen landa garapenerako laguntza neurriak hartzeko kontrol prozeduraren eta baldintzen aplikazioari buruz.

Azkenik, urriaren 2ko 67/2006 Foru Dekretuan, Nekazaritza Bermatzeko Europako Funtsaren (FEAGA) eta Nekazaritza Aldeen Garapenerako Nekazaritzaren Europako Funtsaren (FEADER) bidez finantzatzen diren gastuak Nafarroako Foru Komunitatean ordaintzen dituen erakundea onetsi eta horren antolamendua eta funtzionamendua ezarri zen. Dekretuko azken xedapenetako bigarrenak baimena eman zion Landa Garapeneko eta Ingurumeneko kontseilariari, bere eskumenen barruan, behar diren xedapen guztiak emateko foru dekretua garatu eta betearazteko, bereziki, nekazaritzarako Europako funtsekin osorik edo hein batean finantzatzen diren dirulaguntzei buruzko arauak ezartzeko.

Abeltzaintza, Nekazaritza eta Elikadura kontseilariak, otsailaren 8ko 29/007 Foru Aginduaren bidez, FEAGAk finantzaturiko laguntzak kudeatzeko prozedura ezarri zuen, eta Nekazaritza, Abeltzaintza eta Elikadura kontseilariak, otsailaren 8ko 30/2007 Foru Aginduaren bidez, FEADERekin batera landa garapenerako finantzaturiko laguntzak tramitatzeko prozedura ezarri zuen.

Foru agindu honen bidez, arautegi horiek ezartzen duen esparruan baldintzak ezarri zituen 2008ko kanpainan ordainketa bakarrerako, nekazaritzako zenbait produkturi azaleragatik ordaindu beharrekoak, abeltzaintzako primak, eremu menditsu eta behartsuetan kalte-ordainak eta nekazaritza eta ingurumen arloetako laguntzak eskatzeko. Halaber, eskubideak lagatzeko komunikazioak aurkezteko eta erreserba nazionalerako eskubideak eskatzeko arauak ezartzen ditu ere, ordainketa bakarraren araupeko.

Horrenbestez, eta Nafarroako Gobernuari eta lehendakariari buruzko abenduaren 3ko 14/2004 Foru Legearen 41. artikuluak ematen dizkidan ahalmenak erabiliz,

AGINDU DUT:

1. 2008ko kanpainan eskaera bakarra aurkezteko arauak onestea, foru agindu honekin batera doazenak.

2. Ordainak sortzen dituen gastuak 2008ko ekitaldirako eta hurrengotarako Nafarroako Aurrekontu Orokorren 710001 71230 4700 414200, "Kalte ordainak PDR (FEADER)" izeneko kontusailaren kargura ordainduko dira, honen mugara iritsi arte.

3. Nekazaritza ekologikoak sortzen dituen gastuak 2008ko ekitaldirako eta hurrengotarako Nafarroako Aurrekontu Orokorren 710001 71230 4700 414202, "Nekazaritza eta ingurumen neurriak PDR (FEADER)" izeneko kontusailaren kargura ordainduko dira, honen mugara iritsi arte.

4. Abeltzaintza ekologikoak eta galtzeko zorian dauden bertako arraza babesteak eta sustatzeak sortzen dituen gastuak 2008ko ekitaldirako eta hurrengotarako Nafarroako Aurrekontu Orokorren 710001 71230 4700 414208, "Ingurumen eta abeltzaintza laguntzak PDR (FEADER)" izeneko kontusailaren kargura ordainduko dira, honen mugara iritsi arte.

5. Fruitu oskoldunei berariazko laguntzei laguntza osagarriak sortzen dituen gastuak 2008ko ekitaldirako eta hurrengotarako Nafarroako Aurrekontu Orokorren 710001 71230 4700 414206, "Fruitu lehorren ekoizpenerako laguntzak" izeneko kontusailaren kargura ordainduko dira, honen mugara iritsi arte.

6. Foru agindu hau eta bere eranskinak Nafarroako ALDIZKARI OFIZIALean argitaratzea.

7. Foru agindu honek Nafarroako ALDIZKARI OFIZIALean argitaratu eta biharamunean hartuko du indarra.

Iruñean, 2008ko otsailaren 1ean.-Landa Garapeneko eta Ingurumeneko kontseilariak, Begoña Sanzberro Iturriria.

2008KO KANPAINAN ESKAERA BAKARRA AURKEZTEKO ARAUAK

ATARIKO TITULUA

Xedapen orokorrak

1. artikulua. Helburua eta aplikazio eremua.

Foru agindu honen xedea Nafarroako Foru Komunitatean 2008 kanpainan ondoko laguntzetarako eskaerak egiteko arauak ezartzea da:

1. Ordainketa bakarreko araubideari dagokion ordainketa banandua.

2. 1782/2003 EE Erregelamenduaren bidez ezarririko nekazaritzako zenbait produktutarako ordainketa elkartu eta berariazkoak, IV. titulua:

a) Belarki-labore batzuen ekoizleei lur azaleraren arabera egin beharreko ordainketak. Labore horiek IX. eranskinean zerrendatu eta 10. kapituluan ezarritakoak dira.

b) Arroz-ekoizleei hektareako emateko laguntza berariazkoa, 3. kapituluan ezarria.

c) Gari gogorraren kalitateari hektareako emateko laguntza berariazkoa, 1. kapituluen hurrenez hurren ezarria.

d) Proteaginosoetarako prima, 2. kapituluan ezarria.

e) Labore energetikoetarako laguntza, 5. kapituluan ezarria.

f) Fruitu oskoldunei emateko laguntza, azaleraren araberakoa, 4. kapituluan ezarria.

g) Hazi-ekoizpenari emateko laguntza, 9. kapituluan ezarria.

h) Olibadiari laguntza, 10 quater kapituluan ezarria.

i) Tabakorako laguntza, 10 quater kapituluan ezarria.

j) Tabakorako laguntza osagarria, 69. artikuluaren aplikazioaren ondorioz.

k) Azukrerako laguntza osagarria, 69. artikuluaren aplikazioaren ondorioz.

3. 1782/2003 EE Erregelamenduaren bidez ezarririko abeltzaintzarako ordainketa elkartu eta berariazkoak:

a) Behi ume-hazleak dituzten ekoizleentzako prima, 125. artikuluan ezarria.

b) Abereak hiltzeko prima, 130. artikuluan ezarria.

c) Ardi eta ahuntz aziendaren ekoizleentzako prima, 113. artikuluan ezarria.

d) Ardi eta ahuntz bakoitzeko prima osagarria, 114. artikuluan ezarria.

e) Bazkatokiaren justifikazioa, 69. artikuluan ezarritako azienda-dentsitatea neurtzeko.

f) Kontseiluaren 2003ko irailaren 29ko (EE) 1782/2003 Erregelamenduaren 69. artikulua aplikatzearen ondorioz, Europar Batasunaren Nekazaritza Politika garatzeko Espainiako Programa Nazionalari behi aziendaren sektorean egin beharreko ordainketak:

f.1) Behi ume-hazleak dituzten ustiapenentzako ordainketa osagarriak.

f.2) Ofizialki aitortutako kalitateko behikiaren ekoizpenerako ordainketa osagarria.

f.3) Ordainketa osagarria esnearen sektorean.

4. Landa garapenerako laguntzak, Kontseiluaren 1698/2005 EE Erregelamenduan ezarriak, Nafarroako Landa Garapenerako 2007/2013 urteetarako Programaren esparruan.

a) Nafarroako eskualde menditsuendako eta eskualde behartsuendako ordaina, otsailaren 12ko 32/2007 Foru Aginduaren bidez arautua.

b) Nekazaritza ekologikorako laguntza, otsailaren 12ko 33/2007 Foru Aginduan arautua.

c) Abeltzaintza ekologikorako laguntza, otsailaren 12ko 35/2007 Foru Aginduan arautua.

d) Desagertzear dauden hemengo arrazak babestu eta sustatzeko laguntza, otsailaren 12ko 36/2007 Foru Aginduaren bidez arautua.

5. Ingurumen, Lurraldearen Antolamendu eta Etxebizitza kontseilariaren azaroaren 6ko 1526/2003 Foru Aginduan jasotako nekazaritzako ingurumen laguntzen azken ordainketa, Kontseiluaren (EE) 1257/1999 Erregelamenduan jasoak, Nafarroako Landa Garapenerako 2000-2006 urteetarako Planaren esparruan, Nekazaritza, Abeltzaintza eta Elikadura kontseilariaren otsailaren 10eko 41/2006 Foru Aginduan arautuak.

6. Nafarroako Gobernuko Aurrekontu Orokorren karguko fruitu oskoldunei berariazko laguntzei laguntza osagarria.

Halaber, ordainketa bakarrari dagokionez, eskubideak lagatzeko komunikazioak eta erreserba nazionalerako eskubide eskaerak arautzen dira ere, 1470/2007 Errege Dekretuan xedatutakoarekin bat

2. artikulua. Laguntzen onuradunak.

1. 1. artikuluan aipatzen diren laguntzak osorik edo hein handi batean Nafarroako Foru Komunitatean kokaturik dauden ustiategien titularrek hartzen ahalko dituzte eta eremurik gabeko ustiategien titularrek, abere gehienak Nafarroako Foru Komunitatean badituzte.

2. Ordainketa bakarrarengatik, eremuengatik eta abeltzaintzako primengatik laguntza eskabideak beste autonomia erkidego batean aurkeztu behar dituzten titularrek, 1. artikuluko 4. eta 5. ataletan landa garapenerako aipatzen diren laguntzak lortu nahi badituzte, Nafarroako aurkeztu beharko dute ordainketa bakarra, Nafarroan dituzten eremu eta abereak adieraziz, dirulaguntzen xede izan nahi dutenak.

3. artikulua. Eskaera bakarraren edukia.

1. artikuluan aipatzen den edozein laguntza eskatzeko, ustiategiaren titularrak laguntzarako eskaerabakarra eskatu beharko du, eduki hau izanen duena:

1. Laguntza bakoitzaren eskaera espresua, eremuei loturiko laguntzen xede diren esparruak adieraziz.

2. Ustiategiko lurzatiak 2008ko otsailaren 1ean indarra duen erreferentziako lurzatiarekin eta ELLIGS esparruarekin deklaratu beharko dira, egoera hauetan daudenak izan ezik:

a) Lurzatiak berrantolatzeko prozesuen menpe dauden lurzatiak, lurretan mugaturik badaude eta 2008ko otsailaren 1ean NELIGSen ageri ez badira, kasuan kasuko lurzati berrantolamenduaren poligonoaren zenbakiari 70 gehituz adieraziko dira. Lurzatiko zenbakia lurzati berrontalmenduko bera izanen da. Izarbeibar I lurzati berrantolamenduaren eremuan, alde hartako 11 udalerriren parte hartzen baitu, berrantolamenduko lurzatiek bat eginen dute 301 udalerri zenbakiarekin.

b) Aprobetxamendu bateraturako bazkatokiak 99. poligonoarekin deklaratuko dira eta kasuan kasuko toki entitateak ematen duen ziurtagirian ageri dena izanen da lurzatiaren zenbakia.

c) Korralizak eta ardi eta ahuntz aziendarendako bazka aprobetxamenduak edo mendialdeko eta eskualde behartsuetako ordainetarako laguntzen xede diren bazkatokiak, haien esleipena udalei eta kontzejuei badagokie: udalaren edo lurralde entitatearen kodegoa eta 1.000 poligonoarekin adieraziko dira. Lurzati zenbakian toki entitateak korralizan ezarritako zenbakia adieraziko da.

d) Partikular bati dagozkion lurren bazka-aprobetxamendua, katastroko lurzati asko ukitzen baditu, ardi eta ahuntz aziendarako bazka-eremu gisa deklaratzen badira, edo eskualde menditsu edo behartsuendako ordainerako laguntzen esparruan, udalaren edo lurralde entitatearen kodearekin eta 2.000 poligonoarekin adieraziko dira. Lurzatiak errentatzaile bakoitzarendako zenbaki korrelatibo banarekin adieraziko dira.

3. Ordainketa bakarreko araubideko laguntza eskatuz gero, edukitako eskubideak erabili nahi diren lurzatien adierazpena. Ordainketa bakarraren xede diren eremuek edukitako eskubide guztiak ukitzen ez badituzte, titularrak laguntzaren xede diren eskubideen zerrenda aurkezten ahalko du. Horrelakorik ezean, deialdiaren 21. artikuluan xedatutako aplikazio ordena ezarriko zaio.

4. Urbasa eta Andimendiko bazkatokien aprobetxamenduaren kasuan, eskatzaileek hauek adierazi beharko dituzte: zer azienda mota den, zenbat abelburu diren eta noiz egonen diren bazkatzen toki horietan. Landa Garapeneko eta Ingurumeneko Departamentuak erabakiko du eskatzaile bakoitzari zer bazka-eremu dagokion, guztira zenbat azienda larriko abelburu dauden eta eskatzaileak deklaratutako azienda larriko abelburu kopurua aztertutakoan.

5. Azalerengatik edo elkarte baten abereengatik ordaina eskatzen duten eskatzaileek kasuan kasuko elkartearen identifikazio fiskalerako kodea eta bertan zer ehunekotan hartzen duten parte adierazi beharko dute.

6. Ondoko laguntza hauetakoren bat eskatzen duten titularrek eskaeran aitortu beharko dituzte ekoizpen unitate guztiak: ardi eta ahuntz aziendarako prima, behi ume-hazleen eta behi azienda hiltzeko primak eta behi aziendaren sektoreko ordainketa osagarriak

4. artikulua. Eskaera bakarraren aurkezpena.

1. Eskaerak telematika bidez aurkeztuko dira, Landa Garapeneko eta Ingurumeneko Departamentuarekin lankidetza hitzarmena izenpetu duten entitate laguntzaileetan. Eskaeraren dokumentu laburpena Landa Garapeneko eta Ingurumeneko Departamentuan, eta eskualdeko eta ataletako bulegoetan aurkeztuko du entitate laguntzaileak Nafarroako Gobernuko Erregistro Orokorreko edozein bulegotan nahiz Herri Administrazioen Araubideari eta Administrazio Prozedura Erkideari buruzko azaroaren 26ko 30/1992 Legearen 38.4 artikuluan adierazitako erregistro edo bulegoetan.

Eskaera bakarraren eduki eta aurkezpen dataren ondorioetarako aurketutako dokumentu laburpenaren edukiarekin bat datorren azken igorpen telematikoa hartuko da kontuan bakarrik.

2. Eskaerak aurkezteko epea azaleragatik nekazaritzako zenbait produkturi ordaindu beharrekoari eta Europar Batasunak abeltzaintzarako ematen dituen zenbait laguntzari buruzko estatuko arautegian ezartzen dena eta 2008ko otsailaren 1ean hasiko da.

3. Eskaerak foru agindu honen eranskinetan adierazten den "aurkeztu beharreko dokumentazioarekin" lagunduko da.

Eskaera egiterakoan, eskatzaileek foru agindu honen I. eranskinean egiaztatatu beharreko dokumentazio gisa ageri den dokumentazioa aurkeztu beharko dute, entitate laguntzailearen kudeatzaileak egiaztatu dezan. Eskatzaileek dokumentazio hori gorde eta Landa Garapeneko eta Ingurumeneko Departamentuaren esku utzi beharko dute, azken honek hala eskatzen badu.

5. artikulua. Abereak hiltzeko prima eskaera.

1. Eskaera bakarrean abereak hitzeko prima eskatu beharko da.

2. Abereak hiltzeko primaren eskaerak eredu normalizatuan aurkezteko dira. Eredu hori Landa Garapeneko eta Ingurumeneko Departamentuaren bulego nagusietan, eskualdeeetakoetan eta arloetakoetan eta 4. artikuluko 1. idatz-zatian aipatzen diren tokietan. Laguntzak abereak hil eta hurrengo lau hilabeeetan eskatu beharko dira eta Estatuko oinarrizko arautegian aipatzen diren epeetan, alegia, 2008ko otsailaren 1etik eskaera bakarra aurkezteko epea bukatu arte, 2008ko ekainaren 1etik ekainaren 30era, 2008ko irailaren 1etik irailaren 30era eta 2008ko abenduaren 1etik 2008ko urtarrilaren 15era.

6. artikulua. Eskaeraren aldaketa.

1. Batzordearen 796/2994 EE Erregelamenduko 15. artikuluan xedaturikoaren arabera, titularrek eskaera maiatzaren 31 arte aldatzen ahalko dute, zehapenik gabe, baina orduz geroztik ez da aldaketarik onartuko.

2. Titularrari bere eskaera bakarrean akatsak daudela jakinaraziz gero edo tokian berean kontrol bat burutzeko asmoa adierazirika kontrol horrek akatsak nabarmentzen baditu, ez dira aurreko idatz-zatian aipatzen diren aldaketak baimenduko, akatsak ukitzen dituen nekazaritza lurzatiei dagokienez.

7. artikulua. Epez kanpo aurkeztea.

1. Epea bukatu eta hurrengo 25 egun naturaletan eskaerak onartuko dira. Kasu horretan Batzordearen 896/2004 EE Erregelamenduko 21. artikuluan ezarririko portzentajeetan gutxituko dira zenbatekoak.

2. Atzerapena 25 egun naturaletik gorakoa bada, eskaera ez da onartuko.

3. Ezinbesteko kasuetan eta salbuespenezko gorabeheretan ez da gutxitzerik aplikatuko.

8. artikulua. Laguntza eskaera kentzea.

1. Laguntza eskaerak noiznahi ere kentzen ahalko dira, osorik edo hein batean.

2. Hala ere, titularrarari bere eskaera bakarrean akatsak daudela jakinaraziz gero edo tokian berean kontrol bat burutzeko asmoa adierazirika kontrol horrek akatsak nabarmentzen baditu, ez da baimenik emanen haiek ukituriko laguntza eskaera kentzeko.

3. Eskaerak osorik edo hein batean kentzean, titularra eskaera aurkeztu baino lehen zegoen bezala geldituko da.

9. artikulua. Azaleren eta haien erabileren gorabeheren jakinarazpena.

1. Eskatzaileak beharturik daude idatziz jakinaraztera Landa Garapeneko eta Ingurumeneko Departamentuari beren ustiategian gertatzen diren gorabeherak, hauen berri izan bezain laster, gorabehera horiek laguntzak eskuratzeko baldintzak eta konpromisoak ez betetzea badakarte.

a) Nekazaritzako laboreei dagokienez, deklaraturiko laboreek emaitzarik ez izatea eta basa faunaren, abereen, eguraldiaren, belar gaiztoen eta abarren eraginez laboreetan izan daitezkeen gorabeherak.

b) NELIGSen esparruen erabilerarekin ados ez egonez gero, aldatzeko eskaera aurkeztuko da Landa Garapeneko eta Ingurumeneko Departamentuko kontseilariaren maiatzaren 30eko 89/2005 Foru Aginduan ezarritako moduan eta epeetan. Haren bidez, Nekazaritzako Lurzatien Informazio Geografikorako Sistemaren (NELIGS) erregulazioa eta bera Nafarroan kudeatzeko arauak ezarri ziren.

c) Urbasan eta Andimendin bazkatzen diharduten azienda larriko abelburuei dagokienez, aprobetxamendu hori hasiera batean deklaraturikoek baino abelburu gutxiagok egiten badute, ukituriko abeltzainek jakinarazi beharko dute zenbatek eginen duten aprobetxamendu hori.

2. Ekoizleek gorabehera horiek jakinaraztean laguntzaren eskaera benetako egoerara egokituko da. 2001eko apirilaren 21eko Batzordearen (EE) 796/2001 Erregelamenduko II. Zatiko IV. Tituluan aipatzen diren murrizketa eta salbuespenak laguntzaren eskaeren zati batzuei ez zaizkie aplikatuko baldin eta ekoizleek idatziz jakinarazten badiote Landa Garapeneko eta Ingurumeneko Departamentuari laguntzaren eskaera ez dela zuzena edo okertu dela, betiere ekoizleei aldez aurretik Landa Garapeneko eta Ingurumeneko Departamentuak bertan kontrolatzeko asmoaren edo beren eskaeraren akatsen berri eman ez badie.

3. Ez ereiteko jakinarazpenak eta aldaketak Landa Garapeneko eta Ingurumeneko Departamentuak prestatuko dituen orri edo inprimakietan aurkeztuko dira, 4. artikuluan aipatzen diren bulego eta erregistroetan.

10. artikulua. Onuradunen betebeharrak.

Laguntzei buruzko arautegikoez gain, onuradunek betebehar hauek bete beharko dituzte:

a) Eman eta hartutako dirulaguntzak direla eta, Landa Garapeneko eta Ingurumeneko Departamentuak egiten dituen egiaztapen ekintzak oro onartzea.

b) Landa Garapeneko eta Ingurumeneko Departamentuari betebeharrak egiaztatzeko eskatzen dizkien agiriak oro luzatzea.

c) Helburu bereko beste dirulaguntza publiko batzuk eskatu izanaren berri ematea Landa Garapeneko eta Ingurumeneko Departamentuari.

d) Behi aziendako ustiategiaren liburua eguneratua izatea eta behi azienda identifikatu eta erregistratzeari buruzko arauetan ezarritako jakinarazpen epeak betetzea.

e) Ardi eta ahuntz aziendaren ustiategiko liburua eguneratua izatea.

f) Llurzatietan laborea edo haren hondarrak irailaren 10a arte uzteko, ekilore, soia eta gariaren kasuan, eta ekainaren 30a arte gainerako laboreetan.

11. artikulua. Kontrolak.

Foru agindu honetan aipatzen diren laguntzen eskatzaileek onuartuak izateko kontrol eta betebeharra onartu beharko dituzte, bai administratiboak, bai tokian tokikoak, laguntzei buruzko arautegian ezartzen direnak.

12. artikulua. Itzulketak, ez-betetzeak eta zehapenak.

1. Foru agindu honetan aipatzen diren laguntzei buruzko itzulketei, arau-hausteei eta administrazio zehapenei dagokienez, Dirulaguntzei buruzko azaroaren 9ko 11/2005 Foru Legean xedatutakoarekin bat jokatuko da.

2. Arau-hausteak zehazteko eta zehapenak ezartzeko zehapen prozedura administratiboa abenduaren 9ko 369/1997 Foru Dekretuan ezarritakoa izanen da, haren bidez onetsi baitzen nekazaritza, abeltzaintza eta elikadura arloetako zehapenak jartzeko administrazio prozedura.

I. TITULUA

Ordainketa bakarreko araubidearen eskubideak

13. artikulua. Eskubide-lagatze motak.

Ordainketa bakarreko eskubideen lagatzeak hurrengo kasuetako bati egokituko dira:

a) Lurrik gabeko ordainketa bakarreko eskubideen sal-erosketa edo behin betiko lagapena nekazari ez profesional bati.

b) Lurrik gabeko ordainketa bakarreko eskubideen sal-erosketa edo behin betiko lagapena nekazari profesional bati.

c) Lurra daukaten eskubideen sal-erosketa edo behin betiko lagapena.

d) Eskubideen sal-erosketa edo behin betiko lagapena jarduera hasi duen nekazariari.

e) Eskubide berezi guztien sal-erosketa edo behin betiko lagapena ekoizle bati.

f) Lur errentamendu baten bukaerari lotutako eskubideen sal- erosketa edo behin betiko lagapena.

g) Ustiategi osoarekin eskubideen sal-erosketa edo behin betiko lagapena.

h) Eskubideen errentamendua (hektarea onargarri kopuru baliokidearekin batera eta epe berdinerako).

i) Eskubideen errentamenduaren aldez aurreko amaiera.

j) Titularraren oinordeko baten aldeko eskubideen jaraunspena.

k) Erretiroa edo aldez aurreko uztea dela lehen graduko senitarteko bati eskubideak lagatzea.

l) Nortasun juridikoaren aldaketa.

m) Pertsona fisiko edo juridikoen bat-egite edo batasunak.

n) Pertsona juridikoen edo pertsona fisikoen batasunen zatiketak.

o) Erreserba nazionalaren aldeko borondatezko uko egiteak.

14. artikulua. Lagatze eskaeraren aurkezpena.

1. Eskatzaileak ordainketa bakarreko bere azken eskaera Nafarroan egin bazuen soilik aurkeztu daitezke eskubideen lagatze eskaerak Nafarroan.

2. Landa Garapeneko eta Ingurumeneko Departamentuan edo bere eskualdeko bulegoetan aurkeztuko dira, III. eranskinean agertzen den dokumentazioarekin batera, aukeratutako lagapen motaren arabera.

3. Lagatze eskaerak lagatzaileak (saltzailea, errentatzailea, etab.) eta lagapen-hartzaileak sinatu beharko dute (eroslea, errentaria, etab.), funtzionario publikoaren aurrean Departamentuan edo bere eskualdeko bulegoetan.

15. artikulua. Lagatzeko eskaerak aurkezteko epea.

Lagatzeko eskaerak 1470/2007 Errege Dekretuaren 23. artikuluan aurreikusitako epean aurkeztuko dira. Epe hau jaraunspen, erretiro, jarduera aldez aurretik uzteko programa, bat egite, zatiketa eta nortasun juridikoaren aldaketa kasuetarako eskaera bakarra aurkezteko epea bukatu arte luzatuko da.

16. artikulua. Eskubide-lagatzeak onartzea.

Ulertuko da lagapena ezadostasunik gabe onartu dela, jakinazpena egiten denetik sei hilabetera, Landa Garapeneko eta Ingurumeneko Departamentuak ez badu arrazoirik eman bere ezadostasuna adierazteko.

17. artikulua. Eskubide eskaera erreserba nazionalari.

Nekazariek Erreserba Nazionaleko eskubideak eskatzen ahalko dituzte, 1617/2005 Errege Dekretuko 9. artikuluan ezarririko baldintzak betetzen badituzte. Hurrengo hauek dira baldintzak:

a) 1698/2005 (EE) Erregelamenduaren baitako landa garapenerako programa baten esparruan bere lehenbiziko instalazioa egin duten nekazari gazteak.

b) Aurreko esleipenean erreserba nazionalaren kargura ordainketa bakarrerako eskubideak jaso eta eskaera horren ondoren 1470/2007 Errege Dekretuan ezarritakoarekin bat laguntza eskaera aurkeztu duten nekazari gazteak.

c) Edonolako esku-hartze publikoari buruzko berregituratze edo garatze programen menpe dauden eremuetan ustiategiak dituzten nekazariak.

d) Epai judizial irmo edo egintza administratibo irmo kasuak.

18. artikulua. Eskubide eskaerak aurkeztea erreserba nazionalari.

1. Eskaerak aurkezteko epea eskaera bakarrarekin bat datorrenean. Dena den, epai judizial irmo edo egintza administratibo irmoen kasuan, interesdunak jakinarazpena apirilak 1 baino beranduago jaso badu, eskaera kanpaina honetan edo hurrengoan aurkeztu ahalko da.

2. Eskaera bakarra aurkezten den toki berean eginen da, 4. artikuluko 1. idatz-zatian azaldutako moduan, eta IV. eranskinean agertzen den dokumentazioa erantsiko zaio.

19. artikulua. Eskubideak kentzea.

1. Hiru urtez erabiltzen ez den laguntza eskubide oro erreserba nazionalari atxikiko zaio, ezinbesteko kasuetan edo salbuespenezko egoeretan izan ezik. Erreserba nazionaletik datozen eskubideak bertara itzuliko dira esleitzen direnetik hasita bost urteko epean, urte bakoitzean erabiltzen ez badira.

2. Oro har, erreserba nazionaletik datozen eskubideak ezin izanen dira beste nekazari bati laga bost urtez, esleitzen direnetik zenbatuta, jaraunspen, bat-egite edo zatiketa kasuan izan ezik.

II. TITULUA

Zuzeneko ordainketak

I. KAPITULUA

Xedapen orokorrak

20. artikulua. Bazkatokiaren eremua.

1. Foru agindu honetan aipatzen diren laguntzak kalkulatzeko, Kontseiluaren 1782/2003 EE Erregelamenduko 131.2.b) artikuluan ezarri dena joko da bazkatokitzat. Halaber, zuhaixkez hornitutako larreen eremuaren erdia eta zuhaitzez hornitutako larreen laurdena ere joko dira bazkatokitzat, NELIGSean halakoxetzat hartuak badira.

2. Udalek edo beste edozein erakunde eskudunek eragozpenak dituztenenan sartzeko edo erabiltzeko azalerak ez dira aintzakotzat hartuko, ez eta aprobetxamendu hori Antolamendu Proiektuetan, Kudeaketarako Plan Teknikoetan edo horien aldaketetan xedatzen denarekin ez datorrenean ere.

II. KAPITULUA

Ordainketa bakarreko araubideari dagokion ordainketa banandua

21. artikulua. Laguntzarako eskubideak, ordainketa bakarra lortzeko.

1. Ordainketa bakarraren eskaeraren xede den laguntzarako eskaera oro hektarea onargarri batekin frogatu beharko da.

2. Eskubide bereziak dituzten eskatzaileek, eremuan erabili nahi badituzte, espresuki adierazi beharko dute eta haiek laguntzarako eskubide normaltzat joko dira. Azaleran eskubide berezi bat aplikatzeko azalera onargarriko hektarea bat adierazi beharko da gutxienez.

3. Nekazariak dituen kentzeko eskubideak ordainketa bakarreko araubidearen xede diren esparruetan honelaxe aplikatuko dira:

-Lehendabizi basoberritzearekin kentzekoak deklaratutakoak.

-Bigarrenez, kentzeko eskubideetarako eta nekazariak belarkien laborantzarari ezartzen zaizkion ondorioetarako esparru onargarriei aplikatuko zaizkie, belarkien laborantzarakoak deklaratutakoen ondorioetarako, kentzeko eskaeran eskubide kopuruarekin bat.

-Hirugarrenez, kentzeko esparruak deklaratutakoei, kentzeko ondorioetarako errendimendu gutxien duten udalerrietatik hasita, Eskualdekatzeko Planean jasotzen diren bezala.

4. Gainontzeko esparruetan, kentzeko eskubideak aplikatu ondoren, eskubide normalak aplikatuko dira.

5. Nekazariak dituen eskubideak ordainketa bakarreko araubidearen xede diren esparruetan honelaxe aplikatuko dira: lehendabizi, zenbateko unitario handiena dutenak, gero balio txikiagoa dutenak, ondoren aurreko kanpainetan erabili ez direnak eta azkenik, erreserba nazionalekoak.

6. Eskubide bereziengatik ordainketa bakarra eskatzen duten nekazariak 1. atalean aipatzen den eginbeharretik salbuetsiko dira, erreferentziako aldian jardueraren %50ari eusten diotenena, abelburu nagusietan adierazirik (UGM).

22. artikulua. Azalera onargarriak laguntza eskubide arrunten ordainketa justifikatzeko.

1. Laguntzarako eskubide arrunten aplikaziorako, onargarriak izanen dira 1470/2007 Errege Dekretuaren 14.1. artikuluko azalerak. Hona hemen batzuk:

a) NELIGSen alor edo olibadi bezala ageri direnak.

b) NELIGSen larre iraunkor gisa ageri direnak, abeltzaintzako primetatik datozen ordainketa bakarreko eskubideak lortu zituzten nekazarien edo gaur egun abelburuak dauzkaten nekazarien kasuetan. Kasu horietan, lur horiek ez dira deklaratutako azaleratzat hartuko ez Batzordearen EE 796/2004 Erregelamenduaren 50.2 artikuluaren ondorioetarako ez 1470/2007 Errege Dekretuaren 11. artikuluaren araberako eskubide erabilpenaren ondorioetarako.

2. Ez dira azalera onargarririk izanen laguntza eskubide arrunten ordainketa justifikatzeko:

a) Labore iraunkorrek hartuak, aurreko 1. puntuan aipatutakoak ez diren beste batzuk.

b) Oihanak eta nekazaritzakoak ez diren jardueratan erabilitakoak.

23. artikulua. Laguntza eskubide arruntak aplikatzen diren lurzatien nekazaritza erabilera.

Laguntza eskubide arruntak aplikatzen diren lurzatien erabilerak:

a) Nekazaritzako edozein jarduera, bai eta, ordainketa elkartuak eta belarkietarako laguntza berariazkoak eskatuz gero, haien xede diren labore lurrak ere. Frutak, barazkiak eta fekulatarako ez diren patatak ekoiztea, eta 22.1.1 artikuluan aipatzen direnetatik desberdin diren labore iraunkorrak izan ezik. Hala ere, 1470/2007 Errege Dekretuaren 15. artikuluan ezarritakoari jarraituz, fruitu eta barazki laboreak ezarri ahalko dira 2008ko uztailaren 1etik aurrera.

b) Lur landugabeak; kasu honetan nekazaritza eta ingurumen aldetik lurzorua egoera onean mantendu beharko da, baldintzei buruzko arauekin bat.

24. artikulua. Azalera onargarriak kentzeko laguntza eskubideak justifikatzeko.

Onargarriak izanen dira 1470/2007 Errege Dekretuaren 18. artikuluko azalerak. Hona hemen batzuk:

a) NELIGSen 2003rako alor bezala ageri direnak eta NELIGSen izaera bera gordetzen dutenak 2008ko kanpainarako.

b) 2003ko NELIGSen aipatzen diren lurretatik, zainzuriekin, masustak eta mugurdiak landatzen dituztenak, 2007ko NELIGSen alor gisa agertzen badira, 2008ko kanpainarako

c) 1995eko ekainaren 28aren ondoren aurkezturiko eskaeraren arabera basoberrituriko eremuak.

25. artikulua. Kentzeko eskubideak aplikatzen diren lurren nekazaritza erabilera.

1. Kentzeko eskubideak aplikatzen diren lur goldagarri esparruetan, 19. artikuluan eta 1470/2007 Errege Dekretuko lehenbiziko xedapen gehigarrian ezarritakoarekin bat, laboreak, oleaginosoak eta proteginosoak landatzeko erabili ahal dira, edo landatu gabe utzi, azkeneko kasu honetan ez dira erabiliko inolako nekazaritzarako aprobetxamendurako, gutxienez 2008ko urtarrilaren 15etik abuztuaren 31 arte eta deialdi honen 27. artikuluan agertzen diren baldintzekin bat.

2. VI. eta VII. eskualdeetan, Erribera, trashumantzia ohiko jarduera jotzen den eskualdeetan, artzaintza baimentzen da uztailaren 15etik aitzina.

III. KAPITULUA

Azalerarako ordainketa elkartuak eta laboreentzako berariazkoak

26. artikulua. Ureztalurrak.

1. Diru hori hartu ahal izateko, ureztaketa lurtzat hartuko dira foru agindu honetako 4. artikuluan eskaerak aurkezteko aipatzen den muga-egunean NELIGSen ureztaketa esparruetan dauden nekazaritzako lurzatiak.

2. Bestetik, ureztaketa lurtzat hartuko dira ureztaketa-lur bihurtzeko prozeduretan edo lurzatien berrantolamendu prozeduretan sarturiko nekazaritzako lurzatiak, katastroan hala agertzen direnak eta baita ere, lehen aipatutako data baino lehen, ureztatzen hasteko adierazpena edo egiaztapen akta partzialen akta jaso duten lurzatiak, Riegos del Canal de Navarra S.A. enpresaren ustez teknikoki bermatuta badago azpiegituren erabilera.

27. artikulua. Kentzeko lurrak.

Lugorriko eta kendu beharreko lurrak laborantzarako baldintzetan mantenduko dira eta belar gaiztoak agertzea saihestuko, metodo hauetako bat erabiliz:

a) Laborantzako ohiko praktikak.

b) Gutxieneko lur-lantzea.

c) Lurgainak egokiro mantentzea, edo

d) Baimenduta dauden herbizidak erabiltzea, arrisku txikikoak eta hondar-eraginik gabeak.

Elkarren segidako bi kanpainatan edo gehiagotan lugorri bihurtzeko edo laborantzatik kentzeko diren lurzatietan, bigarren urtetik hasita mantentze-lanak urtean behin egin beharko dira gutxienez.

28. artikulua. Borondatezko erretiratzearen ehunekoa.

1. Borondatezko erretiratzea dela eta ordainduko den gehienezko azalera konpentsazio-ordainketarako eskatzen den azaleraren %10 izanen da.

2. Ekoizleak gogoz kontra ustiategiaren egituran sarturiko aldaketengatik lurrak kentzeko ehunekoa gainditzeari buruzko 1470/2007 Errege Dekretuko 35.2.b) artikuluarekin bat, baimena ematen da, Ablitas eta Corteseko berrantolamenduek ukituriko ureztaketa-lurzatietan, 2008ko kanpainarako lurrak kentzeko ehunekoa kalte-ordainen xede den azaleraren %50 izan dadin gehienez ere.

29. artikulua. Soiaren laborantzako hazien dosia.

Soiaren laborantzan erabiltzeko gutxieneko dosia 350.000 hazi/hektareako da.

30. artikulua. Fruitu oskoldunetarako laguntza.

1. 1470/2007 Errege Dekretuko 44.2. artikuluak aipatzen duen koefiziente zuzentzailea aplikatzea beharrezkoa bada, laguntza bat emanen da 2008ko ekitaldirako Nafarroako Gobernuaren Aurrekontu Orokorren kargura, koefiziente zuzentzaileak eragindako murrizketaren adinakoa, betiere aurrekontuetan horretan erabiltzeko dirurik baldin badago eta, 120,75 euro/hektareako, gehienez ere.

2. Aurreko ataleko mugen barnean, ogibide nagusia nekazaritza duten titularren azaleretarako laguntza osagarri bat emanen da, 60,375 euro/hektareako, gehienez ere.

31. artikulua. Olibadiari laguntza.

1. Nafarroako Foru Komunitateko olibadi guztiak gizarte intereseko olibadien kategorian sartuko dira eta 1470/2007 Foru Dekretuaren XII. eranskinean ageri den Nafarroako Foru Komunitateari dagokion zenbateko osoa esleituko zaie.

2. Nafarroako Foru Komunitateko olibadien kasuan, olibadi hektarea onargarri bakoitzeko laguntzaren batez besteko zenbatekoa 100 euro/hektareako da.

32. artikulua. Hazi ziurtatuetarako laguntzak.

Hazietarako laguntzak eskatzen dituzten nekazariek edo enpresa ekoizleek espresuk eskatu beharko dute eskabide bakarrean eta, halaber, kontratuaren kopiari berari edo, enpresen kasuan, laborantza adierazpenari erantsi. Kontratuek edo adierazpenek bat etorri beharko dute eskabide bakarrarekin.

33. artikulua. Tabakoa landatzeko laguntzak.

Laguntza hori eskatzen ahalko dute tabako gordina ekoizten duten nekazariek, baldin eta 2000, 2001 eta 2002an tabakoaren lehen eraldaketarako enpresei tabakoa emateagatik primaren bat jaso badute eta, era berean, 2002ko urtarrilaren 1etik 2005eko abenduaren 31ra bitarte ekoizpen kuotak hartu dituztenek. Ekoizleak, edo tabako ekoizleen batasun aitortu batek, eta lehen graduko eraldatzaileak 2008ko otsailaren 15a baino lehen sinatu beharko dute laborantza kontratu bat.

34. artikulua. Izakinen adierazpenak eta arroz ekoizpena.

Berariazko laguntza sistemari atxikitzen diren arroz ekoizleeek deklarazio hauek egin beharko dituzte:

a) Urriak 15 baino lehen, joan den urteko abuztuaren 31an bere esku ziren izakinen deklarazioa.

b) Azaroak 15 baino lehen, lortutako ekoizpenaren edo erabilitako azaleraren deklarazioa, eta data horretan uzta jaso ez bada uztaren aurreikuspena adieraziko dute.

IV. KAPITULUA

Abeltzainentzako primak

35. artikulua. Ustiategiko abereen mantentzea.

1. Ardi eta ahuntz aziendarentzat, behi ume-hazleentzako primetarako eta behi ume-hazleak dituzten ustiapenentzako prima osagarrirako eskubidea izateko, ekoizleak bere ustiategian mantendu beharko ditu, atxikialdietan, eskabidean aipatzen diren abere guztiak. Ardi eta ahuntz kasuan, atxikialdia 100 egunekoa izanen da eskaera aurkezteko epea bukatu eta biharamunetik hasita. Behi ume-hazleentzako primetarako eta behi ume-hazleak dituzten ustiapenentzako ordainketa osagarrietarako atxikialdiak sei hilabetekoak izanen dira, eskaera aurkeztu eta biharmanunetik aurrera.

2. Behi ume-hazleen ekoizleeen prima eskaeran eta behi ume-hazleak dituzten ustiapenentzako ordainketa osagarrirako eskaeran, behi ume-hazleek primaren xede diren abere guztien %60 gutxienez izan beharko dute eta txahalek, %40 gehienez ere. Ehuneko hauei atxikialdi osoan eutsiko zaie.

36. artikulua. Azienda dentsitatea.

1. Ordainketa osagarrien kobrantza ustiapeneko azienda-zamari lotuko zaio, izan ere, ezin izanen du gainditu 1,5 UGM/ha, guztira 15 UGM edo gutxiago duten ekoizleak izan ezik.

2. ez du abere dentsitatearen gaineko inolako baldintzarik bete beharko.

37. artikulua. Behi ume-hazleentzako primen abere-galerak eta uko egiteak.

Primetarako, ondoko hauek hartuko dira agintaritza eskudunari jakinarazitako abere-galeratzat:

a) Xede honekin idatziz egindakoak, Abeltzaintza Zerbitzuan, bajaren berri izan eta 10 egun balioduneko epean. Bertan azalduko da taldearen bizitzan berezko edo ezinbesteko arrazoiengatik gertatutako baja den, edo primari uko egin zaiolako izan den.

b) Abeltegian hildako abereak SIMOGAN datu baseari jakinaraziko zaizkio, jakin eta 10 egun balioduneko epean.

c) Nafarroan kokaturiko abeltegietan, abereak abeltegia utzi duenean, idatziz ez ezik abereen datu base informatizatuari jakinaraziz ere uko egiten ahalko zaio eskabideari hein batean.

d) Primarako aitortzen den behi edo txahal baten ordez, atxikialdian hiltzen bada, beste behi edo txahal bat sartzen ahalko da, baldin eta aldaketa horrekin ere behi ume-hazleen ehuneko horietan behar den kopuruari eusten bazaio. Atxikialdiko ordezpen horiek 20 eguneko epean gertatuko dira, aberea hil edo txahalaren ordez behia ekartzen denetik hasita, beste abeltegi batetik ekartzen direnean. Balioko dute SIMOGANi 7 egun balioduneko epean jakinaraziz gero, gertatzen denetik hasita eta ustiapenaren liburuan gertaeraren ondoko hurrengo hiru egunen barruan jaso badira.

38. artikulua. Behi ume-hazleak dituzten ekoizleei ordainketa osagarrian bajak eta uko egiteak.

1. Primaren xede diren animalietan aldaketak gertatuz gero, Administrazioko organo eskudunari jakinarazitako aldaketatzat hartuko dira, epearen barruan SIMOGANi haien berri eman bazaio.

2. Primarako aitortzen den behi edo txahal baten ordez, atxikialdian hiltzen bada, beste behi edo txahal bat sartzen ahalko da, baldin eta aldaketa horrekin ere behi ume-hazleen ehuneko horietan behar den kopuruari eusten bazaio. Atxikialdiko ordezpen horiek 20 eguneko epean gertatuko dira, aberea hil edo txahalaren ordez behia ekartzen denetik hasita, beste abeltegi batetik ekartzen direnean. Balioko dute SIMOGANi 7 egun balioduneko epean jakinaraziz gero, gertatzen denetik hasita eta ustiapenaren liburuan gertaeraren ondoko hurrengo hiru egunen barruan jaso badira.

39. artikulua. Ardi eta ahuntz azienden ekoizleentzako primarenabere-galerak eta uko egiteak.

1. Atxikialdian zenbat ahuntz hil diren, primaren xede diren abereen artetik, hori jakin eta 10 egun balioduneko epean jakinarazi beharko da idatziz.

2. Halaber, atxikialdiko ordezpen horiek 10 eguneko epean gertatuko dira, aberea ateratzen denetik hasita, eta beranduenik ere gertatu ondoko hirugarren egunean inskribaturik egon beharko dute ekoizlearen erregistroan eta atxikialdiko ordezpen horren berri eman, hurrengo 5 egunen barruan gehienez ere, agintaritza eskudunari.

3. Ardi-esnea esnekitarako merkaturatzen duten ekoizleen kasuan, eskatutako ardi eta ahuntzak atxikialdian ordeztu ahal izanen dira, espezie bereizketarik gabe, banako-eskubideen mugen barnean, eskatutako laguntza jasotzeko eskubidea galdu gabe.

40. artikulua. Behi aziendaren sektoreko ordainketa osagarrietatik salbuetsiak.

Behi aziendaren sektoreko ordainketa osagarrietatik salbuetsiak izanen dira hurrengo hauek betetzen ez dituzten abeltzainak:

a) Azaroaren 2ko 479/2004 Errege Dekretuan ezarritakoa, horren bidez abeltegien erregistro orokorra ezartzen baita. Baldintza hauek betetetzea horrela egiaztatuko da: behi ume-hazleak dituzten nekazarien ordainketa osagarrien kasuan, atxikialdian; ofizialki aitortutako kalitateko behikia ekoizten duten behi haragiaren ekoizleei ordainketa osagarrien kasuetan, eskaera egunetan; eta esnearen sektoreari egindako ordainketa osagarrien kasuan, urte bakoitzaren martxoaren 31n egiaztatuko da.

b) Bizirik dauden animaliengan eta haien produktuetan halako substantzia batzuei aplikatzen zaizkien kontrol neurriak ezartzen dituen uztailaren 31ko 749/1998 Errege Dekretuan ezarritakoa betez.

41. artikulua. Ogibide nagusia nekazaritza dutenen izaera behi aziendaren sektoreko ordainketa osagarrietan.

1. Ogibide nagusia nekazaritza dutenen izaerari dagokionez, behi ume-hazleak dituzten ekoizleei eta esnearen sektoreari egiten zaizkien ordainketa osagarrien ñabarduren kasuan, Nafarroako Nekazaritzako Ustiategien Erregistroan agertzen diren datuak izanen dira kontuan.

2. Ogibide nagusia nekazaritza izateko, azken urtean zehar gutxienez beren errentaren %50 nekazaritzatik heltzea eta laguntza eskatzen den urtearen urtarrilaren 1etik nekazarien araubide berezian edo baliokide den autonomoen araubidean kotizatzea. Azken baldintza hau indarrean izanen da eskaera egiteko epearen azken eguna arte, gutxienez.

42. artikulua. Kalitateko haragiaren ekoizpenerako ordainketa osagarriak.

Ofizialki aitortutako kalitateko behikiaren ekoizpenerako ordainketa osagarria emanen zaie behikiaren abeltzainei, ofizialki aitortutako haragiaren kalitate sistema hauetako batean hildako behi bakoitzeko:

a) Jatorrizko deitura babestuak eta adierazpen geografiko babestuak.

b) Abeltzaintza ekologikoa edo integratua.

c) Behikiaren etiketak, arau orokorretan ezarritakoak baino baldintza zorrotzagoak betetzen dituela adierazteko.

43. artikulua. Esnearen sektorerako ordainketa osagarriak.

Ordainketa osagarriak esnearen sektorean esnetarako behi aziendako ustiapenak dituzten abeltzainentzat izanen dira, betiere, eskaerarekin batera eskatzen badute beren borondatez Higiene praktika egokien jarraibideetan azaldutako sisteman sartzea, 1470/2007 Errege Dekretuaren XX. eranskinean jaso bezala. Nekazaritza, Arrantza eta Elikadura Ministerioak urtero ezarriko du kuotaren kilogramo bakoitzeko urteko ordainketa osagarriaren zenbateko guztia eskuragarri dagoen urte bakoitzaren martxoaren 31n, hurrengo hauek kontuan izanda:

a) Kontuan hartuko den kuota 0 izanen da ekoizleak eskaera urtearen martxoaren 31n bukatzen den epean jarduera uzteko programa batean sartua badago

b) Ustiategiari lotutako transferentzien kasuan, transferentziaren xede den zenbateko guztia hartuko da hartzailearen aldeko kuota eskuragarri gisa.

III. TITULUA

Landa garapenerako laguntzak

44. artikulua. Nafarroako Nekazaritzako Ustiategien Erregistroko inskripzioa.

1. Nafarroako Foru Komunitateak kofinantzatutako laguntzak eskuratu ahal izateko, nahitaezkoa da Nafarroako Nekazaritzako Ustiategien Erregistroan izena emana egotea.

2. Laguntzak kudeatzen dituen organoak Nafarroako Abeltegien Erregistroan begiratuko ditu bazkideen eta haiek sozietateetan duten ehunekoen gaineko datuak, bai eta ogibide nagusia nekazaritza izatearen frogagiria ere, foru agindu honetan aipatzen diren laguntzak izapidatu ahal izateko.

3. Nafarroako Nekazaritzako Ustiategien Erregistroari buruzko Foru Legearen testu bategina onetsi zuen uztailaren 2ko 150/2002 Legegintzako Foru Dekretuaren 6. artikuluko 1 zenbakiko a) letran xedaturikoaren arabera, ustiategien titularrek erregistroan inskribatzea eska dezakete foru agindu honetan aipatzen den laguntza-eskaera bakarra egiten duten unean.

45. artikulua. Nekazaritza ekologikoa, abeltzaintza ekologikoa eta galtzeko zorian dauden arrazak.

1. Laguntza hauek jaso nahi ditutuzten eskatzaileek 2008ko kanpainako laguntzak jasotzea eskatu beharko dute.

2. Laguntza hauek aldez aurretik jasoko ez dituzten eskatzaileek, hauetako bat jaso nahi badute bertan onartuak izatea eskatu beharko dute.

3. Laguntzak jasoko dituen bestu onuradun baten konpromisoen eskualdatzea eskatu ahalko da.

4. Kontzesiodun titularrek beren konpromisoak zabaltzea eskatzen ahalko dute.

46. artikulua. Konpentsazio-ordainak.

1. Eskatzailearen errenta osoa 2006ko ekitaldiari dagokio.

2. Hori horrela dela ere, zilegi izanen da ustiategiko titularraren errenta osoa ebaluatzeko azken bost urteetako hirutan hark Ogasunari deklaratu dizkion errenten bataz bestekoa hartzea. Azken ekitaldia ere sartuko du bost urteko talde horretan.

Xedapen gehigarria.-Abereak hiltzeko primaren araubidean baimendutako hilketa-establezimenduen partaidetza.

Abereak hiltzeko primen kudeaketa eta haien kontrola errazteko, abereak hiltzeko primen araubidean laguntzaile gisa parte hartu nahi duten Nafarroako Foru Komunitateko hiltegi baimenduek, aurreko kanpainetan eskatu ez badute, aldez aurretik, parte hartzen dutela jakinarazi beharko diote Landa Garapeneko eta Ingurumeneko Departamentuko Abeltzaintza Zerbitzuari, Estatuko oinarrizko arautegian aurreikusiriko moduan, eta zerbitzu horrek ezartzen dituen kontrolen menpe jarri beharko dute eta kontrol horiekin elkarlanean aritu.

I. ERANSKINA

Eskaera bakarraren agiri osagarriak

1.-Xehetasun orokorrak Entitate laguntzailean egiaztatu beharreko agiriak.

a) Pertsona fisikoak izanez gero, NANaren fotokopia, eta pertsona juridikoak izanez gero, IFKrena.

b) Banku-ziurtagiria, jatorrizkoa, eskaeran aipatzen den kontu korrontea edo libreta eskatzailearena dela frogatzen duena.

c) Eskaera titularrak ez bestek izenpetzen duenean, haren baimen espresua. Eskatzailea adinez txikia bada, haren legezko ordezkari edo tutoreak espresuki bere baimena eman beharko du.

2.-Azaleragatik eman beharreko laguntzen eskaerako eta bazkatokien deklarazioko agiri osagarriak.

2.1. Aurkeztu beharreko agiriak.

a) Krokis akotatuak, konpentsazio-ordainketek xede diren edo bazkatokitzat aitortzen diren nekazaritzako lurzatiak non dauden adierazten dutenak, "in situ" kontrolak egiteko.

b) Ardi eta ahuntz aziendarentzako korralizetako bazka-aprobetxamenduaren kasuan, ordainei dagokienez, kasuan kasuko toki entitateak edo finken jabeak eman beharreko ziurtagiria. Bertan aprobetxamendu mota hauen azalerak emanen dira:

-Zuhaitz-larreak.

-Zuhaixka-larreak.

-Bazkalekuak.

-Lugorriak eta galondoak.

c) Hazi egiaztatua erosi izanaren fakturaren kopia, laguntza lihorako eta zuntzetarako kalamurako eskatzen denean edo gari gogorraren kalitaterako osagarria edo laguntza berariazkoa eskatzen denean. Azken kasu honetan lotearen zenbakia zehaztuko da.

2.2. Entitate laguntzailean egiaztatu beharreko agiriak.

a) Bazkatokiak ekoizle batek baino gehiagok batera aprobetxatzen dituztenean, azalera horren jabeak edo legezko administratzaileak luzatzen duen ziurtagiria edo, herrilurrak izanez gero, toki entitateek luzatua, non jasoko diren beren menpeko lurzati esleituak.

b) Lehen eraldatzailearekin izenpeturiko kontratuaren kopia, landaketa energetikoetarako laguntzak eskatuz gero.

c) Laguntzak hazi-ekoizpenerako aurkeztu badira, laboreen adierazpenaren kopia bat aurkeztuko da edo, halakorik bada, edo ugalketa-kontratuarena 1470/2007 Errege Dekretuko 45.2 artikuluan adierazitako datetan.

d) Olibondoak kendu edo landatu baina NELIGSen datu basean zehazten ez badira, eremua identifikatzeko krokis bat erantsiko da. Horretan adieraziko da errotik kendutako zuhaitzak (X) non zeuden, bai eta landatu direnak (o) eta jarduketa eguna ere.

e) Tabakorako laguntzak eskatuz gero, laborantza kontratuaren kopia edo erregistroko zenbakiaren aipamena.

3.-Abeltzaintzako primen eskaeraren agiri osagarriak.

3.1. Aurkeztu beharreko agiriak.

a) Ardi eta ahuntz aziendako ustiategien kasuan, lurzatiak katastroaren arabera identifikatu gabe deklaratzen badituzte, jabearekin izenpeturiko kontratua edo entitateak luzatutako ziurtagiria aurkeztu behar da, aprobetxamendurako baimena ematen duena alegia. Jabetza partikularrak izanez gero, errentan utziriko eremua osatzen duten lurzati guztien identifikazioa.

b) Behi aziendaren ustiategia Nafarroatik kanpoan badago, ustiategiko liburua.

c) Behi aziendaren sektorean, ordainketa osagarriak eskatzen dituztenen lehen graduko ahaideen zerrenda, abenduaren 30eko 1470/200/ Errege Dekretuaren 85. eta 88. artikuluetako 3. puntuan ezarritako aldaketa aplikatzeko, beren eskaerak berriro aztertuak izatea nahi badute. Familia liburuak ere aurkeztuko dira, eskatzaileak alegatutako ahaidetasuna frogatzeko.

3.2. Entitate laguntzailean egiaztatu beharreko agiriak.

Ardi aziendaren ustiategiko liburua, eskaeraren egunean gaurkotua, balantze orria ere erantsiko da.

4.-Konpentsazio-ordainen eskaeraren agiri osagarriak.

Aurkeztu beharreko agiriak.

Ardi eta ahuntz aziendako ustiategien kasuan, belarkietarako bazkatokiak deklaratzen direnean lurzatiak katastroaren arabera identifikatu gabe, jabeak edo entitateak luzatutako ziurtagiria aurkeztu behar da, aprobetxamendurako baimena ematen duena alegia. Ziurtagiri horretan bereiz agertaraziko dira azalera guztiak: larrea, zuhaixka-larrea, zuhaitz-larrea, galondoa eta lugorria.

5.-Nekazaritza eta ingurumen arloetako laguntzak ordaintzeko eskaeraren agiri osagarriak.

Aurkeztu beharreko agiriak.

Kontzesioa osorik edo hein batean eskualdatuz gero, eskualdaketaren agiria, behar bezala betea aurkeztu beharko da. Horretan agertuko dira: saltzailearen izen-deiturak, haren NANa edo IFK, eroslearen izen-deiturak, haren NANa edo IFK eta erosleak epeak diraueino mantentzeko konpromisoa hartzen duen azalera, labore multzoen araberakoa.

6.-Galtzeko zorian dauden arraza autoktonoen eskaeraren agiri osagarriak.

Aurkeztu beharreko agiriak.

Landa Garapenerako 2008-2013 Plan berriaren arabera beste konpromiso bati atxikitzen zaizkion abeltzaineek ziurtagiri edo txostena aurkeztu beharko dute, abeltairi batek luzatua, non abeltegiak abereen ongizate arauak betetzen dituela adieraziko baita.

II. ERANSKINA

Abereak hiltzeko primen eskaeraren agiri osagarriak

1.-Aurkeztu beharreko agiriak.

a) Sei hilabetetik zortzi hilabetera bitarteko zekorrak hiltzeko primen eskaeretan, Espainian hilez gero, hiltegiaren ziurtagiria, aberearen, jabearen, hiltze egunaren, hiltegiaren eta kanalean duen pisuaren datuak dauzkana.

b) Abereak hiltzeagatiko primak eskatzeko eskaeren kasuan (Espainiatik kanpo hilak direnean edo Espainiatik kanpora bidaltzekoak):

-Espainiatik kanpoan baina Europar Batasuneko estatu batean hilak baldin badira, hiltze-ziurtagiria aurkeztu beharko da eta horrekin batera behi aziendaren identifikazio-agiriaren 2. alea. Administrazio Publikoak izenpetu eta eskatzaileari itzuliko dio. Kanalaren pisua frogatu behar izanez gero, hilketa-ziurtagirian jaso beharko da.

-Abereak Europar Batasunetik kanpoko estatu batean saltzekoak baldin badira, Europar Batasuneko aduanetatik atera izanaren froga aurkeztu beharko da eta horrekin batera Nazioarteko Osasun Ziurtagiria, prima eskatzeko abereen zerrenda daramana, horrela frogatuko baita agiriz haien esportazioa.

2.-Egiaztatu beharreko agiriak.

Abereak hiltzeko primaren eskaeren kasuan, behi-azienda identifikatzeko 2, agiriak aurkeztuko dira. Agiri horiek administrazioak zigilatu eta segituan emanen zaizkio bueltan eskatzaileari.

III. ERANSKINA

Eskubide lagapenaren agiri osagarriak

Aurkeztu beharreko agiriak.

1.-Xehetasun orokorrak

Transferentzia eskaera bat aurkeztuko da, bi aldeek sinatua. Bertan transferentziaren xedea eta eskualdatzen diren eskubideen zerrenda zehaztuko dira.

2.-Lurra daukaten eskubideen sal-erosketa edo behin betiko lagapenari buruzko berariazko agiriak:

Lurren sal-erosketa kontratua, publikoa edo pribatua, zerga guztiak kitaturik.

3.-Lur errentamendu baten bukaerari lotutako eskubideen sal-erosketari edo behin betiko lagapenari buruzko berariazko agiriak.

a) Errentamendu bukaeraren agiria, bertan lurrak jabeari itzuli eta eskubideak saltzen direla zehaztu beharko da.

b) Hartzaile titularra lurzatien jabe dela egiaztatzen duen agiria (sal-erosketa edo dohaintza eskriturak, lurzati zedulak...).

c) Lurzatiak azaltzen diren aurreko kanpainaren (2007) aitorpen bakarra

4.-Ustiategi guztiaren eskubideen sal-erosketa edo behin betiko lagapenari buruzko berariazko agiriak:

a) Lurren sal-erosketako kontratua, publikoa edo pribatua, zerga guztiak kitaturik.

b) Abeltzaintza kasuetan, abeltzaintzako primen transferentziaren eta ekoizpen eskubideen agiriak.

c) Lagatzailea Abeltzaintza Ustiategien Erregistroan eta Nekazaritza Ustiategien Erregistroan baja eman izanaren egiaztagiria.

d) Lagatzailea transferentziaren hurrengo kanpainan EBNP eskaera ez egiteko konpromisoaren adierazpena.

5.-Lurra daukaten eskubideen errentamenduari buruzko berariazko agiriak.

-Lurrak errentan uzteko kontratua, zerga guztiak kitaturik, edo Nafarroako Gobernuaren landa errentamenduen erregistroan inskribatua.

6.-Eskubideen errentamenduaren aldez aurreko amaierari buruzko berariazko agiriak.

-Errentamenduaren amaiera frogatzen duen agiria.

7.-Titularraren oinordeko baten aldeko eskubideen lagatzeari buruzko berariazko agiriak.

a) Jaraunspena onartzearen eskritura, eskubideak, zeintzuk eta nori dagozkion zehaztuz (bere "matrikularekin" identifikatuak). Jaraunspenaren onarpenean ordainketa bakarraren eskubideak agertzen ez badira oinordeko bakoitzak zein eskubide dauzkan eta zein ehunekoan zehazten duen agiria aurkeztu beharko da, oinordeko guztiak sinatua.

b) Salbuespen egoeran, jaraunspena dela eta transferentzia eskaera egiterakoan jaraunspen onarpen agiririk ez bada, gertaera justifikatu beharko da eta oinordeko nahiz usufruktudunen zerrenda (bertan eskatzailea agertu beharko du) duen testamentua aurkeztu beharko da, azken nahien erregistroaz edo jaraunsle-adierazpenaz lagundua; baita jaraunsle akordioa ere, beti ere bat baina gehiago baldin badago.

8.-Erretiroa edo aldez aurreko lagatzea dela lehen graduko senitarteko bati eskubideak lagatzeari buruzko berariazko agiriak.

a) Familia liburua, guraso edo seme-alabei egindako transferentzien kasuan. Aitaginarrebei, errainei edo suhiei egindako transferentziak badira, ahaidetasun hori frogatzen duen familia liburua beharko da ere.

b) -Gizarte Segurantzaren erretiroaren egiaztagiria edo nekazaritzako jarduera aldez aurretik uztearen kasuan, Landa Garapeneko eta Ingurumeneko Departamentuaren ebazpena. Erretiroa edo jarduera aldez aurretik uztea kanpaina berean edo aurrekoan egina behar du izan.

9.-Nortasun juridikoaren aldaketa dela eta eskubide lagatzeari buruzko berariazko agiriak.

a) Nortasun juridikoaren aldaketa frogatzen duen edozein agiri publiko.

b) Irabazpideko ondasunen ezkontza-eraentza kasuan, berau justifikatzen duen agiria.

10.-Pertsona fisiko edo juridikoen bat-egite edo elkartzearen eskubide lagatzeari buruzko berariazko agiriak.

-Lagatzailea edo bateratua ordainketa bakarrarerako eskubideak jasotzen dituen elkartearen kide dela frogatzen duen agiri publikoa (bazkideen zerrenda, estatutuen agiri publikoa, etab. erakusten duen Ogasunaren ziurtagiria).

11.-Pertsona juridikoen edo pertsona fisikoen batasunen zatiketak.

-Onuraduna edo zaitua ordainketa bakarraren eskubideak jasotzen dituen elkartearen kide zela eta egun horko kide ez dela frogatzen duen agiri publikoa (aurreko eta egungo bazkideen zerrenda, aurreko eta egungo estatutuen agiri publikoa, etab. erakusten duen Ogasunaren ziurtagiria).

12.-Nekazari profesional izaera frogatzen duten agiriak.

-Nafarroako Nekazaritzako Ustiategien Erregistroan ogibide nagusia duen nekazari gisa inskribaturik egon ezik, hurrengo hauek aurkeztuta frogatu ahalko du bere nekazari profesional izaera:

a) 2006. urteko errenta aitorpenaren kopia, edo

b) Nekazaritzako ustiategiak modernizatzeko uztailaren 4ko 19/1985 Legeko 2. artikuluko 5. idatz-zatian aipatzen diren jarduera osagarriak egin direla frogatzen duten agiriak.

c) Gizarte Segurantzako nekazaritza jardueran altan emanda dagoela frogatzen duen agiria.

-Nafarroako Nekazaritza Ustiategien Erregistroan inskribatutako ustiategi asoziatibo bateko bazkide bada:

a) Nafarroako Nekazaritzako Ustiategien Erregistroari buruzko Foru Legearen testu bategina onetsi zuen uztailaren 2ko 150/2002 Legegintzako Foru Dekretuaren 11. artikuluan eskatzen diren betebeharrak betetzen dituela frogatzea.

13.-Jarduera hasi duen nekazari izaera frogatzen duten agiriak.

a) Titularraren eta, bidezko bada, ezkontidearen 2006ko errentaren aitorpenaren kopia, erosle edo lagapen-hartzailearen ezkontidea ez dela nekazaria egiaztatzeko eta, nekazaria bada, senar-emazteeen araubide ekonomikoa ez dela irabazpidea.

b) Eroslea edo lagapen-hartzailea Gizarte Segurantzako nekazaritza jardueran altan emanda dagoela frogatzen duen agiria.

c) Erosle edo lagapen-hartzaileak 2008rako kanpaian eskabide bakarra aurkeztu ezik, frogatu beharko du nekazaritza ustitategiaren titularra edo titularkidea dela

IV. ERANSKINA

Erreserba nazionalerako eskubideak eskatzeko agiri osagarriak

Aurkeztu beharreko agiriak.

1.-Xehetasun orokorrak

Eskatzaileek beren ustiategiaren lurzati guztiak adierazi beharko dituzte.

2.-Nekazari gazteen kasuan berariazko agiriak.

a) Landa Garapenerako Programa baten baitako jardueraren hasiera behar den moduan frogatzen duen agiria.

b) Eskatzailea Gizarte Segurantzako nekazaritzako jardueran altan dagoela frogatzen duen agiria, nekazaritzan hasi zenez geroztik, eta betiere eskaera bakarra aurkezteko epea bukatzean.

c) Nekazaritzako ustiategiaren titulartasuna edo titularkidetasuna frogatzen duen agiria.

d) Titularraren eta, bidezko bada, ezkontidearen 2006ko errentaren aitorpenaren kopia, erosle edo lagapen-hartzailearen ezkontidea ez dela nekazaria egiaztatzeko eta, nekazaria bada, senar-emazteeen araubide ekonomikoa ez dela irabazpidea.

e) Eskatzailea sozietate bat baldin bada, osaera eskrituren kopia edo sozietateko bazkideak zehazten dituen beste agiri bat, bazkide guztiak nekazari gazteak direla frogatzeko.

3.-Edonolako esku-hartze publikoari buruzko berregituratze edo garatze programen menpe dauden eremuetan ustiategiak dituzten nekazarien kasuan berariazko dokumentazioa.

a) Lurzati berrantolamenduaren ekarpen orria eta behin betiko esleipen orria, eremua lurzati berrantolamenduagatik edo ureztaketa lurrek lehorreko bihurtzeagatik gutxitu dela frogatzeko.

b) Erreserba nazionalaren azken esleipenean kuotaren edo ardi eskubideen esleipena frogatzen duen agiri publikoa.

c) 2006. urteko errenta aitorpenaren kopia, edo nekazaritzako jarduera batean aritzen dela frogatzen duen Gizarte Segurantzaren ziurtagiria, edo Landa Garapeneko eta Ingurumeneko Departamentuari baimena agiri horiek lortzeko.

4.-Epai irmo baten edo egintza administratibo irmo baten ondorioz eskubideak hartzeko edo zenbatekoa gehitzeko legitimaturiko nekazarien kasuan berariazko dokumentazioa.

a) Ordainketa bakarraren zenbatekoaren esleipena edo gehitzea dakarren epai irmo edo egintza administratibo irmoaren kopia.

b) 2006. urteko errenta aitorpenaren kopia, edo nekazaritzako jarduera batean aritzen dela frogatzen duen Gizarte Segurantzaren ziurtagiria, edo Landa Garapeneko eta Ingurumeneko Departamentuari baimena agiri horiek lortzeko.

Iragarkiaren kodea: F0801843