I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
ERABAKIA, 2008ko urtarrilaren 28koa, Nafarroako Gobernuak hartua, Aurizberriko Kontzejuko Kudeaketa Batzordeko kideak izendatzen dituena.
Irailaren 3ko 96/2007 Foru Dekretuaren bidez deialdia egin zen apirilaren 2ko 29/2007 Foru Dekretuaren bidez deitutako hauteskundeetan hautagai zerrendarik aurkeztu ez zen kontzejuetan hauteskunde partzialak egiteko; bigarren deialdi horretan Aurizberriko Kontzejuan hautagai zerrendarik aurkeztu ez denez, beharrezkoa da, Nafarroako Kontzejuetako hauteskunde prozesua arautzen duen martxoaren 16ko 12/1991 Foru Legearen 16. artikuluan ezarritakoari jarraikiz, Nafarroako Gobernuak kontzeju horretako Kudeaketa Batzordea osatuko duten kideak izendatzea.
Horrenbestez, Nafarroako Gobernuak, Toki Administrazioko kontseilariak proposatuta,
ERABAKI DU:
1. Saioa Biurrarena Zugarramurdi, Víctor Manuel Urtasun Barberena, Miguel Angel Moreno Alecha, María Pilar Fagoaga Martiarena eta Francisco Javier Erro Urrutia jaun-andreak Aurizberriko Kudeaketa Batzordeko kide izendatzea.
2. Erabaki hau Nafarroako ALDIZKARI OFIZIALean argitaratzea.
3. Erabaki honen berri ematea Aurizberriko Kontzejuari.
Iruñean, 2008ko urtarrilaren 28an.-Nafarroako Gobernuko kontseilari eta idazkaria, Javier Caballero Martínez.
Iragarkiaren kodea: F0801454