I. NAFARROAKO FORU KOMUNITATEA
1.3. BESTELAKO XEDAPENAK
1.3.6. Beste batzuk
546/2008 EBAZPENA, azaroaren 20koa, Ingurumen Kalitatearen zuzendari nagusiak emana, Erriberriko industrialdean (Beire etorbidea, zk.g.) hondakinak kudeatzeko proiektua jendaurrean jartzen duena, Ingurumen baimen integratuaren prozedurekin jarraitzeko. Sustatzailea Asistencia Medioambiental, S.L. da.
Asistencia Medioambiental, S.L.-k Ingurumen baimen integratua eskatu du, Erriberriko industrialdean (Beire etorbidea, zk.g.) hondakinak kudeatzeko jarduera gauzatzeko, Ingurumena Babesteko Esku-hartzeari buruzko martxoaren 22ko 4/2005 Foru Legean ezarritakoari jarraikiz tramitatu dadin.
Aurkeztutako dokumentazioa aipatutako foru legearen I. kapituluan ezarritakoaren araberakoa da. Beraz, tramitera onartzen da.
Horrenbestez, espedienteko txostenak ikusita eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 35.3 artikuluak ematen dizkidan eskumenen indarrez,
EBATZI DUT:
1. Erriberriko industrialdean (Beire etorbidea, zk.g.) hondakinak kudeatzeko proiektua jendaurrean jartzea, hogeita hamar egun baliodunean, Ingurumena Babesteko Esku-hartzeari buruzko martxoaren 22ko 4/2005 Foru Legearen 22. kapituluan xedatutakoarekin bat. Sustatzailea Asistencia Medioambiental, S.L. da.
Horretarako, espedientea Ingurumenaren eta Uraren Zuzendaritza Nagusian (Armada etorbidea, 2, 7. oina, Iruña) egonen da ikusgai, bulegoko ordu baliodunetan, eta epe horretan zilegi izanen da idatziz nahi adina alegazio aurkeztea.
2. Ebazpen hau Nafarroako ALDIZKARI OFIZIALean argitaratzea.
3. Ebazpen hau sustatzaileari, Ingurumen Kalitatearen Zerbitzuari eta Erriberriko Udalari jakinaraztea, behar diren ondorioak izan ditzan.
Iruñean, 2008ko azaroaren 20an.-Ingurumen Kalitatearen Zerbitzuko zuzendaria, Pedro Zuazo Onagoitia.
Iragarkiaren kodea: F0818017
